ابي اعرف كل ما يخص جامعة الملك فيصل باالأحساء ( طالبات )

[Y.u.n]

السلام عليكم ورحمة الله وبركاته

أنا با النسبة لي هاذي آخر سنة لي با الثانوية وبما أني مقبلة على جامعة ابي اعرف كل شي فيها

اول شي كم النسب إلي يقبلونها ! لآني بتخريج من تحفيظ
وسمعت انه فيه اختبار قبل دخول الجامعه غير القدرات والتحصيلي ( اختبار دخول الجامعة )
وكيف الإنجليزي با السنة التحضيرية لأني مب مره فيه
وودي ادخل قسم خدمه إجتماعية .. لو في مجال او احد عنده خبرة يكلمني عنه
وكيف نظام الطالبات فيه ؟
على العموم ابي اعرف كل شي ممكن تفيدوني بمعلومات88

عذراً على الإطالة :smile::119::53:

[إحساٱس الأمل]

وعليكم السلام والرحمه

القبول ع حسب دفعتك اذا كانوا كلهم شطار او العكس يعني مااقدر افيدج في دا

هذي نسب اخر دفعه قبلوها ل هذا العام
http://www.kfu.edu.sa/ar/Deans/AdmissionRecordsDeanship/Lists/KfuNews/DispForm.aspx?ID=35

في اختبار انجلش لبعض التخصصات بس هو لتحديد المستوى فقط ..
الانجلش بعد ما يحددوا المستوى تبعك هم يحطونك بالمستوى الي انت فيه
خدمه اجتماعيه شنو دي :sm5:

ماعرف عنها شي ان شاء الله الباقي يفيدونك

موفقه وذاكري كويس للقدرات والتحصيلي تراها مهمه :mh318:
والنسبه الموزونه الي ياخذونها
30% للتراكمي
30%للقدرات
40%للتحصيلي



بالتوفيق

[BeeDoo]

كنت اتمنى ادرس بهالجامعه بس ماحصل نصيب :(
ولو كنت ادري انها تطلب نسب عاليه كان شديت حيلي شوي
خدمه اجتماعيه اول مره اسمع فيه ! يمكن تقصدين علم اجتماع ؟
اهم شي ركزي في هالسنه واختبارات قياس وشدددي حيييييييلك
والله يوفقك

[Y.u.n]

شكرًا على ردودكم

القسم أتوقع اسمه علم اجتماع وخدمه اجتماعية
لا يكون مب موجود وانا متأمله على العموم الي يعرف شي بخصوص القسم وكيفية الدوام فيه يفيدني لو سمحوا وهل هو دبلوم ولا بكالوريوس

[إحساٱس الأمل]

فيه الدراسات التطبيقيه وخدمه المجتمع تقصدين ذي؟؟

[إحساٱس الأمل]

اذا تقصدينها
فهي دبلوم وفيها نظام جوريجيا وفي بدون هذا النظام

الافضل نظام جوريجيا لانه معتمد من ولاية جوريجيا الامريكيه

هو دبلوم 3 سنوات وتقدرين تكملين باكلوريوس في ولاية جوريجيا
وتوه جديد
السنه الاولى تدرسين فيه انجلش
السنه الثانيه والثالثه تتخصصين
فيها
1. إدارة الأعمال

أ‌) المحاسبة Accounting

ب‌) السكرتارية الطبية Medical Clerk

ت‌) تحليل البيانات Data Analysis

2. تقنية المعلومات والحاسب الالي

أ‌) تطوير المواقع Web Development

ب‌) أمن المعلومات Information Security

3. الهندسة

أ‌) السلامة Safety Advisor

ب‌) الفحص Inspection

ت‌) المساحة Surveying

4. مجموعة برامج في التخصصات الصحية المساندة (الأفضلية للطالبات)

:004::004::004:

[Norah9]

القسم أتوقع اسمه علم اجتماع وخدمه اجتماعية*لا يكون مب موجود وانا متأمله على العموم الي يعرف شي بخصوص القسم وكيفية الدوام فيه يفيدني لو سمحوا وهل هو دبلوم ولا بكالوريوس


