مهم جداً

[نوف العنزي--]

السلام عليكم ورحمه الله وبركاته .....،،،،،،،،،حبيت اقول انا بترك المنتدى واتمنى تسامحوني وشكراً

[*lama*]

ليش نوف :000:

[*lama*]

مسموحه اختي نوف ماجا منك الا كل خير ماشاءالله عليك

[مَلاك]

وعليكم السلام

ولو اني اكثر الناس بتفقدك بس بالنهايه هذا قرارك وظروفك
الله يوفقك خيتي

[نوف العنزي--]

لاني بترك الدراسه كلها

[تــووتا الشـمري]

^ :eek: لآ تستعجلي بالقرار آستخيري
عـ العموم الله يكتب لك الي فيه خيير :119:

[.Lotus]

الله يوفقك وين ما كنتي :004:

[نوف العنزي--]

امين وياكم

[اهلاوي ملكي]

والله الدراسة حرام تترك لازم الواحد يكون بيده شهادة عليا تكفيه شر تقلبات الزمن وماحد يعرف وشيصير الدنيا مالها امان ولن يدوم لا اب ولا اخ ولا زوج لابد من وجود شهادة او مهنة لدى الانسان كضمان له .. ارجو ان تعيدي التفكير اكثر من مرة الا اذا انتي تبي تنتقلين لدولة اخرى وتكملي دراستك هونيك هنا نقول برافو عليك اما غير كذا فانا ضد ترك الدراسة وحشرة مع الناس عيد وارجوك نوف لاتتهوري فكري بعقل الف مره

[حــ شباصات ــرامي]

:000::000:

الواحد بيدخل يقول صباح الخير يلقا مثل هالكلام

اختي نوف فالبداية ودي اتكلم كاخ شريت اخوتكم من اول العام الدراسي وكسبت اخوان وخوات بهالملتقى لما قلتي بتتركين الملتقى قلت قرارها وهي حره فيه لكن لما قريت انك بتتركي الدراسه هنا حبيت اقول كلمة مهما كانت ضروف الواحد ما تبعده عن قراره انتي تحديتي نفسك وقررتي انك تكملين مهما صادفتك ضروف او عوائق لا تخليها توقف بطريقك وانا اخوكي استمري وكملي الفصل هذا والله بيعين شوفي ملكي فالبداية تحطم وحس انه بيوقف لكن ما شالله عليه حول خوفه وتردده الى اصرار وهذا هو مبدع ما شالله تبارك الله وهذا انا واعوذبالله من قولة انا مليون ضرف فوق راسي ومع هذا احاول واجاهد حطي وانا اخوكي قدام عينك الشهادة وتخيلي النجاح مو لاحد لك انتي وبس والله يوفقك يا رب.

محدثكم حراامي شباصات
من قلب الحدث
المكتب

تقبلو مروري واحترامي

[أحلامي سبب الأمي]

حررررررررام تتهورين هذا مستقبلك

[عسيريه فله]

صباح الخير جميع وصباح خاص لنوف كله تفائل للاحسن نوف حبيبتي لو سمحتي اعيدي الفكير في الموضوع على الاقل كملي الترم هذا عشان مايضيع تعبك في الايام الي فاتت عاى الفاضي ثاني شى حبيبتي لازم تكملي الدراسه مهما كانت الظروف شوفني ندمت على اني ماكملت من زمان ومع ذلك بعد 17 سنه من ترك الدراسه والزواج والعيال رجعت لها مافيه شي يغني عن الدراسه اذا عندك ظروف اجلي ترم بس لاتتركيها ابد هذه نصيحتي لك وفعلاراح نفتقدك لكن الله يكتب لك الي فيه خير وتقبلي خالص دعائي لك وشكرك على مجهودتك معنا في الايام الماضيه

[نوف العنزي--]

خلاص انا بسوي عمليه عيني بعدها يصير خير عيني اهم من الدراسه

[نوف العنزي--]

كل ماله ينقص النظر وكنت مااجلتها بس ضروري اسويها

[نوف العنزي--]

اخوتكم ع عيني وراسي وتسلمون ماقصرتو بشي

[Jay Ackles]

صباح الخير :106:

# نوف .. كلام حرامي شباصات صح .. لا تتهورين و فكري كويس قبل ما تتخذين القرار الاخير .. و تاكدي انك قررتي صح وانك مارح تندمين عليه ..

