بخصوص دراستنا

[قودي]

السلام عليكم ورحمة الله وبركاته

أسعد الله مسائكم بكل خير احبتي

صراحة فجاه جا على بالي استفسار

الحين انا شفت دراستنا 4 مستويات

يعني سنتين

يعني بنتخرج دبلوم مو بكالريوس

وهالشي مسبب لي صدمة بس حابة اتأكد

وابي اعرف هل نقدر نكمل للبكالريوس ولا لا

ومشكورين مقدما

أختكم
قودي :verycute:


الاجابة : هنا (http://www.ckfu.org/vb/9821345-post10.html) , هنا (http://www.ckfu.org/vb/9821929-post18.html) , هنا (http://www.ckfu.org/vb/9822426-post20.html)

[نوف العنزي--]

نكمل اللي بعد الجامعه باذن الله تفائلو بالخير اينما كنتم:oao:

[نوف الخبر]

قووولي قسسسم :000::000:

يعني مهيب 4 سنين :hhheeeart4::hhheeeart4:

طيب شلون الحين وش نزين كيف نكمل ولا وش السوات ترى مدري عن شي :no::no:

[سومياا]

-


مو على الاساس 4 سنين :Looking_anim: >> صدمتيني معاك

[نوف العنزي--]

2 للي يبي دبلوم واللي بيكملها بمزاجه

[Asma_]

لا مو بس دبلوم طبعاً :Looking_anim: تقدرين تكملين بكالوريس
اذا انتي تبين دبلوم تدرسين اول سنتين بس
اذا بكالوريس اربع سنوات وتاخذينها

[تــووتا الشـمري]

من وين طلعتوا سالفة الدبلوم :sm5: مو على أساس مسجلين بكالوريوس
ماعتقد يجي تخصص ادارة اعمال دبلوم
ان شاء الله تفيدنا خيتو نصرون:cheese:

[Noha.a]

شدعوه لا انا اللي اعرفه انه بكالريوس :biggrin:

عموماً ان شاء الله احد يعلمنا ثقه :love080:

[مَلاك]

اللي يبي دبلوم يقدر يوقف لسنتين وياخذ دبلوم
واللي يبي بكالريوس برضو ينفع يكملها 4 سنين
* اللي متأكده منه هالنظام للمنتظمات *
بس يمكن بعد للانتساب ينفع ؟

* تنبيه *

[Dr. nsroon]

الحين انا شفت دراستنا 4 مستويات

يعني سنتين

يعني بنتخرج دبلوم مو بكالريوس





وين شفتي هالشيء ؟
وعلى اي اساس حكمتي انه دبلوم !



دراستنا بكالوريوس ومافيه دبلوم بكلية الدراسات التطبيقية وخدمة المجتمع
لا انتظام ولا تعليم عن بعد ... كانت اول للانتظام كذا بس بعد مالغوا الرسوم
الغي القرار وصارت الدراسة بكالوريوس

ما عدا اللي معدلها بالسنتين اقل من 2 ما تقدر تكمل بكالوريوس < بالنسبة للانتظام
مدري التعليم عن بعد نفس النظام ولا لا تونا اول الدفعات ما بعد جربنا الانظمة هذي

[Fancy Razany]

لا نصرووونه
اعتقدهي تقصد انها ما شافت هنا بالملتقى او بموقع الجامعة
المستوى الخامس و المستوى الساددس و السابع و الثامن
فأعتقدت انه دبلووم

[اهلاوي ملكي]

ترى ملفي رابطه بمغاط ادور اي عذر واسحبه اذا دبلوم سحبت والديه ورحت ادور على البكالوريا حتى لو عند اهل الكبوريا اختي فضلا تاكدي من معلوماتك لاتضيعينا والزخك بدعوى تجيب خبرك عند الله وتراني على حريك ادور اي سبب لانه النظام ماهو عاجبني قديم وبطي وركيك وكله اعطال وصابر على مضض وعاد انتي لاتكملي الناقص لكن الظاهر كلامك صحيح يجي منهم واللي هذا اوله ينعاف تاليه

[سرّو..]

اللي انا اعرفه ومعروف
ان سنتين دبلوم قبل التخصص بعد التخصص تدرسين سنتين بكالوريوس
يعني انتي للحين مو متخصصه انتي قاعده تدرسين تسويق وادارة اعمال بعد السنتين هذي او الاربع مستويات تتخصصين عاد سواء تبين تكملين عن بعد او انتظام شي راجع لك

انا قلت اللي اعرفه فقط ..

[ناي ونغم]

الله يكون في العون كل يوم نتفاجأ بشي

[Olivia]

شفيكم خايفين كدا

الدراسه من المسوى الاول الين المستوى الرابع سنتين و في هالسنتين قسم ادارة اعمال وقسم التسويق يتشاركون نفس المواد
بعد هالسنتين...ننتقل للمستوى الخامس هنا تبدا مواد قسم اداره الاعمال وقسم التسويق تنفصل عن بعضها
ونستمر بالدراسه الين المستوى الثامن ونكون كذا خلصنا 4 سنوات ومعانا شهادة البكالوريوس
يعني لاتخافون
:)

[راكااان]

اللي نعرفه ان المستوى يقاس بالعام الدراسي كامل وفيه بعض الناس يطلقون عليه (( اول جامعة ، ثاني جامعة ، ........... وهاكذا )) ومن الطبيعي ان يكون في العام الدراسي ترميين وبكذا يكون في المستوى ترميين والا لا .

