جميع الاقسام طالبات وموظفات مبنى العلوم الجديد مجموعة شكاوى [الأرشيف] - ملتقى طلاب وطالبات جامعة الملك فيصل,جامعة الدمام

الحياة طريق

2013- 11- 17, 09:31 PM

السلام عليكم ورحمة الله

اغلب الطالبات والمنسوبات تفائلنا بالمبنى الجديد لكن انصدمنا بعده امور ساطرح بعضها

اغلب الطالبات يتورطون وين يحطون عباياتهم ومستلزمات الدراسة اللي يجيبونها لان لايوجد صناديق نهائيا
+وكيلة الكلية دائما تحذر ممنوع وضع الاغراض في الارض واللي تترك اغراضها يرمونها برى المبنى !!

المعامل على انها بقراطيسها جديدة الا انها دائما صيانة ولا تحتوي اجهزة كمبيوتر فنظطر نحن الطالبات احضار اجهزتنا الخاصة وحملها معنا طوال اليوم (لان لايوجد صناديق) والتنقل بها بين الادوار مع العلم المصاعد غالبا عطلانة وفي بنات عندها ظروف صحية او حوامل صعبة جدا عليهم انا عن نفسي ظهري تكسر:Cry111::Cry111:

الكافتيريا
اسعار الفطائر جدا غالية مقارنة مع امكانيات طالبة تستلم 990 ريال بالرغم من ان خارج الجامعة الاسعار اقل من ذلك بكثير فمثلا اغلب الفطائر ب4 ريال وفي الخارج تباع ب ريال او ريالين مع العلم فطائر صغيرة ولا تغني ولا تسمن من جوع .. البائعات في الكافتيريا في كلية العلوم خاصة بطيئات جدا ولا يعطون وجه لازم احتاج نصف ساعة على الاقل عشان تتكرم الموظفة وتبيعني ولا يفرق وقت زحمة ولالا احيانا اتعنى الزراعة او التربية والبائعات هناك يخدمون بسرعة ما اوقف حتى 5 دقائق

مع الدوام الطويل لا يتوفر طعام يباع كوجبة مشبعة فالمطعم غير مفتوح حتى الان والكافتيريا لاتوفر الا فطائر لاتسمن ولاتغني من جوع ودائما مخلصة

انتظر تعليقاتكم .... طالبة انهكها الدوام :icon9:

زوبة

2013- 11- 17, 10:14 PM

كلامش سليم جدا

تخخفي غلآهآ

2013- 11- 17, 11:02 PM

معاك حق بكل اللي قلتيه
بس لاحياة لمن تنادي

Modaher♪

2013- 11- 17, 11:09 PM

صصصصح كلآمك ✔✔ لكن مثل ماقالت الأخت
لآ حياة لمن تنآدي

سحآبه

2013- 11- 17, 11:37 PM

وطالعين لنا طلعه هالاسبوع !

ممنوع نجلس بالعبايات وبيكتبونا تعهد لو كنا لابسينها "مدري وين نحطها اذا الشنطه فيها ملازم وهذره وثقيلة ! وان حطيناها بالأرض قالوا ممنوع وطلعوها برا ، وحطيناها بالمكتبه الفاضيه يوم من الأيام وقفلوها علينا ، وممنوع نشحن :)

ما اقُول الا رَبي يصبرنا عليهم :)

كَونيَ

2013- 11- 17, 11:42 PM

كلأمك مية بالمية .. صح منطوقكك ..
لا عسولات في حياة للي ينادي دام لنا رب كريم ..

وانا مععاكك بكل اللي ذكرتيه خاااصةة هالفطاير قسم صرت مااشتريها منهم
لاهي اللي تسد جوعي ولاهي اللي ينقال بانها لذيذة
لو يجيون خبز مو كلها ساندوش ذبحونا قسسم ..