.. وكلام اهلاوي مضبوط 100 % .. محد دايم لاحد ولازم كل شخص يعتمد على نفسه بكل صغيرة وكبيرة ..

و هذا مستقبلك مهما كانت ظروفك قاهرة ( انتي اقهريها ) >> صيري اقوى منهاا :41jg:


^ انا قبل كم يوم طلعت لي شغلة كرهت نفسي وكل شي من حولي ومثلك فكرت اقطع الدراسة و 60 الف شغلة فكرت فيها بسلبية .. بس بعدين قلت :

:no: اكمل وانفع نفسي ابرك من اني اظل كذا عايشة بسلبية و نكد

وزي ما قلت لك صيري اقوى منهاا .. ولا تستسلمين و الله يهديك و يوفقك و يهيئ لك اللي فيه الخير :106:

[Jay Ackles]

تقومين بالسلامة حبيبتي و ان شاءء الله تقدرين تكملين دراستك .. وما تشوفين شر يارب :106::Cry111:

[عسيريه فله]

الف سلامه لك وتقومي بالسلامه صح صحتك وعينك اهم بس لازم ترجعي للدراسه لاتتركيها ابد:16:

[نوف العنزي--]

كلكم ع عيني وراسي واخوتكم تنشرا بس الظروف جت هيك شو بدي اعمل

[نوف العنزي--]

من عيوني برجع اكمل شديتو العزم فيني ومراح انقطع عن الملتقى بس برضه اليوم الظهر بدخل العمليات والعصر باذن الله بكون معاكم

[سومياا]

ماتشوفين شر حبيبتي وتقومين بالسلامه, اهم شي طمنينا عنك بعدين :love080:

[تــووتا الشـمري]

ايه كيذا تعجبيني نوف :(204): خلي معنوياتك عالية ، ماتشوفين شر خيتو فاالك العافية ياااااارب
اليوم خليها راحة بعد العملية مو زين على اللاب على طول :sm4:
ترجعين لنا بالسلامه ان شاء الله:love080::love080:

[مَلاك]

انا لما قلتلها براحتها ف هو لأني عارفه السبب بالضبط ايش
كنت معها بقرارها انها تنسحب ومعها ب انها تبقى .
الموضوع خيره ياحبيبتي

[نوف العنزي--]

احبكم كلكم

[بنت ابوووهاا]

ماتشوفين شرر ..وتقومين بالسلاامه ياربب:love080::106:

[نوف العنزي--]

ايه كيذا تعجبيني نوف :(204): خلي معنوياتك عالية ، ماتشوفين شر خيتو فاالك العافية ياااااارب
اليوم خليها راحة بعد العملية مو زين على اللاب على طول :sm4:
ترجعين لنا بالسلامه ان شاء الله:love080::love080:


معليك مسويتها قبل في عيني الثانيه بيغطونهاوراح استخدم عين وحده

[نوف العنزي--]

الشر مايجيكم

[القوسي]

اختي نوف
السلام عليكم ورحمة الله وبركاته
اتمنى ان تعدلي عن فكرة ترك الدراسة فالزواج والوظيفة وتربية الأبناء لا تمنع استمرارك بالدراسة . الحياة اختلفت اصبحت الحاجة للوظيفه ملحة جداً انا لدي اخوات تركن الدراسة لأنهم تزوجن ورزقهم الله الأبناء ولله الحمد ولكن نادمات جدا على ترك الدراسة ومع استمرار الحياة احتجن الوظيفة ليكن عوناً لإزواجهم ولأنهم لا يحملون مؤهل علمي جامعي كانت الوظيفة دون الطموح ....


نصيحتي لكِ استمري بالدراسة الي الرمق الأخير .... واتنمى لكِ التوفيق

[نوف العنزي--]

خليتوها زواج يارب من فمكم لباب السماء بس انا بسوي عمليه نسبه نجاحها 80%

[حــ شباصات ــرامي]

خلاص انا بسوي عمليه عيني بعدها يصير خير عيني اهم من الدراسه


ما تشوفين شر اختي نوف وتقومين بالسلامة وترجعين لنا ولدراستك ومستقبل :106:

[taj_roos]

تطلعين بالسلامة
ويارب أجر وعافية عليك
وإن كنتي ماتقدرين تراجعين أو تقرأين .. ممكن يعطيك الدكتور ورقة أو عذر طبي يعفيك من الإختبارات وتختبرين في وقت لاحق .. إذا كان مسموح في الجامعة