الا موجود وهذا بكلية الادآب ولاتحافي يقبلو القسمين علمي وادبي
بس هذا التخصص يحتاج انك تدخلينه بأختبار ..
انتي حاولي تجدين بالمدرسه والقدرات والتحصيلي
وان شاء الله يصير كل اللي تبينه
الله يوفقك

[جرحني بسكآت]

ماقصروا معك بالاضافه الى

النسب مو بس ع شطارة الدفع تقل الى ان يكتفوا بالعدد المطلوب لكل كليه
وكل كليه اكيد لها نسبه تختلف عن الثانيه يعني اذا تبي
طب اكيد نسبتها مو مثل كلية العلوم

/

بخصوص الاختبارات اللي قبل دخول الجامعه مافي غير
اختبار القدرات والتحصيلي فقط

اذا كنتي راح تدرسي بالكليات اللي بدون سنه تحضيريه يعني اللي تكون

باللغه العربيه راح تأخذين انجليزي بشكل بسيط ومعلومات متكرره يعني مو معقد

اما اللي باللغه الانجليزيه يعني اللي تكون فيها سنه تحضيريه
( كلية علوم الحاسب , إدارة أعمال , والطب , الصيدله , العلوم الطبيه التطبيقيه )

هذي اكيد راح تأخذين الانجليزي لها بنطاق واسع وتعمق اكثر لانها تتعتمد
في دراستها كلها ع اللغه الانجليزيه
واذا انقبلتي في احد هالكليات اللي ذكرتها راح يسون لك اختبار تحديد للمستوى
بعد قبولك عشان يعرفون من أي مستوى وكتاب راح تبدأي منه

/

علم خدمه اجتماعيه اكيد انك تقصدي الدراسات الاجتماعيه ( علم اجتماع )
مثل ماقالت لك أختي اللي بالرد السابق
هذي مافي لها كليه لوحدها تندرج ذي تحت تخصصات كلية الاداب
يعني ادخلي آدب واذا خلصتي اول سنه مواد عامه اختاري اذا تبين علم اجتماع
والاختبار راح يجرى لك بعد ماتختارينه يعني مو بداية
السنه لا بعد ماتخلصي موادك العامه

او احد تخصصاتها :
قسم الدراسات الإسلامية (http://www.kfu.edu.sa/ar/Colleges/arts/departments/Pages/About1.aspx)

قسم اللغة العربية (http://www.kfu.edu.sa/ar/Colleges/arts/departments/Pages/ARB.aspx)

قسم اللغة الإنجليزية (يوجد اختبار للقبول بالتخصص) (http://www.kfu.edu.sa/ar/Colleges/arts/departments/Pages/ENGsup1.aspx)

قسم الدراسات الاجتماعية (يوجد اختبار للقبول بتخصص علم الاجتماع) (http://www.kfu.edu.sa/ar/Colleges/arts/departments/Pages/SOC.aspx)

قسم الإعلام والإتصال (http://www.kfu.edu.sa/ar/Colleges/arts/departments/Pages/it-dept.aspx)

قسم المكتبات والمعلومات (التخصص غير متاح حاليا) (http://www.kfu.edu.sa/ar/Colleges/arts/departments/Pages/home.aspx#)

درجة دراستها بكالوريوس

/

هذا رابط موضوع لمشرف القسم راح يفيدك باسماء جميع
كليات جامعة الملك فيصل من تخصصات كل كليه ومدة دراستها ..إلخ

http://www.ckfu.org/vb/t488537.html

/

جميع كليات جامعة الملك فيصل بدرجة البكالوريوس
ماعدا كلية الدراسات التطبيقيه بدرجة الدبلوم

موفقه يآرب

[Y.u.n]

يعطيكم العافية ما قصرتوا
شكرًا على المعلومات وطمنتوني

[خواطر انسآن]

ماقصرو معك الحوات
بالتوفيق يآرب