ياااااااااليت الاداره تسمع لـ اصواتنا وتلبي طلبنآا ..
هالجاممعة اوجدت لـنا ومن حقنا نقول لكم نبي هذا وغيروا هذا

وفي نقطةة التكككيفف ذبحنا متنا منها خاصةة حنا ع ابواب الشتاء ي حبذا لو تخفضونه ع ادنى شيء
صحتنا نبيها والله

"أم جواد"

2013- 11- 18, 02:45 PM

معاكم بكل كلمه الاكل بصراحه غالي ومو شي فطاير جبن ب4وب5ريال
والشيبسات والشوكولاتات كلها اسعارها فوق اسعار البقالات اللي ب1ريال ب3ريال واللي ب2ريالين بخمسه ومع كذا اللي يبيعون ماعندهم اخلاق ومايعرفون يحسبون تعطينها 10ترجع ريال وانا ماشريت الا ماي!!!
واكثر من مره يغلطون بالحساب معاي
والتكييف صدق جدا بارد

واغراضنا وعباياتنا مالها مكان

نُوفمبّر !

2013- 11- 18, 06:47 PM

وعليكم السلام والرحمه ،،

أكثر حاجه أؤيدها معكم هي مسألة العبايات اللي يرمُونها برا !
وكنا راح نحط إعلانات مثل ماهم حاطين ردًا عليهم إن نطالب بوضع لوكرات إذا مايبونا نرميها،
المشكلة إن الإعلان اللي حاطينه ممنُوع وضع العبايات أو الأغراض بالممشى وإحنا نحطها عند الزوايا
أو جنب الجدار ، بالله منذا بيمشي لاصق بالجدار أو بيمشي بالزاويه ؟
حاولنا نرُوح نكلم العميده بخصوص هالشيء، لكن مستحييل تدخلين عليها لأنها دائمًا مشغوله :)
وأتوقع إنهم راح يحطون لنا صناديق لكن لسى، لأن بمبنى التغذية موجود فيها !
شيء آخر هالأسبوع ماشوفهم يرمون العبايات فأتمنى بس كان على أساس الإخلاء اللي صار
وإن الأمر بيمشي مثل قبل، والله أعلم
اللي مو عاجبني الدوام طوييييييل جدًا بسبب البريكات الطويله 4 أو 5 ساعات !
وسبق ورفعت شكوى لـ عميد الجامعة وقال إنه الأوقات كذا بسبب أن جميع السنوات بهالكلية
بعكس لما كنا بالكلية اللي جمب المرُور !
وطبعًا عشان الدكاتره لأنهم قليل :/

أسأل الله أن يرزقنا الصبر لأن الرأس اشتعل شيبًا :')

عباس الاحمد

2013- 11- 18, 08:04 PM

كلام سليم ومطالب لا غبار عليها
اتفق معكن فيما تم عرضه والمطالبة به
وكذلك نحن قسم الرجال الطلاب والموظفين نعاني كما تعانين انتن تماما
وقد نكون افضل منكن حالاً إلا أن المشكلة واحدة

أتمنى من جميع الطالبات كتابة مطالبهن في خطاب موجه لعميد الكلية
للنظر فيه وايجاد الحلول بأسرع وقت ممكن والتوقيع عليه من اكبر عدد
ممكن من الطالبات بالكلية سواء طالبات مستوى اول او رابع او ثامن
في جميع المستويات فالكل يتفق في ذلك
كما افيدكم ان هناك مطالبة من قبل الطلاب لنفس مشكلة الكافتيريا
وأنا اضم صوتي لصوت الجميع فاليوم احتجت إلى وجبة افطار بالكلية
ولم اجد إلا الكفتيريا ولا يوجد بها ما يعجبني واخذت دونات صغيره
لا تشبع الشبعان وقيمتها اربعة ريالات فهذا ظلم واستقلال جداً جداً
وسعادة العميد لن يتردد في بذل قصارى جهده وكل ما في وسعه لتسهيل
وتذليل الصعوبات التي تواجهنا جميعاً ولكن عندما نكون صامتين فلن يتحرك
احد ويعتبروننا موافقين وراضين عن الوضع الموجود

اتمنى سرعة الكتابة والرفع لسعادته

والله يوفقكم

K.14

2013- 11- 19, 05:01 PM

اجل انا اكثر شي باط مرارتيا

ان لحد الحين لسألناهم ما يدرون عن شي

الله المستعان

الهنوف .

