الجداول الدراسية للفصل الثاني من العام الجامعي 1435/1434هـ + استفسارات ومشاكل التسجيل

[خواطر انسآن]

تم اصدار الجداول الخاصة بالتسجيل المبكر للفصل الدارسي الثاني

كلية العلوم
طلاب
http://bannerinb.kfu.edu.sa/KFU/ws?p_trm_code=143420&p_col_code=08&p_sex_code=11
طالبات
http://bannerinb.kfu.edu.sa/KFU/ws?p_trm_code=143420&p_col_code=08&p_sex_code=12

كلية الاداب
طلاب
http://bannerinb.kfu.edu.sa/KFU/ws?p_trm_code=143420&p_col_code=74&p_sex_code=11
طالبات
http://bannerinb.kfu.edu.sa/KFU/ws?p_trm_code=143420&p_col_code=74&p_sex_code=12

كلية التربية
طلاب
http://bannerinb.kfu.edu.sa/KFU/ws?p_trm_code=143420&p_col_code=02&p_sex_code=11
طالبات
http://bannerinb.kfu.edu.sa/KFU/ws?p_trm_code=143420&p_col_code=02&p_sex_code=12

الدليل المصور لطريقة تسجيل الجدول عن طريق نظام البنر
http://www.kfu.edu.sa/ar/Deans/AdmissionRecordsDeanship/Documents/servicesnew.swf

كم نرجو من الجميع حفظ الجداول بالجهاز تجنباً لضغط الموقع بيوم التسجيل
كمآ اضفة نسخة بالمرفقات بتآريخ اليوم للجداول

بالتوفيق للجميع
واي استفسار حول الجدول حاظرين بالخدمة :)

[أم العنود]

جزااك الله خير
ولكن؟؟ الجداول تأسيسها خطأ المادة الواحده 3 ايام بالاسبوع وخاصة قسم رياضيات

[خواطر انسآن]

جزااك الله خير
ولكن؟؟ الجداول تأسيسها خطأ المادة الواحده 3 ايام بالاسبوع وخاصة قسم رياضيات

عادي يـ ام العنود ايش المشكله !
يمكن اول سمستر يطبقونه للبنات
احنا مطبقينآ عندنا من قبل
بالعكس 3 محاظرات منهم 2 على 50 دقيقه اريح بكثير

[أم العنود]

لا انا بس جلست ارتب جدول لاختي و3 مواد تعارض سكرته بصراحه

من وين اجيب لها ماتتعارض اذا هم لما كانوا ع يومين تعارضات كثيرة كيف ع 3 ايام

وانتم اولاد خواطر ربما يتقنون اعداده ومايخلون تعارض مواد قسم واحد بنفس الايام ونفس الساعات

اما البنات 3 مواد تعارض ؟؟

صعببببه جدا ..,, وعدد البنات بالنسبة للاولاده مضاعف ع شعبه وحده ماتكفيهم ابدا

[خواطر انسآن]

ان شاء الله يحلون المشاكل في تآكيد التسجيل
صحيح احنا 3 محاظرات وشعبة وحده لاكن مافي تعارض مع مواد المستوى الواحد
ومن عيوب 3 محاظرات ماتحصلين يوم بدون محاظرات الا نادراً

[maryam_h_ a]

ؤش الجدول هذا
يقالهم بيضبطون الوضع اللحين ؤش هالدماااار؟؟؟؟؟؟؟

[خواطر انسآن]

اي يحق لكم تقولون دمار .. لانكم تعودتو على الدلع على محاظرتين وايام بدون محاظرات
مو مثلنا من زمان جداولنا دمآر

[maryam_h_ a]

زين ياللي مو متدلع مكتوب كذا (ن خ ) في الايام بالجدول

كيف يعني الماده ناخذها ب 3 ايام ؟؟؟؟؟؟؟؟؟؟؟:(107):

[أم العنود]

ايوا مريم يعني الاثنين والخميس غير اليوم الثالث
والله جد الله يعينكم

[maryam_h_ a]

ياااااااااااااااااااخراشي:( شكرا حبيبتي

[خواطر انسآن]

زين ياللي مو متدلع مكتوب كذا (ن خ ) في الايام بالجدول

كيف يعني الماده ناخذها ب 3 ايام ؟؟؟؟؟؟؟؟؟؟؟:(107):

يعني كل مادة بتشوفين يمها محاظرتين نفس الوقت ليةمين مختلفين
ومحاظرة يوم ثالث وقتها يختلف
المهم انهم 3 محاظرات بالاسبوع ههههههههه

[maryam_h_ a]

الله يعينا فيس يفكرررر

[Fatimah1990]

سوري هذا استهبال مو جدول ماضبط معي الا ثلاث مواد
وبعدها يجون ليه تسجلين اقل من 12 ساعه
نبي نتخرج طفشنا ،،اوك احنا غلطانين مامشينا ع الخطه بس يراعونا
شكلي بتخرج ب10 سنين مع ذا الجامعه بنجلط منها :mad:

[نُوفمبّر !]

