سكن الطالبات بالدمام معقوول؟؟؟

[¤§©¤ ريم ¤©§¤]

مساء الخير للجميع

شلونكم؟؟؟
امس الله يسلمكم قلت بدق على سكن الطالبات

في الدمام
يعني استفسر عن الأمكانيات والخدمات الخ الخ
تخيلوا

اول نقطة نظام شقق كل شقه فيها على ما اذكر 4 غرف
وكل غرفة طالبتين ومطبخ في كل شقة

وحمامين وانتوا بكرامة في الشقة الوحدة

ولا يسمح بالتجول خارج الغرفة الا باللبس الرسمي بلوزة وتنورة:017:

انزين ماخلصنا عند جذي

لو بتطلبين شي من براااا

تستنين لما تحج البقرة على قرونها عشان يجيبونه لج

سألت اذا يحق لي اختار الي وياي اقلها في الغرفة

قالت لي لا ما يحق لج

يعني ما تضمن الوحدة الي وياها اخلاقها زينة وله لأ

انزين سألت عن وسائل الترفية <<< وين داقة الاخت؟؟؟

قلت لها مايصير طول الوقت دراسة وضغط وجذي

قالت لي اي اكيد عندنا

قلت لها شنو عندكم؟؟؟
قالت في تلفزيووون

بس مافي قنوات :017:

بس قنوات السعودية

عاد شحلاتي الخميس والجمعة على السعودية الأولى والثانية :lllolll:

انزين في نت؟؟

قالت ايي
توني بقول يلا زين

الا قالت

بس للطالبة نص ساعة كل يوووم:017:

يعني مايمدي الوحدة تفتح المسن ولا جان بترسل واجبات لها

ولا جان بتشارك في الملتقى حشااا

بذمتكم شرايكم؟؟؟

بتقولون لي كل شي يهون عشان الدراسة

اوكي وياكم

بس مو كل احد يتحمل هالوضع

بصراحة فيه ضغط مو طبيعي

ولافي خصوصة او على الأقل راحة

انتوا شرايكم؟؟؟

مع تحياتي:
ريــــــــــم

[lo0ole]

هههههههههههههههههههههههههههههه

انتي ررررررررهيبااااا
.
.
الله يوفقك يختتي

[¤§©¤ ريم ¤©§¤]

ههههههههه

وانتي ارهب << تجي ذي؟؟؟ ههههههههه
واالله يسمع منج:119:

[smartman1212]

بس مافي قنوات

بس قنوات السعودية

عاد شحلاتي الخميس والجمعة على السعودية الأولى والثانية

بس للطالبة نص ساعة كل يوووم

ههههههههههههه :003:
يتطنزون !! ... أجل بس قناة السعودية ههههههه :cheese:
والنت بس نص ساعة في اليوم !! :003:

الله يصبركم على استهبالهم :lllolll:
الأستاذه الكريمة ¤§©¤ ريم ¤©§¤ :-
الله يوفقك ويسهل أمورك

[¤§©¤ ريم ¤©§¤]

ههههههههه

الله يسمع منك

عاد معصي اقعد عندهم هههههههههه

[ياربي]

ههههههههههههههههه

حمدي ربك ترى كل كذا يسوون

وان شاء الله تتخرجين وتفتكين منهم

[¤§©¤ ريم ¤©§¤]

اصلا والله مافلكر اسكن عندهم

ان شاء الله بالشارع <<< واثقة الاخت ؟؟ ههههه

والله كريم

[وجنات الورد]

الله يعينك ريموووو
اقولك بلاها السكن عندهم هههههههه < وأنتي وش دخلك
طيب روحي وتعالي بالقطار اذا ماانتي باغيه تسكنين بالسكن:mh19:

وربي يوفقك ياقلبي:119:

[أخت القمـر]

يا ماااااااااااامي شو هيدا
كللللللله كوم واني اتجول بالزي الرسمي كوم ثاني
زودوها
اللي يسمعهم يقول ان في شباب بالسكن ولا شوي وتلبسون العبايه
ولا السعوديه الأولى
وياليت في نت عشان تصبرون حالكم
على اييييييش ان شاء الله
والله لو تروحين وتجين بالقطار ابرك لك:003:

دوري سكن ثاني الحقي على عمرررررك
والله انك عكسي تبين سكن بالدمام
وانا ابغى بالأحساء
<<< تقول الحمد لله بروح مع سكن حمادي ابرك من سكن الجامعه:cheese:
’,
’,
’,

سلامــــيے لك...
قمووورهـ...!