2013- 11- 20, 03:00 PM

طيب انا لو بكتب الخطاب مثل ما قال الاستاذ عباس
بلاقي تواقيع منكم يا بنات؟ بلاقي تفاعل!!
انا معكم بسالفة العبايات والملازم نبي لواكر لان جد وصلت معنا
لو بنسوي الخطاب بنلاقي تفاعل والا كلن بيسحب نفسه؟

كَونيَ

2013- 11- 20, 04:29 PM

اككييد بتلقين كل الكلية بتتفاعل بهالشيء .. هالشيء لصالحنا
وخاصةة انو الحين بس بيينا .. الاغلبية مايدرون
اللي تقدر تكتب خطاب نتفق بمكان عشان نوقع عليه ..
ونححاول بقدر المستطاع انو الكل يشارك .. ..
يعني مثل اللي بتمسك الخطاب بكل قاعتها قبل لاتبدا المحاظرة تقول للبنات وتمرر الورقة عليهم للتوقيع
واليوم الثاني تاخذه وحده من زميلاتها الخطاب ونفس الشيء تقول لبنات قاعتها بالمحاضرة
كذاا بنححصل ع اكبر قدر توقيع مؤيدين .. :)

حنين بسكات

2013- 11- 20, 08:21 PM

ايوة بالضبط نقدر كل وحدة تاخذ الخطاب يوم
وفي محاضراتها تعرضه عالبنات ويوقعون
أسبوع عالأقل ونقدر نجمع تواقيع كثيرة ..

انا بعد كثير متأزمة 3 ايام عندي دوامي من الصبح لين 5
أشيل شنطتي وأغراضي الخاصة مع عبايتي وملازمي اللي غالبا يكونون 3 او 4 وكل ملزمة وش كبرها :( مع اللاب كوت وأحيان أحتاج أجيب معي اللاب توب .. وتخيلوا لما أحتاج المكتبة المركزية أو المبنى القديم للجامعة ، أطلع مشي بكل هالأغراض وأرجع لمبنانا مرة ثانية مشي ..

كثير بنات متضايقين وأنا أولهم ، من جد من جد أزززززمة ..

أما الكافتيريا محلول أمرها
الله ماكثر السواقين والمطاااعم ~_~
راحت فلووسسنا عليهم
والحين هالسمستر بزيادة بعد ‘ تقشف مافي مكافأه -______-

يالله ‘ الله كرييييييم ونتخرج :/

Fatimah1990

2013- 11- 23, 12:54 AM

كله كوم ومسألة الشحن كوم يعني اذا دوااامي من الصبح الى العصر اكيد بيخلص شحن الجوال
ماقول غير اللهم آجرني في مصيبتي واخلف لي خيرا منها
ورب الكعبه اني كرهت حيااتي والسبه ذا الجامعه

الحياة طريق

2013- 11- 23, 03:36 PM

ﻻ سالفة الطلب من مطعم اصعب احيانا البريك قصير ومايمديه يوصل واحينا يتاخر المطعم وﻻ يوصل اﻻكل اﻻ قبل المحاضرة
طيب وقت اﻻختبارات ما حكون مروقة اطلب وجود المطعم شي عملي وسريع
اتمنى اذا فتح تكون اسعارة حلوة واكله معقول

انا مستعدة اكتب خطاب ونرتب المطالب فيه ونجمع تواقيع

بس كيف اوصله للعميد

وانا واثقة تماما ان البنات بيتفاعلون معنا ﻻنهم يعانون مثلنا

وميض شمعة

2013- 11- 23, 10:11 PM

كَونيَ

2013- 11- 24, 05:31 PM

املنا بربي كبيييييييير ي وميض .. تفاءلي :icon19:
اذا اعتمدنا على الله ووكلنا امورنا له بيصير كل اللي نبيه بإذنه ..

