الاشتقااااق

[endless love2]

ابغا شرح للاشتقاق جنني ابغا اخلص الرياضيات واخلص منه لي كم يوم عليه
ابغا شرح مفهوووم للمشتقه الاولى !!!!!بلييز:no:

عرفت للداله المتوسطه :5aga::5aga::5aga:



شفت محاضرات طاهر ومافهمت معاه ساعدوني
:Cry111::Cry111::Cry111::Cry111:

[ام تاليا]

اي محاضرة ؟

[endless love2]

المحاضره 11

[ام تاليا]

طيب اش الي مو فاهمته بالضبط اي جزئية تراه مرة سهل فقط احفظي القوانين و طبقيها ..

حددي اي واحد مافهمتيه انا جيت اشرح حسيت مافي شي ينشرح كله مباشر ..

واحترت اش اكتب .. :mh12:

شفتي شرح استاذنا ؟ احسه واضح ومفهوم ومايلف و يدور كلشي دايركت شوفيه واذا مافهمتيه تعالي احاول اشرح الك مع اني مرة ميح بالتعليم توصيل المعلومة هع

[ASMA1]

اختي شوفي شرح دكتور اسامة حنفي .. يمكن يفيدك ....

[Huoo]

الخطوة الاولى بالاشتقاق لما تكون X^N و N عدد حقيقيفي هذه الحاله لما تكون مرفوعه لعدد حقيقي.. لما اشتقها ارفعها لان ناقص واحد واضرب الاكس بأنمثال توضيحي Y=X^3 هنا لما اشتق هذه الداله راح اقول dY/DX= 3X^2يعني هنا نزلنا 3 اللي كانت مرفوع الاكس ضربناها بالاكس .. ورفعت الاكس ب، 3-1 اللي اهو 2 ..احسه جدا سهله من سهولتها ما عرفت اشرحها ولكن اتمني انك فهمتي مني ..

[Huoo]

برضوا لما يكون المرفوع له بالسالب .. لما ننقص بالسالب راح يزيد الرقم لانو كلما كببر الرقم بالسالب معناه انو اصغر
يعني لما يكون x^-2 لما اشتقها راح تكون (-2x^-3)
يعني راح تكون مرفوعه للرقم سالب ثلاثه لانو اصغر من سالب 2
الزبببده .. لما يكون مرفوع لرقم سالب او موجب او كسر .. كلها نقصي منها وااحد .. لما تشتقيها ..


اذا حسيتي انك فهمتي معي قولي لي اكمل :)

[Huoo]

برضوا لما تشتقين ثابت راح تكون نتيجه الاشتقاق =صفر
يعني مشتقه الواحد صفر
ومشتقه 1000 = صفر
اي عدد لما تشتقيه راح يعطيك صفر ..
سواء كان موجب او سالب او كسر


برضوا لما تشتقي .. هذي الداله ..
Y=4x^3
هنا الاكس مضروبه بعدد ثابت ومرفوعه لعدد برضوا
هنا راح نضرب الثابت بالمرفوع ونرفع الاكس ل 3-1
يعني ..
راح يكون الجواب .
Dy/dx=12x^2
طبعا 12 نتيجه ضرب 3*4 و2 نتيجه طرح 3-1

اتمنى يكون واضح خيتو :)

[ام تاليا]

يحليلك جبتيها الها ..

انا كتبته و مسحته حسيت من سهولته ماعرفت اشرحه

ان شاء الله تفهم شرحك ..