يعطيك العآفيه خواطر

الله يعين بدت مرمطة الجداول ~.~

[beroom]

الله يعيني ع التوحد اللي بعيشه الين اضبط لي جدول
اضطريت استغني للان عن تفاضل 2
بسبب انظمتهم الغبيه :|
والتجديد اللي مسوينه
عاد ياليت مكثرين شعب كل ماده ع شعبه ع شعبتين ..
الله يصبرني
مشكور خيي بس ممكن جداول الانقلش!

[خواطر انسآن]

الله يعافيكم يآرب
هذا جداول اللغة الانجليزيه
مركز اللغة الانجليزية
طلاب
http://bannerinb.kfu.edu.sa/KFU/ws?p_trm_code=143420&p_col_code=00&p_sex_code=11
طالبات
http://bannerinb.kfu.edu.sa/KFU/ws?p_trm_code=143420&p_col_code=00&p_sex_code=12

[7ooryossef]

ي عيالآت شسالفة الجداول وحنا م بعد يعطونا وش التخصص اللي تخصصنا به !
ولا ذا الكلام مش لنا !
انا ف كلية العلوم وهالسمستر جالسه ادرس مواد عامه ("

[Fatimah1990]

تسجيل الجدااااول مالها دخل كونك متخصصه او لا
هذا تسجيل مبكر اسبوع الجاي سجلي مواد عامه
واذا تخصصتي سجلي مواد تخصص بتأكيد التسجيل

[мя_šααđ]

الحين هذا حق 1434 ؟

احنا الفصل الثاني 1435

[TO00MMY]

ليه في الانجليزي العلمية فيه السبت ؟؟!:(107):

[أم العنود]

غرامي جنونك
ليه تقولين لهم ماله دخل

له دخل وراح تنزل تخصصاتكم بإذن الله قبل التسجيل وتسجلين موادك للترم الثاني

ماراح يفتح لك التسجيل الا لما ينزل لك التخصص

[мя_šααđ]

ام العنود جاوبي ع سؤالي

[وميض شمعة]

ستين الف تعارض ونبي نتخرج

والعلمية حاطين لها السبت وخابصين مخوخنا

وش ذا

حاسبة حسابي على ٥ مواد و أوقاتهم عسل

و انصدم من ذا النظام الغبي

صبرج ي رووح

[حنين بسكات]

والله حركة مالها داعي ..
اذا التحضير لحاله ياخذ مع الدكتورة مو اقل من 10 دقايق الى ربع ساعة ..
و10 دقايق ممكن فترة تأخير البنات ..
بكذا راحت نص المحاضرة على هالحال :(107): ..

وامممم جدولي الجميل بيضطرني اشيل معي 4 او 5 ملازم كل يوم ..
ياعيني ياعيني :mh001: ..
يافرحتنا بسسسسسسسس :017: ..

أنا أتوقع اني مخضرمة :139:
عاصرت كل المباني قبل التعديل وبعد ..
وعاصرت عصر 3 منسقات في قسمي >> اليوم جالسة اقارن المنسقات اللي تعاملت معهم :139:
وشكلي بعاصر بعد معكم بكل القوانين والمستجدات :24_asmilies-com:

/

جامعتنا مانحبك :000:
اييييه الله كرييييم ‘ الله كريييم :Cry111: ..


/

شكراً خواطر :icon19: ..

