تقنية المعلومات ..القشه الي قصمت ظهري

[علي الخليفي]

حياكم الله..

بديت اليوم مذاكره تقنيه المعلومات من مخلص دلو .. اول مره احس ان في شي صعب ..

ماقدرت احتوي الماده لوك لوك لوك درقن درقن زحمه كلام...وين السؤال على قوله سعيد صالح

ياناس احد يقول شي يهديني ..حتى اكذبوا علي بس انا ضايع ..

[Try The Best]

لاتفضخ قلبي أنا بليّــآ مابديت للحين




بس ماعليك هونها وتهون

[sane]

والله مافتحتها للحين ولا ادري عن ايش تتكلم الماده
بس ماعليك ان شاء الله سهالات الأمور بس عليك بالملخصات ونماذج الأسئله وحاول ماتتعمق بشكل كبير عشان ماتلاقي نفسك ضايع وهونها وتهون

[دانه ال انس]

الله ييسرها هي كلها حفظ والي زي حالتي مو مره في الحفظ راح تتعبه

[أمورة نجد]

الظاهر ان المحاضرات الأربعه الأولى هي اللي صعبه مرة بعد كذا بإذن الله سهالات ..

خصوصا جزء العملي شكله جميل

فالكم التوفيق بإذن الله

[N7olllah]

اهم شي التركيز في المحاضرات الخمس الاولى الباقي سهل مراا
المحاضرات الاولى يبيلها تركيز حتى اسئلة الاختبار تركيزها كان ع هاذي المحاضرات مع المحاضره ١٤
مااظن ثلاث ايام كفايه لها انا اليوم خلصتها احس راسي كبر دوار الصدفه ��

[ام برهش]

الله يسهلها عليكم ..
انا امتحنت هالمادة بالنسبه لي كانت صعبه ..والجميع كانت سهله عليهم ..
والسبب ..الاسئله اغلبها كانت عملي وانا بصراحة موحيل بالعملي ركزت على الجزء النظري والحفظ اكثر ..ومن تجربتي بالامتحان احس اي واحد عنده خلفيه حلوة عن الاب توب ومتمكن منه ومتمررس في كل شي فيه بحل وهو مغمض ..لاني وانا امتحن تمنيت ان مكاني.. امونه.. طبعا قلت حتى لو هي مومذاكرة راح تحله ماشاء الله عليها..
الزبدة ركزوو على العملي ..وعسى التوفيق فالكم ..

[سهام سوسي]

بالنسبة لها الماده لاتحفظون افهموها لانو اشياء متشابهه ومكرره يبي لها شوية تركيز وفهم
اما الجزء العملي فهو ابسط شي عندك الوورد والاكسل والكل يستخدم الوورد هالايام والاكسل واضح جدا وماتطرق لنقاط كثير فيه بالتوفيق للجميع ...

[ابو رائد الكعبي]

ههههههههههه انا مخي صار يتفل من كثر ما تعمقت في المادة احس اني جهاز مكتبي يمشي خلاص مخي جيم

[شوش-]

لا لا اللي تقول ماتكفيه 3 ايام تكفين لا تجلطيني والله بس شفتها دخت وسكرته وفكرت افتحه وقت الاختبارات

[عزة محمد]

انا الملخص الى عندي كبير وبحكم دوام وانشغالى تو افتحه دورت ملخص مبسط ماحصلت ابغي ملخص يعطيني المضمون من الكلام كله بالاضافه اني جمعت الاسئلة الاعوام السابقة

[عزة محمد]

الى عنده ملخص غير دلو ينزلة الله يوفقة ويرضي عليه

[رَاء.]

يا جماعة لا تخافون انا مختبرتها العام وما شاء الله تبارك الله اسئلة في منتهى السلاسة اذكروا الله وسموا بسم الله وذاكروها بتركيز .. ركزوا على الاسئلة حقت العام واسئلة الواجب .. لا تذاكرون مابين السطور خذوا المعلومات الرئيسية اكثر شيء لأن المادة سهله جدا جدا كمبيوتر يعني صحيح ان الجزء النظري كثير بس كله مر علينا بالثانوي ..


ترى جيت عشان اطمنكم انها سهله والله يسهلها عليكم يارب

[Try The Best]

لا لا اللي تقول ماتكفيه 3 ايام تكفين لا تجلطيني والله بس شفتها دخت وسكرته وفكرت افتحه وقت الاختبارات






انا ماقرررربت له للحين ههههههههههههههههههههههههههههههههههههههههههههه


اصلا هي وشي هالماده ؟؟ وش تتكلم عنه ؟ :biggrin:

[shhs]

هي icdl بشكل من وين اذنك يا جحا
ههههههه ترى سهله للي اخذ حاسب قبل

تعتبر مراجعه

[NFN]

لازم تمخمخوا بالماده و تذاكروها في ثلاث أيام
لأن من المحاضره اﻷولى إلى الخامسة تعتبر معقده شوي

و من بعد المحاضره السادسه تبدأ تسهل
و تكون المعلومات اللي فيها عامة و قد مرت عليكم

ومن المحاضره التاسعة إلى اﻷخيره
يكون الجزء العملي و اتوقع انو اﻷغلبيه فاهمين هالجزء

عموما .. الله يوفقنا جميع و ننجح بتفوق

[3bsy]

ليه كذا !

ياخي لاتخوفونا !

ان شالله انها سهله وتتيسر الامور

انا عندي ملخص دلو وراح اعتمد عليه بأذن الله

وبتابع محاضرات الدكتور وخلاص

بعدين تقنيه ! وش يتكلم عنه من الواجبات واسئلتها حسيت ان هالماده سهله

عن كمبيوتر والويندز ومدري شنو

يعني امور نستخدمها بحياتنا الطبيعيه ولازم تكون عندنا خلفيه عن هالامور ولا !!؟