.. وي بناااات كتبتوا الخطاب والا ..؟
واللي بتكبته تقول لانو كذا وحده مستعدة تكتب ..
خلونا ننجز بسرعه :tongue::106:.. ولانؤجل عمل اليوم الى غد :oao:

حنين بسكات

2013- 11- 26, 06:07 AM

تتكفل وحدة مننا تكتبه
وبعدها نجمع التواقيع
وامممم نسلمه لوكيلة الكلية اقرب من العميد

K.14

2013- 11- 26, 06:36 PM

اجل انا اقول ماراح يصير شي :biggrin:

هنا ما عندنا اللي يطالب بالحق ياخذه ابدا

بس بدعو لكم بالتوفيق

وميض شمعة

2013- 11- 26, 09:20 PM

انا وحدة مني بكتب خطاب طول بعرض بكل مشاكلنا وبحطها تحت باب الوكيلةةة
لأني تعبت

خواطر انسآن

2013- 11- 26, 10:08 PM

الافضل اتكم تحطون ورقة التوقيع بالكافتيريا
او تمررون الورقة بالقاعات
احنآ قبل كم شهر عملنا خطاب وكذا بخصوص شي ثاني لاكن محد عطانا وجهه
بالتوفيق يارب

K.14

2013- 11- 26, 11:32 PM

انا وحدة مني بكتب خطاب طول بعرض بكل مشاكلنا وبحطها تحت باب الوكيلةةة
لأني تعبت

آمل جدا إن تعبج ما يضيع ،، بالتوفيق :(204):

عباس الاحمد

2013- 11- 28, 06:45 AM

كلامك صحيح و مية مية

القهر حتى لو كتبنا خطاب محد بيلتفت لنا

انا من بداية الترم ورا هالوكيلة والقبول وللحين مشكلتي م انحلت مع ان الخطااا منهم

لاتتعبون انفسكم م من هالجامعة الا الشيب و عوار الراس

هذا مو عذر اختي وميض
المطالبة مرة ومرتين والالحاح يجيب نتيجة لكن السكوت والتحبيط
وعدم الثقة بالنفس هو من يجعل الآخرين لا يهتمون
إذا لم تنفع الوكيلة وعميد الكلية هناك من هو اعلى
وكيل الجامعة ومعالي مدير الجامعة عندما يصل الصوت إلى الأعلى
لا بد ان يتم التغيير ولو الشيء البسيط

تتكفل وحدة مننا تكتبه
وبعدها نجمع التواقيع
وامممم نسلمه لوكيلة الكلية اقرب من العميد

صحيح اختي حنين ممكن البدء من الوكيلة وتسليمه للسكرتيرة
وهي راح توصله لها والمحاولة بأكثر من مرة وليس شرطا ان يكون الخطاب
من خمسين او مية لو تتجمعن بشكل مجموعات خمس او عشر طالبات
في خطاب وكثرة الخطابات والاعداد تجعل الاستجابة بإذن الله جيدة

اجل انا اقول ماراح يصير شي :biggrin:

هنا ما عندنا اللي يطالب بالحق ياخذه ابدا

بس بدعو لكم بالتوفيق

لماذا اليأس والاحباط أختي كوثر ما ضاع حق وراه مطالب
الحركة والتجربة افضل من السكوت والجمود لو تمت الكتابة
ولم يحصل شيء اقلها مستقبلاً لو حصل نقاش في هالموضوع
انتم كتبتوا ما حد يلومكم

انا وحدة مني بكتب خطاب طول بعرض بكل مشاكلنا وبحطها تحت باب الوكيلةةة
لأني تعبت

ممتاز اختي وميض نعم من حقك تكتبين كل شيء يحتاج إلى تصحيح
وهذا يساعد ادارة الكلية على تحديد المشاكل والعقبات التي تعيق العملية التعليمية
ولا تنسون ان تلبية المطالب والاستجابة تحتاج بعض الوقت حيث الاجراءات الروتينية والرسمية
تأخذ وقتاً لكن يصل صوتكم للمسؤولين ومطالبكم
وما يحتاج تحت باب الوكيلة سلميه بيد السكرتيرة وهي راح توصله لها ولن يضركم شيئاً
هذه امور عادية وواقعية.

