الأختبارات والفصل الثاني .. ابي الفايدة

[al.dodi]

السلام عليكم ورحمة الله وبركاته

أخواني أخواتي الأعزاء ... ما جاتني رسالة تبلغني بموعد أختيار مركز الأختبار ...

ولا أدري وين مركز الأختبار في الرياض ... حتى النافذة الخاصة بمركز الأختبارات لم تفتح معي

هذا ما يتعلق في الأختبار !!!

السؤال هو أين مركز الأختبار بمنطقة الرياض ؟؟؟

الثاني هو متى موعد الأختبارات لأنه في أحد المحاضرات يقول خلال الأسبوعين !!!

الثالث ما يتعلق بالفصل الثاني مكتوب لعندي هذه الرسالة ...

تلقى ملاحظات الطلبة حول الأختبار
رغبة فى التواصل معكم و تسهيلا لأمور دراستكم, ترغب عمادة التعلم الالكترونى و التعليم عن بعد تلقى ملاحظاتكم حول الأختبار.

لم تسجل أية مقررات فى الفصل الثانى 1433 / 1434 هـ

أو مالها علاقة ...

وسلامتكم

[ام جاسم]

كلامك مهم جدا ونرجوا من عنده خلفيه اكيده يجيب

[Dr.Lavender]

ان شاء الله يفيدونا . . .

[al.dodi]

ياليت والله يفيدونا قبل ما يفوتنا الوقت ..

[﹎ нαįαя ♪]

وعليكم السلام ..

بالنسبه للاختبارات راح تبدا في 21 /2

وتحديد مكان الاختبارات راح تجيك رساله ( احتمال ) وانتي خليك مشيكه على الموقع لين تفتح الكل كذا ينتظر موعد افتتاح الايقونه ..

واين مكان الاختبار بالرياض ( هو يعطيك اماكن معينه وانتي تحددين الاقرب لك وبس ) ..
بالنسبه للفصل الثاني مالها علاقه حاليا ..

هذا اذا بدا الفصل الثاني تنزلين موادك ... يعني اتركيها اللحين ..

اتمنى اكون افدتكم ..

[Miss_ Sara]

تحديدمركز الاختبار كانت باول الترم ماجاتكم رسالة
واظن بيفعلو الايقونة قبل الاختبارات النهائية وانت تختار من الخدمات الطلابية وتحدد
اما عن المركز اللي بالرياض فيه مراكز كثير وانت تحدد الاقرب لك

[Khaled.k]

انتظروا اكيد بتجيكم رساله

موفقين جميعاً

وشكراً سارا ع التنبيه :rose:

[al.dodi]

يعطيكم العافية كل من شارك حتى لو كان ينتظر إجابة من أحد الأعضاء أو العضوات ..

كلامكم يطمن يارب لك الحمد لأنه آخر محرم وحتى 18 صفر ضروفي العملية تمنعني من امكانية الدخول في الأختبارات وفي الحقيقة اربكني المحاضر في محاضرته الثانية عشرة في مادة مقدمة لمدخل إلى تقنية المعلومات ... ع العموم الله يوفق الجميع .. الحمد لله دامها في 21/ صفر / جزاكم الله خير الجزاء ..

بالنسبة لرسالة مقر الأختبارات جتني رسالة قبل ما ادخل ع موقع الجامعة بعد ما أرسلت لهم الأوراق بعشر أيام ..

عزيزي الطالب / الطالبة
نود إعلامكم أن مركز أختباركم سيكون في مدينة مركز شرق الرياض .

للتعديل ادخل إلى الخدمات الطلابية ... إلخ .. طبعا أنا ما دخلت وراحت علي ..

لكن إذا كانوا يفتحون الأيقونة قبل الأختبارات ممتاز جدا وأخشى بعد يفوتني الأختيار ...

ودمتم بمودة