الطلاب المنتسبين من موظفي ارامكو

[أورانوس]

السلام عليكم ..

الله يوفقنا واياكم جميعاً .. حبيت استفسر عن الاوراق المطلوبة علشان احصل على الفلوس .. كلمت التريننق كوردنيتر وعطاني طلبات بعضها سهل لكن فيه شغله ما فهمتها ولا لقيت عنده اوراق مماثلة .. يبي الجستفيكيشن لكل مادة .. كيف احصل على هذي الاشياء .. واللي عنده جستفيكيشن جاهزة اتمنى يساعدنا لانه الان هذا هو الوقت المناسب ..

الحقيقة حاولت ادور بالاقسام ما حصلت شيء .. لذلك اذا فيه روابط شاركونا بها مشكورين

دمتم بخير ..

[طالب عيوني]

تفضل عزيزي الأوراق المطلوبة :

1. الموفقة من الـ professional development department على مواصلة تعليمك
2. شهادة تعريف وهذي تطبعها من موقع الجامعة من الخدمات الطلابية .. والأفضل انك تحطها بالعربي والانجليزي
3. ادخل على نظام البنر واطبع الصفحة اللي تطلع فيها موادك اللي مسجلها هالفصل .. تلقى مكتوب عليها [التسجيلات الحالية]
4. تطبع التعريف برسوم الدراسة وهذي تحصلها أيضاً في الخدمات الطلابية
5. يعطيك فورم تعبيه ويكون فيه كل المواد اللي مسجلها والرسوم حقتها .. ويتوقع من الترينيق كوردنيتر والرئيس المباشر والسوبر انتدينتيت


بالاضافة الى :
1. الـ job descreiption .. وهذي تخلي الـ planner حقكم يطبعها من الساب
2. المحاضرة التمهيدية لكل مآادة .. اللي يكون فيها وصف المقرر


الشيء الأخير .. لا بد يكون لك سنتين ع الأقل من وقعت العقد مع الشركة كموظف .. وليس كأبرنتس



هذي الأشياء لازم يرفعها قبل الاختبارات ب3 أسابيع أقل شيء
يعني يقدر يرفعها من الحين مافيه مشكلة
لو تأخرت عن الثلاث أسابيع .. يسوون له ريجيكت دايركت



بعد ما تخلص الاختبارات على خير وتجيب فيهم أعلى من c .. يرفع درجاتك وتنزل لك مع أقرب راتب
للمعلومية : مو كل المواد يعملون عليها أبروف .. عندهم كرايتيرا معينة يمشون عليها


اذا فيه استفسار أو شيء انا حاضر
..

[أورانوس]

الله يجزاك خير .. ويوفقك يارب .. اذا احتجت شيء برد لك خبر وانت ما قصرت عطيتنا العلم وافي ولاهنت ..

[Mr NaiF]

ماقصر طالب ,, لكن توضيح لنقطه تقدر تقدم بطلب حتى في اخر يوم لسمستر على شان ماتكون oop

[فتاة الغد]

اوه تدرسون معنا ��

[همسه ذوق]

حتى انا مااتوقعت فيه احد يدرس معنا من ارامكو :rolleyes:
يارب يارب يارب بعد الماستر اصير زميلتكم

[Tornado]

السلام عليكم جميعاً
اخوي طالب عيون ماقصر عطاك المعلومات كامله بس حاب اضيف شغله انك تسوي Request من الحين عشان ما يصير Out Of Policy بعد اسبوعين من الان اكيد VP راح يعمل عليه رفض اذا الريكويست جاءه.
وكلم واحد هناك اسمه محمد الثواب بعد مايتوقع من المنجر شغال في professional development department تحصل ايميله في OUTLOOK تتابع طلبك من عنده .

[ثامر اليآمي]

ههههههه ايه فتاه ندرس معكم وش المشكلة ..

اعجبني تعليقك

[kmsj1234]

يعني اهل ارامكوا يدرسون وياخذون فلوس اذا اخذ c في المواد

[رٍمـأدٍ ألشـوٍق]

فيه ناس تدرس من ارامكو بس

مايقدر اجازة وقت الاختبارات لانه الشركة ماتعطيه اجازة

وانت موقع على ذالك في بداية التعاقد مع الشركة

[Mr NaiF]

اجازة الاختبارات تاخذها P Time اذا معك Pre-approval واذا ماعندك تاخذها من رصيدك

وبالنسبه لتقديم على شان ماتطلع VP السستم تغير عن اول ,,, الان تقدر تقدم حتى اخر يوم في السمستر

[سكروب]

أول شي لازم تكون مقدم ع البري ابروفل ... يبدا بدآية السنه اتوقع الى شهر مآيو ..


وبالنسبة للبي تآيم اذا انت مآخذ موافقه مبدئية من ادارتك وادارتك متساهله معك تعطيك البي تايم حتى لو ما عندك بري ابروفل لانك مقدم في نص السنه ع الجآمعه < مو كل الدوائر

[Ahmad Yousef]

عاد أقولك انا في إدارتي
ماقدمت ع الفلوس تدري ليه لانه من الخمس المواد او الست تجيك وحده ثنتين بس

يعني انت تدفع 2700 وفي النهاية تجيك 800 ولا 400

ليه لأنها مواد عامة او ماتقبل ومسألة الوقت إدارتنا متشددة في هالموضوع

اذا ما تقدم قبل بداية السمستر ب 3 اسابيع ولا لا تعب نفسك

ولازم برضوا تجيب إصال الدفع يعني إذا ضاع عليك خلاص لاتعب نفسك