[¤§©¤ ريم ¤©§¤]

ههههههههههه

وجنات صعبة روحية وجية يوميا

قمووورة

اي شعليكم الحمادي فاتح لكم

وانا قهرني يقول مو فاتح في الدمام :017:

ههههههههه امرنا لله بس

[بـــو أحــمــد]

¤§©¤ ريم ¤©§¤
الله يكون بعونك صرااااحة

هذا التعقيد موجود دائماً في سكن الطالبات التابع للجامعة :000:

[# أنغـــ الوجدان ــام #]

أختي ريم الله يساعدك
صحيح حــــــــــــــــــــــــــــــالة
شوفي أنا عندي لك اقتراح
انشاء الله يعجبك
شوفي لك بنات يدرسون في الدمام
يعني من نفس المكان اللي انتي عايشة فيه
لو دورتي بتشوفي ترى في واجد
سألي اهلك وصديقاتك اذا يعرفون احد

وبعدين اتفقي وياهم
تسكنوا جميع خارج سكن الجامعة
وتشتركوا في الايجار
وترى اتوقع يكون احسن لك حتى ارخص وتاخذي راحتك
بلا زي رسمي ولا نص ساعة حق النت
تقدرين تسوين اللي تبه لو كنت خارج سكن الجامعة
لو طفشتي طلعي
وجيبي لك كمبيوتر في الشقة ولعبي على كيفك
وتلفزون ودش وكل شئ
ماحد يقدر يقولك شئ
وبالنسبة للمواصلات في تكاسي وسيارات خاصة

وتر بيسمحوا للنساء بالسواقة في رمضان
يعني بلا تكسي وسيارة خاصة هههههههههههه:mh35:

أختي ريم ماعندك أهل في الدمام أو الخبر
غريـــــــــــــــــــــــــــــــــــــــــــــــ ـــــــــبه :mh19:
تمنياتي لك بالتوفيق :praying:

[طموحة]

طيب روحي وتعالي بالقطار اذا ماانتي باغيه تسكنين بالسكن :mh19:


والله لو تروحين وتجين بالقطار ابرك لك :003:

أنا أقول مع رأيهم والله

امي لمن كانت تدرس بالحسا كانت تروح وتجي بالقطار

أنا دورت لك سكن بس انت بنت وعزابية :cheese:

يعني لازم تدورين معك شلة بنات علشان نقول إن أنتوا عائلة :003:

[طموحة]

وتر بيسمحوا للنساء بالسواقة في رمضان
يعني بلا تكسي وسيارة خاصة هههههههههههه


يقولون إشاعة :bawling:

[¤§©¤ ريم ¤©§¤]

ههههههههههه

هذا قاعدة ادور بنات وجاري البحث

انس روحي

عندي اهل في الدمام

بس احراج اقعد وياهم هههههههه

[طــالــبة]

اختي ريومة الله يصبرش وتشوفي لش غير سكن هارفرد هادا:003: :003:
والله مزودنها وتحصلية بعد حالتة حالة :cheese: والحشرات في كل مكان (هدا الله يسلمكم سكن طالبات جدة يعني تتوقعو الدمام احسن:003: :003: )
والله اختي نصيحتي شوفي لش سكن خاص احسن
والله يوفقش :s12:
باااااااااي:119:

[¤§©¤ ريم ¤©§¤]

ههههههه
الله يعينا بس

وجاااااري البحث:119:

[# أنغـــ الوجدان ــام #]

اذا كان عندك اهل بالدمام وقريب من الجامعة
تخلينهم يفرغون لك غرفة وبالحساب
يعني مافيها احراج
أنتوا أهل