[Olivia]

راكان
المستوى هو نفسه الترم يعني السنه الوحده فيها مستوايين
يعني ترمين
مو مثل ما انت فاهم ان المستوى سنه كامله غلط
السنه الوحده فيها مستوايين

[صَعب]

نفس السؤال يتكرر كل مستوى دراسي ، ونفس الكلام وردود الأفعال من بعض الأعضاء ..!

نصيحة ي جماعة ؛ لا يعطي أحد معلومة بدون لا يتأكد منها من مصدرها ، وقبل ما يطرحها هنا لأن فية ناس تجي مدرعمة تقرأ بس أول الموضوع وتتوكل ، وعشان برضوة لا يصير إحباط بينكم وبين بعض ...

خلاصة الموضوع ومثل ما قالت لكم نصرون .. شهادة التعلم عن بعد بكالوريوس بالكامل ، ما فيها شي إسمه دبلوم لا بعد سنتين ولا غيرة ..
لحد يقيس قوانين وأنظمة الإنتظام على التعلم عن بعد .. هذا شي وهذاك شي ..

و على فكرة مستقبل التعلم عن بعد قاعد يصير أفضل مستوى بعد مستوى .. جميع الزملاء يمكن يذكرون اول ما بدينا كان فيه شغلات كثير تعدلت وتطورات وكان آخرها إعتماد شهادة خريج التعلم عن بعد في مهنة ( معلم ) .. الشي تكلمنا عنه في اول الماضي وإنه راح يصير و الحمد لله صار ... ولسا كمان فيه أشياء كثير راح تصير بعضها عامة على مستوى النظام وبعضها خاص بجامعة الدمام بالتحديد ..

ركزوا على دراستكم وأتركوا كل شي ممكن يصرفكم عنها ويسبب لكم تشتت ذهني أو إحباط ..


شكراً مشرفتنا العزيزة ( ملاك ) على الدعوة ..


بالتوفيق للجميع ,, :rose:


^
المعلومات والكلام اللي قلته عن القرارات وغيرة أنا مسؤول عنه ، ولحد يجي يقول وشدراك أنت لأنه مجال عملي وشغلي ،، :10111:

[ساره ال سرور]

صحيح كلام أختي نصرون :106:و أخوي صعب:106: ..

الله يعطيكــم الف عافيه

دئمــــــــــــا مفتاح لي اجوبتناآآ ..

اسئل الله ان يكتب لكــم الاجر يارب

[Dr. nsroon]

http://up.qloob.com/upfiles/yAZ00823.jpg

اتمنى ينتهي النقاش بهالموضوع

راح ارفع الردود لأول الموضوع عشان لا احد يدرعم ويقرأ الموضوع بس ويجلس يتحلطم


الاستفسارات تكون في موضووووووووووع الاستفسارات
خصوصًا اللي مثل هذي ><"

[Dr. nsroon]

لا نصرووونه
اعتقدهي تقصد انها ما شافت هنا بالملتقى او بموقع الجامعة
المستوى الخامس و المستوى الساددس و السابع و الثامن
فأعتقدت انه دبلووم

الملتقى ما هو بمقياس لهالامور ابدا

علم اجتماع ودراسات مافيه الا مستوى اول وثاني
هل هذا يعني انه مافيه الا هالقسمين بس ؟

[Noha.a]

http://up.qloob.com/upfiles/yAZ00823.jpg

اتمنى ينتهي النقاش بهالموضوع

راح ارفع الردود لأول الموضوع عشان لا احد يدرعم ويقرأ الموضوع بس ويجلس يتحلطم


الاستفسارات تكون في موضووووووووووع الاستفسارات
خصوصًا اللي مثل هذي ><"

نصرون شكراً طمنتينا :bawling:

لحد يقول شي مو متأكد منه يا جماعه :biggrin:

[خلودمؤمن]

مرا شكرا نصرون طمنتينا

[صَعب]

ترى ملفي رابطه بمغاط ادور اي عذر واسحبه اذا دبلوم سحبت والديه ورحت ادور على البكالوريا حتى لو عند اهل الكبوريا اختي فضلا تاكدي من معلوماتك لاتضيعينا والزخك بدعوى تجيب خبرك عند الله وتراني على حريك ادور اي سبب لانه النظام ماهو عاجبني قديم وبطي وركيك وكله اعطال وصابر على مضض وعاد انتي لاتكملي الناقص لكن الظاهر كلامك صحيح يجي منهم واللي هذا اوله ينعاف تاليه

إهلاوي .. اذا هذا كلامك عن نظام جامعة الدمام اللي يعتبر أحدث شي موجود في الجامعات السعودية ، أجل الباقي شنو وضعهم ؟!.. :(107):