أبشركم الواجبات وقدرت احلها عن زوجتي...وش بقئ لها

[بتال راشد]

الله يعطيكم العافيه


الواجبات وحلينها لزوجتي

قالوا بقئ تنزيل ومناقشه


وشهيهي
تنزيل ومناقشة


الله يسعد قلوبكم

[بتال راشد]

يعني باقي لها شي غير حل الواجبات
اتمنى تسعفونها بالعلم الوكاد
الله يوكدكم بالفردوس الاعلئ

[الساهره]

هلابك اخوي الله يوفقها يارب وحلو الواحد يكون عنده طموح باقيلك المناقشه وهي اربعة عشر مناقشه وعندك بعد المحاضرات المباشره تحملها تلاقيها على جنب الصفحه والمحاضرات المسجله اربعة عشر محاضره والله يوفقنا جميع

[aljoory11]

باقي تنزيل المحاضرات والمحتوى الموجودة مع كل محاضرة
ومناقشات اللي هي منتدى الحوار لكل محاضرة مناقشة لازم تحلها

[m_sbi]

ايه المحاضرات لازم تحملها اول تشوف منها ٥ دقايق ع الاقل
وفيه مناقشات تلقاها في منتدى الحوار وفيه بعد المحاضرات المباشره

موفق ��

[أنفاس الياسمين]

ايه باقي تحمل 14محاضرة مسجله ف كل ماده
و3محاضرات مباشرة برضو ف كل مادة
وباقي تحل 14مناقشة ف كل مادة مكتوب منتدى الحوار تحت الواجبات
وبكذا تكون خلصت الله يجزاك الجنه ويكتب اجرك ويكثر من اماثلك
ع معاونتك لزوجتك واتمنى لها التوفيق والنجاح

[7amood]

لاتحملها فيديو ولا نسخه جوال الموقع مايساعدك حملها صوت واول ماتفتح الصوت انتظر لما يتحمل كامل بتشوف الشريط الرصاصي لما يكمل فل حمل المحاضره

[ام بندووري]

باقي ١٤ محاضره و١٤ نقاش

ماعليش بس زوجتك وين كانت طول الترم

ليه من اول ماتكلمت

اللحين تراكمت عليها وغير كذا الموقع مزحوووم وعليه ضغط حييل

ع العموووم النقاش حاول تحمل الاوبرا وتنسخ المناقشات منها تسهل عليكم الحل

والمحاضرات تحميل صوتي

والمحتوويات تحصلها بمستوي اول اداب لازم تطبعها وتذاكر منها ومن الاسئله الشامله واسئله العام

وبتوفيق

[بتال راشد]

الله يسعدكم سعاده تسعدكم طول عمركم


يعني احمل بس صوت اللي مكتوب تنزيل ملفات الوسائط


هي اللي مكتوب تمهيدي وتحتها كثير يمكن 14

[aljoory11]

ايوا هي اللي مكتوب تمهيدي ذي المحاضرات

[بتال راشد]

لازم اشوفها كامله بعد التحميل كلها..........معقولة

[aljoory11]

انت الحين حملها كلها
واكيد لازم تشوفها علشان تفهم الماده وقربت الاختبارات لازم تطلع عليها

[بتال راشد]

انا مادرس معكم

زوجتي هي اللي تدرس

انا والله ودي اساعدها تاخذ الدرجه كامله بس


لازم تشوف المحاظرات....هي ودها بلملخصات بس

واشوف مكتوب مناقشات ومافتحت معي وش موضوعها

[w3o0od2]

اخوي عندك ١٤ محاضره من التمهيديه الين الرابعه عشر
كلها سو لصوت داون لود
وبنسبه للمناقشات نفس الحكايه تحلها من واحد ل ١٤ كتابه
والله يوفقكم

[ِ~ام الحلواتِ~ِ]

اخوي الله يوفقه يارب
تحمل المحاضرات باي صيغه عادي الجوال الصوت
وتفتحها لو خمس دقايق عادي اهم شي تحمل جميع المحاضرات
وكل محاضره لها ملخص وورد هو المطلوب
وفيه محاضرات مباشره لكل ماده 3 محاضرات تحملها بصيغة الجافا
ومناقشات في منتدى الحوار
وفالها النجاح والتوفيق واي استفسار بالخدمه

[لــوســي]

بأختصار .. كل ماده عندها التالي :

3 واجبات
3 محاضرات مباشرة
14 محاضره مسجله
14 موضوع نقاش

...

الواجبات وحليتها خلاص

الباقي عليك :

1- تحميل أو مشاهدة أ14 محاضره مسجله

2- تحميل او مشاهدة 3 محاضرات مباشرة لكل ماده

3- المناقشة في منتدى الحوار 14 موضوع لكل ماده

....