[¤§©¤ ريم ¤©§¤]

الظاهر في بداية الدراسة بقعد عندهم الين ما الاقي سكن
والله يعين

مشكورة انس روحي على المرور

[smartman1212]

وتر بيسمحوا للنساء بالسواقة في رمضان
يعني بلا تكسي وسيارة خاصة هههههههههههه
ههههههه في الاحلام السعيدة ... وإذا بـ يسمحون لكم
40 وفوق هههههه ... يعني ما استفدتوا :cheese:

الله يصبرك و يكون بعونك أختي ريم :119:

[لولي]

ههههههههههههههههههه

الله يعينك ياريم //

تقبلي مروووري وسلاامي

عساك عالقوه وبالتوفيق ///

[¤§©¤ ريم ¤©§¤]

تسلمين لي والله لولي

ونورتي الصفحة:119:

[طالبة جديدة]

بلللللللل اروح واجي من بيتنا وايد ابرك...
بس مو كأنه في التعهدات انه مالازم نطالب الجامعة بسكن والا ايش؟؟؟؟؟؟؟؟؟؟؟؟:mh19:

[¤§©¤ ريم ¤©§¤]

سألت عن هالنقطة

قالوا لي هاذي اجراءات شكلية

وتقدرين تسكنين في سكن الجامعة

حسيت اني مافهمت شي ههههههه:003:

[مي حمدان]

صراحه الله يعينكم من جد ملل بس الحمدلله على كل حال غيرك مولاقي يدرس بعد هذا السكن وش نسوي:mh19:

[¤§©¤ ريم ¤©§¤]

الله يعين الي ساكنين فيه صراحة:011:

[فتوش =)]

آآآآآآخ بس >> الأخت عايشة المعاناة :(
لاتذكريني بالسكن وووع والله اني اذا ذكرته احيان افكر ابطل وارجع
للدمام خخخخخخخخخخخخ ,, :070:
وه بس يازين الشرقية >> اجل الحسا وينها فيه لوووووووووووول ,,
انا قبل مادخل السكن نزلت موضوع هنا استفسر عن بيت الأحلام
اللي بعيش فيه اربع سنين ويمكن اكثررر تهيء ,, :s3:
طااااااااارت عنوني يوووم دريت عن القوانين والحين صار لي سنه
هنااك يعني تأقلمنا هع ,, :s3:
ياسلااااااام عندكم نت وجامعة عبدالعزيز في جدة عندهم برك سباحه
احمدو ربكم واسجدو سجود الشكر ,, :s12:
حزززر فزززر احنا عندنا كمبيوترات بدون نت مدري وش تبي من عهد ابووو
جدي ,, نلعب فيهم الرساااام خخخخخخخخخخخخخخخ ,, :lllolll:
الله يخلي جوالاتنا وجوال نت هع هع ,,
طبعا جاتني عقدة نفسية هع بداية الدراسة بعدين خلاص صرت مرااا
هع واطبخ شاهي >> قولي قاااء ’’ :003:
يللااا الحمدلله على كل حال هااذي الدنيا لاااااازم نتعب عشان نحصل ,,
ومبروك القبووووول وعأبال مانشوفتس نيرس آآآد الدونيـا يارب :s12: ,,

[¤§©¤ ريم ¤©§¤]

خخخخخخخخخخخخخخخخ

والله موتيني من الضحك هههههههههه

والله يبارك فيج

والله يسهلها ياااارب:praying:

[ღ♥ღ ReeM ღ♥ღ]

نفس المأساااااااااااااااااااااااااااااه:000:

وزيادة عليها إنهم مو راضين يقبلوني عندهم لأني من بنات الجبيل

صدق اللي قال ( رضينا بالهم والهم ما رضى فينا )

الله يعيننا بس :s12:

[¤§©¤ ريم ¤©§¤]

هههههههه

اي والله قلتيها

بس ترى انا تو سمعت عن واحد عنده سكن طالبات

بحوس لما اوصل لأي خبر

:119:

[ღ♥ღ ReeM ღ♥ღ]

ريوووم إذا وصلتي لأي نتيجة بليييييز عطيني خبر :119:

[¤§©¤ ريم ¤©§¤]

ولا يهمج عيوني

وانتي بعد لوصلتي لأي شي رسلي لي

رسالة خاصة

وانا بعد ماراح اقصر

:119:

[ღ♥ღ ReeM ღ♥ღ]

لين الحين مافي أي نتيجة ويمكن أنسحب من الجامعة وأحول لكلية الجبيل:000:

[دفا الروح]

بصراحة الله يكون بعونكم .....

