تم التوآصل مع دعم الجامعه بخصوص المتحميل

[بنت عبدالعزيز*]

السلام عليكم ورحمه الله وبركآته
كثير منآ عنده مشكله في البلاك بورد ..
اللي مايحمل واللي مايسجل دخوله واللي مايشوف المحآظره ووووالخ
عن نفسي توآصلت مع الدعم تبع الجآمعه
وبلغت بمشآكلنا كلهآ’
كلام الدعم لي !!
اختي الكريمة

على حسب ما اعرف ليس هناك درجات على تحميل المحاضرات، واذا خصم عليكي درجة احدة ، فقط اعلميني، جاري العمل على حل هذه الاشكالية وستحل ان شاء الله بالقريب العاجل

وشكرا



تمام ، اختي الكريمة خلال هذه الفترة اللي تواجهون فيها مشاكل سنبلغ الكليات بأنه كان هناك اشكالية بعد حلها لمراعاة الطلبة ، لكن لكي تتأكدي ارسليلهم ايميل وتأكدي بشكل عام هل يحتسبون درجات او لا، تمام هيك

وسألته هل متأكد من الخبر ان لاتحسب الدرجآت قآل



نعم انا غير متأكد، ارسلي للكلية للتأكد منهم، ولكن كما ابلغتك اذا كانوا يحتسبون درجات، سنبلغهم بأن لا يخصموا على الطلبة اي درجة خلال هذه الفترة لغاية حل الاشكالية

أرجو أن يساعد ذلك



وطلب مني اتوآصل مع الكلييه نفسهه لنتأكد


اتمنى احد يخدمنآ من اخوآننا الرجآل لان الحريم بصرآحه ماعندهم سآلفه لو نروح للكليه كل وحده تبي تفصفص وقهوتها حولها وتقطك لثآنيه ...


اتمنى وآحد من الرجآل يروح الكليه ويتفآهم معهم ويرد لنآ خبررر
الله يجزآكم خيير

[ساره الغنام]

يعطيك العافيه اختي بنت عبدالعزيز ،وان شاءالله يحلون ه المشكله ب اسرع وقت ،
ويٓ ليت واحد من العيال يشد حيله ويروح الكليه يشوف وش السالفه .

[بنت عبدالعزيز*]

يعطيك العافيه اختي بنت عبدالعزيز ،وان شاءالله يحلون ه المشكله ب اسرع وقت ،
ويٓ ليت واحد من العيال يشد حيله ويروح الكليه يشوف وش السالفه .




الله يعافيك حق وواجب عزيزتي ,,,
اميين يارب ننتظرهم

[Dr. nsroon]

مايحتاج احد يروح هو يقصد بكلامه بالتواصل معهم يعني راسليهم على الايميل

ارسلي لـ إيميل الشؤون الاكاديمية للكلية

[مَلاك]

الايميل

ايميل الشؤون الاكاديمية : dlaa.asc.d@ud.edu.sa

[اهلاوي ملكي]

ماعليك من الدعم الفني كلام ماخوذ خيره انا امس كلمتهم عن مكان تحديد موقع الاختبار وان اخر موعد هو الاحد ولكني لم اجد الموقع قال خلاص شالوه قلت ليه شالوه ولم ينتهي موعد الدوام قال مادري لكن حينزل مرة ثانية في ديسمبر شهر 12 قلت مشكور انهيت المكالمة ودخلت المنتدى ولقيت رابط الاخت jay rose جعلها للجنة دخلت وحددت مركزي وتركت الاخ هو وشهر 12 حقه وهذا يدل ان مابلحمض احد الكل يفتي من راسه ضايعة الطاسة لكن شوري عليك لاتثقي الا في شي مجرب بهالجامعة ولايضيعونك

[بنت عبدالعزيز*]

^

الله يجزآكم خير
يعني نسحب عليه من شوركم ونعتمد على اللي نعرفه ؟!
اخوي يدرس معنا نفس المستوى كلم واحد من المدرسين وقآله
انا موظف ومايمديني اشوف المحاضره كلها وش الحل ؟!
قاله المدرس اكتفي بمشآهدة اول 10 ثوآني وتحسب لك درجة الحضور ..
طبعا انا قمت اسوي مثله بس اشوف 10 دقآيق عشآن ماتحسف
^
الزبده من الموضوع كله نفس كلام اهلاوي كل واحد يعطي كلام من رااسه واحنا اللي ضايعين

[ak_dossary]

الحين الزبده ابي شنو الاهم المشاهده بس ولا التحميل لاني انا قاعده احملهم بس ما اناظرهم من الموقع

[Dr. nsroon]

شلون تحملينها بدون مشاهده .. وش الفايدة اجل !