[أم العنود]

يكتب الفصل الثاني 1434 لان السنه 1434-1435

[درة الكوثر]

ماصـــــــــــــــــــــااارت جامعه

الي متى واحنا مع انظمتهم الي كل مالهم وتزيد

يعني احنا من أول مادخلنا الجامعه ماشفنا منهم خييير

اوصلت الحين الى الجداول

دام ماتبون احد يدرس لاكان قبلتونا ارحم لنا

ولم نصبر وبنتحرك وبنجهاد هم بعد مانلاقي حل

اليوم اليوم نروح نكلم منسقة القسم ترسلنا للمرشدة

ولا رحنا للمرشده تقول اكتبوا مشكلتكم وبرفعه ولا بحااول .. كما وصل يرسل .. فقط

يعني اشلون احنا الى متى بنجلس في الجامعه

وماغير وحده تاخذ وترسل تاخذ وترسل من دوووووووووون نقاااش

ليه مااتحسسووون انا لنا اهميه

وكل بين الفترة والثانيه انتي خريجه بس هذا الي شاطرين فيه الخريجه

احنا اشلون نصير خريجاات اذا هذا حاالنا معااكم



ويين ويين الكليه ؟؟!!! الي شايلتنا على راسها

ماتوقعنا انا اذا رحنا الجامعه والخدمات تقرب لنا ولكن الحال يصعب اكثر

صحيح البعد نعمه

[وميض شمعة]

يقولون هالشي من عميد الكليةة

لازم تجمعون بنات كثير يكتبون اسمهم والاكاديمي بالتوقيع ع اساس انهم معترضين

آبي افهم هالعميد مافكر ان في بنات من الدمام والقطيف وغيره يتعنون على ٥٠ دقيقة!!!!!!!!!!

الوقت اللي اكون فيه بالباص اكثررر

[خواطر انسآن]

ليش معصبين انتو احين
بالعكس والله احنا مثلكم كنا منقهرين بخصوص محاظرة الـ 50 دقيقه
لاكن لمآ جربناها بالعكس حلوة وخفيفه وبسرعة تخلص
محاظرة 100 دقيقه اتحداكم تركزون فيها طول المحاظرة

[NOOR 2012]

السلام عليكم حابة أسأل كيف أعرف عدد الساعات الي راح ادرسها
السمستر الجاي انا حملت من قبل مواد والسمستر هاذا الي ادرسة
بس فتح اي 14 ساعة كم ممكن يفتح لي السمستر الي جاي 🌹

[ديار]

كل يوم من الصبح الى خمس :mad:

هذا غير الدكاترة اللي حاطينهم كل واحد يقول المصايب عندي

حسبي الله عليهم

[خواطر انسآن]

السلام عليكم حابة أسأل كيف أعرف عدد الساعات الي راح ادرسها
السمستر الجاي انا حملت من قبل مواد والسمستر هاذا الي ادرسة
بس فتح اي 14 ساعة كم ممكن يفتح لي السمستر الي جاي 🌹

التسجيل المبكر راح يعتمد على معدلك التراكمي للسمستر الي راح
وبالتأكيد راح يعتمد على معدلك لهذا السمستر
اذا كان معدلك اقل من 2 راح يفتح لك 12 ساعه
واذا من 2 الى 2.5 راح يفتح لك 15 ساعه
واذا من 2.5 الى 4 راح يفتح لك 19ساعه
واذا اكثر من 4 راح يفتح لك 23 ساعة

[نهر الوفاء~]

ليش معصبين انتو احين
بالعكس والله احنا مثلكم كنا منقهرين بخصوص محاظرة الـ 50 دقيقه
لاكن لمآ جربناها بالعكس حلوة وخفيفه وبسرعة تخلص
محاظرة 100 دقيقه اتحداكم تركزون فيها طول المحاظرة


خواطر انتوا تحسون براحه تجاه ال50دقيقه لان عندكم سيارات ترحون وترجعون فيها
الطالبات مساكين مع هالباصات تخلص وتجلس تنتظر الباص بالساعه
حاله البنات صعبه مع هذا الجدول :007:

[خواطر انسآن]

كل يوم من الصبح الى خمس :mad:

هذا غير الدكاترة اللي حاطينهم كل واحد يقول المصايب عندي

حسبي الله عليهم

شي طيب عشان تحسين انك طالبه جامعية :cheese:
انا جدولي ما راح اعدي ساعه 12 الظهر :S_45:

[خواطر انسآن]

خواطر انتوا تحسون براحه تجاه ال50دقيقه لان عندكم سيارات ترحون وترجعون فيها
الطالبات مساكين مع هالباصات تخلص وتجلس تنتظر الباص بالساعه
حاله البنات صعبه مع هذا الجدول :007:

بس صدقيني راح يحسون بالفرق من نالحية الاستيعاب
يعني المحاظرة الطويله ممله ةتجيب النوم والتركيز يقل فيها بعد منتصف الوقت
الله يكون بعونهم .. تتسهل ان شاء الله

[NOOR 2012]

التسجيل المبكر راح يعتمد على معدلك التراكمي للسمستر الي راح
وبالتأكيد راح يعتمد على معدلك لهذا السمستر
اذا كان معدلك اقل من 2 راح يفتح لك 12 ساعه
واذا من 2 الى 2.5 راح يفتح لك 15 ساعه
واذا من 2.5 الى 4 راح يفتح لك 19ساعه
واذا اكثر من 4 راح يفتح لك 23 ساعة



شكراً لك احوي خواطر وماقصرت. 👍

[TO00MMY]

الحين شنو الحل مع االسبت في جدول اﻻنجليزي ؟؟؟؟
مو عارفه ارتب جدولي:007:

[ديار]

شي طيب عشان تحسين انك طالبه جامعية :cheese:
انا جدولي ما راح اعدي ساعه 12 الظهر :S_45:

أي عشان جذي مستانس وماخذ الحياة سهالات :Looking_anim:

أصلا عادي :007:

[beroom]

الحين انتم شفيكم
حارقين دمكم ومتعلعلين!
اكاه شوفوني ماراح تدخل عندي الا كم ماده بسبب المتطلبات ولو مادخلت ماقدر ادخل غيرها ..
وفوق كل هذا كل ماده فيهم مو مفتوح لها غير شعبه وحده ودكاترة .......:o:thumbdown:
بغض النظر عن حقين التخصص ...
بس مادة فيزياء عامه 3 مشتركه بين قسمي الرياضيات والفيزياء وفاتحين لها شعبه وحده :confused::rolleyes:
عموماً ..
وايه والدنيا عادي سهالات :rolleyes:
ادخلوا كان بها مادخلوا طقاقين يطقهم ليش تحرقون دمكم .. :D
لا وسويت الجدول بين كل محاضرة ومحاضرة اما بريك دقيقه او بريك ساعتين
ومره مو جاي يضبط عندي غير هالجدول :D:D
بسس ممششيه ..
اهم شي صحتي وليش احرق دمي :D
ذكروا الله وصلوا على نبيكم بس وتزين اموركم وفلوها :p

[beroom]

بالنسبه لبنات الدمام والقطيف وبقيق وغيرها يابعادين قلبي ..
انا بنت الحسا وحالي ادمر من حالكم ..
عادي جدا اخلص زي اليوم الساعه9 وبالنهايه ماارجع بيتنا غير ع 3 الا ربع ..
ع ماوصلت بيتنا صارت 4 :D
لااا وهذا بس محاضره وححده ..
يعني انتوا بعد لاتنقهرون يامالكم بالسنين الجايه بعد فاسم الله عليكم خلوا عندكم قلب عشان تقدرون تتخرجون بكامل قواكم العقليه والنفسيه والجسديه :rolleyes:

[fsmy3r]

حبيت اسألكم
نظرية الاحتمالات مكتوب عندها تدريب
ايش معناتها و هل اقدر اضيفها
لأني احتمال ما رح انجح فيها و ابي دكتور غير اللي يدرسني الحين
تتوقعون الدكتور غير ؟؟؟؟؟؟؟؟

[Fatimah1990]

ياليت يغيرونه صراحه ما افهم عليه ولا شي
ودايم يبينا حنا اللي نفكر ونحل وهو بس جالس

[غرآإم]

بالنسبة الي للمستجدين وش السواه؟
لانه لاحد الحين ماندري وش تخصصاتنا؟

[أم العنود]

بيخوها بصراحه مفروض نزلوا تخصصاتكم ماصارت اهمال والله

[غرآإم]

خليت ابوي يروح لقسم الرجال قالوا له قبلو الطلاب والطالبات من زمان ورسلوهم للجان عاد التاخير من اللجان
سسمعت من الدفعات القديمة اعلان التخصص قبل الاختبارات النهائية بسبوع

[أم العنود]

لا ياقلبي التخصصات تنزل قبل التسجيل المبكر باسبوع
لكن السنة تاخروا كثير

[мαячσỜм ✿]

* فيس منجلط* @@!

