وينكم من زماااااان؟؟

[نوف بنت سعود]

انا عارفة الموضوع يمكن يزعل البعض مني :sm4:بس بصراحة انا اسأل الزعلانين والمعصبين واولهم صاحبتي هالترم بتتخرج وينكم عن الافتراضي ماحليتوا ولا فتحتوا محاضرات ولا مناقشات ولا سددتوا ولو حسبناها وقلنا شوال مادرسنا بس الحين لنا ثلاث شهور ندرس معقولة مالقيتوا الوقت اللي تفنحون فيه الافتراضي وتخلصون اشغالكم ...لاتقولون ماعندنا وقت لأنه كل شئ بالترتيب والنظام يمشي انا مثلكم موظفة وام ومع ذلك اخصص وقت مثل اخر الاسبوع احمل على اربع محاضرات ماتاخذ الساعة واحل في نفس وقت تحميلها المناقشات عشان ماتتراكم علي وانضغط مثل مانضغطتوا الحين والانظمة مقفلة وحايسين الله يكون بعونكم واتمنى تتقبلون كلامي يصدر رحب لاني فعلا ضايق صدري عليكم باقي اسبوع على الامتحانات وفيه ناس ماسددوا:verycute:

[ابن السلطان]

للاسف هذا اللي يحصل في كل سمستر
وكل واحد يقول ظرووف وعمل الاغلب هنا عنده اعمال وظروف ومسؤوليات لكن كما قلتِ اختي الفاضلة مشكلة البعض ما عنده ترتيب للوقت
هذه دروس ينبغي على الجميع الاستفادة منها في المستقبل

واكيد كلامي وكلام الغير خوفاً على مصلحة الجميع وقلوبنا مع الجميع

اجمل التحايا

[سيف الوطن]

الكل متضرر حتى المنظم وقته الان المحاضرات المباشرة الاخير لم تنزل حتى نحملها

[هتآآن]

صادقه بكل حرف قلتيه :119:

طلبه مدلعين :biggrin:

[عضو محذوف]

كله كوم والي يدفع فلوس لاحد عشان يحمل محاظراته ويحل الواجبات هههههههه سلامات للهدرجه مافي وقت

[مايا الشمري]

انا كنت افتح المباشره واخليها بس مافتح المسجله
يحسب لي الدرجه

[شعنوونة ينبع]

كلام في محله

[انامل ناعمه*]

كلامك صحيح انا بالعاده احمل بعدين اذاكر بس هذي المره قلت اذاكر بعدين احمل على راحتي بس الله لايكسر خاطري سايره طول الفتره هذي متوتره انتظر متى يفتح بس درس وتعلمت منه

[ووجف القحطاني]

بالفعل الاخت نوووووف انا اشوف النظام والترتيب بالي بالكمبيوتربالنظام يسبق شغلات كثيرة ,حتى المذاكرة قبل وقتها تصفح اقلها بفرض هالي اللحين لا بالنظام مكملين شششلون بالمذاكرة الله يكون بعونهم.. تمنياتي لكم ولي التوفيق

[نورة بنت فهد]

هﻻ نوووفه
يابنتي اذا احنا غير منظمين
فالجامعه مقصره بعد بانظمتها العاجزه عن تحمل الضغط الشبه دائم
كم عمر الجامعه والى ساعتك مكانك سر
وبعدين من باب التكافل اﻻجتماعي مافيها شئ لو تعاقدنا مع بنات او شباب ظروفه صعبه ويعاني من قلة المادة وعنده اجار وبعضهم ايتام ياحبيبتي ليه مانوقف معهم ونفتح لهم باب رزق وهم في بيتهم وبمبلغ رمزي جدا مايسوى تعبهم ←←←←← اطبق تخصصي ههههههههه
اتمنى التووفيق للجميع
واتمنى للجامعه تحل مشكلة انظمتها وتتغافل عن من يحل بنفسه ومن يحل له الغير
يارب عووووونك

[ملكه الذوق]

صادقه فيه وقت تكملون وتخلصون وترتبون وقتكم

[نوف بنت سعود]

انا كنت افتح المباشره واخليها بس مافتح المسجله
يحسب لي الدرجه

انا المباشرة عمري مافتحتها ابدا كل شغلي على المسجلة بالصوت والحمدلله تنحسب لي

[نوف بنت سعود]

الكل متضرر حتى المنظم وقته الان المحاضرات المباشرة الاخير لم تنزل حتى نحملها

بس المباشرة مهيب مقياس عشان تاخذ الدرجة كاملة يعني لو حملت الموجود اسرع لك

[نوف بنت سعود]

كلامك صحيح انا بالعاده احمل بعدين اذاكر بس هذي المره قلت اذاكر بعدين احمل على راحتي بس الله لايكسر خاطري سايره طول الفتره هذي متوتره انتظر متى يفتح بس درس وتعلمت منه

الله يكون بعونك وان شاء الله تلحقين عليها

[نوف بنت سعود]

هﻻ نوووفه
يابنتي اذا احنا غير منظمين
فالجامعه مقصره بعد بانظمتها العاجزه عن تحمل الضغط الشبه دائم
كم عمر الجامعه والى ساعتك مكانك سر
وبعدين من باب التكافل اﻻجتماعي مافيها شئ لو تعاقدنا مع بنات او شباب ظروفه صعبه ويعاني من قلة المادة وعنده اجار وبعضهم ايتام ياحبيبتي ليه مانوقف معهم ونفتح لهم باب رزق وهم في بيتهم وبمبلغ رمزي جدا مايسوى تعبهم ←←←←← اطبق تخصصي ههههههههه
اتمنى التووفيق للجميع
واتمنى للجامعه تحل مشكلة انظمتها وتتغافل عن من يحل بنفسه ومن يحل له الغير
يارب عووووونك
مو عشان الجامعة انظمتها لخبطة نكون على اﻻقل عكسها ﻻنها مو خسرانة شئ احنا اللي بنخسر مجهود ووقت وفلوس بعد وعلى فكرة يمكن انتي اللي بنتي ﻻني الكييرة:lllolll:

[مايا الشمري]

ناس تقول المباشره تنحسب وناس تقول المباشره ماتنحسب زي المسجله
وانا رحت فيها :000: :bawling:

[سماء أرض]

كلامك عين العقل

:)

[مانسيتك !]

