محتاج أخت تساعد زوجتي المتورطه في الواجبات

[بتال راشد]

السلام عليكم ورحمة الله وبركاته



زوجتي ماحلت الواجبات حتى الان


ياليت احصل اخت تساعد زوجتي ونكون لها من الشاكرين بس الفصل الحالي وفقها الله


والله على ماقول شهيد

[مييووش]

كيف تحلها اخوي

ماعندها مشكله تاخذ الحلول من الملتقى وتحلها في الافتراضي او البلاك بورد

بس تنتبه للخيارات تختلف من شخص الى اخر

اتمنى اكون افدتكم

[بتال راشد]

والله ماتعرف شي نهائيا....ياليت احصل فاعلة خير

[مييووش]

طيب اخوي انا اقول لك الطريقه وانت سوها لها

تدخل موقع الجامعه بعدين تدخل الخدمات الطلابيه وتدخل الرقم الجامعي والرقم السري
اختر النظام الافتراضي
راح يفتح معها المواد تختار اي ماده بتحلها تضغط عليها
تطلع لك قوائم لى اليمين منها الواجبات تضغط عليها
بيطلع لها واجب 1و2و3
اختر اسوال الاول وجاوب على كل ايقوانه يجي نقطه زرقاء
خلاص تاكدو من الحل حط ارسل وموافق
وبكذا تكون حلت الواجب

بس انتبهو لكل واجب 3محاولات

الحين اجيب لكم روابط حلول الواجبات

ولا اريد منكم الا الدعاء

[ابو غيداء]

اذا زوجتك ما عرفت تحل الواجبات وانت ما عرفت تحل لها

انصحك تنصح زوجتك بالانسحاب

اسهل مافيه حل الواجبات ولا يبي لها ذكاء وصناعة صاروخ


اشك بالامر

[بتال راشد]

اخواتي الله يجزاكم خير

هي محتاجه اخت لها تساعدها وتتواصل معها

ياليت احصل واخليهم يتواصلون مع بعض وراح تعطيها رقمها ومعلوماتها......على الخاص

ربي يوفقكم لما يحب ويرضئ

[مييووش]

اخوي هذا رابط حل الواجبات والمناقشات جميعها
http://www.ckfu.org/vb/t484404.html

وهذا الواجب الثالث لرياضيات
http://www.ckfu.org/vb/t519755.html




وهذا موضوع بيفيدها


http://www.ckfu.org/vb/t482042.html
اتمنى اكون افدتكم باللي اقدر عليه

[بتال راشد]

والله العظيم نصحتها بالانسحاب ورفضت

اللي شاك بالامر مع نفسه وعلى نيته السيئه


وفاعلة الخير راح تجيها المعلومات على الخاص وتقدر تتاكد من بيانات الطالبه وسجلاتها

[مييووش]

اخوي ممنوع التواصل بالخاص بزي هالمعلومات بالمنتدى نفسه

[مييووش]

معليش للعلم اللي عطيتها من روابط تخصص اداره اعمال ولا اعرف وش تخصصها

اسفه جدن لازم تتاكد من تخصصها قبل اذا اداره اعمال اوكي
اذا غير تخصص للاسف ماعرف

[بتال راشد]

الله يجازكم خير


محتاج فاعلة خير وبعطيها بيانات زوجتي

[برق الشمال]

عندك الطريقه والله يوفقكم

http://www.youtube.com/watch?v=SJMbHrnvtIA

[بتال راشد]

انا سامح للاداره تتاكد من بيانات الطالبه

[بتال راشد]

الاداره مسموح لها تتاكد من بيانات الطالبه على الخاص

محتاج فاعلة خير

[راقي الفكر]

مرحبا اخوي

فيه طريقة سهلة شف لك مدرسة او مدرس لهم خبرة بجامعة الملك فيصل

يحمل لك كامل المحاضرات وحل الواجبات

شاكر لك ’’

[أسير بلآ قيود]

الله يسعدك يا بتاال

ترى وانا اخوك الواجبات اسهل مما تتصور

الاخوه ما قصرو راح يتعاونون معاك

ولو حبيت انا اعطيك الطريقه وطبقي معي خطوه بخطوه 5 دقائق فقط تنهي جميع الواجبات لجميع المواد لنها سهله للغايه
وانا راح اعطيك الاجابات

اذا حبيت اني اساعدك رد لي خبر

واسال الله لي ولك وللجميع التوفيق

[بتال راشد]