[HADEEL JAMEEL]

الجدول جداً سىء كلها تعارض في الأوقات وفي مواد متأخرة
انا اطريت احذف مواد من الخطة الدراسيه عشان يضبط الجدول معاي

[HADEEL JAMEEL]

*يضبط

[beroom]

ياليت يغيرونه صراحه ما افهم عليه ولا شي
ودايم يبينا حنا اللي نفكر ونحل وهو بس جالس

عادي عزيزتي ..
تقدري تغيرينه ..

[حكآيه هدوء]

في جدول اللغه الانجليزيه
الشعب حروف مو ارقام ؟
و شعبه A يوم السبت كيف ! ؟

عادي ندخل شعب الحروف او لا ؟
و المحاضرات تصير في الكليه او الجامعه !

:icon9:

[أم العنود]

مافيه ياقلبي الكلية بينقلون كل البنات للجامعه

[مآرڤيل ♔]

السلام عليكم ,
بدايةً نظام كلية العلوم نظام متعب الا حد م تتخيلونه ،
النفسيه تتعب وكل شي ، تتعب نفسياً وجسدياً وعقلياً !
ولا مسكت خط الاختبارات مستحيل توقف ‹☹›
، ولذا الحين م عطونا تخصصاتنا و ملينا واحنا ننتظر
وكذالك المكافات بالموت عطونا البطايق وحالتنا حاله ،
يعني الشكوى لله بس الواحد مدري شيسوي !
وحنا السنه التحضيريه نبي نضبط جداولنا عجلو عطونا التخصصات
شالبهذله ذي !!!!

[حكآيه هدوء]

[que=أم العنود;9929536]مافيه ياقلبي الكلية بينقلون كل البنات للجامعه[/quote]

اها .. طيب ليش شعب كليتنا للانجليزي حروف ؟
و هل تدخل ويايي في البنر بنفس الايام الموجوده
او اسوي جدولي على ان يوم السبت بصير الاحد و كذا ...

[K.14]

عادي خذيهم بعدين راح يحدثون الجدول وتتعدل الايام وبيشيلون الحروف وبيسوونها ارقام

اصلا هذي الاوقات حقت العام بنفس الايام لنفس الدكتوره

ف يعني لمن يتفرغون للجدول عدلوا الناقص

[حكآيه هدوء]

طيييب مشكوره
ام العنود + كوثر

:rose:

[Haneen alqarni330]

سلام
انا بتخصص الترم الجاي
ابي اسال اوقات المواد العامه من وين اخذها ..,؟؟
وغير كذا ملا مادة الكيمياء العضوية 1 / وهي 3 ساعات النظري و الاوقات مثلا من 7ونص الى 8 و45 ووقت ثاني من 9 ونص الى 10 و45 تكفي المحاضرتين ولا احط 3 محاضرات ما فهمت

[мя_šααđ]

لا لا انتي بتمشين على الشعبة تشوفين اوقات الشعبة 60 طبعا محاظرتين نظري

ولا الشعية61 وهي محاظرتين نظري ولا الشعية63 وهي محاظرتين نظري

ولاتنسين العملي نخترين وحدة من هالشعب 81 الى 86

وللتذكير الكيميا رقم التخصص 0815

[мя_šααđ]

وبالنسبة للمواد العامة تحصلينها في جداول كلية الاداب والتربية ومركز اللغة الانجليزية

[Haneen alqarni330]

الحين المادة الي نظري 3 ساعات الاوقات تكون شعبه كذا يوم الانين و الاربعاء الوقت من 7 ونص الى 8 و45 ووت من 9 ونص الى 10 و45 فقط كيمياء عضوية هل ازيد محاضرة 3 لاكن لاتوجد نفس الشعبة

[K.14]

لا لا تزيدين التزمي بالايام اللي حاطينها للشعبه الوحده

[سـَــــرَاب..!]

السَلٱمٌ:۶ـَاـْيگمّ-ۈرζـْمّـٌة"ٱللـّہ"ﯙبُرگـّاتہ
علم الفلك متطلب لأي ماده؟ وهل لها متطلب ؟
شفتوا جدول قسم الفيز
علم الفلك حاطين لها شعبه وكذلك فيز رياضيه شعبه وحده
وبقية المواد تعتمد اوقاتها على ان مايصير تعارض مع هالمادتين لأنهم تخصص
واللي صار .. المواد ال٢ تتعارض
والحل طــــيَــب ❃ !!،؟ وش السواة ><

[سـَــــرَاب..!]