ع العموم
ربي يسلمك من كل شر و يرجع شوفك إلى الأحسن وتصيرين زرقاء اليمامة << وش رايك ؟

[نوف العنزي--]

ماروم انا زرقاء اليمامه مره وحده هم بيسحبون المويه البيضاء ويزرعون عدسه

[ساره الغنام]

ماروم انا زرقاء اليمامه مره وحده هم بيسحبون المويه البيضاء ويزرعون عدسه

ي حيااتي ي نوف ماتشوفين شر ياارب
وتقومين ب السلامه والله يعدي لك ه الايام على خير
وحنا خواتك واخوانك وقلوبنا معك وندعي لك
و الله يساعدك ويعدي ه الايام على خير
وطمنينا عليك ،
ويمكن قرار انسحبها يكون بسبب ان العمليه تحتاج كذا ؟
ولو لا ي نوف حاولي انك م تنسحبين وحنا ان شاءالله بنساعدك .
والله يوفقك ، ويكتب لك الخير وين م كنتي
واستخيري قبل كل شي ،
وصدق صحتك اهم ، وي رب م كو ضرر
ومستقبلك بعد مهم ي حبيبتي انتِ :love080:
وكلنننا معك :icon1:

[طاالبه مستجده]

ماتشوفين شر حبيبتي

[نوف العنزي--]

ابشركم سويت العمليه والامور طيبه يللا استاذن انا

[ساره الغنام]

ابشركم سويت العمليه والامور طيبه يللا استاذن انا

الحمممدللله على سلاممتك حبيبتي
استودعتك الله الذي لاتضيع ودائعه :love080::love080:

[tima ahmad]

الحمد لله على سلامتك نوف
لآبأس .. طهور إن شاء الله .. أتمنى نشوفك عن قريب
وخلي الدراسة أول أهدافك :106:

ما عليك شر وفالك السلامة :004:

[.Lotus]

الحمدلله على سلامتك ياقلبي :004::004:

[راكااان]

في النهاية هذا قرارك مثل ما تفضلوا بعض الاخوان والاخوات
بس نصيحة اذا ما عندك بديل افضل الاستمرار في الداراسة في وجهة نظري المتواضعه مكسب خاصة لامثالك مشاء الله تبارك الرحمن نشطة متميزه وهذا واضح على الاقل من الردود
اسال الله لنا ولك التوفيق والسداد

[نوف العنزي--]

جزيتم خير

[Maha Abaalkhail]

نووووووووووووووف يا نووووف ان فكرتي مره ثانيه كذا ترا كفف >> مافيه اسلووب ههههههههه
قهرتيني دبااا .. اصلا ماتقدرين تتركين الدراسة لأني انا معتس ><:(284):

[✿ e s я α`α]

الحمدلله على سلامتكك

وطهور ان شاء الله :love080::love080:

[نوف العنزي--]

نووووووووووووووف يا نووووف ان فكرتي مره ثانيه كذا ترا كفف >> مافيه اسلووب ههههههههه
قهرتيني دبااا .. اصلا ماتقدرين تتركين الدراسة لأني انا معتس ><:(284):

اكيد مهوشتي احبتس يااخي وبعد وبعد وبعد انتي احلى صديقه وبلاش الكف:Cry111::Cry111: ههههههههههههههههههههه خلاص ياخي خذي الرقم الجامعي ادخلي بدالي:Cry111:

[ناي ونغم]

الف لا بأس وأتمنى لك صحة دائمة وأبدية

[نوف العنزي--]

تسلم اخوي

[مهريماه]

الف سلامه عليك ..
وترجعي بالسلامة
الحمدالله غيرتي رايك والله بيكون مكانك مفقود ..
لاتطلعي مهما كانت الظروف ..

لاباس طهور يالبي ..:icon19:

[نوف العنزي--]

لباك يالخفوق

[Sara al-shatri]

ماروم انا زرقاء اليمامه مره وحده هم بيسحبون المويه البيضاء ويزرعون عدسه

ماتشوفين شر حبيبتي نوف :004:
طهور ان شاء الله ،، راح ننتظر رجعتك لنا بالسلامه يارب :004:

[مَلاك]

يغلق للانتهاء