كلام صحيح 100%

[sulttaan9]

بدون مبالغة المحاضرات والواجبات ماكتملت في الافتراضي الا قبل اسبوعين من اليوم والمباشرة الثالثة مانزلت

[مــجــازفــــ]

فيه نوعيات من الطلاب واعرفهم شخصيا مالهم ومال الدراسة يبي الشهادة باي طريقة سواء بالطيب او الغش والحرام تحميل المحاضرات والواجبات والمناقشات يحلها له غيره او يجي في اخر لحظة ويحملها دفعه وحدة والمذاكرة يذاكر قبل الاختبار بساعة يقراء اسئلة العام السابق وبعدين يجي بالقاعة يشغل الناس يبيهم يغششونه او يدخل براشيم ويسوي مشاكل مع المراقب في القاعة ويشوش على الطلاب والمراقبين ما يبون يقطعون رزق هالمسكين ويحرمونه من الاختبار والضحية باقي الطلاب الي بالقاعة

نصحية (( ما بني على باطل فهو باطل ... يعني الي يغش في الاختبارات ويحاول يحصل على الشهادة بالحرام اي شي بعدين يستفيده من الشهادة فهو حراام سواء وظيفة او ترقية او او او اما نحصل على الشهادة بالاعتماد على الله ثم انفسنا او نتركها وربنا يعوضنا غيرها ،،، انا عارف هذا الكلام ما راح يعجب الكثير ولكن هذا هو الواقع )

بالتوفيق للجميع

[نورة بنت فهد]

بغض النظر يا المجازف اعجبنا كﻻمك او مااعجبنا هي وجهة نظرك ونحترمك قبلها
لكن انني اترك احد يحل واجباتي يعتبر عملي باطل ﻻ اعتقد ﻻنني باﻻساس اشوف المحاضرات واحضرها قلت لكم الحركه هذي انسانيه قبل ماتكون شخصيه ومبنيه على حاجه اما اللي يغش انا معك حرام وغيره ﻻ وﻻاعتقد اﻻغلبيه بينزل لنفسه للغش خصوصا معشر النساء وكثير مانعتمد على انفسنا واللي يتاخر في حل واجباته معذور وحق من حقوقه يحلها متى مابغى وشاف نفسه فاضي وهو مرتب ونفسه لى كذا واذا جاء على نهاية الترم ونزل موضوع يطلب افضل الملخصات وواجبات واسئله جدا جدا جدا مافيها شئ وكلنا هنا نتعاون مع بعض ونساعده
مهما كانت وجهات النظر ومهما كانت اساسيات الدراسه عن بعد ﻻتقنعوني باخفاقات الجامعه وتعثراتها ومن هنا لين اتخرج تراا استحق المرتبه الثامنه دعواااتكم
اين ااااامي نووووف واخيرااا لقيت احد ااكبر مني بهالملتقى
الله يوفقنا وياكم ويبعدنا عن الغش واﻻتكاليه ويرزقنا الدرجات العلى في الدارين
يله قدامي على المذااكررره

[غرووب الرياض]

كلام سليم

[AAQ]

السلام عليكم ‘

اعرف ان كلامك وتأييد الكثيرين لك طالع من قلب خايف ويبغى الخير
بس معليش الكل وظروفه .. ممكن اكون مشغوله واذا جيت افضى للجامعه يكون معلق
او النت بطيء !! عاد ما شاء الله النت عندنا مره ماينكب ")

او يمكن كان عندي ظرف او اي شي اخرني عن الدخول على الانظمه ..

وحده من صديقاتي تشتغل على كونكت وكل شهر لازم تفعله وماقدرت تفعل لمدة شهرين ")

يعني الكل وظروفه واللي مستهتر استهتاره لنفسه الكلام مابيغير فيه شي

وغير كذا المناقشات والمحاضرات نزلو لنا تقريبا 5 او 6 دفعه وحده وانا اخذت 9 مواد
بالله متى يمديني اخلص 54 محاضره ومناقشه كلها ف وقت قياسي مع فهمها ؟!!!

وبعدين المباشره مهمه اللي الجامعه ماقد نزلتها لنا للحين ,
المحاضرات المباشره والمسجله عليها 10 درجات ")

و الله يوفق الجميع ويعطي كل مجتهد نصيبه :(202):

[اقلام لاتمكث]

واللي حمل المحاضرات كلها مرتين أكيد بتقولوو لها شطوره مثلي ههههههههههههههههمشيت مع النظام بكل شيء والمره الثانية اليوم حملت كل شيء لتأكيد وإراحة الضمير ههههههههههه


لأحد يجي ويقول مرتين تحملي هبل لا هذا راحه من قلق يمكن حملتها ويمكن لا مع ان حملتهم بس مدري وش فيني كذا هههههههههههه