للأسف اني سجلت في هالخرابة

[ماجدعبدالرحمن]

السلام عليكم

من سجلت في هالخرابة وانا الى الان ماشفت منها شي يسر الخاطر

تدفع فلوس مقابل انك تتمرمط لا البلاك بورد شغال ولا نظام التعليم الافتراضي ولا اي شي

والمشكله ان غالبية المنتسبين للجامعة يعانون من هالمشكله لكن لا من مجيب

حسبي الله عليهم حسبي الله عليهم حسبي الله عليهم

والله كرهت الجامعة من طريقتهم العفنه

[باك عناد]

نصيحه لوجه الله كلها 5 مواد تحمل بس شد حيلك ذاكر والاختبارات قربت يعني بس تختبر وتطلع تفلها

وتعدي الترم زي السلام عليكم لاتشيل همها اخوي انت لانك جيت متاخر واكثر الناس كانت تنبهكم تقولكم انتبهو حملو اول باول لان بيسير ضغط اخر 3 اسابيع وكل ماله يزيد الضغط

لا من مجيب بعد انتم مو بس الجامعه ههههههه

فا تحملو الي يجيكم وعينو من الله خير هههههه فمان الله

[angelfly]

ادخل على البلاك بورد وحاول تغير المتصفح انا بعد النظام الافتراضي موراضي يفتح معي فتره الضغط من بعد العصر لاخر الليل حاول تدخل الصبح واذا على المحاضرات ادخل على اليوتيوب وذاكر والله يعين انا نفس مشكلتك بس خلاص صرنا فيها

[فطومـــة]

نصيحه لوجه الله كلها 5 مواد تحمل بس شد حيلك ذاكر والاختبارات قربت يعني بس تختبر وتطلع تفلها

وتعدي الترم زي السلام عليكم لاتشيل همها اخوي انت لانك جيت متاخر واكثر الناس كانت تنبهكم تقولكم انتبهو حملو اول باول لان بيسير ضغط اخر 3 اسابيع وكل ماله يزيد الضغط

لا من مجيب بعد انتم مو بس الجامعه ههههههه

فا تحملو الي يجيكم وعينو من الله خير هههههه فمان الله





كلامك مية مية بعدين تروا عدد الطلاب اكثر من خمسين ألف إذا مو اكثر يعني لاتلومون الموقع إذ علق

[ماجدعبدالرحمن]

سالفه غير المتصفح احتمال يضبط يذكرني بسالفه الاتصالات السعودية اذا اتصلت عليهم علشان النت قالي طف المودم 5 دقايق وارجع شغله ؟؟؟ يعني ضحك على الدقون

اللي بوصله لكم انا ادخل اول بأول لكن باقي علي بعض المحاضرات الاخيره وبعض المناقشات

لكن لي الان 10 ايام وانا احاول ادخل ولا فيه اي فايده سواء كان وقت دخولي اخر الليل او الصباح او حتى الظهر

[جامعيه2]

المووقع عليه ضغط بسبب قرب رصد الدرجات
الله يعينا وش نسووي توورطنا

[yasmina]

البلاك بورد توي دخلت وحملت المحاضرة المباشرة .. ادخل على البلاك

والله يسهل امرنا يارب ..

[reem-]

وانا برضوووو توني داخله البلاك بورد نظام واحد يفتح ولا الحرمان منهم كلهمم


بتووفيق يارب .....

[فـجــر]

المفروض يقسمو العدد أي شيء أي حل مايصير الحوسه هذه اجل لاتقبلو الخمسين الف

احصرو العدد ..

مايفيد هالحكي شدو حيلكم وبس

[محمد النصار]

انا مقدم على إجازه الاسبوع الجاي عشان هالموضوع نظام استقعاد لو 4 الفجر الله يوفقنا

[alhrby1]

ادخل ع المواد من البلاك بودر قبل شوي دخلت وكملت اللي ناقص علي


فالكم النجاح

[أوتار الخيال]

وينك من اكثر من شهرين وليش ماكنت تحمل أول بأول وتحل المناقشات أول بأول
^
وإذا كان عذرك انك مشغول فترا معظم الناس مثلك مشغولة مو بس انت فلا تحمل الجامعة أخطاءك
^
والجامعة ترا ماقصرت وقاعدة تشتغل لمصلحتنا
^
واذا على قولك الجامعة خرابة اطلع منها وش الله حادك
^

[سفوره]

ادخل علي البلاك بورد فتح معي عن طريف فيرفكس
ولا تحلطم مابيفدك شي الوقت راح راح ادخل وربي معك
بالتوفيق لك

[abdulalharbi]

البلاك بورد ياخوان مايعلق بالنسبه لتجميل المحاضرات الوضع فيه كويس

[ماجدعبدالرحمن]

وينك من اكثر من شهرين وليش ماكنت تحمل أول بأول وتحل المناقشات أول بأول
^
وإذا كان عذرك انك مشغول فترا معظم الناس مثلك مشغولة مو بس انت فلا تحمل الجامعة أخطاءك
^
والجامعة ترا ماقصرت وقاعدة تشتغل لمصلحتنا
^
واذا على قولك الجامعة خرابة اطلع منها وش الله حادك
^

اول شي من ناحية ويني هالشهرين الاخيره انا موجود شبه اسبوعي لكن من عشرة ايام النظام متعطل

والمتبقي لي جزء من المناقشات وجزء من المحاضرات وبخصوص ان الجامعه ماقصرت غير صحيح الكلام هذا اذا كانت

الجامعة حكومية وليست اهلية

وتعطل النظام لمدة يوم او يومين الواحد يتغاضى عنه لكن عشرة ايام (وقبل الأختبارات) !

الشي الثاني هذا رأيي ويتعبتر خاص فيني بأن الجامعه خرابه واذا تبني اطلع منها عطني المبلغ اللي دفعته وابشر بسعدك بطلع منها وانا اضحك

[أشواااااق]

وعليك السلام

جاي بأخر أسبوع وتبي تحل وتدخل ع النظام !
وينك من بدايه الترم كان شغال زي العسل !!!!! الغلط منك 90%


يغلق للتنظيم ..