الخارطه الاكاديميه(سوالي ليس كسؤال البقيه ارجو الرد)سوال اخر

[Mahosh]

السلام عليكم ورحمة الله وبركاته:

مثل ماهو موضح بالموضوع سوالي ليش كل البقيه سوالي يقول:

انا الان محمله المحاضرات المسجله والمباشره من البلاك انتبهو البلاك طبعاً كلها صح والافتراضي ماجيته اكيد خطا

سوالي:الحين المحاضرات المسجله صح واحد قفط امام كل ماده في البلاك وليس الافتراضي هل الصح هذا يشمل 14محاضره

مثلاً التذوق الواجبات صح المناقشات موجود 14مناقشه يعني 14صح المحاضرات المسجله صح واحد والمباشره صح واحد مو زي الافتراضي المحاضرات14صح هل الصح هذا يقصدون فيه 14محاضره او لا انا اتوقع بس حبيت اتاكد
:g2:

[توتهه]

وعليكم السسلام ..
والله انا مثلتسس مادري وش صاير ليتني م دخلته بس :Cry111: انا حليت بجميع الانظمه لانو احيانا م تفتح عندي صفحه البلاكك .. واروح افتحها من الافتراضي .
وعندي الاكسات اكثر من الصحات حسبي الله عليهم مع اني ححاله كككل شي
بس فيه شي مجنني انا ماحضرت ولا محاضره مباشره
ومع ذالك محسوبه لي وش هالخربطه:017:

[احمد الشمراني]

طيب اذا في النظام الافتراضي كلها صح ما عليك من البلاك القديم اتركيه

ركزي على نظام واحد بس

اللي امامه اكس احمر روحي وكمليه وخلاص.

[توتهه]

وش وش ذا الخرابيط اقول انا م حضرت المباشره للحين
وحاطين لي صصح كبر راسي :017:
والمحاضرات المسجله اللي حضرتهم حطوا لي عليها اكسس !!!!!
ماعليش يستهبلون ؟؟
طيب بالله اللي يعرف رقم اي واحد من العمادهه يعطيني اياهه افهم ع الاقل ماعاد فيه وقت وش هالوههقه ذي :Cry111:

[احمد الشمراني]

كثير مثلك

اتوقع المشكلة فقط في التحديث

يعني الاسبوع الجاي ممكن تشوفين تغير في الصفحه

بس نصيحه ركزي على نظام واحد بس...بالتوفيق

[ابو جنااا]

الي انتي عارفه انك ماحليته او ماحملتيه حليه

و شوفي المناقشات اذا ماهي مكتوبه اكتبيه و المحاضرات المسجله

حملي المحتوي لك المواد
وابشري الاسبوع الجاي بكون لك اهلاوي من اللون الاخضر

[الماسة نجد]

ياربي حاجه صعبه

[ســــلآف]

اسمعي كلام الشباب والله يووووفقك
ارجعي مره ثانيه واللي عليها اكس ضبطيها
احيانا تحملين والنظام تثيل وما يحمل مضبوط
الحمد الله عرفنا الحين ولا بعدين

الله يووووووووووووفقك

[أم البواسل]

وأنصحك تعتمدين الافتراضي انا عندي كلها صح معاد ماده فيها مناقشه خطا ورجعت للماده لقيت فعلا ناسيتها ماحليتها فرحت والله أنه ذكرني اما البلاك فتحته عندي المباشره خطا مع اني احضرها مباشره بوقتها

[توتهه]

شكرا ااخوي احمد م قصرت ..
والله ي اخ سلولفي اتوقع كذا النيم تبعكك:cheese: هذا اللي ناويه اسويه وان شاء كله ينقلب اخضر
والله ي روحي سولاف اتمنى مزاجي يكون عالي مثلك:24:
بس مشكلتي مو بالمناقشات انا عندي المحاضرات المسجله كلها اكسات بس يالله ان شاء الله بعد التحديث تتعدل املي بالله جد وتروناا :000:
اااامين الله يوفق الجميييييعع

[الماسة نجد]

انا بالافتراضي وبسسس فاضيه لهم انا خير هلكتتت

[لافي محمد]

البلاك هذا انا كرهته من الترم الاول تخيل حلية كل الواجبات وانتظر الواجب الثالث مانزل وماباقي كان الي ايام بسيطه على المهله الي اول شي عطوني عاد مددوه بعدين المهم وانزل موضوع واتماكن نفسي واحل الواجبات في الافتراضي والحمدالله عادة هذي السالفه والترم هذا والله حتي الماوس مايمر عليه اذا جيت ارقي الموس من فوقه واروح الافتراضي => حقد عليه

المهم حاول انك تحمل المحاضرات الي عليهم اكس لاني شفت الجدول مو مثل الي كاتب انت اشوف كل محاضره تحته خانه وكل واجب ومناقشه اتكلم عن الافتراضي انا طبعاً والله يوفق الجميع

:

ماشاء الله علي :D
ماشاء الله علي :D
ماشاء الله علي :D
ماشاء الله علي :D

بكره اناشاء الله امهاتكم الله يخليها لكم تقول لكم خلوكم مثل ولد وضحى وتشوفون :060:


فيني حماس مادري متي تنزل المحاضره الثالثه :lllolll:

[Ʀəɱσ ᶎᵾЌ]

يا حلوين في المستويات القادمة الأحسن لكم انكم تعتمدوا في الحل لكل شي ع الإفتراضي وخلو البلاك فقط للمحاضرات المباشرة .. يعني من اسمه بلاك مبلك عيشتنا "( الله المستعان

[Mahosh]

طيب انتم ما فهمتو سؤالي هههههههههه انا المحاضرات ع البلاك فقط من الترم الأول بس سؤالي عن الصح الي في البلاك هل هم يقصدون صح لجميع المواد او كيف لا كل ماده أمامها صح وحد للمحاضرات المسجله يقصدون الصح هذا لـ١٤محاضره والله مالي خيل أروح الافتراضي وارجع احمل المحاضرات أبداً مافيه وقت مرررررررره اتوقع الصح يشمل المحاضرات١٤كامله أنها صح،،،،،

[لافي محمد]

انصحك تصورين المشكله وتنزلين الصوره هنا

علشان تكون المشكله واضحه قدام العموم

لان انا عندي شي غير الي عندك انا كل محاضره تحته خانه

[اميره الجزيره]

نفس الحكايه متاكده اني حضرت المحاضرات المباشره وحاطين لي اكس كل المواااااد

[Mahosh]

طيب اشلون اصورهاوانزلها؟؟؟

[Mahosh]

اقصد ألطريقه كيف،،،،أخ لافي

[لافي محمد]

دوري في الكبورد كلمة اسمه sys rq اضغطي عليه وانتي فاتحه الصفحه الي تبين تصورينه وروحي يم برنامج الرسام وسوي لصق عن طريق ctrl + v وسوي حفظ الصوره باسم وروحي اي مركز تحميل وحمليها ونزليها هنا بس

[لافي محمد]

وهذا شرح باليوتيوب

http://www.youtube.com/watch?v=JhIG3SO825o

[Mahosh]

انا داخله من أيباد ينفع شكرًا أخوي تعبتك معي،،،،

[لافي محمد]

طيب والايباد اسهل بعد اضغطي على زر الايقاف الي فوق يجي بالعاده مع زر الهوم يعني اضغطيهم مع بعض وخليه ضاغطه عليهم حتي يصور الشاشه وبس

[كارزما]

طيب انتم ما فهمتو سؤالي هههههههههه انا المحاضرات ع البلاك فقط من الترم الأول بس سؤالي عن الصح الي في البلاك هل هم يقصدون صح لجميع المواد او كيف لا كل ماده أمامها صح وحد للمحاضرات المسجله يقصدون الصح هذا لـ14محاضره والله مالي خيل أروح الافتراضي وارجع احمل المحاضرات أبداً مافيه وقت مرررررررره اتوقع الصح يشمل المحاضرات14كامله أنها صح،،،،،


/


..يب يقصدون انك محماة كل المواد المسجلة لها المادة وماعندك نقص وكذا لك المباشرة :biggrin:
عكس الافتراضي الي مفصل كل شي بالحاله :sm5:

[Ana sasaa]

:confused::confused::confused: ايش دا الشي اللي بتتكلمو عنو والله مدري ايش هوا ؟

[Mahosh]

فديتك كرازما هذا هو قصدي لبى روحك لافي صورت الشاشة يالغالي قبل تقولي ههههههه بس ألطريقه كيف انزلها هنا أحط إضافة صوره من وين يطلع لي رجاء ادخال رابط الصورة كيف؟؟؟؟؟؟؟


شكرًا لك كرازما

[كارزما]

/


لازم ترفعين الصورة على اي مركز تحميل
سهله الشغلة اكتبي بقوقل مركز تحميل صور ببيطلع لك الف واحد
اختاري واحد وبتلقين خيار اختيار صوره ارفعيها من جهازك وانتر
بعدين هاتي الرابط الي بيطلع وحطيه باختيار صورة وبس:16.jpg:

[طموح وامل]

أنا فاهمة قصدك بس ما اقدر أفيدك لان نفس استفسارك كان يدور ببالي

[خـــاطـــر]

.
.
.

مساء الخير


هذا اختي تصوير من الخارطة الاكاديميه


http://im37.gulfup.com/5CHjx.jpg



الجدول الاول : كله اخضر لاني معتمد على النظام الافتراضي
الجدول الثاني من خلال البلاك بورد وتلاحظين الفرق في الواجبات

"


في الجدول الاول اخضر لاني حاله في الافتراضي
وفي الجدول الثاني اكس احمر

يعني الكلام كله يعتمد على النظام اللي بديت فيه من البداية

اتمنى افدتك واذا فيه استفسار ثاني انا موجود


وفقك الباري

.
.
.