والله يوفقكم جميعاً

ديار

2013- 11- 28, 11:02 AM

أنا وحدة فاقدة الأمل في هالجامعة :cool:

ياما طالبت بأقل حقوقي وهي إضافة المواد وما حصلت إلا العذاب :(

صرت أفضل السكوت

قود لك

إن شاء الله تقدرون توصلونها للعميدة ( فقط هذا اللي راح يصير )

ومن العميدة للزباله ( أكركم الله )

حنين بسكات

2013- 11- 29, 03:08 AM

مو مضبوط كلامكم كذا
اذا نبي نرتاح لازم نضل وراهم
ياما زنييييت على روسهم لين ضافوا لي موادي وصار لي كل اللي ابيه الحمدلله
من جهتي انا ماراح اسكت وبنبدا بيني وبين صديقاتي
لاني جد اليوم تعبت خصوصا من قصة شيلة الاغراض لاب توب وملازم ولاب كوت غير شنطتي وعبايتي واغراضي
وننزل ونرقى من الدور الارضي للثالث
والله حالة صعبة :/

K.14

2013- 11- 30, 07:11 PM

أ/عباس

انا ماقلت اللي قلته الا عن تجربه

ويمكن حظ البنات يكون احسن

ياما تجمعنا وتكلمنا بس ما حصلنا شي غير هالعباره ( من جهة النساء ماراح نقدر نفيدكم روحوا جهة الرجال اهم لهم الامر )
لدرجة ان احس ليش يحطون اداره نسائيه جهتنا !

يلا الله المستعان

اخت حنين انا معاج باللي قلتيه وحيل تكسرت اكتافنا بس لصارت هالاوامر صادره من الوكيله شتترجين بيصير

.........

ان شاء الله حركتكم تكون سبب في تعديل الانظمه اللي مالها داعي

بالتوفيق

maryam_h_ a

2013- 12- 1, 02:58 PM

اصلن العميده على طول مشغوله (اتكلم من واقع تجربه ياعندها اجتماع اوغيرره)

أم العنود

2013- 12- 1, 03:02 PM

والله مأساتكم مو بسيطه الله يعينكم وييسر لكم

Fatimah1990

2013- 12- 1, 04:09 PM

والله حرام عليهم البنات يحطون عباياتهم برا ممكن تضيع ممكن يدخل فيها شي
واللي يكون عندها بريك طويل وما معها احد وتبي تدخل دورة المياة تدخل كل شي معها لان ماراح تثق تخلي اغراضها عند احد
هم عندهم مكاتبهم مرتاحين والطالبات مو لازم ترا حنا بشر مو جمال

الهنوف .

2013- 12- 1, 04:37 PM

من ناحية السرقة انا انسرقت عبايتي :(
جد الوضع متأزم وصعب
انا اقول خلونا نكتب الخطاب ونجمع تواقيع من البنات والخطاب تكتبه اكثر من بنت
خلونا نعطيهم اكثر من خطاب
ع الاقل الفصل الثاني نلاقي شي سنع لان وقتها بنات اولى بيكونون معنا زود عن الزحمه بنتزاحم اكثر وكذا الوضع بيدوش :(

الحياة طريق

2013- 12- 1, 05:02 PM

أ/عباس

انا ماقلت اللي قلته الا عن تجربه

ويمكن حظ البنات يكون احسن

ياما تجمعنا وتكلمنا بس ما حصلنا شي غير هالعباره ( من جهة النساء ماراح نقدر نفيدكم روحوا جهة الرجال اهم لهم الامر )
لدرجة ان احس ليش يحطون اداره نسائيه جهتنا !
.........

