بنات عربي الفرقة4

[baradais]

اهلين بنات :119:
كيف المجاهدات المنتظمات والمكافحات المنتسبات
المهم......
بنوتاتنا المنتظمات عندي طلب ؟!!:064:
بالنسبة لمادة مدارس نحوية .....خاصة اني انتساب وباقية وهالمادة غثيثة ماعرفت اذاكرها ولانجحت فيها ...على هالاساس ابي تعطونا فكرة على الاشياء المهمة لكل فصل .....

والدكتور كيف اسئلته في هالمادة

وانشاء الله بحكم خبرتي ....احم احم >>>ورسوبي في هالمادة ما ببخل عليكم بالي اعرفة :c8:

و ياريت نخلي هالموضوع متجدد بكل مايتعلق بالمادة هاذي للفائدة للكل:d5:

[الوردة المخملية]

هلا فيش
انا انتساب مثلك لاكن مستجدة
ممكن اعرف شنو المواد الصعبة هالترم؟
وممكن اذا عندك اسئلة حقت العام تعطينا اياها عشان اعرف كيف طريقة الاسئلة لكل مادة
ربي يوفقك

[الوردة المخملية]

ان شاء الله احد من الانتظام يرد عليك:119:

[baradais]

هلا حبيبتي الوردة الذابلة
بالنسبة للمواد حق هالتيرم حلوين بس يبيلهم وحدة تذاكر بروية

اليكي التفاصيل ........

النحو <<<<هالمادة حلوة بس دكتورة فوزية بتطلع عيونك فيها وخصوصا المنتسبة لأن اسئلتها من الهوامش ومابين السطور

ادب اطفال <<<ياعيني عليه مادة حلوة واستاذتة احلى بس ركزي على المحاضرات

علم الاسلوب <<<حلو تهضمين المادة بس كثيرة النقاط

حاضر العالم الاسلامي<<< مادة فيها معلومات مرت عليك من زمان

البلاغة <<<مادة تحسيها طبيعية بس اميمه جابت لي الشلل الله يبعدكم عن اسئلتها
المدارس النحوية <<<<<<غني فيها يالليل مطولك لان مادة تتوهي فيها ما تدري وش يبي المؤلف والدكتور

الشعر ما بين القرنين <<<إذا سهام سلامة المحاضرات والمحاضرات وبس

العلوم اللغوية مادة حلوة ومكثفة المعلومات فيها .......تذاكريها بتركيز

ـــــــــــــــــــــ
وذا في اي شي تبية انا حاضرة

[الوردة المخملية]

مشكورة اختي ما قصرتي والله
حسيت براحة صراحة
مش موجودة اميمة يقولون سافرت:119:
والنحو يقولون بيجيبون لنا دكتور بدل دكتورة فوزية انا خفت منها ان شاء الله يجيبون لنا دكتور
ربي يوفقك يا ااااااااااارب ما قصرتي
ايوة تكفين اذا عندك اسئلة ابيهم ابي اعرف لكل مادة طريقة الاسئلة:g11:

[الوردة المخملية]

طيب ادب اطفال تقصدين اي دكتورة الا زينه؟ ونركز على محاضرات الانتظام قصدك؟؟؟؟
الشعر ايوه سهام الا بتدرسنا يعني اخذ محاضرات الانتظام؟



انتظرك مع الاسئلة:g8:

[baradais]

هلا حبيبتي

ادب اطفال كانت منى الغامدي طبعا الاسئلة آلي ومقالي
طبعا محاضرات الانتظام.. انا ماذاكرت المحاضرات بس قرأتها صباح يوم الامتحان وجابت اكثر الاشياء منها

واذا صحيح اميمة وفوزية ماراح يدرسونا اكيد راح ننجح لانهم العثرة الوحيدة في مستقبل النجاح بالكلية

رايي الشخصي طبعا:hush:

اما بالنسبة للمدارس النحوية المادة مزعجة للعين ومتعبة للقلب ......يكفي ان مؤلف المادة شوقي ضيف

والاسئلة ان شاء الله اذا ذكرتها بكتبها هنا

ولي عودة :119:

[انتساب]

الله يوفقكم
اللي تحصل محاضرات الانتظام تقولي على طريقه ناخدها فيها
بنات كل الي نفسكم فيه قولوه بمحاضرات الانتساب ولاتسكتوا
مادة البلاغه انبويه صعبه والدكتور حاط نفس ملزمة اميمه( الحوا عليهيبسطها اشوي)
الاسلوب الملازم طويله مره اطلبوا منه يحدف يختصر يسوي شي

[دلوعه الكون]

هاااااااااااااااااااااااي
بنات انا انتظام

وماده المدارس حلوه لانه الدكتوره تحدد الا معانا وتحط عليها اسئله وهي قالت انه ما راح تجيب مثل ابراهيم جميل سؤال ونتكلم عنه يعني راح تكون الاجابات قصيره وتركزون على كل شي يعني تتوقعون اي سؤال بين السطور وبالنسبه للاسماء تحفضي الاسم وضروري سنه الوفاه

وبالنسبه للبلاغه قال اللي راح يكتب معه اسهل من الملزمه لانه يلخص ويحط سؤال وجواب

[الوردة المخملية]

دلوعة صج كلامك؟
يا ليت تعينا المحاضرات وتعطيني كل الا حددته والاسئلة الا كتبتها

[الوردة المخملية]

ايوة هذا الا سمعته اميمة سافرت
والانتساب يقولون يمكن يعطونا دكتور للنحو
ربي يوفق الجميع

[baradais]

هلا دلوعة الكون
الله يوفقك ........ ادري تعبانين كثير المنتظمات بس يالله كلشي بحسابه:119:

حبيت لو تكتبين لنا عن مادة المدارس المطلوب منها ..وشنو اسئلتها الدكتورة :150:

يعني مانبي نكلف عليك بس لو كل اسبوع تعطينا الحصيلة حق هالمواد

ونكون لك شاكرين:m22asmilies-com:

[دلوعه الكون]

اهلا بالنسبه لماده المدارس
بالصراحه هي ماتعطينا اسئله على كل الا تحدده لانها تقول من هنا الى هنا وحنا نذاكره مثل الموضوعي لانها قالت راح تجيب لنا اختيار متعدد يعني اضرب لكم مثال
انها راح تجيب مقوله من اللي حددتها لنا وتقول من قائلها وفيمن قالها
او تعطينا المقاله وتقول من قائلها وتحط 4 اختيارات
وكذا بعد بالنسبه لسنه الوفاه

اعذروني لانه مثل ماقلت مو كل الا تحدده عليه سؤال لانه مثل الموضوعي هو صاير يعني يبي لكم تاخدون كتاب وحده وتأشرون لانه مش كل الكتاب معنا مثل اللعام
واحيانا تترك عده صفحات

وبالنسبه للنحو

انا بنفسي سألتها ايش نذاكر في الاختبار ؟؟ قالت الكتب الثلاثه جميعها داخله معنا وهي
ابن عقيل : اوضح المسالك : ابن الناظم

وبالتوفيق للجميع يارب

[baradais]

دلوعة الكون
عسى ربي يوفقك في كل خطوةوهذي لك حبيبتي :m29asmilies-com:

تشكرين على هالمعلومات اطلب من ربي انه ينجحك:praying:

بالذات المدارس المادة استصعبتها لانها حفظ اعرابات:s12:

بس كلامك ريحني انشاء الله نعدية على خير