[سارا]

السلام عليكم ...

شكل الموضووع من زمان اربع صفحات و انا توني اشوووفه

بس لي مداخلة كوووني عايشة بسكن الطالبات بالدمام ثلاث سنوات

سووووري أخوااااتي مع احترامي لأرائكم كلكم بس لازم أوضح بعض النقاااط

ريم مين قال لك اننا نطلع من الشقق باللبس الرسمي اللي هو تنوورة و بلوزة ؟؟!!

بصرااااحة أول مررة أسمع هالكلام منك !!!

الممنوووع هو انك تلبسييين شي مشخلع و تنزلييين بع تحت تتمشين قدااام المشرفات و بصراحة أنا اصلاً استحي ألبس هالاشياااء حتى في بيتنا قدااام أخواااني يعني ما يحتاااج السكن يقولون لي لا تلبسينه و تنزلين فيه

لكن لبسك العااادي اللي تلبسينه في بيتكم عااادي تلبسينه بالسكن بنطلوونات جينز و بيجامات و جلابيااات اللبس العااااادي

و بالنسبة للطلعاااات من السكن هذي محدوودة جدا

و بالنسبة لي شخصياً ما أشوووفها مشكلة لأني أصلا مو متعوودة على الدواارة من مكان لمكان في الحسا و أنا في بيتي فما بالك و أنا في الدمام و بطلع برووحي

ما أدري عنكم كيف تحسبوونها لكن هذا من وجهة نظري أنا

و التلفزيووون أبشرك مو بس السعوودية في ام بي سي 4 و 2 و البحرين و العربية يعني على حسب الظرووف الجوية :lllolll:

بس يعني في رمضاااان تعرفين شهر الكرم فممكن تطلع لك قناة تشوفين فيها طاش ما طاش بس ممكن كثيييير تشوووش عل الاخر و ما تعرفين وش صااار بعدين

يبقى لاااازم ثاااني يووم تسألين زميلاتك بالكلية وش صاااار :lllolll:

و بعديييين لييييييييييه مو ناااوية تنزلين لأهلك خميس و جمعة أحنا كل اسبووووع طاقينها شلاااالة و نازلييين الحسا حتى بأياااام الفاينل تشوفينا نذاكر بالقطااااار و مسوين زحمة

امممممممممم بعد وشووو

أي النت بالفعل هي نص ساااعة للبنت و أزيدك من الشعر بيت اذا كان في السكن موووسم زحمة بحوثاااات لسنة رابعة و خامسة يصيييير مالك مجال انتي تاخذين نص ساعة تلعبين فيها

يعني باختصاااار وسائل ترفيه رسمية بالسكن ما في جوو دراسة اذا انتي بتسوييين لك جووو فرفشة مع صديقاتك بالسكن و لا اقعدي :g2:

و بالنسبة لاقترااااح أخت هو انك تشوووفين لك سكن خارجي

أنا قبل ما أدخل السكن ظليت شهر و نص مع بنااات بشقة خارجية

صحيييييح كان عندي النت و عندي الدش و كل شي

بس بأماااانة أقوولها لك حياتي بالسكن كثيييير أرييح

و قلتي طلبااااات المطاااعم بالموووت يجيبونها لك ؟؟ ليييييه ؟؟

هو في أوقااات معينة لطلب وجبااات الغدا و العشا و في أوقااات خارجية استثنائية

هو النظاااام كذا و شخصيا ما عندي مشكلة معاه عشان ما تصييير الدنيا سبهلللللللة

شوووفي أختي أنا ما أقووول لك هالكلام عشاااان تجييين السكن أو تطلعين سكن خارجي لأنه قرارك بالاخييير

