شكوى على دكتور الاستراتيجية

[رمـز]

السلام عليكم

اخوكم الصغير من مستوى سادس يعرض عليكم رأي وهو كتابة ملاحظاتنا على دكتور الاستراتيجية
في ايقونة الملاحظات على المحاضرات وهي قصر مدة المحاضرات وعدم الشرح الكافي

علشان اذا كانت اسألتة من خارج المحاضرات يكون قد عندهم شكوى تدعم رأينا
وايضاً ممكن نتصل علية ونقولة انا كتبنا ملاحظاتنا علية يمكن يتعاون معنا في التركيز على المحتوى

اعطوني رأيكم

[Tornado]

السلام عليكم

شكلك تبي تجيب فينا العيد أنا اقول ننتظر ونختبار ونشوف اذا جاب اسئلة من الكتاب نشتكي ام الحين تبينا نشتكيه لا وبعد تبي تتصل عليه بعد عشان تكملها يعني الملاحظه يمكن مايدري عنها لا بعد الاختبار ومايمديه يغير الاسئلة ويصعبها بس تأكده له با اتصال
لا تنسى قدامنا محاضره مباشره ثالثه واذا هو مصمم ويبينا نشتري الكتاب نختبار ونشوف يمكن هو بس يبي يخوفنا
لا تستعجل ولا تجيب فينا العيد
انا ما ادري ليش انا ملقوف الحين انا من مستوى سادس ومنزل ها الماده لو منزل الثقافه الاسلاميه ومتثقف ابركلي من الماده الي طبحت عليها.

[X_5]

بلبس البشت وارجع لك ارد

[X_5]

ما جربتو من قبل الدوغان او الشعيبي .. ولا ما قلتو ها الحكي

الحين الدكتور يشوف كلامكم ويضبط لكم اسأله دوغانيه تعجيزية تشييبيه

يعني بتشتكون ايش بتقولون

جاب لنا اسأله من الكتاب ؟؟

هو فيه نظام يقول يعطيكم الاساله قبل الاختبار ؟؟

تراكم في جامعه مو ثالث متوسط /ب

[رمـز]

X_5 او x_6
ليتك ما لبست البشت

بافصخ الشماغ وارد عليك

[محترم 20]

ياجماعة ليش انتو مستعجلين على الشكوى يمكن يجيب لنا اسئلة على قد شرحه وطول محاضراته يعني اسئله سهله مره هذا الاحتمال وارد بشكل كبير من خلال شرحه وفهمه للمادة واذا جاب اسئلة تعجيزية الادلة والبراهين عليه موجوده عندنا نقدر نحجه ونشتكيه انا اقول لكم لسى بدري على الشكوى تركدوا ...تركدوا..تركددوا

[X_5]

x_5 او x_6
ليتك ما لبست البشت

بافصخ الشماغ وارد عليك

قسم بالله لو تهجد لامحطك بالعقال هههههههههههه

اقولك الدوغان سوا فينا فلم هندي حزين الترم اللي راح

حتى منظمة هيومن رايتس اشتكينا لهم لوا احد عبرنا

الفريدان عنده خبر .. ولا احد عوضنا بشي او حتى عطانا وجه

[رمـز]

يا الربع اذكروا الله
كل واحد يقول لا اله الا الله

انا عرضت رأي وكان قابل للصواب او الخطاء
اعتراضي على مدة المحاضرة وحده 4 د وبعضها 10 د يعني لا سلايدات ولا شرح
وفوق هذا طالب ثلاثة كتب واحد منها 700 صفحة انتوا من جدكم لا يمحطكم باسئلة تدوخكم شهر

وعلى فكره فية ايقونة للملاحظات على محتوى المحاضرات ... ما قلت نبي الاسئلة
والا اغير فصلي من اول ب الى اول عا :d انا قلت مافيه مقرررررررر


يا x_7 اعطني شماغي والفروة وشب النار لا هنت .. على العموم لازم نتفق قبل اي تصرف
عوووووووووووذه

[أَبُو يـَزَنْ]

