اللي ذاكر النظم يجي يفهمني كيف ذاكرها .. قمة التعقيد واللخبطة

[Jumman]

مرحبا يا طلاب يا مجتهدين
من فيكم ذاكر النظم فتحت الماده وقرأتها قراءه فقط
الى المحاضره السادسه بصراحه جدا تلخبط ومعلومات متشابهه :mh12:
مافيه اسئله واجوبه او ملخصات مختصره للماده
وش السواة فزعتكم ولا من زود الحظ الدكتور جديد يعني :Cry111:
الله يعين بس

[الوردة الخجولة]

سؤال اسألكم هو ليش تصعبو ع نفسكم وتقول صعب

وتحطو للوم ع الدكتور

ترى اللي يقول صعب ويتخوف ده ما راح يفلح بالمادة دي

راح تتراكم لكم افكار سلبية انها صعبة وحتى لو ذاكرتوها راح تحسو صعبة

وهيا بتكون سهلة اذا ذاكرتوها بتركيز وفهم خلوها سهالات وتفائلو خير

وربي يوفقكم ويفتحها عليكم

[بنت مطير *]

الورده شنو الملخص اللي خذيتيه للنظم

[الوردة الخجولة]

اخذت ملخص اسير الامل

[Jumman]

ورده ماشاء الله عليك متفائله
لاكن جد الماده معقده انا ماسمعت عنها شي يحطمني
لاكن بعد ماسمعت شرح الدكتور عجزت اركز معاه
وقلت اقراها بتركيز افضل لاكن الماده يبيلها مخ فاضي معلوماتها جدا متشابهه وتلخبط

[بنت مطير *]

زين ياروحي ماقصرتي بس بسالك ملخص تذكار العنزي ماينفع اخره بوه اساله شامله اعجبتني بس مدري هل يختلف مع الدكتور الجديد والا نفسه ومشكووره ..

[الوردة الخجولة]

صحيح معلوماتها متشابهة والدكتور بيشرح ويوصل الملعلومة بس يعزف معزوفة النوم هههههه

لكن انتي شوفي الطريقة اللي تريحك اذا قرائتيها بتركيز وفهمتيها بدون سماع المحاضر

الحمدالله امورك تمام وواصلي وبتختميها وان شاء الله الاي بلس فيها

وربي يسهل لكي كل امر

[الوردة الخجولة]

بنت مطير في اختلاف والافضل لكي اعتمدي الملخص الجديد واذا حابه ترجعي للاساله

خذي فكرة عنها اذا عندك وقت لانه تقريبا نفس المعلومات وماراح تتختلف الاساله عنه كثير

وبالتوفيق

[نساي]

كله يهون عند الاحصاء والله غير تغريزين بوه تغريز يابنت مطير ياويلك

[بنت مطير *]

زين يعطيك الف عافيه ماقصرتي عزالله اني متحطمه هالمستوا حامله الله لايعوق بشر الله يخارجنا بس

[بنت مطير *]

نساي وعزي عنك من قالك اني ماغرزت الاحصاء بيجلطني قسم فتحتوه وليتني ماشفته يهب ياكثره الوكاد اني حذفته وانت تسانك فاهم بوه شي علمني مامنك فايده

[نساي]

ابدي في باقي المواد وخليه في الاخير وابشري خليني اخلص منه انا في المحاضره العاشره وبحاول اعطيك تصوري عنه وافضل طريقه علشان تعدين منه الا فهم الماده بالمجمل وفي هالوقت ماراح يكفي بحاول اسويه لك وجبة سريعه بلفه لك بصامولي

[بنت مطير *]

هههههههه ايه جيب لي اختصار له كامل ان شاءالله بعتمد عليك تفهمني بعد حيي ماتقصر والله يسهل لنا يارب ..

