أستاذ :عباس الله يرحم والديك جاوبني""

["أم جواد"]

السلام عليكم ورحمة الله وبركاته
استاذ أنا تخصصي فيزياء وطبعا دخلته وانا كارهته
حطوني فيه مع انه اخر رغبه
أنا من دفعة 2013
حاول ابوي وزوجي مع قسم الاولاد من اول يوم
وقالوا زحمه على باقي التخصصات والاولى النسب الاعلى
خلصت السمستر الاول وانا كل يوم افكر اسحب اوراقي من الجامعه بسبب التخصص
و جبت معدل يفشل 1.9 اقل من الاثنين والسبب حملت ماده ماختبرتها اختبار شهري اصلا
لاني في هالفتره صرت ماداوم بنية اني بسحب ملفي فما اختبرت راحوا علي اختبارين شهري وبعدين اهلي حاولوا فيني وكملت المهم يا استاذ
السمستر اللي بعده درست شهرين وقدمت اعتذار مالي رغبه ادرس شي ما احبه
ورجعت هالسنه بس ما اخذت مواد الفيزياء اخذت مواد عامه ووضعي تمام المواد سهله وان شاء الله بجيب معدل فوق 2.5
وان شاء الله يوصل 3
اللي يهمني الآن ياأستاذ السمستر الجاي اغير تخصصي من فيزياء
للأحياء
بس ابي اعرف هل شروط تغيير التخصص تنطبق علي
وهل تغيير التخصص له وقت محدد
يعني انا لسه ماأنهيت السمستر الثاني
فمتى اقدر اغير
وهل مضمون يتغير التخصص ولا لا
يعتمد على الزحمه بعد!
اتمنى تجاوبني أستاذ ..

[اكوس شي]

انا اسف ع تدخلي
راح اقول لك الي اعرفه بالنسبة لتحويل لازم تخلصين 24 ساعه ومعدلك 2 بس
بس غريبه ماقبلوك احياء دفعه 2013 انا اعرف واحد نسبته الثانويه 75 وقبله الاحياء نفس دفعتك

[كَونيَ]

وعليكم السلام ورحمه الله وبركاته ..
عن تجربتي بحكي لك واقعي معهم من شهر 7 لـ شهر 11

انو شروط التحويل يكون معدلك التراكمي 3 ..
انا مثلك ماابي الفيزيا :verycute:وهذا 3 سمستر لي واخذت مواد عامه للحين ماخذت مواد التخصص تبع الفيزيا
لانو مااااااااااااااااابيه ماااااااااحبهه مااااااااقبله عووووووووووووو

وجبت السمستر الثاني معدل 2.98 لانو قالوا لي بالبداية التحويل يتطلب 2 أو 2.5
وححسبي الله ونعم الوكيل فيهم :bawling:
قالوا رئيس قسم االاحيا يبي 3 >> تخيلي من شهر 7 راجعتهم وراجعهم اخوي يقولون ان شااء الله ع شهر 10 بنحول تخصصها وماااشفت شيء وع بداية الدراسه قالت لي المنسقة انو يبي 3 حق الاحيا
مااقول الاحسبي الله عليهم اذا كان منهم والا من هالمسؤول

وان شااء الله هالسمستر بجيب الـ 3 مع اني كاااارهههه الكلية بسبب الفيزيا وقل اهتمامي ومذاكرتي بسبتهم ..>> تحطيم الله وكيلك :139:
ياربي رححمممتكك مع هالجامعه .. لازم فيتامين واو حسبي الله عليهم

[حنين بسكات]

الاحياء اكثر تخصص تقريبا فيه طالبات
والفيزياء قليل عددهم مقارنة فيه ..

من كذا اتوقع صعبوا أمور التحويل له -__-

الله يسهل لك امرك

[عباس الاحمد]

بالنسبة للتحويل من تخصص إلى تخصص داخل الكلية من حق أي طالب وطالبة
التحويل مرة واحدة طيلة الدراسة الجامعية وليس له وقت محدد
ولكن يعتمد ذلك على موافقة رئيس القسم حسب ما يراه مناسب اذا كان
القسم يستوعب فلن يتردد بالموافقة أما إذا كان لا يستوعب إلا في أضيق الحدود
فينظر لمعدل الثانوية التراكمي والمعدل التراكمي الجامعي بعد الدراسة فصل او اكثر
فإذا كان المعدل 3 وأكثر بإذن الله تكون نسبة الموافقة كبيرة.

والله الموفق،

[زوبة]

اني نفس المشكلة تخصصي فيزياء
و احب الكيمياء راح زوجي كم مرة قس الرجال وماحولوني ورحت اني لعميدة كليتنا وهم ماحولوني
والحين هم داني احاول انو يغيرون تخصصي للكيمياء او رياضيات
ونسبتي 3 وشوي
على امل انو يغيرو التخصص وجميع الشروط
اجباري دخلوني فيزياء ودفعتي 2012
وش الحل نروح لمين
ومواد الفيزياء جدا صعبة غير الاختبار الي يحطوهم الدكاترة جد جد صعب