وش الحل مع المحاضرات المسجلة

[ناي ونغم]

السلام عليكم

في السابق كنت احمل المحاضرات المسجلة أكثر من محاضرة في وقت واحد وعن طريق برنامج الداون لود مانيجر اما الان ما يقبل يحمل الا محاضره وحده ولما احاول احمل المحاضرة الثانيه يعلق الجهاز غيرت المتصفح وما فيه فايده وش الحل باقي عندي محاضرات من كل مادة ابغى احملها ولكن النظام يعلق ؟؟؟؟؟؟؟؟

[Dr. nsroon]

وعليكم السلام ورحمة الله وبركاته .. المشكلة من الجامعة نفسها

[ناي ونغم]

طيب وش الحل اراسلهم او انتظر انهم يحلون المشكلة ؟

[Dr. nsroon]

ما اضن بقى احد ما راسلهم بهالموضوع
بس اعتقد انهم عاملين كذا بسبب اللي يجي اخر الترم ويحملها دفعة وحده
< يعني اسلوب تأديبي :biggrin:
^
مجرد توقع لا اكثر يعني افتاء من راسي عشان لا احد يدرعم :Looking_anim:

امس بالمحاضرة المباشرة ارسلوا لنا هالصورة

http://www.ckfu.org/pic4u/uploads/ckfu1385035278431.png

بس ماجربت احمل من اكسبلور < عداوة بيني وبينه
جرب تحمل منه بدون داولنود ما نجر

[ناي ونغم]

والله جربت بدون الدااون لود وهم نفس المشلة بعد تحميل المحاضرة يعلق وما يقبل يحمل غيرها الا بعد ما اطلع من موقع الجامعه او اعمل ريستارت للجهاز اقسم بالله انها جامعه ترفع الضغط:mad:

[Dr. nsroon]

الحمدلله ان جهازي مايحمل محاضرات خلقه :biggrin:
اجل مالك الا تتابعها بدون تحميل

في طريقة جربتها بجهاز اختي وضبطت
عندها 4 متصفحات
اكسبلور + كروم + فايرفوكس + سفاري
احمل من كل متصفح محاضرة
يعني كل نص ساعة تقريبا انزل 4 محاضرات :rose:
ولو كان عندها اوبرا كمان كان حملت عليه :sm5:

[ناي ونغم]

ولو ما حملتها ما ينقص علي درجات ؟

[Dr. nsroon]

والله ما ادري تشديدهم هالترم يخوف :000:
بس حاولت بكل الطرق احملها ما رضت لذلك اكتفيت بمتابعتها مثل المستويات الماضية
وان شاء الله يحسبون لي الدرجات < ما قد نقصت بتحميل المحاضرات بالسمسترين الماضية

[Eman.sh]

طيب لو سمحتو انا ماقد نزلت ولا محاضره غير ملفات الوورد والبوربوينت بس احضر المباشره .. وش المفروض اسوي وايش الي انتو تتكلمون عنها

[بنت عبدالعزيز*]

يآ أخ ناي ونغم
انت عندك يحمل محآظره وحده اهون مني
أنآ يوصل نص المحآظره ويرفض يكمل التحميل
يآالله انك تصبرنآ

[Eman.sh]

بنت عبد العزيز انا تو دخلت بحمل صار لي نفسك يحمل للنص ويطلع لي ايرور يوقف التحميل

[بنت عبدالعزيز*]

كلمت الدعم تعبت موب حآله ><

[سومياا]

-


شكل كلنا نفس الحاله ,, انا يحمل محاضره وحده وانتظر ساعات لين تتحمل واحمل الي بعدها
واحيانا مثلكم ينقطع التحميل من النص ... الله يصبرنا :139:

[بنت عبدالعزيز*]

حسبي الله ونعم الوكيل

[ملاآك الكون]

وانا بعد نفس المشكله
والله حراااام تراكمت عليه المحاضرات كثيييير
باقي 4 محاضرات للرياضيات ماشاهدتها غير المواد الباقيه بعد :007::007:
الله يصبرنا


المشكله ان ماقدر اشاهدها بدون تحميل ماتفتح معاي لازم احملها
اقوووم انتحر احسن لي :017::sm1:

[مَلاك]

بنات انا مجربه كلام نصرون
افتح التايقرتي من 3 متصفحات
وكل متصفح احمل محاضره منه
واللي ماتتحمل معاها تشوفها بدون تحميل

[ناي ونغم]

وقعولي خطاب باسماء المتضررين من الشي هذا وانا برفع شكوى لمدير الجامعه في الدمام يشوف لنا حل لأن اعتمااد الدراسه عن بعد على المحاضرات المسجلة فاذا كانت ما تتحمل كيف ندرس ؟؟؟