طبعاً ألحين تنشاف كثيره لأنها تراكمت حق الترم كامل

[~{RORO}]

الواجبات عليها ١٠درجات وهذي انت خلصت منها ولله الحمد :icon1:
المناقشات عليها ١٠ درجات ايضا من ١الي ١٤ كل ماده لازم تحلها
ع يمين الاب في التعليم الافتراضي في شي اسمه منتديات الحوار ادخل عليه تحصلهم بالترتيب وضروري تحلونها الان :5aga:
اذا دخلت عليه راح تشوف قبلها ناس حالين وخالصين مناقشاتهم شوف ايش كتبو واكتب مثله وعلمها هي بنفسها تكتب وتحط ارسال مشاركه :sm5:
انا افضله الكتابه اكثر من النسخ :Looking_anim: لان خوفونا منه انو ماراح تحسب الدرجه وما اعرف ايش ! :16.jpg:
تسهر عليها يوم وباذن الله تخلصها ولازم من الحين عشان الضغط ع النظام كل ماله يزيد :119:
باقي عليها المحاضرات المسجله والمباشره عليها ايضا ١٠ دجات
المحاضرات المسجله تقريبا ١٤ + التمهيديه اذا كانت موجوده
المحاضرات المباشره ٣ محاضرات
ضروري تحملهم كلهم بس مو ضروري تشوفها الا اذا كانت الماده تحتاج وما فهمتها زوجتك تشوفها

هنا عندنا في الملتقي جميع التخصصات هي اي مستوا ؟واي تخصص؟:119:
يعني لو كانت دراسات ادخل ع قسم الدراسات الموجود عندنا والمستوا تبعها راح تشوف الاعضاء مااااقصرو
عملو ملخصات ومراجعات واساله الي عليكم تطابق اسماء موادها مع اسماء الملازم وتطبعونها وتبدا تذاكر :icon19:

انتبهو :icon1::sm4:
اخر يوم لاحتساب المشاركات ١٦-٢
اول يوم لاختباراتنا هو ١٨-٢ يوم السبت
والله يوفقها ويوفقك ويسهل اموركم وامورنا :love080:

[ملآكي]

بأختصار .. كل ماده عندها التالي :

3 واجبات
3 محاضرات مباشرة
14 محاضره مسجله
14 موضوع نقاش

...

الواجبات وحليتها خلاص

الباقي عليك :

1- تحميل أو مشاهدة أ14 محاضره مسجله

2- تحميل او مشاهدة 3 محاضرات مباشرة لكل ماده

3- المناقشة في منتدى الحوار 14 موضوع لكل ماده

....

طبعاً ألحين تنشاف كثيره لأنها تراكمت حق الترم كامل
زي ما قالت الاخت
+
حمل المحاضرت بصيغة الجوال < اسرع واسهل شيء
ومو لازم تفتح المحاضرة لأن مجرد ماتحملها تحتسب الدرجة


بالتوفيق جميعا :)

[بتال راشد]

جزاكم خير جميعا


كيف اعرف اني سويت التحميل بنجاح

[بتال راشد]

واعرف انهم حسبولي الدرجه

[بتال راشد]

شكلي بطلق المره وارتاح

[بتال راشد]

قصدي كيف اعرف اني حملت ونزلت الماده



الله يسعدكم تراي اجهل الشي هذا

[منوة الخيال]

من الخارطه الاكاديميه في الخدمات الطلابيه

[ِ~ام الحلواتِ~ِ]

اخوي الله يهديك الكل هنا ماكان يعرف بهل انظمه شوي شوي تتعلم وتصير مويه
اهم شي لاتحبطها وخلك معاها وعلمها وعندك الخارطه الاكادميه اخر ايقونه
تقدر تستعلم عن الدرجات
وموفقين

[بتال راشد]

هي اللي حبطتني وانا مالي دخل

[ابو غيداء]

شكلي بطلق المره وارتاح


اذا طلقت وخلصت العده علمني


عندي الخبره الكافيه بحل الواجبات وتحميل المحاضرات وكل شي

[بتال راشد]

تعبت
وحلبت لها كل الواجبات

واخر شي دخلت الخراطه الاكاديمية واشوف حاطين اكس

يعني انا حلي غلط

الله يسعدكم تحملونن شوي

[JASMENN]

طيب لاجيت تحل الواجبات والمناقشات خل زوجتك جنبك عشان تعرف الطبخه وتتعلم عشان بعدين تعتمد ع نفسها
والامور بسيطه ولايبيلها كل هالتعقيد بس لانها الله يهديها راكمت كل شي لين اخر الترم فشي طبيعي هالشي يصير ضغط وحوسه ..وخصوصا مع قرب الاختبارات حتى الانظمه تصير بطيئه
الله ييسر اموركم يارب .. لكن من الترم القادم تحاول تتابع مع الجامعه حبه حبه عشان ترتاح اخر الترم وتتفرغ بس للمذاكرة
اما عن سؤالك كيف تعرف ان كل مضبوط روح للخدمات الطلابيه تلقى ايقونه اسمها الخارطه الاكاديميه خش عليها وتشوف كل شغلك اذا صح او لا

[بتال راشد]

لقيت مكتوب عليه اكس

انا توي امس حليت الواجبات لين تعبت لها
معقولة اكي وحلي غلط ولا الاكس قديمه

[العضيد1]

الله يبشرك بالخير.
باقي حل المناقشات وتنزيل المحاضرات.