:d5::d5::d5::d5::d5::d5::d5:

صح كﻻمك ماشفنا من الحريم اﻻ وجع الراس كل شي مايدرون عنه وﻻ بيدهم يحلون و يربطون بس مزهريات:139:

وﻻ الشكوى من عندنا مفروض الحريم يحلونها مو كل وحدة مالها دخل اش فايدة الوكيله وملحقاتها

وبعد بيجننونا اكثر حاطين الجداول الجديدة كلها حريم :bawling: 90% من الحريم مايشرحون شالمأساة
:bawling::bawling: الجامعة من جرف لدحديرة واعضاء هيئة التدريس السنعين بدو ينقرضون:no:

مــآآي الــذهب

2013- 12- 1, 06:29 PM

بنااات لاتعطون الخطاب للوكيله

اصلا اهي ورا هالمصايب

كيف بتعطونها شكوى ضد نفسهااااا !!!!

أم العنود

2013- 12- 1, 11:14 PM

صح كلامك ماي الذهب ارفعوها للمدير والوكيل

beroom

2013- 12- 3, 02:00 PM

اننااا معااكم ..
وخلونا نبدا ..
الاختبارات على الابواب ..
ان كنتوا تبغون اشياء سنعه ع السمس الثاني ..
لابد نبدأ من الان ..
انا وصديقاتي حيل متأذين من كل هذي الامور ..
وحنا معاكم ..
فقرووا ..
مين راح تعمل الخطاب ؟
ووين نلتقي عشان نوقع عليه .
والساعه كم ؟

أم العنود

2013- 12- 3, 05:01 PM

الى طالبات العلوم
مدير الجامعه ع استعداد باستقبال خطاباتكم وحلها
وهذا ماقاله لي اليوم
بإنه سيستقبل الخطابات ع الفاكس
٥٨٠١٢٤٣
وسيسعى لحل المشاكل ولكن يريد منكم ارسال خطاباتكم لحلها

وكما نوة بان يتم كتابة بالاعلى
الى سعاده مديرة الجامعه د.عبدالعزيز الساعاتي
وبعدها تكتبون المشاكل وقال اذا عندكم ملاحظات ع الوكيله كتبوها ولاتخافون
انشروا

ASHWAG.Y

2013- 12- 8, 04:08 AM

صح كلامك اخت الهنوف احد يسوي خطاب ونتفق مجموعه ونمشيرللبنات ونخليهم يوقعون وبيصير العدد الكبير ان شاء الله وكلرالبنات معنا :oao:

كَونيَ

2013- 12- 9, 04:29 PM

ي الله نعجل قبل الاختبارات وحوستها ودام مدير الجامعه يستنئ

مييين تكتب الخطاب ي بنات ..

وي حبذا تعلقونه ع باب الكافتريا ولاطلعتوا خذوه معكم يعني خبركم نخاف يرمي وكذاا

نا لو عندي صياغة كتبت بس ماشش .. وقاعدة انتظر ^_^

beroom

2013- 12- 9, 10:34 PM

انا ع استعداد اكتب الخطاب ولكن ..
المشكله كيف ارسله؟!
يعني اسلمه مثلا لذولي اللي عندنا !
ماسوينها شي لان ماراح يرفعونه الا بالموت ..
فكيف ارسله واناماعندي جهاز فاكس اصلا :/

أم العنود

2013- 12- 9, 11:36 PM

اي مكتبه وديه وعطيهم رقم الفاكس وحطوا فتح الخط قبل 013 بس لازم يكون الخطاب باسماء