ناخذ الشعب اللي بال٨٠؟ ولاا بِــ̯͡ــ [ ✋ ] ــــس ال٦٠؟

[K.14]

اما بالنسبه للتعارض الك يعاني من هالمشكله بس شنسوي

شعب اللي في الستينات هذي حق النظري
والشعب اللي في الثمانينات هذي حق العملي

[سـَــــرَاب..!]

صبرك ياروح
مشكوره كوثر حبيبتيـے

[K.14]

العفو عمرياا

حياج

[مــآآي الــذهب]

السَلٱمٌ:۶ـَاـْيگمّ-ۈرζـْمّـٌة"ٱللـّہ"ﯙبُرگـّاتہ
علم الفلك متطلب لأي ماده؟ وهل لها متطلب ؟
شفتوا جدول قسم الفيز
علم الفلك حاطين لها شعبه وكذلك فيز رياضيه شعبه وحده
وبقية المواد تعتمد اوقاتها على ان مايصير تعارض مع هالمادتين لأنهم تخصص
واللي صار .. المواد ال٢ تتعارض
والحل طــــيَــب ❃ !!،؟ وش السواة ><

علم الفلك مو متطلب لاي مادة عادي حتى تأجلينه
الفيزياء الريااضية اهم لانها تفتح لك اغلب مواد الفيزياء

[سـَــــرَاب..!]

يحييك ربي كوثر

ماي الذهب
شكرا خيتي
اناا اخذتهم اثنينهم
وطنشت االتفاضل. والتكامل

[мя_šααđ]

الحين معنى اللي في الصورة اني حجزت مقعد في الشعبة ؟؟

ولا لما أكد تسجيلي ؟؟

http://im38.gulfup.com/sZjAc.jpg

[أم العنود]

مجرد تدخل السي ار ان واذا دخلوا خلاص حجزت لك مكان
وبشهر 3 نهايته تاكدون التسجيل

[مجهول2]

مين مصور الجداول تخصص الاحييييييياء


الجداول ضاعت مني

وتسجيلي بكرا والجداول ماتفتح
الله يعافييه الي موجوده عنده الجداول يرسلها هنا

[زوبة]

الجداول ماتفتح كل سيرفس
ويش الحل

[Sociology~]

طيب ايش المواد العامه المشتركه مع كلية التربيه
او الاجباريه بالجامعه كلها وفيه سي ار ان للعلوم
لأني ما حصلت الا قليل مره سي ار ان مواد عامه للعلوم

[حنين بسكات]

طيب ايش المواد العامه المشتركه مع كلية التربيه
او الاجباريه بالجامعه كلها وفيه سي ار ان للعلوم
لأني ما حصلت الا قليل مره سي ار ان مواد عامه للعلوم

اذا كنتي انتي علوم

فالمتطلبات الاجبارية هي
تحرير عربي + تذوق ادبي + عقيدة اسلامية + قضايا ثقافية
وتاخذينها من الآداب

والمتطلبات الاختيارية
نظام سياسي ووحقوق انسان + احلاق المهنة + فقه السيرة + نظام اجتماعي + نظام اقتصادي
تختارين منهم 2 بسس وتدرسينهم من الاداب برضو ..

[سحآبه]

ايش معنى اسم المستخدم او كلمة السر غير صالح ؟؟؟؟؟

[أم العنود]

واحد منهم ياقلبي دخلتيهم خطأ

[نُوفمبّر !]

^

يب سحآبه ، تأكدي من الأرقام كويسّ

[أم العنود]

ضغغغغغغغغغغغغغغغغغط البااانر مو طبيعي

[نُوفمبّر !]

ألحين لو قآل لنا غير متاح للمستوى، يعني وش السواة ؟ :/

[أم العنود]

الل يعينك ياقلبي تراجعون الكلية وتطلبون يفتحونها لكم

[نُوفمبّر !]

آممّ، اوكك نشُوف -.- شكرًا أم العنُود

[أم العنود]

العفو حبيبتي
الله يوفقكم ويسهل اموركم

[حِزن لإخر مِتآهاتي]

بنات بليييز سؤال
ابسجل قضايا معاصرة بس مو عارفه لو تصلح لكلية العلوم او لا
كيف اعرف؟
بليييز احد يجاوب ابسجل بعد شوي : (

وشيء ثاني هذه الماده لازم تخذها يعني يطالبوني فيها او لا ؟

[السوررري]

ايوا حبيبتي القضايا لازم تاخذينا.. تعرفين اذا للعلوم من رمز الكليه تبعنا

[نُوفمبّر !]