[نساي]

كيف الارض عندكم بعد الامطار والخير الله ينفع بها اجل بتعتمدين علي انت ماينقالك سالفه

[بنت مطير *]

ههههههه هين مايمديك تراجع الوكاد العلم جاك اذا فهمت اشرحلي <<نشبه ):

[عِصآميهة]

خوفتينا من النظم مب كآفي آلاحصاء والماليه واساسيات مخوفتنا:bawling:


آلله يستر ، آلسمستر ذآ مخوفني بموآدهه :139:

بس يمدحون ملخص آسير آلأمل آن شآءالله نفهم منه مع آني م لقيته ب المكتبه :icon9:

[عِصآميهة]

بنت مطير شوفي شرح عبدالله الغامدي ف اليوتيوب لمآدة الأحصاء روعه :love080:
بس لاتعتمدين عليه آعتمآد كلي آرجعي لـ الملخص بعد م تفهمينه :16.jpg:

[بنت مطير *]

ياروحي ابشري بشوفه دعواتس افهم معه ..

[reema*]

انا وصلت للمحاضرة 11 وصار لي ثلاثة ايام وانا اذاكر فيها
وربي كمية معلومات مدري وش تبي دسمة ومتشابهة

والله من اصحى من النوم امسك الملخص لين يخلص اليوم وابد المادة عجزت معها
وكل مافتحت محاضرة تفائلت انها سهلة وخفيفة بس وين السهولة والخفة بوادي والمادة بوادي ثاني
عجزت اربط المعلومات والمحاضرات مع بعض احس اني احفظ شيء مو فاهمته

واللي حطمني زود جيت اشوف اسئلة الواجب حسيت نفسي ماذاكرت شيء

الله يعدي هالتيرم على خير احسه مثل الكابوس مواده مره دسمة

اسمحولي على كثرة الكلام بس وربي حايسة مع النظم دعواتكم اخلص الثلاث المحاضرات الباقيين واذاكر مادة ثانية

[نسرين خالد]

ببتدي هالمقرر اليوم
وعندي استفسار بخصوص المصطلحات
هل مطالبين بحفظ كل هالكم من الكلمات
احد يفيدنا والله يعطيكم العافية
وموفقين جميعا

[Jumman]

الله يكون بالعون واللي ماذاكرها يبداء فيها الصراحه جدا دسمة
الاحصاء والمواد الثانيهصحيح صعبه لاكن على الاقل فيه للدكاتره اسئله سابقه ونعرف نظامهم وطريقة اسئلتهم
اما النظم والتقنيه اللي مابعد افتحها دكتورهم جديد ولانعرف طريقته بالاسئله هل يصعبها او يسهلها
فلازم نشد حيلنا فيهم
اسأل الله لي ولكم التوفيق والنجاح

[زمرد :$]

نساي وعزي عنك من قالك اني ماغرزت الاحصاء بيجلطني قسم فتحتوه وليتني ماشفته يهب ياكثره الوكاد اني حذفته وانت تسانك فاهم بوه شي علمني مامنك فايده


شلون حذفتيه ههههههههههههههههههههههههههههههههههههههههههههه

[زمرد :$]

يمه خوفتوني من النظم لهالدرجه صعبه

يعني معادلات وكذا ولا شلون .؟

[مدير اداري]

ذاكري الملخص والاختبارات السابقه والكويزات وفالك ال a+
ولا تعطين الماده اكثر من حجمها .....

[رحـــال]

الله يساعدكم ... انا ما خلصت منها الا المحاضره الاولى هههههه
ومن اليوم ناوي اكملها وحاط لها اسبوع يكفيها اسبوع علما اني في الحفظ بطيء لازم اكتب كل شيء احفظه مخ تعبان هههههههههه

[zoooom-4]

الماده للأمانه دسمممممممه جدا جدا جدا وتلخبط .. اللي مابدأ فيها يبدا من الحين

[طموووحه]

الله يساعدكم ... انا ما خلصت منها الا المحاضره الاولى هههههه
ومن اليوم ناوي اكملها وحاط لها اسبوع يكفيها اسبوع علما اني في الحفظ بطيء لازم اكتب كل شيء احفظه مخ تعبان هههههههههه


نفس طريقتي بالمذاكره لازم أكتب وأسجل أي حاجه أحفظها أو مهمة ...
ومايجي الاختبار الا يديني تعبانه زين اظلل الاجوبه

الله المستعان .. وربي يسهل