أنا حبيت أشااارك بالموضوووع عشان تفهمين الموضووع من وجهة نظر طالبة عايشت الاوضاااع لحظة بلحظة

مو من وجهة نظر مشرفة أو مسؤووولة هم برووحهم يبووون الفكة من البنااات و من مسؤووليتهم

يعني اسألي مجرب و لا تسألي طبيييب ... فما بالك بمجرب و طبيب بنفس الوقت :lllolll:

حبيبتي رييييم و حبيباااتي كلكم اللي جايين الدمااام شوفو أنا ما أقووول السكن سيئ و لا أقوول رائع

لكن من ردي تقدرووون كل وحدة فيكم تشوووف هالوضع يناسبها و لا لأ و كل وحدة على حسب أسلوووبها و طريقة معيشتها قبل السكن

شوووفي حبيبتي مجتمع السكن مجتمع كبييير و كل وحدة فينا جات من بيئة مختلفة و أفكااار مختلفة يعني عشان نتعايش مع بعضنا لازم نقدم تنازلات أكييييد مو على حساب أخلاقنا و مبادئنا لكن على حساب تعاملاتنا و الاشياااء اللي تعودنا نسويها

يعني لما أكووون بغرفتي في بيتنا أسووووي اللي أبغاااه أشغل النووور و أطوووول على المسجل و أسوي حفلة بكيفي بس لما أكووون بغرفتي بالسكن احترم هالانسااانة اللي معي نتفق على أشيااااء نسويها أو ما نسويها و هي بالنهاية مختلفة عني ما جمعنا الا السكن فعشااان أعيش معها برااااحة لازم كل وحدة فينا تحترم اختلاااف الثانية

شخصيا صحيييح بعض قوانيين السكن تزعجني لكني حبيت فترة وجوودي مع البنات الرائعااات اللي في السكن و هم لي بمثااابة الأسرة الثانية نشكي لبعض و نتألم من الغربة مع بعض و نواسي بعض و نفرح لبعض

حبيبتي مو كل الأماكن مثااالية ان جيتي للحق لكن احنا بتعاملنا نرتقي بها و نخليها مثالية

حبيبتي أتمنى لك كل الخييييير و السعاااااادة بحياااتك سواء داخل السكن أو خارجه
سووووري طووولت عليكم

سارووونة :love080:

[¤§©¤ ريم ¤©§¤]

تسلمين لي والله يا الغالية

بالنسبة للكلام الي قلته

المشرفة حقت السكن الي دقيت عليها

اهي الي قالته لي بالتفصيل الممل

وبعدي محتارة

ولا ادري شنو اقرر

بس قاعدة ادور لي طالبات يقعدون معاي في شقة

وبعدي مالقيت

الله يسهلها يارب

تسلمين يا الغلا

:119:

[سارا]

حبيبتي ريوووومة مثل ما قلت لك المشرفات اصلاً يبووون الفكة

سوووي اللي يعجبك أهم شي تكووونين مرتااااحة

و أنا اذا شفت بنات ساكنين في شقة خارجية بعطيك خببببر

حبيبتي ريم اذا بدت الدراااسة و استقريتي

و اذا حاااااابة تجين السكن تشووفين الاوضاااع كيف ماشية

حيااااااااااااااك الله اذا ما شالتك الارض تشيلك عيووننا

بس عطيني خبر عشااان نقووم بالواجب :mh001:

و عشاااان أقووول لك أنا وين مكاني بأي شقة

و ترا جارتي بالغرفة سنة ثاااانية تمريض مثلك و حبوووبة كثيييير

الله يوفقك و يسعدك وييين ما رحتي

سارووونة :love080:

[¤§©¤ ريم ¤©§¤]

تسلمين لي والله يا الغالية

يا سارونة

:119:

[شمعة القلوب]

الله يوفقك ريووووومه

[¤§©¤ ريم ¤©§¤]

:119: :119:

[يكفي اني سعوديه]

:Cry111:

وسكن جامعة سعود كيف؟؟


:g2:

[¤§©¤ ريم ¤©§¤]

والله ماعندي اختي معلومات عنه

بس اتوقع نفس الحالة دماار في دمااار

:119:

[*تفسانه*]

لو سمحتو بنات عندي استفسار بسيط :mh19:
انا الحين سجلت للترم الثاني بكلية الدراسات التطبيقيه (نظم معلومات)
ويوم سالت عن السكن قالو لي مافي سكن طالبات ؟؟:bngo12:
السكن الي تتكلمون عنه تابع لكليةالدراسات التطبيقيه؟؟:g2:
تكفون عشان اعرف وين اناااااااااام :lllolll:<<تموت في النوم
الله يوفقكم جميعا :praying:

[¤§©¤ ريم ¤©§¤]

والله ياعزيزتي ماعندي خبر

تبين رقم سكن الطالبات في الدمام؟؟؟

اجيبه لج لو بغيتيه

:119:

[وله الكون]

********تفسانة***********


احب اعرف انت سجلتي علي الفصل الدراسي الثاني<<< يعني بلعربي<<<


متى طلع ان فية تسجيل فيها وشلون سجلتي ؟؟؟؟


:Cry111::Cry111::Cry111:

[*تفسانه*]

ريم
يسلمووو يالغاليه ياليت والله اذا ماعليك كلافه
وله الكون
والله انا سجلت من زمان عن طريق الكليه بنت عمو هناك وقدمت لي
ةاذا التسجيل مستمر ماادري والله بس اتوقع مفتوح انتي روحي وشوفي

[¤§©¤ ريم ¤©§¤]

ياهلا غناتي

تفضلي هذا رقم السكن التابع لجامعة الملك فيصل

8140155


طبعاً لو دقتي من مكان برا الدمام حطي قبل الرقم 03

ومسؤلة السكن عندنا بالعمادة اسمها رباب عبد الهادي

الله يوفقج غناتي

:119:

[*تفسانه*]

يسلمووووو ريم ماقصرتي:119:

[*تفسانه*]

والله العظيم قهر :Cry111:
كلمت الجامعه وقالوا لي مافي سكن :bngo12:
طيب وش معنى كلية المجتمع بس الي مالها سكن ليه :017:
والحين كيف ندبر اعمارنا
ياربي والله قهر
الترم الاول طافني التسجيل والثاني مافي سكن :Cry111:
والله حسافة تعب ثالث :017:

[¤§©¤ ريم ¤©§¤]

غناتي تفسانة

انتي من اي منطقة ؟؟؟؟؟

وانا بحاول اني افيدج ان شاء الله

:119:

[*تفسانه*]

انا ساكنه بالخفجي
وتعرفون حال الجامعه والاقسام الي فيها مايحتاج اتكلم :017:
يعطيك العافيه ريم

[¤§©¤ ريم ¤©§¤]

الله يكون بعونج والله

مافي الا تجمعين لج ربيعات من الخفجي

وتستأجرون لكم شقة

والله يكون بعونكم

:119:

[الغموض]

تكفون اذا تجولتو بره الغرفه البس برقع ههههههههه

اما تلفزيون مو لازم انتي سويلك كل يوم فلم اجلسي تهاوشي مع الي رايح والي جاي بخبخبخ ترا انا مجربه

اناجننت الكليه المجتمع انا فيها تخيلي كل يوم العب ومسويه حزب بشكل موطبيعي مخليه نص البنات يلعبون وربع مشاهدين وربع نايمين فلللللللللللله

الاداريات تدرين وش يسون كل شوي ينادوني تعهد ليه وش فيه بلوزتك فيها خط اسود او ممنوع العب

طيب وش اسوي والاستاذات ينادوني يقلون سوي ندوه قلت ولايهمك عشان خاطر عيونك
بنات الكليه كلهم جلسوو يشوفون ندوتي وربي بس كلمتين عدلات وبعدها تمثيل الاستاذات ورقص و و
من جد عقدون الله يعقدهم يارب