اتمنى فقط حل واجبات الفصل الحالي لها............وجزاكم الله خير

[فرح علم اجتماع]

من الممكن مساعدتها بوضع الحلول وهي تختار

بسيطة شوي شوي تتعلم والله يوفقها يارب

[بتال راشد]

تراها دراسات إسلامية يا اخواتي

[al7sass88]

مرحبا اخوي بتال الله يسهل
امور زوجتك وهنا كل واحد راح يساعدك وزوجتك بس مسالة انها تعطي معلوماته
وبيناتها لشخص اخر هذة مشكلة ومسولية
ولكن زوجتك تخصص دراسات اسلامية بس اي مستوى

[بتال راشد]

توها جديده

[شموخ القوافي]

ما قصور الاخوان والأخوات

[فرح علم اجتماع]

واذا كانت من غير تخصصنا نساعدها بالبحث بالقسم اللي هي فيه

او نبحث لها بالارشيف

المؤمنون اخوة ...

[الحفراوية]

أخي انا مستعده إذا بس واجبات بإذن الله
ارسلي بيناتها

[الحفراوية]

اخي انا انتظر البيانات وبكرة بإذن الله في عملي احل لها الواجبات
تصبحون ع خير

[JASMENN]

اخوي انا انصحك لو تتبع زوجتك الطرق اللي طارحينها الاخوان وماقصروا وجزاهم الله خير يكون افضل
لان مساله تعطي معلومات زوجتك لشخص ماتعرفه ماتدري وش يصير لانك ماتعرف الشخص معرفه شخصيه
وثانيا لازم هي تتعلم بنفسها مو كل ترم تبي احد يخلص كل امورها ماراح تتتعلم لين تجرب خلها تجرب واذا ماحالفها الحظ انت ساعدها دامك طالب سابق ولو
واذا ع حل الواجبات بسيطه جدا جدا نقدر نحلها لها باقل من 5 دقايق الآن لكن وش وضع المناقشات والمحاضرات المباشره هل خلصتها او باقي او ماتدري عنها؟

[7amood]

ياشباب ترا كلها مساعده والبنت أول مستوى مو كل الناس مثل بعض والرجال مبين عليه ثقه وترا كلها بالأول والأخير رقم وإتصآل وإنتهينا بتال تواصل مع الأخت حفراويه فيها الخير إنشآء الله ونحسبك صادق

[لذا]

ترى لازم
1- تحل الواجبات علشان تاخذ 10 درجات
2- تحميل المحاضرات العاديه 14 محاضرة + 3 محاضرات مباشرة بصوت او صيغة الجوال .. علشان تاخذ 10 درجات
3- تكتب المشاركة لعدد 14 ماحضرة علشان تاخذ 10 درجات

وبكذا يكون الناتج 30 درجة واجبات وحضور المحاضرات والمشاركات

وهذا الكلام يتم لكل المقررات

حبيت اوضحلك هذا الشيء شكلكم مضيعن الطاسه :71:
ان شاء الله يمديكم على كل شيء اخر موعد لرصد الدرجات اتوقع 1435/2/16
بس لازم ما تتاخر لان اخر اسبوعين بيعلق الموقع وما يمديك تفتحه بسبب الضغط على الموقع


وبعد ما تراجع وتذاكر المحاضرات
لازم لازم لازم تتطلع على اسئلة الاختبار حقت الاعوام اللي راحت تحصلها بالمنتدى هنا ومحلوله وتدرب عليها لانها مهمه مهمه مهمه
يجي منها بالاختبارات النهائيه

ولا تنسحب ولا شيء فالها التوفيق ان شاء الله

[طالبـه جامعيه]

الله يوفقها

[TaT]

أنصحك تروح مكتبة تميم في السويدي تعطيهم على المادة خمسين ريال ويحلون الواجبات والمناقشات ويضمنون لك 30 درجة وريح راسك تعطيهم الرقم الجامعي والسري في أول الترم ياخذون خمسين بس إذا تأخرت يرفعون السعر إلى 70 بس الحين تأكد هم يقبلون أو لا شف رقمهم في اﻹعلانات فوق

[آيش :s]

الموضوع هين مآ يبي له جهد الواجبات خيآرآت فقط بسهوله تنحل ان شاء الله

و الله يوفقهآ وييسر آمرهآ

[طالبـه جامعيه]

اقدر اساعدها

واحلهم الك بدقيقه واذا حاب ارسل لي على الخاص :)

وما عليك الا الدعاء
بتوفيق لزوجتك .