[KFU STUDENT]

لقيت مكتوب عليه اكس

انا توي امس حليت الواجبات لين تعبت لها
معقولة اكي وحلي غلط ولا الاكس قديمه


اخوي النظام يتحدث اسبوعياً فقط

مثلا اليوم انا عندي نقص بمناقشه وحليتها وشيكت وطلع عندي اكس لكن بعد اسبوع تتحدث ويصير صح ان شاءالله



وبالنسبه للمناقشات والتحميل سهله

كل ماده 14 محاضره مسجله مهم تحملها كلها من الافتراضي اوو البلاك بورد صوت او نسخه جوال او مشاهده

وطبعا المباشره غير المسجله كل ماده لها 3 محاضرات مباشره وتحملها صوت او صيغه جافا

خلصنا من التحميل نروح للمناقشات ياعن طريق الافتراضي او البلاك بورد والأفضل الافتراضي لانه سهل التعامل معه

في كل ماده يوجد منتدى حوار عدد المناقشات لكل ماده 14

والطريقه سهله نسخ ولصق المناقشه باستخدم متتصفح اوبرا او طريقة السحب والافلات

هذا رابط لطريقه المشاركه بمنتدى الحوار
http://www.ckfu.org/vb/t508349.html

[sfr]

حظها زوجته حظها قايل به ههههههههههه اللهم لا حسد

[بتال راشد]

ابو معاذ

انا موافق
شرط ترجع لي المهر +رسوم الجامعه

[بتال راشد]

+مسامحك في 277ريال حقت بدل حل الواجبات

[ِ~ام الحلواتِ~ِ]

اخوي حل بنظام واحد بس ياالبلاك بورد او الافتراضي وطبعن الافتراضي افضل ومرتب
وان شاء الله تاخذ ال30 بالتوفيق يارب ~

[بتال راشد]

شكرا على ردودكم...اثلجتوا صدري.....ربي يسعدكم جميعا



تراني احملها بالصوت فقط ثم تفتح ثلاث ثواني واقلفها



عادي تحسب الدرجه ولا لا

[بداية التخرج]

انا اتوقع ان زوجتكـ بتاخذ 30 من 30 في المقررات كلها

[First step]

الله يعطيك حتى يرضيك
فالبدايه كلنا انحسنا مع النظام لكن بعدين رتبنا امورنا وكل شي تمام
اول شي حطلك جدول لتحميل المحاظرات وحل الواجبات والمناقشات وبتلقها كثير هنا فالمنتدى
اطبعها واذا حملت محاضره او حليت واجب حط عليه اكس والله ييسر امرك وإذا تحتاج مساعده
أنا فالخدمه

[ابو جنااا]

الحمد لله

[مجاهدة]

عفوا أخي ماني عارفة كيف زوجتك تدرس تعليم عن بعد وما تعرف تستخدم الكومبيوتر والنت ؟؟!!
معليش يعني ترى ماينفع كذا وش فايدة دراستها وهي ابسط شئ اللي هي التقنية اللي مايمشي شئ بهالزمن الا بها ماتعرف لها ؟!
ترى منت قاعد تساعدها لما تسوي بدالها هالاشياء لازم تدخلها دورة حاسب تتعلم ثم تسجل في التعليم ع بعد
يعني معليش بس مستغربة لو وقتها مضغوط تساعدها في كم حاجة بس دام كلش قاعد تحله لها فهمت انها ماتعرف تستخدم الكمبيوتر او انه غير مسموح لها لا سمح الله ؟!!
و عذرا على الرد الخارج عن الموضوع لكن قدامها مستويات كثير لازم تشوف لها دورة تتعلم على الحاسب والنت
اعتبر اللي مايعرف للحاسب بهالزمن أمي مثل اللي مايعرف يقرأ ولايكتب لأن كل شئ بالحياة صار يمشي بالأجهزة
والله يوفقها يارب ويوفقنا جميع ويكتب لنا النجاح

[nora@]

لازم زوجتك تتعلم على الحاسب اصلا فيه مواد عندنا ماتنفهم الا بالتطبيق زي برامج الحاسب المكتبيه وغيرها

[حنوشا العتيبي]

يسعدك ربي :16.jpg:

[ṂṦtЯe7h ĂlβĂŁ]

هههههههههه ضحكتني ردودكم ..ّ



الاعضاء ماقصرو فيهم الخير والبركه

[70s]

اذا طلقت وخلصت العده علمني


عندي الخبره الكافيه بحل الواجبات وتحميل المحاضرات وكل شي

اصبح موقع زواج