دوم اقولهم خلونا نلعب خلونا بريئين وع نياتنا احسن من الغيبه والنميمه وو
بس وش اقول الله حسيبهم وجعل بناتهم العقده النفسيه ان شاء الله <<الي مايشفون منها

[¤§©¤ ريم ¤©§¤]

:119::119:

نورتي

[بدون ذكر اسماء]

شدعوه قلبووكم سجـــانااات :017:
والله مايستحون اذا من كل شي حرموكم لا وفوق ذلك
النت نص ساعه والتلفزيون السعودية الاولى والثانيه شكلهم بيوظفونكم بالهيئــــــة مو جامعه هاذي
الله يعينك والله لو اني بدالكم لا اترك الجامعه بكبـــرها :bngo12:
دام يذلونكم على الســـكن :Cry111:بس ادري ماتحبون القعده بالبيت مالومكم والله:c8:
تحيـــــــاتي محبـــكم بدون ذكر اسماء

[¤§©¤ ريم ¤©§¤]

الي يبي الشي يقدر يوصل له

والله يكون بعون الجميع

:119:

[عاشقة الرياضيات]

هههههههههههههههههههههههههههههه


الله يكون بعونج يآرب

والله انا بعـــد متحمله هذا كلهـ بس انقبل بالجامعهـ نسبه حلوه وبالاخير مادشيت

يؤ قهر


يعطيكم الف عافيه

[dream girl]

سؤال

في سكن لطالبات الكلية (كلية الآداب) مثلاً

والا بس لطالبات الجامعة

وكيف على وسائل المواصلات ؟

من السكن نفسه والا لا؟
وكيف اذا بلتحق ؟ لمين اروح؟ ومتى ؟

اذا بطلع اتمشى يجي ولي امري ياخذني عادي؟ طيب لو ولي امري ابوي وجا اخوي ؟ يطلعوني؟

اتمنى تجاوبوني

[رَاحـيل]

ههههههههههههههه امحق سكن

اقول احسن كل وحده تسكن بسكن خاص اريح لها :119:

[عاشقة الليل]

قال نص ساعة قال
قال قنوات السعودية بس شدعوة عاد
وش تحط قناة السعودية ماتجيب الا النعس
ومالك حق تختاري الا معاك بالغرفة
في قرن عايشين
ويقولوا بيطوووووووووووروا
وين التطور مادري
القعدة في البيت ارحم
وصحيح كل شيء يهون عشان دراستي ومستقبلي بس
مو لدي الدرجة
موفرين سكن لينا وبمنوا علينا بعد
:hahaha_2008::hahaha_2008:

[طآلبة علم]

الموضووع قديم بس وانا ابحث بالنت طلع لي

لاني اعيش نفس المشكله الحين

اللي عندها اي معلومات بليييييييييييييز تفيدني ...

:Cry111:

[*نجمة سهيل*]

طالبة علم انتي بأي جامعه مسجله ووين ساكنه :119:

؟؟؟

[Naif_ub]

:mh19: انا حست ادور شقة في الراكة << لأنه مافي سكن للطلاب :no2: لا وبكم فوق العشرين الف السنة !
المشكلة انا ما اعرف شئ في الشرقية انا من جدة !
اللي فكرت فيه :mh19: ليه ما يعطونا بدل سكن :> ؟؟

[كلمات جريئه]

Gggggggggggg

[طالبه حائره]

ههههههههههه

الله يصبرك بس عشان مستقبلك روحي درسي وكل اسبوع خميس وجمعه

روحي لاهلك واشكيلهم همك ههههههههه

معقوله بس قنوات السعوديه ههههههههههه :o3::o3:

[][ شموخ الخيل ][]

تعالوا بنات
..
هم كاتبين في ورقه التعهدات ان مافيه سكن
..
يعني ليه متظايقين من سكن الجامعه والجامعه نفسها حارمتكم منه؟؟؟؟
..
تقبلوا مروري

[ورده حساويه]

بنات محتاجه سكن للطالبات بالدمام
اللي تعرف تفيدني الله يجزاكم خير

[حـكاية أمــل]

اتوقع الانظمهـ الموجودهـ كلهأ لمصلحتكمـ


اللهـ يوفقكـ



سبحان الله وحمدهـ

[ange]

الحين كيف يابنات جامعه الدمام فيها سكن انا متخرجه السنه هذي وقبلوني بجاامعه الدمام وانا من الاحساء فيه سكن ولا لا

[زهرة البابونج]

يوووووه كله يهون الا النت ربع ساعة!!!