عليكم السلام

اخي الكريم

منطقيا ليس بصالحنا اي شي من الشكاوي

فالدكتور نبهنا بالكتاب واذا جاب الاسئلة من الكتاب فهو بريء من اي شكوى ضده

انا اشوف ان الكتاب فينا وماراح يغير رايه وكويس اذا انه ماكتب الاسئلة من الحين

خلونا نقوله على تحديد الكتاب افضل

عموما انا ارسلت له رسالة ومافهمت شي منها

الرسالة كالتالي

الطالب /الطالبة

السلام



1- توجد صفحات محددة من الكتاب ضمن المقرر (الإدارة الاستراتيجية مدخل متكامل ،تشارلز هل وجارديث جونز



2- سأرسل اليكم واجبات







وفقكم الله



د.معتصم حصين أبوزيد /أستاذ المقرر


وش قصده ؟؟

[غصن الوقت]

عليكم السلام

اخي الكريم

منطقيا ليس بصالحنا اي شي من الشكاوي

فالدكتور نبهنا بالكتاب واذا جاب الاسئلة من الكتاب فهو بريء من اي شكوى ضده

انا اشوف ان الكتاب فينا وماراح يغير رايه وكويس اذا انه ماكتب الاسئلة من الحين

خلونا نقوله على تحديد الكتاب افضل

عموما انا ارسلت له رسالة ومافهمت شي منها

الرسالة كالتالي

الطالب /الطالبة

السلام



1- توجد صفحات محددة من الكتاب ضمن المقرر (الإدارة الاستراتيجية مدخل متكامل ،تشارلز هل وجارديث جونز



2- سأرسل اليكم واجبات







وفقكم الله



د.معتصم حصين أبوزيد /أستاذ المقرر


وش قصده ؟؟
كأني فهمت كلامة وش يقصد بس مانيب قايله لكم ههههههههههههههههه:53:

[أَبُو يـَزَنْ]

كأني فهمت كلامة وش يقصد بس مانيب قايله لكم ههههههههههههههههه:53:


مايهم تقولي لنا اهم شي انك تكوني عارفة وش يقصد وتحلين زين

[мάђяά ♥]

^


هذا مره العجز ذابححه ماكلف نفسه يحدد الفصول ع الاقل وش بيخسر يعني :139:

المهم انو في محاضره مباشره ثالثه يوم الثلاثاء الموافق 26/11/2013 - 23/1/1435
حاولو انكم تحشرونه وتحاولون انه يحدد المهم والله يسهلها

والله يعطيكم العافيه

:16:

[KFU STUDENT]

ارسلت ايميل ولا رد علي

وتليفون المكتب مايرد

[Īй Ṃŷ ΉěāЯŧ]

يارب احس فيني الصيحه انصدمت من الاستراتيجيه ومواد عندي واختبارات تقدمت وماكو نت زي الخلق :bawling:


الله يسهلها يارب ويوفقنا :(

[X_5]

يا الربع اذكروا الله
كل واحد يقول لا اله الا الله

انا عرضت رأي وكان قابل للصواب او الخطاء
اعتراضي على مدة المحاضرة وحده 4 د وبعضها 10 د يعني لا سلايدات ولا شرح
وفوق هذا طالب ثلاثة كتب واحد منها 700 صفحة انتوا من جدكم لا يمحطكم باسئلة تدوخكم شهر

وعلى فكره فية ايقونة للملاحظات على محتوى المحاضرات ... ما قلت نبي الاسئلة
والا اغير فصلي من اول ب الى اول عا :d انا قلت مافيه مقرررررررر


يا x_7 اعطني شماغي والفروة وشب النار لا هنت .. على العموم لازم نتفق قبل اي تصرف
عوووووووووووذه

على فكره انا ترى انتهيت من الماده ربي سلمني ... بس قاط وجهي معكم :lllolll:

وشماغك وفروتك شبيت فيها الحطب يا حبيبي هههههههههههه

[رمـز]

على فكره انا ترى انتهيت من الماده ربي سلمني ... بس قاط وجهي معكم :lllolll:

وشماغك وفروتك شبيت فيها الحطب يا حبيبي هههههههههههه

انتهيت من المادة :41jg:

:007::007::007::007::007::007::007:

ياخي وتحارشني من صباح الله خير

هذا وانا ازيدك كل رد رقم وكنت ناوي ارقيك الى X_8

لكن والله لأحرمك من الميراث يا X_5

اخ اخ

[tµ£!p]

اتوقع بعد هالموضوع نلغي فكرة الشكوى ..



http://www.ckfu.org/vb/t516913.html


- يغلق -