^
قضآيا ثقافيه مُعاصره ؟ يب لازم تآخذيها

وتشُوفين جمبها رمز 08 المتاحه للعلُوم

[سحآبه]

مَشكورينْ حبيباتي ام العنود ، ونوفمبر . .

متأكدة منهم ، بس النظام الجميل كالعادة ينرفز ويرفع الضغط :)

[joudi]

بنات الله يسعدكم

تعرفون شي عن دكاترة الانجلش
هبة عبدالله
او تهاني العزام
او يارا زهير

[مريم بنت فهد]

لو سمحتوا ابي مادة انجليزي عام و دورت عليها في كلية الآداب قسم الانجليزي وما لقيتها وش السوات؟؟؟؟؟؟؟!

[مآرڤيل ♔]

تخصصاتنا لحد الحين م انزلت واليوم تسجيل الجداول وش السوات ؟
��������وانا سويت جدول لرغبتي الاولى وتعبت وربي
وخايفه انو يطلع لي شي ثاني ..
والحين فيه بالخطه انو للرياضيات محاضرات عملي وف الجدول الاساسي م فيه ؟
والصحه واللياقه والتحرير العربي اللي بداية رمز crn تبعهم بدايته ٤
يعني مو نفس المواد اللي قبل يدايتهم ٣ يصير اخذ منهم ولا لا ؟

[K.14]

مريم عمريا اخذي الانجليزي من مركز اللغه الانجليزيه وليس منكلية الاداب

[K.14]

نوره
لا تطالعين العملي والا النظري كم ساعه ومادري ايش
اهذي رقم المقرر دوريه في قسم الرياضيات
واختاري شعبه
وسجلي الاوقات والايام والسي ار ان
وبس
غير جذا لا تسوين
طيب

[مريم بنت فهد]

مركز اللغة الانجليزية !!!!!! هذا وينه اول مره اسمع فيه

[reeme22]

لو سمحتوا انا لاجيت اسجل فيزياء عامة 2 يكتب لي اخطاء التسجيل مطلوب نظري/عملي معا
وين المشكلة :confused:

[براثن]

ممكن صورة عن الجدول ما اخذت وقت طويل لأن الجدول مو جاي يفتح عندي أبد و أكيد الشعب تسكرت و ما قدرت أسجل شي ×_× يا ريت تساعدوني

[براثن]

جماعة في حد يقول لي ليش يقولي " مطلوب عملي و نظري معاً " مع أني حطيت العملي و النظري ؟

[Ma_YmdeeCom]

جماعة في حد يقول لي ليش يقولي " مطلوب عملي و نظري معاً " مع أني حطيت العملي و النظري ؟

يعني تاخذين crn اثنين عملي ونظري لهالماده ,

[мя_šααđ]

ولازم يكونون جنب بعض .. يعني نظري عملي ع طول

[ترآتيل مَطَر]

انا بعد أبغى اعرف من فين أجيب ال crn للغة الانجليزية قبل تخلص الشعب زي الاحصاء '(
والعقيدة والمذاهب الاسلامية إذا سجلت الcrn يقولي الرقم المرجعي للمقرر مش موجود مع اني متأكده من رقم الكلية 08 بس مو راضي يضبط ساعدوني بليز

[7ooryossef]

اخوي صديق وفي
انا حطيت نظري وعملي جنب بعض كل واحد ف مربع بس صارت لي نفس المشكله يقول لازم نظري وعملي

[K.14]

مريم مركز اللغه الانجليزيه موجود من ضمن الجداول الدراسيه
وبالنسبه لفيز2 غيروا الشعب يمكن تضبط معاكم غيرها
لان بنت عمتيه صارت لها نفس المشكله وغيرت الشعب ودخلت لها الماده
اما اذا يخترب الجدول ف لازم تروحون تسجلون المشكله عن مرشداتكم الاكاديميات وتمرون ع القبول والتسجيل وتقولون لهم عن المشكله لان انا رحت القبول والتسجيل الخميس وبنات واجد زي مشكلتكم
واما العقيده والانجليزي مافتحوا شعب كثير والانجليزي تسكروا الشعب لها
انصحكم تصبرون لمن التاكيد
اذا مافتحوا روحوا طالبوا بفتح شعب زياده

بالتوفيق للجميع