ممكن سوال اذا تكرمتم

[إبو فهد]

الحين انا داخل بحل الوجبات لخوي الكبير لأنه مايعرف يتعامل مع النت بصراحه
هو يعرف يمسك المحاضره ويحفظ بس هههه وبالاختبار دافور ماشاء الله << الله يستر لاعطيه عين ههه

المهم سوالي هو / دخلت على واجبااته وحصلت عليها اكس وصح كلها طبعاً وش يعني هذا
ثاني شي يقولي اضغط ابدأ وجاوب هل اذا ضغط ابدأ وكان السوال محلول من قبل يئثر على الجواب القديم
يعني لازم اجاوب من جديد
وهل مازال هناك وقت احل الواجبات ولا خلاص طارت الطيور برزاقها
وبالنسبه للمحاضارات المباشره هل مجرد فتح المحاضره يحسبلي الدرجه
وكيف يعرفون اني فتحت المحاضره هل هناك تسجيل اسم و شي

وشاكر لكم ومقدر

(انا متخرج العام من جامعة الامام والله ماعندنا كل هالحوسه تعال احضر الاختبار واخذ درجتك لاواجبات ولا محاضارات مباشره ذاكر الملخص وتنجح )
على العموم اسف جداً على الأطاله ولكم تحياتي

[شايب جامعي]

شوف انت واضح انك داخل عن طريق البلاك بورد وهو حوسه شوي ..

لو تدخل عن طريق الافتراضي اسهل وسهل وااضح جدا حل الواجبات والمشاركات والتحميل ..


اما البلاك بورد لما تختار الواجب .. تضغط على ابدأ وتختار الاجوبه وبعدين تضغط حفظ وارسال ..


تحت يجيك خيار موافق .. اضغط عليه ... يعطيك الدرجه اللي حصلت عليها كم اذا كلها صح

يجيك

3 من 3 والسؤال الثالث 4 من 4 ..


بالنسبه اذا هو سبق انه جاوب على احد الواجباات وباقي محاولات

عادي لو تعيد الواجب له مره اخرى


اتمنى اني افدك ..

[إبو فهد]

صحيح كلامك داخل عن طريق البلاك بورد
الافتراضي يعني شنو مافهمت ؟

وبيض الله وجهك على سرعة الرد

[اسمي توتي]

تفضل يا اخوي هذي طريقة حل الواجبات في الافتراضي
http://www.ckfu.org/vb/t502840.html

[اسمي توتي]

وهذي المناقشات
http://www.ckfu.org/vb/t432669.html
ترى انا متعمدة اجيبها لك بالصور اخاف ماتفهم علي بالشرح وبالصور احسن لك وتروح الدرجات على اخوك وبالصور احسن لك
ويعطيك العافيه على مساعدته

[شايب جامعي]

شوف يابو فهد

البلاك بورد هذا النظام القديم وهو حوسه بطريقة حل الواجبات والمشاركااات فيه تعقيد شوي ..

والافتراضي هذا نفس البلاك بورد ولكن بطريقة سهله وكل شي واضح فيها وهو نظام جديد ..

وجميع النظامين تأدي نفس الغرض ..

هذا الرابط ..

http://www.kfu.edu.sa/ar/Deans/E-Learning/Pages/gate.aspx


ادخل على الرابط هذا وعندك ايقونتين يمين فوق

الاولى البلاك بورد والايقونه الثانية الافتراضي وهذا اللي اقولك علي

لكن الان عليه ضغط واحتمال مايقتح معك لان الجميع يشتغل على الافتراضي

واصل عليه الى مايفتح معااك

وسلاامتك

[اسمي توتي]

ايه صح الافتراضي هذا وانا اختك
شفت ايقونة البلاك بورد الايقونة الي جنبه الافتراضي
ادخل وتوكل على الله وحل واذا مادخل معاك الله يعينك حل بالبلاك بورد كلها بتنحسب لك سواء حليت بالافتراضي او في البلاك بورد
اي سؤال امر
بالتوفيق

[إبو فهد]

بيض الله وجهك ياتوتي
جاري المشاهده

[اسمي توتي]

ووجهك يارب
بالتوفيق

[إبو فهد]

والشكر موصول لك ياشايبنا لاهنت

[اسمي توتي]

ابو فهد عليك ثلاث اشياء تسويها
اولا-تحل الواجبات كل ماده فيه ثلاث واجبات
ثانيا-تحميل المحاظرات كل ماده 14 محاظره و3 محاظرات مباشره
ثالثا- تحل المناقشات وكل ماده 14 مناقشه
وكذا ان شاء الله اخذ 30 درجه
وماعليك اول ماتحمل المحاظره راح تنحسب لك
واذا على الوقت ان شاء الله يمديك بس حاول اذا النظام فتح معاك حاول تخلصها له
لان النظام كل شوي يعلق ولا ماينفتح خير شر ويرفع الضغط

[سفوره]

ماقصروا اعطوك الزبده
بالتوفيق يارب