[Mahosh]

شكرًا لك خاطر انا عارفه يالغالي ان النظام الي فيه خطا يعني ماجيته فأعمله هالشي وكل أموري تمام ولله الحمد بس سؤالي عن البلاك المحاضرات المسجله حاطين إيقونة وحده (صح) لجميع المحاضرات١٤ وأيضاً المحاضرات المباشرة إيقونة وحده(صح) لجميع المحاضرات الثلاث اقصد مو مفرعينها زي الافتراضي المحاضره الأولى المحاضره الثانية ووووووو هل الصح هذا يعني كل المحاضرات المسجله صح انا عندي الحمد الله كلها صح شغلي ع البلاك بس شكل البلاك زي ماقالت اختي كرازما مو مفرعينها صح واد يعني لجميع المحاضرات

[طموح وامل]

انتظر احد ،يفيدنا

[لافي محمد]

السلام عليكم ورحمة الله وبركاته

بعد ماشفت ردود الي فوق


طبعا الواجبات مفصله لك كل واجب له خانه الحاله وكل مناقشه له خانه الحالها
المشكه عندكم في المحاضرات المباشره والمسجله

اذا شفتي العلامه الخضراء هذا معناه انك انهيتي جميع المحاضرات اما اذا كانت العلامه الحمراء ان فيه محاضره واحده او اكثر من واحده ماشفتيها ماحملتيها


حاول ترجع وتشوف وش المحاضرات الي ماشفتها او ماحملتها وحملها وشاهدها

والتنبيه : التحديث كل اسبوع ماهو بشكل يومي يعني مو اذا حملت المحاضرات تروح تشوف العلامه تغيرت او باقي , فيه تحديث كل اسبوع


انا اشوف ان الافضل لجميع انهم يسون جدول خاص فيهم كل شي يسونه يكتبونه :)


وبالتوفيق لجميع

[hjoora91]

السلام عليكم ورحمة الله وبركاته
انا ودي اسأل عن الخارطه الاكاديميه هي تتحدث كل اسبوع اذا فيه احد يعرف بالضبط وش هو اليوم اللي تتحدث فيه وكمان ودي اسأل عن الماحرات المباشره الثالثه لمادة برامج الحاسب و الاحصاء والانجليزي كتابه متى تنزل لاني شايله همها

[لافي محمد]

اتوقع والله اعلم انه كل يوم الاحد تتحدث لاني شاهدة محاضره يوم الاحد الي الحين ماتغير شي

اما المحاضره الثالثه والله شكله باقي مانزلت لان انا عندي كل المواد مانزلت الي الحين

انا طبعا على النظام الافتراضي

[سمو الاحترام]

السلام عليكم كيف الحال ياشباب اتمنى من الجميع عدم الدخول على الخارطة والتشكيك في تحميل المحاضرات وحل المناقشات والواجبات فقد حسب لنا الدرجات سواء كان في الافتراضي او البلاك والانظمة مكمله للاخرى والجميع لديهم طرق للتحميل وحل المناقشات والواجبات وشكرا واتمنى للجميع التوفيق والنجاح

[S A L E H]

الرابط هذا في برنامج ممتاز بالحيل انا ماشي عليه من بداية الترم
http://kfuforums.kfu.edu.sa/showthread.php?185383-%C8%D1%E4%C7%E3%CC-%CC%C7%E3%DA%CA%ED-%E1%E3%CA%C7%C8%DA%C9-%C7%E1%E6%C7%CC%C8%C7%CA-%E6%C7%E1%E3%D4%C7%D1%DF%C7%CA-%E6%C7%E1%E3%CD%C7%D9%D1%C7%CA-%C7%E1%E3%C8%C7%D4%D1%C9-%E3%E4-%C8%D1%E3%CC%CA%ED
بيفيدك

وبالنسبة للمحاضرات المسجلة والمباشرة فالاصح هو مثل ما قال اخونا ((لافي محمد ))
لان هذا كلام العمادة لان الخارطة للبلاك بورد تحت التطوير(مو كاملة )

[أم مجودي]

الي انتي عارفه انك ماحليته او ماحملتيه حليه

و شوفي المناقشات اذا ماهي مكتوبه اكتبيه و المحاضرات المسجله

حملي المحتوي لك المواد
وابشري الاسبوع الجاي بكون لك اهلاوي من اللون الاخضر




صححححححححح :biggrin::biggrin::biggrin::biggrin::16.jpg::16.jp g::16.jpg:

يالبى الاخضر

[rmooosh]

ياليتهم مافتحوا هالخارطة كان احسن نجلس كذا مانعرف شي ولا الحين الكل متوهق وحايس ومو عارف وش يسوي انا مافتحتها غير مره وواثقة من التحميل وحلول المناقشات والواجبات عاد بكيفهم يحطون صح والا خطا