[راكااان]

يا اخوان يا اخوات
الموضوع واضح وضوح الشمس في رابعة النهار خطة المقرر وتوزيع الدرجات واضح وفي حال تجاهلنا اي بند مطلوب سواء كان التحميل او المشاهدة راح يكون عند الدكتور او الاستاذ حق في حسم الدراجات باعتبار ان هذا معلن مسبقا يعني لا تعولون على كلام الدعم الفني فقط مدرس المادة هو من يحق له التجاوز مراعاة للمشكلة في التحميل والمشاهدة اذا ابلغ بذلك هذا ما اراه والله اعلم
اسال الله لنا ولكم التوفيق والسداد

[ak_dossary]

شلون تحملينها بدون مشاهده .. وش الفايدة اجل !

لان مو قادره اطالعهم مايفتح معاي تطلع لي شاشة سودا بس اذا حملتها و فتحتها من التحميل تفتح

[بنت عبدالعزيز*]

تواصلت مع استآذ ثآبت وقال



السلام عليكم ورحمة الله وبركاته
بالنسبة لتحميل المحاضرات وحضور المحاضرات المباشرة تم تخصيص 10 درجات لها واذا كان هناك مشاكل في تنزيلها وكانت واضحة بالنسبة للادارة فأطمئني الدرجة كاملة لكم بإذن الله
لكن اهتموا بالواجبات وكذلك بالاختبار النهائي وككذلك الاختبار الفصلي
أنا أتواصل ونقلت لهم هذه المشكلة وكذلك الدعم وإن شاء الله أنها انحلت حتى ولو بشكل جزئي خلال هذا الأسبوع

[HANEEN AL-Q]

الحين الزبده ابي شنو الاهم المشاهده بس ولا التحميل لاني انا قاعده احملهم بس ما اناظرهم من الموقع

الاخ صعب انساك قال اما تحملينهم او تشاهدينهم تنحسب لك الدرجه

[nona park]

وش الحل معاهم والله مو راضيه تتحمل ولا محاضررره ولا اذا وصل للاخير يقول فشل تعبت منه شي ينرفز ويقهر فعلاا

[ملاآك الكون]

وش الحل الحين معا المحاضرات
انا ماشفت شي تغير نفس الشي المشكله للحين مانحلت

المشكله ان الدكاتره للحين ينزلون المحاضرات
والله تراكمت علينا المحاضرات كثييير :(

الحين لما قربت الاختبارات صارت هالمشكله ><

[مَلاك]

الحل برأيي تشوفونها على اليوتيوب !
المشكله راح تنحل بإذن الله ودرجاتكم مابتضيع عليها بما ان المشكله من عندهم
بس انتو لا تتراكم عليكم المحاضرات .

[,*Wa3d]

-

حبايبي لاتتعبون نفسكم وتسالون الدعم اذا تنحسب ولا لاء ..
كل الدكاترة اجمعو على ان التحميل ينحسب + ~ " الافضل التحميل والمشاهدة

-
سواء فتحت 10 دقايق ولا 10 ثواني [ الاستفادة لنا بالاول والاخير :love080:

-

والله يوفقنا ويسهل علينا :icon19:

[nona park]

^ كيف نحملها وهي مو راضيه تتحمل؟؟ من عندهم المشكله اذا مابيخصمون

[aneen alro7]

والله ياجماعه انا موشايفه عندي تعقيدات في تحميل المحاضرات
ولله الحمد بس مادري كلامكم مسويليي قلق ليكون في عندي شي غلط ونا مادري

[مَلاك]

والله ياجماعه انا موشايفه عندي تعقيدات في تحميل المحاضرات
ولله الحمد بس مادري كلامكم مسويليي قلق ليكون في عندي شي غلط ونا مادري


لا عادي مو الكل يواجهه هالمشكله
الاغلبيه فقط وفيه جزء شغال التحميل والمتابعه عادي :love080:

[مَلاك]

^ كيف نحملها وهي مو راضيه تتحمل؟؟ من عندهم المشكله اذا مابيخصمون



طيب مشكلتها بالتحميل واللي اقراه هنا ان الدكتور قال راح يكلمهم مايحسبون التحميل لآن عليه مشكله
جربي تتابعينها انتي والبنات ؟

انا فاتحه معاي على كروم و اوبرا

اوبرا

http://www.ckfu.org/pic4u/uploads/ckfu1385452591781.png

من هنا تحملين المتصفح لو مو عندك

هنا (http://www.opera.com/ar)

وكورم

http://store2.up-00.com/2013-11/1385453050181.png (http://www.up-00.com/)

^
خير استغلال :cheese: النوافذ متابعه وواحد تحميل :16.jpg:
وكروم اسوي نفس الشي :love080:

[بنت عبدالعزيز*]

حلوو ملاك انا للحين مشكلت التحميل بجرب طريقتك ههههههههههه

[ملاك 2]

طيب وش الحل تعبت وانا احمل المحاضرات وفجاءة تقطع مدري المشكل وشو هل في احد يعاني من المشكله هذي والمصيبه انه تاريخ 15 صفر بترفع الدرجات يعني كيف على درجات تحميل المحاضرات

[مَلاك]

طيب وش الحل تعبت وانا احمل المحاضرات وفجاءة تقطع مدري المشكل وشو هل في احد يعاني من المشكله هذي والمصيبه انه تاريخ 15 صفر بترفع الدرجات يعني كيف على درجات تحميل المحاضرات



شيكي على موضوع الاستفسارات رديت عليك :love080:

[ghadooshah]

طيب ملوكه اناا طريقتي مو مثلك لما احاول افتح المحاضره من نفس الموقع مايفتح لازم احملها بالتقريتي وبعدها اتابعها هلل هي نفس الشي ولا لازم اشاهد من نفس الموقع :(
يجيني كذا اذا حاولت افتحها من الموقع
http://im31.gulfup.com/uz7YL.jpg
واضغط على هير مايفتح شي ـ:(

[Jay Ackles]

طيب وش الحل تعبت وانا احمل المحاضرات وفجاءة تقطع مدري المشكل وشو هل في احد يعاني من المشكله هذي والمصيبه انه تاريخ 15 صفر بترفع الدرجات يعني كيف على درجات تحميل المحاضرات



مساءء الخير :106:

للحين يتقطع التحميل ،، في فترة صار يحمل كويس ،، ما صار لهالمشكلة اسبوع و ردت مرة ثانية

اليوم حاولت احمل محاضرة الصحة 3 مرات و تنقطع :bawling::bawling:
و الحل :017:يعني ..

[مَلاك]

طيب ملوكه اناا طريقتي مو مثلك لما احاول افتح المحاضره من نفس الموقع مايفتح لازم احملها بالتقريتي وبعدها اتابعها هلل هي نفس الشي ولا لازم اشاهد من نفس الموقع :(
يجيني كذا اذا حاولت افتحها من الموقع
http://im31.gulfup.com/uz7YL.jpg
واضغط على هير مايفتح شي ـ:(




ياحبيبتي :love080:
تتحمل معك ؟ اذا تتحمل خلاص مو شرط تتابعينها , انا كلامي هذا للي يقطع التحميل عندهم
يعني دام مايحمل يتابعونها وان شاء الله كامله :love080:

ولو حبيتي تتابعينها أضغطي على
windows media player - plug-in :love080:

[بنت عبدالعزيز*]

رسلو لي الدعم

تم حل مشكلة تحميل المحاضرات المسجلة ، أرجو محاولة التحميل واعلامي بالسرعة والاداء


ياليت الجميع يجرب ويرد لنا خبر كيف انظآم معه !

[.Lotus]

قسم بالله لخبطتوني كل واحد يقول كلااام
هل المشاهدة او التحميل اي واحد يغني عن الاخر ؟؟؟
لااازم التحميل والمشاهدة من النظام ولا عاادي اشاهدها من اللي حملته ؟؟؟
لاازم تحميل المحاظرة المباشرة ولا يكفي حظورها ؟؟؟

[سارة الشمري]

طيب انا عندي مشكله اني احملها بس مقدر اشوفها تطلع شاشه بيضاء ومكتوب بها السماح بالمحتوى اضغط عليه وتطلع صفحه بيضاء حاولت اكثر من مره ولا تفتح مع المحاضرات المسجله؟؟؟

[تــووتا الشـمري]

^ اول ماتفتحيها تطلع شاشة بيضاء وتنبية فوق بالاصفر اضغطي واختاري السماح بالمحتوى الممنوع وتطلع نافذة واختاري نعم ويترجع مرة ثانية واعملي نفس الشي ، وبتفتح
انتي من زمان ماتفتح معك ؟!

[reemo ahmad]

ابي برنامج ينزل المحاضرررات كان عندي واحد فايروكس اظن اسمه وبعدين ماصار يحمل لازم بفلوس شي زي كذا ويقولي الغي التثبيت كيف كذا :s

[مَلاك]

ابي برنامج ينزل المحاضرررات كان عندي واحد فايروكس اظن اسمه وبعدين ماصار يحمل لازم بفلوس شي زي كذا ويقولي الغي التثبيت كيف كذا :s



تفضلي

ثالثًا : برنامج حلو ويسرع لك تحميل المحاضرات download manager نحمل الدونلود من هنا (http://mirror2.internetdownloadmanager.com/idman617build11.exe)