اسسستفسسار بخصووص مادة الاحصاء

[بنت الناصر.]

بسم الله الرحمن الرحيم ارجوو المساعده في مادة الاحصاء المحاضرة الثامنه الجزء الثاني الوسيط والتشتت حوله ايجاد الجدول التكراري المتجمع الصاعد العمود الاول الحدود العليا للفئات جابها من البيانات مافي اي مشكله فهمتها الي مافهمتة وابغى احد يفصلي بالشرح كيف جاب العمود الثاني التكرار المتجمع الصاعد 0 10 40 90 110 كيف جابها ضربها ولا جمعها ولا ايش سوي حتى صارت كذا رجعت للكتاب نفس الحكايه ملخص شئ اخر ماشرح كيف اجت يااااااااليت احد يفيدني لانة مبني عليه بقية المسائل

[بنت الناصر.]

معليش المعذره اخت هنادي انا ارسلت ومادري بهذي القوانين حتى مادري وين ملتقى الاداره واتمنى الاجابه على سؤالي بالاحصاء

[هنادي خالد]

لا عادي بس العنوان لازم يكون واضحح

وابشري بحله بس افضى بتحصلينه هنا

[شيءُ آخر]

خلينا في أول جدول في المحاضره

الفئات واضحه ممتاز نجي للتكرار المتجمع الصاعد اللي هم العمال ، بما أنه جدول تكراري تجميعي صاعد وركزي علي تجميعي أوكي نبدأ من الفئة الأقل ونستخدم أقل من.


أقل من 20 عندنا 0 عامل لأن مافيه عمال أقل من عشرين
أقل من 30 فيه 10
أقل من 40 فيه 10 + 30 = 40
أقل من 50 فيه 10 + 30 + 50 = 90
أقل من 60 فيه 10 + 30 + 50 + 20 = 110

الأن فهمتي معني تجميعي لما أقول أقل من 50 يعني جميع العمال الأقل من 50 من الجدول المضروب عليه المثال وهكذا على بقية الفئات.

وتذكري نقطه
الفئة 20 -
تعني من 20 - 30
وهكذا

إن شاء الله تكون إتضحت الصوره.

[شيءُ آخر]

طبعا مافيه قصور بأختنا هنادي وأحببت مشارتكم ولا هي بتكفي وتسد

[هنادي خالد]

كفيت ووفيت شيء اخر عساك ع القوة

[بنت الناصر.]

يعطيك العافيه شئ اخر انا لما احوس دائما ارجع لملخصاتك الا هذي النقطه مافصلتها وجزاكم الله خير والاخت هنادي ماقصرت مع احد خاصه من دفعتنا الي هي احلى دفعه متعاونين على الخير

[Saad.11]

انا أشهد وأثني ع كلام بنت الناصر دفعتنا هذي والله أسميها الجوهره التي لاتقدر بثمن متعاونين وبدون قصور من أحد الله يكتبلنا وياكم التوفيق في الدنيا والآخره اشكر الكل بلا استثناء عشان مأذكر شخص وأنسى ذكر شخص آخر لأن جميعنا قلب واحد النابض بالمحبه والتعاون والخير والجد والإجتهاد

دعواتي لي ولكم بالتوفيق والنجاح
تقبلو تحيتي