بشرى لكل من عنده ظرف مادي ولم يسدد الرسوم

[عمر بن عبدالله]

السلام عليكم
صباح الخير
نزلت كذا موضوع بخصوص دفع الرسوم واغلاق الانظمه للطلبه اللي ماسددو وحرمانهم من الاختبارات

فقلت بتأكد من الموضوع من العميد نفسه

وارسلت ايميل لسعادة العميد :

السلام عليكم
انا الطالب / لابد تذكر اسمك بالكامل
الرقم الجامعي / لابد تذكر الرقم الجامعي لكي يتم عليك الرد
انا طالب بجامعتكم الموقره في التعليم عن بعد تخصص ادارة اعمال بالمستوى الخامس قدمت اثبات حاله للضمان الاجتماعي وماقدر اسدد الرسوم لهذا الترم بسبب ظروف ماديه
ياسعادة العميد عندي سؤال
هل يعقل اذا صار عند احد من الطلبه ظرف مادي ولم يسدد الرسوم تقفل عليه الانظمه ويحرم من دخول الاختبارات وتكون المواد كلها f
ارجو الرد والتوضيح

رد سعادة العميد طبعا رد بنفس اليوم جزاه الله خير

لايحرم من دخول الاختبار ويجب عليه التسديد

[عمر بن عبدالله]

طبعآ للطلبه القدامى اما الجدد ماادري ايش وضعهم

[AL7R 5HALID]

الله يعطيك العافيه

شي جميل لتقدير ضروف الطلبه

[عمر بن عبدالله]

الله يعافيك

وبالتوفيق للجميع

[عهود الغامدي']

يعطيك العافيه
خبر جميل
بَ التوفيق للجميعَ

[ِ~ام الحلواتِ~ِ]

بالتوفيق يارب للجميع
ومشكور ع الطرح

[الجــــ@ـارح]

رد سعادة العميد طبعا رد بنفس اليوم جزاه الله خير

لايحرم من دخول الاختبار ويجب عليه التسديد

اخوي شي طبيعي ما يحرم من دخول الاختبار

لكن رح يحرم من درجات الاعمال الفصليه ,, لانه مارح يفتحون له النظام لين

يسدد الرسوم وكيف رح يقد يحمل محاضراته ,,

[ام احلى قمر]

يعطيك العافيه

[um-so0so0]

انت كاتب اثبات حالة الضمان ليس ماترسل لهم على ايقونة الضمان وتاخذ اعفاء من الرسوم حتى التخرج

[o_lg_ll]

وعليكم السلام

ايه صحيح كلام ام سويرة

مدامك من تبع الظمأن الاجتماعي ليه ماتقدم ورقتك ويعفونك طوال الدراسه من الرسوم

[أسير بلآ قيود]

مثل ما قال الاخ الجارح الاختبار تقدر تختبر

بس اهم شي الاعمال الفصلية

لن النظام يقفل وباقي كم محاضره ما نزلت وبكذا راح يكون عندك نقص في الاعمال الفصليه

لا اوصيكم الى الحين النظام شغال للي ما سدد فرصتكم

بالتوفيق

[الــوليــف]

السلام عليكم

على معتقد انه شيين سوفا تحرم منهم اذا ماسددت الرسوم وهي
1- درجت المشاركة انه ماتكون كامله سوفا تنقص في كل ماده درجتين على معتقد هذا اولاً
2- انك لا تستطيع دخول على درحت الاختبارات كي تعرف نفسك هل نجحة او لا في المواد
وكل هذا عند التسديد تشوف كل اعمالك الفصليه ودرجات الاختبارات

احبتي بالله

[عمر بن عبدالله]

بالنسبه للاعمال الفصليه
مفتوحه معايه وحملت الكثير وماباقي الا القليل وماقفلت
انا هذا الترم مقدم للضمان يعني لسى انتظر لين نهاية الفصل

الامور سهالات *

[عمر بن عبدالله]

بالنسبه للانظمه ماتقفلت معايه حملت كل المحاضرات والواجبات والممناقشات
وانا قدمت اثبات حاله للضمان الاجتماعي هذا الترم وتطلع النتايج نهاية الفصل

الامور سهالات 

[فلوريدا]

والي مو تبع الضمان
وعنده ضروف ماديه وش وضعه ؟!

[أطلااااال]

يفترض على وزارة التعليم العالي الموقره ان تراعي الجانب الانساني للمواطنين وخاصه أصحاب الظروف الخاصه

من شريحة المواطنين ذو الدخل المحدوه حيث انه بفضل الله سبحانه تعتبر من اكثر الوزارت ذات ميزانيات عاليه تجاوزات 125 مليار ريال وهذا الرقم يعني الشي الكثير لاصحاب القرار بالوزاره اي انها تعادل عشره اضعاف ميزانيات بعض الدول المجاوره فلماذا كل هذه التعقيدات لابناء وبنات هذا الوطن خاصه في شي مهم لحياه الانسان الاوهواء التعليم العالي الذي يحتاجه سوق العمل خاصه في بلدان العالم الثالث والناشي

على كل حال الشيوخ ابخص هذا مجرد رأي شخصي

دمتم بخير

[عمر بن عبدالله]

يافلوريدا عادي حتى لو ماتكوني بالضمان

اتوقع اهم شي ماتكوني مستجده
يعني دفعتي رسوم لأول ترم *