[قلم ازرق جاف]

وانا بعد في الخدمة مستعده اساعد
تذكرت نفسي اول سمستر ككيف كنت حايسه

الله يوفقنا جميعا

[manal.q]

"كان الله في عون العبد ما دام العبد في عون أخيه"
وانا بعد في الخدمة

[♡ иỉиα ..]

:Looking_anim:

مو من جدك مافي ابسط من حل الواجبات !
ولعلمك خلها هي تحلها بنفسها لأن إلا مايجي 3
أو 5 أسئله من الواجبات بالاختبار النهائي وهذا لمصلحتها
لو عرفت المعلومه وحلتها تكسب الدرجه :wink:

اخوي انا انصحك لو تتبع زوجتك الطرق اللي طارحينها الاخوان وماقصروا وجزاهم الله خير يكون افضل
لان مساله تعطي معلومات زوجتك لشخص ماتعرفه ماتدري وش يصير لانك ماتعرف الشخص معرفه شخصيه
وثانيا لازم هي تتعلم بنفسها مو كل ترم تبي احد يخلص كل امورها ماراح تتتعلم لين تجرب خلها تجرب واذا ماحالفها الحظ انت ساعدها دامك طالب سابق ولو
واذا ع حل الواجبات بسيطه جدا جدا نقدر نحلها لها باقل من 5 دقايق الآن لكن وش وضع المناقشات والمحاضرات المباشره هل خلصتها او باقي او ماتدري عنها؟+ 1 :10111:

[ِ~ام الحلواتِ~ِ]

موفقين يارب وانا بعد مستعده لاي خدمه مانبي غير لدعاء
مع انه الاخوان ماقصر و ابد كل شي واضح وضوح الشمس بالتوفيق ~

[Noooralgamar]

الله يوفقها يارب وييسر امرها
معليش بس راي شخصي ويمكن الكثير يخالفوني الرأي
لازم تعتمد على نفسسسها وتتعلم كلنا جدد
بس فيه مواضيع مساعده كثيررررر هنا بالمنتدى وكل قسسم مشروح فيه الين الليل كل موضوع وطريقته
اكبر غلط من البدايه انها اعتمدت عليك ..
وش فيها لو سجلت هي من الاول وبحث في قسمها مستوى اول
واذا ماعرفت تنزل موضوع هناك متاكده مليون بالمبه راح يمشون معها خطوه بخطوه
وراح يعلمونها كل شي من البدايه وراح يحطون لها مواضيع مساعده كثيررر
وروابط يوتيوب تشرح بالصوت والصوره طرق الحل والتحميل والنسخ واللصق
وكل كل كل كل شي
وحبه حبه راح تعرف الحين قدامها ان شاء الله غير هالمستوى 7 مستويات !!!!!
كل هالمستويات بتدخل تكتب لها مواضيع وتبحث عنها
انا متاكده انها ماهي مصررره كل هالاصرار تكمل الا عندها طموح
لكن ماينفع طموح + اعتماد على الغير لازم تعتمد على نفسسها بكل شي
المستوى هذا ماعاد فيه وقت خلاص
زي ماقالو لك الاخوات راح يساعدونها او عندك وحده من المكتبات
بتخلص لك امورها مقابل مبلغ مادي بسسيط وهي الله يعينها تلحق تذاكر
لكن المستوى الجاي لازززززم تدخل هي ولازم تبحث ولازم تتعلم
ولازم تعرف تحل وكل شي موجود شرح بالصور والخطوات الممله
معليش لو كثرت كلام بسس والله من باب النصيحه لها ولمصلحتها
والا انا مالي اي مصلحه
بس الوضع كذا صعب مره مره
الله يوفقها ويسسسهل امرها يارب

[الشذى (م)]

^ ماشاء الله عليك
وعلى المتعاونات ايضآ

* بالتوفيق للطموحه , لكن آتمنى تجرب
مافي اسهل من ان تدخل الافتراضي وكل شي واضح قدامهآ
من محاضرات تحتاج تحميل وواجبات وحتى المباشره نزلت اذا
البلاك صعب ..

ياليت جد تعتمد على نفسها , منشانها مو مشان احد
حتى لما تعدي ذا الترم تحس بلذه انجازها ..!

بالتوفيق ..

[نووووولي]

انا مستعده اساعدها ... والله يوفق الجميع..

[فيـونه]

اناااا اسساعدها.... وش احلىىىىىى من التعاون لاني مريت بهالمرحله عادي