الله يعينكم

[mo0on-14]

هههههههههههههههه

بس هاذى دراسه

بس انا معاج في الغرفهـ صراحهـ الوحده ماراح تضمن نفسها مع وحده يمكن زينه او مو زينهـ...

بالتوفيق...

[مغرورة مووووت]

مرحبا بنات

انا بجد محتاجه سكن او شقة للطالبات

ممكن تساعدوني

[مغرورة مووووت]

؟؟؟؟؟

[زهور الغلا]

طيب انتوا روحوا للجامعة نفسها واسالوا عن السكن ان شاء الله بيفيدوكم

بالتوفيق ان شاء الله ...

[النجمة البيضاء]

جامعة الدمام فيها سكن للطالبات
بس مثل ما تشوفوا البنات فيه ذم وفيه تمشية حال :s3:
انا أقترح اقتراح عليكم
انو تكلموا شركات المجمعات السكنية للطالبات تقولوا لهم عن مشكلتكم
وأتوقع لو شافوا هذا العدد الكبير من البنات يرغب في السكن الخاص فهذا تشجيع لهم انهم يسووا مجمع سكني في الدمام :g8:
والله يوفقكم إن شاء الله بدراستكم ويرجعكم لأهليكم ويرجعنا لأهالينا :119:

[ChaneL]

مغروره موت حنا ساكنين بسكن خاص اذا حابه تتواصلي معي ع الخاص حبيبيتي

[ramrom]

اختي انا ابي سكن خاااص ياااليت تراسليني بالتفاصيل على الخاص لأن مشاركاتي ماتمسمح

[ChaneL]

راسلتك ع الخاص انتظر ردك اختي ,,, الله يوفقك

[سويرااا]

^


تكفوووون ابي سسسكن خآآآصص

مشاركاتي ماتسسمح افيدوني :(

[ChaneL]

سويرا راسلتك كمان

الله يوفقك

[باب الخير]

انا بعد ابي اسكن معاكم تكفون راسلوني مابقى شي على الدرسه

[NOURA-87]

مغروره موت حنا ساكنين بسكن خاص اذا حابه تتواصلي معي ع الخاص حبيبيتي






ممكن تراسليني عالخاص .. ابغى سكن ضروري بالدمام

الله يوفقك ..

[كويثر]

بناااااااااااااااااااااااااات انا ابي بعد :Cry111::Cry111:

[koool]

بنااااااااااااات بليييييييييييز اللي عندها لاتبخل علينا

[النجمة البيضاء]

تم افتتاح سكن الحمادي بالدمام
http://www.ckfu.org/vb/t209200.html :53:
الله يوفقكم ويفقنا :106:

[ChaneL]

يتوفر سكن للطالبات والموظفات على من يرغب مراسلتي

[ĤǿŐǿмά]

يوووووووووه :eek: الله يعيييينك :139:

طيب تحملوو , وربي فيها اجر لك :icon9:

والحين فيه البي بي والواتس يشغلكم شوي :g2:

وبعدين لو البنات اللي معاك موش كويسات , لو تكونين انتي دينه وفيك خييييير بيغيرون تعاملهم كليا

بيحترمونك ويخلون لك كيانك :(269):

وان شاء الله تتخرجين وتفتكييين منها ومنهم كلهم :bawling:


بالتوووفيق حووبتي :106:

ودي :004:

[H-a]

:eek:


ترئ الموضوع من سنة الطبعه يعني البنت لقت سكن ودرست

وتخرجت وتزوجت وجابت عيال:biggrin:

من وين طلعتوه :/

[أشواااااق]

لاحول ولا قوه إلا ب الله
09-08-07

:139: