تم الغاء المشاركات في الخارطه

[ترووكي القيصومه]

مساء الخير صباح الخير


اقسم بالله العضيم اني حال المشاركات في البلاك بورد لي اسبوع ونص وشيكت علي الخارطه البلاك بورد قبل اربع ايام ومعطيني صح في كل المناقشات قلت تمام وشيكت مشوين مره ثانيه لقافه وحصلته معطيني اكس في كل المشاركات انهبلت


اقسم بالله يلعبون علينا وراح تعبي علي الفاضي :bawling::bawling:


وش الحل

[بيــــان]

الخارطة في طور التجربة

دعها جانبا وكمل مذاكرتك

وفقك ربي

[ترووكي القيصومه]

ايه بس ليه يلغون الصح قبل اسبوع كانت صح وانا متاكد من حلي والحين يرجعون يلغونه عيال ؟؟؟؟؟

[لطموحي حكاية]

أنا مثلك كل شغلي على الأفتراضي بس الظروف حدتني على البلاك بورد

رحت للخارطه لقيتها كلها اكسات أحس تعبت نفسياً ودي أبكي

[MSK2]

انا ماحليت لا واجبات ولا مناقشات
كويس يعني ماتعب نفسسي واحل في البلاك بورد مالي الا انتظر الافتراضي :(204):
و انا حاسه انو راح يمددون فترة استعلام عن الدرجات كل مرره يسسون نفس الحركه مب شي جديد :sm4:

:24_asmilies-com:

[Dark Chocolate]

مايجوز تلعنين يا اختي الله يجزاك خير
و الخارطة انسوها اذا انتم موثقين شغلكم و متاكدين منه خلاص انسوا هالخارطة و شيلوها من روسكم

[FRANK]

الحين هل الخارطة تفتح معاكم !!!!!!! صار لي اسبوع ماقدرت افتحها يطلع لي error؟؟؟

[الطالب الرائع]

ههههههه يحق لك ياقدددديم احنا تونا اول ترم وخااايفين من هالاختبارات

[عيوون المها]

يا اخ تركي فالخارطه يجيك خيارين واحد البلاك بورد والثاني الافتراضي

فالافتراضي تلقى المشاركات عليها صح اما فالبلاك بورد تلقى عليها اكس وبكل الأحوال تنحسبلك لو حليتها فنظام واحد شيك مره ثانيه

بالتوفيق يارب،،

[دودي سمايل]

هل هذي الخاارطة معتمدة ؟؟؟ ماخوذ بأقوالها في المحكمة يعني ؟ ههههههههههههههههههه:S_45::S_45:


لان انا متاكدة حاله كووول إشي :(107):

ومع ذلك رجعت حليتـهم:24_asmilies-com:

ومــــــــــــــــــع ذلك بعد فترة شيكت ، ومازالت الإكسااااااااات منسدحــــــــــــــة :(269):

تبـاً لهـــــــــاااااااااا:(284)::(284)::(284)::(284):: (284):

[roro2013]

ياربي يعني شلون مناخذه بالخارطةةةةةةةةةة:rolleyes::mad:

[MAHA HAMAD]

انا حبيت الخارطه , , ونفس الوقت كرهتهاااا <<<<

في اكسات رجعت حليتهااا - ومابدخل اشيكك <<< خايفه من الصدمه

[FRANK]

الحين هل الخارطة تفتح معاكم !!!!!!! صار لي اسبوع ماقدرت افتحها يطلع لي error؟؟؟
مازلت انتظر الاجابــــــــــــــــــــــــة ؟؟؟ لو تكرمتوا!!!!

[ترووكي القيصومه]

مازالت انتضر الحل

[ღ وَاَثٍقُ اْلخُطْوًهـ ღ]

يارجال اسحب على البلاك كمل في الافتراضي

حمل قوقل كروم سريع مره

[منيره الشهراني]

الفريدان في حسابه بتويتر يقول الي متعود ياخذ 30بكل ترم ماراح تاثر عليه الخارطه

[ليااااال]

الي حليناه في البلاك بورد لقينا جنبه صح ...تراهم كلهم نفس الشي البلاك بورد والافتراضي والدرجات من الاثنين تنحسب..

اما انها صارت اكس تراه من الخارطه نفسه اهم شي انكم حملتوا مالكم شغل بالخارطه يمكن لانه جديده يكون فيها تحديثات فا ماتكون منضبطه

[حوريه البندر]

مساء الخير صباح الخير


اقسم بالله العضيم اني حال المشاركات في البلاك بورد لي اسبوع ونص وشيكت علي الخارطه البلاك بورد قبل اربع ايام ومعطيني صح في كل المناقشات قلت تمام وشيكت مشوين مره ثانيه لقافه وحصلته معطيني اكس في كل المشاركات انهبلت


اقسم بالله يلعبون علينا وراح تعبي علي الفاضي :bawling::bawling:


وش الحل

يابوي ماعليكم منهم ادا نظامهم مو ظابطينه تبي يضبطون الخارطه اللي مالها اسبوعين ريح نفسك وبس انشالله ان حلك وامورك تمام :love080::love080::love080::love080::love080::love 080:

[حوريه البندر]

مازلت انتظر الاجابــــــــــــــــــــــــة ؟؟؟ لو تكرمتوا!!!!

يب عزيزي تفتح :106:

[سعوديات]

الله من الدجه ف هالخارطه اشغلتنا ع الفاضي

العالم ساحبين ع المذاكره ومتسدحين عندها

[ابو ناصر2]

الخارطة .. من الخرط في الشيء إذا خرطت .. تقول : خرط زيدٌ عمراً إذا أعطاه معلومات غير صحيحة .. يعني خرطي ..

فالخارطة خارطة وليست خريطة لأنها لو كانت خريطة لاتضحت معالمها وبانت مواريها كبقية الخرائط الجغرافية ..

سؤالي : في أحد عنده خافض حرارة ؟

[trkee]

ي شباب البلاك بورد اخر تحديث من شهر 8 ميلادي يعني باقي ما سوى تحديث جديد لا تتعبون انفسكم كل شوي تحل انتظر التحديث الجديد للنظام

[يزيد الاسمري]

الحال من بعضه ,,.
قال انفخ ياشريم قال ما من برطم

[ترووكي القيصومه]

ابشركم تم حليتها من الافتراضي الافتراضي فتح معاي وسريع جدا


بس علقم علي اف 5 وسريع جدا جدا قسم فله اول مره اشوف الافتراضي سريع

[عيّوش]

الخارطة .. من الخرط في الشيء إذا خرطت .. تقول : خرط زيدٌ عمراً إذا أعطاه معلومات غير صحيحة .. يعني خرطي ..

فالخارطة خارطة وليست خريطة لأنها لو كانت خريطة لاتضحت معالمها وبانت مواريها كبقية الخرائط الجغرافية ..

سؤالي : في أحد عنده خافض حرارة ؟

في هذي الحاله يمدحون زيارة الطبيب لإن خافض الحرارة مارح يجيب معك فايدة :biggrin:

الا تقولي الخارطة خارطة :(107): ؟



الله يخرط امعاء العدو يوم انهم اشغلونا بذا الخارطة :biggrin:

سؤالي : كم كلمة خارطة في الرد أعلاه مع الإقتباس





خلاص لاتدفون والله بطلع :hahahahahah:
وضعنا صعب:019:

[MSK2]

ابشركم تم حليتها من الافتراضي الافتراضي فتح معاي وسريع جدا


بس علقم علي اف 5 وسريع جدا جدا قسم فله اول مره اشوف الافتراضي سريع


انا للحين مافتح معي
إيبش متصفحك ؟

[ابو ناصر2]

رحت الطبيب يا عيوش .. قاس حرارتي وعطاني الوصفة وقال اطلع برا ..

طلعت وقبل افتح الباب رجعتله .. قلت : دكتور الله يرحم امك ليش تقولي اطلع برا ..!

قال جيب الوصفة .. عطيته الوصفة .. شققها وكتبلي تنويم ..

[ِ~ام الحلواتِ~ِ]

يااخوان الان لاتلخبطون انفسكم ياحلو من نظام واحد البلاك او الافتراضي واحد يكفي
والان جاء وقت الجد بالتوفيق للجميع ~