كَونيَ

2013- 12- 10, 10:59 AM

beroom سوي مثل ماقالت ام العنود
بس لاكتبتيه حطيه ع باب الكافتريا من تجين عشان كل اللي يدخلوا يشوفونه ويوقعوا
ولاطلعتي خذيه
لحد يوم الخميسس >> يومين ان شاء الله تكفي
وعقب مايخلص دوامك خذيه ونزليه عند المكتبه وارسليه ..
والله يعطيك الععافيةة ويجزاك خير ..

beroom

2013- 12- 10, 11:40 AM

ان شاء الله راح اسويه واعلقه على الاسبوع الجاي لان ماتوقع يمديني ذا الاسبوع اكتبه واصوره ..
لاني راح اكتبه هنا في الكليه في معامل الحاسب ..
واحطه ب فلاش موميري واوديه اطبعه ..
ف بكره راح اكتبه ..
واطبعه واحطه الخميس ..
ونهاية ذا الاسبوع او يوم الثلاثاء ارسله ...
ترقبوا الخطاب يوم الخميس على باب الكفتريا ..

كَونيَ

2013- 12- 10, 12:01 PM

جمممميل :(204):
اللـه يسعدكـٍ ويوفقكـٍ ..
بإنتظـاركـٍ ربي يسههل ..:106:

beroom

2013- 12- 15, 01:00 PM

أم العنود

2013- 12- 15, 06:24 PM

حبيبتي بنبهك لازم الخطاب يجمع اسماء اكثر عدد بنات او ارقامهن الاكاديميه

الحياة طريق

2013- 12- 15, 08:11 PM

معذرة على التأخير ولكن بإذن الله سيتم تعليق الخطاب غدا على باب الكافتيريا في الساعه السابعه والنصف صباحا او في الساعه التاسعه ..
على حسب يمديني اخلص محاضرتي او لا .. ههههه
وعذرا مرة اخرى ..

برافو عليك .. نصيحة سوي منه نسختين

ماتضمنين البنات احتمال يشقونه اشوف عينات كثير سلبيه تخاف حتى تتكلم بحقوقها

beroom

2013- 12- 16, 09:31 AM

انا سويته ومدري ان كان يعتبر رسمي او لا خخ ..
ع العموم ماراح اعلقه على كذا ..
انا بتلقوني في المكتبه اللي في الدور الاول ..
ورااااءءءء اخرر ششي في الزاويه على يدكم اليسار عند النوافذ ههههههه
اسألوا عن اسمي ابرار العيسى ..
البنات قالوا لي لا تعلقينه اضمن ...
اللي حابه توقع تجي لي الى هناك ..
واديها الخطاب توقعه وتسجل الرقم الاكاديمي ..

beroom

2013- 12- 16, 12:06 PM

بنات انا علقته في المكتبه اللي بالدور الاول من داخل

نُوفمبّر !

2013- 12- 17, 10:01 PM

^

أمس جآت بنت وعلّقت الخطاب على البآب
والبنآت للأسف يوقعون بشكل عشوائي وغير منظم وصارت الورقه حوسه وكلهآ شخابيط !!
تمنيت يكُون تواقيعهم منظمه و واضحه كل بنت
بكذآ مابيكُون معروف كم توقيع أو كم طالبه لأن الشكل حُوسه
لو إنك حاطه أسطر للتوقيع أو مسويتهم بمربعآت أنا أشوفه يكُون أفضل وأرتب :/

عمُومًا يعطيكِ العافية وعساكم ع القوّة ()'

beroom

2013- 12- 18, 11:21 AM

اييوه علقناه انا وصديقتي ع الباب ..
ولما شفت ان الورقه فعلا صارت حووسه ..
اقترحوا علي اني ارسل نسختين ..
نسخه للخطاب نفسه ونسخة لورقة التوقيع ..
ف راح اجرب ارسل الورقتين ولا يكون خاطركم الا طيب ..
ان انزعجت انو في بعض البنات كاتبين تعليقاات على الخطاب وليس فقط توقيع ..
فلذلك صار وضع الورقة مزري يعني ..
لكن برسل الورقه اللي معي مع نسخه للخطاب ثانيه وان شاء الله خير ..