الانجليزي صعب ابي أغير تخصصي وش المطلوب

[فواز الزهراني]

السلام عليكم

بصراحة يا اخوان مشكلة نحن طلاب انتساب ومقرراتنا صعبة ولا فيه تحديد
وبعض الدكاترة يجيبلك قطعة من خارج المنهج على باله انه يدرس فيثاغورس وإلا نيوتن

بصراحة المقررات كلها صعبة ومتداخلة في بعض ولا فيه تسهيل او تحديد او مساعدة

لذلك قررت أغير تخصصي بعد الاختبارات ابجرب هال مستوى وأشوف

لكن وش التخصص اللي تنصحوني فيه ابي رأيكم وماهي شروط التحويل من تخصص لآخر


وشكرا لكم

[جامعي أنقلش ..]

فات الآوان ماعاد يمديك تغير التخصص .. على ما اعتقد !

[Khaled.SU]

بالعكس مقرراتنا سهله و تافهه مع احترامي و للمعلومية مسهله بشكل كبير

عكس اللى يدرسون انتظام

و مثلاً القطعه يفترض مايفرق معك وان تغيرت فلو جينا للقراءات و المطالعات اللى بيجيك عنها مثلا استخرج معنى كلمه او ضمير يعود على ايش او الفكره الرئيسه و كلها شرحها لنا

التركيب اللغوي كلها قواعد سبق واخذناها و الانشاء كذلك

انا ما انتقدك لكن بجد اقولك انت نفسياً ماتقبلت المواد او ممكن ماعندك خلفيه عن الانجليزي و تحتاج تأسيس

واذا فعلاً انجليزيتك سيئة حول التخصص

[s3eed]

العيب فينا مو في المقررات لو نجتهد شوي ونعطي المادة حقها ما قلنا صعب

اما قبل الاختبار بكم يوم نبغى نخلص كل شي ونفهم كل شي .. مستحيييييييييييل

ومافي دراسة بالدنيا سهله

الدراسه تحتاج اجتهاد وصبر

[Khaled.SU]

O

[المعيده ساره]

اختيارك للوقت اللي منزل الموضوع فيه غلط مع احترامي انتظر لبعد الاختبار ثم استفسر
ماله داعي تحبط الطلاب ...

[safer2003]

السلام عليكم

سؤال بس

هل انت مثلي ما تبدا مذاكره الا بعد فوات الاوان يعني كل ماده بيومها

اذا نعم

انصحك تجرب المستوى الجاي تبدا من اول يوم تنزل فيه المحاضرات وتابع مع الدكتور الشرح وتدخل مواقع تفيدك في تخصصك

صدقني راح تعشق هالتخصص

انا للاسف كل ترم اقول ببدا مع العالم من البداية ولكن ما اسوي شي واذا بدا الاختبار وبديت اذاكر احس ان الوقت ضيق وما يكفي

لو بديت من البداية كان افضل


واكبر دليل الاخوان والاخوات اللي معنا بالتخصص ما شاء الله عليهم الله يزيدهم

انا واحد اعتمد بعد الله على شرحهم وملخصاتهم

الله يسهل علينا ويوفقنا

[memi moon]

بصراحه انا كنت خايفه من الانجلش بس الحمد لله المقررات سهله مره بس الي يخربها عمار المعاني الكل في البدايه نصحوني من الانجلش وقالوا صعب وماراح اتوفق فيه بس الحمد لله طموحي هو الي شجعني وبصراحه انا شايفه لازم يكون عندك نبذه مختصره من القرامر والاساسيات البسيطه وتمشي بإذن الله

[أجواان]

اختيارك للوقت اللي منزل الموضوع فيه غلط مع احترامي انتظر لبعد الاختبار ثم استفسر
ماله داعي تحبط الطلاب ...

:Cry111:

[ممموني]

الله يهديك جد الموضوع لحاله يحبط
ترا اغلبنا دخل التخصص عشان يتعلم ويمر بصعوبات ومافي شي سهل وبالمذاكره بننجح بأذن الله
لا تحبط نفسك ولا تقول صعب محد انخلق عالم ولا دكتور ع طول

الله ييسر لك

[فيـونه]

شفيكم عليه هو يقول وش رايكم بغير تخصص هو طالب حاله من حالنا وشايف المناهج لكن اذا تحس انو التخصص راح يزيد صعوبه وانت تقول مقدر عليه خذلك تخصص سهل ينفهم مثل علم الاجتماع لكن كلام كثير بس بالاخير عربي وينفهم .. هذا التخصص الي عندي له خلفيه اما الراي الاول والاخير لك وبالنسبه لتخصصنا صح صعب بس مبسط ممكن تركيز شوي وخلاص .. والله يوفقك ويكتب لك الخير وموفقيـن جميعآ

[lo0lla]

ليش تغير
اذا انت ماتحب هذا التخصص كيفك غيره بس لو عندك حب بسيط للانجلش انصحك تبقى فيه
لان المواد الثاني فيها صعوباتها من نواحي متعدده ممكن علم الاجتماع كلام كثير ومعلومات كثير ماتناسبني ولااحبها غيري مهووس فيها وتهمه ويحب ينمي مهاراته بهالاختصاص وبرضو لغه عربيه الكثير يشوفوها صعبه ومعقده .. والبعض يشوفها مقبوله .. انت وش يناسبك ووش تبي من الدراسه .. اهدافك هي اللي لازم تبني عليها مسار دراستك
اتوقع لو تبي وظيفه ممكن الاداراه تنفعك .. بس لو كذا تبي دراسه وخلاص
الانجلش مفيد لك مستقبلا بس مهم تدرس من قلب
الان بعد الاختبارات ارجع راجع المحاضرات من اول شي وركز في الشرح راح تمشي
ولو انت مييييييح في الانجلش ارجع خذ ملزمة الانجليزيه العامه حقة مستوى اول وراجعها مع الاستماع للمحاضره وحل وحاول وشد حيلك لين تستوعب كل اللي اخذناه
لان كل هذا حتى الان اشياء اخذناها في المتوسط والثنوي مافيه الا اشياء بسيطه جديده
وهذي كلها اساسيات لازم ضروري تكون عارفها عشان تمشي في اللغه
والمستوى الجاي قلل المواد عشان تركز صح لانك سواء حولت ولاكملت شكلك مايهمك عدد سنوات الدراسه
والتحويل بيضيع عليك كم سنه من عمرك
الافضل تكمل بس تهتم وتدرس بضمير لان الانتساب سهل جدا ومتساهلين معنا جدا والمناهج مختصره جدا جدا عن الانتظام وغير كذا التطبيق والعملي الحمدلله ماعندنا .. يعني لامشاريع ولابحوث ولامطويات ولاخرابيط الانتظام
ماراح تلقى اسهل من كذا ويقولون بشكل عام مو تخصصنا
يقولون انها كل مستوى اسهل من اللي قبله
انا ماادري للان بس اشوف المستوى الاول هو الاصعب والثاني سهل والثالث سهل وان شالله الرابع اسهل

[ابوررتيل11]

اخوي اختصر لك الموضوع انا خشيت الاختصاص مااعرف حروف الانقلش. بس مع شوي مراجعه بسيطه فهمت مو ذاك الفهم بس فيه تحسن اذا فيه حب للمماده واصل وانا انصحك اخوي واصل في الانقلش وبتتعلم مع الوقت ومثل ماقالولك الاخوان والاخوات محد طلع من بطن امه دكتور ومتعلم. وخش الاختبارات وعطنا علومك بعدها ..موفق اخوي

[3bood.]

اول شي فكر قبل تحول عن تخصصك ان فيه شي اسمه معادله مواد

يعني ممكن مايعادلو لك الا ٣ او اربع مواد من اللي درستها بتخصص الانقلش

بمعنى اوضح راح يطير عليك المستوى الاول والثاني كآنك توك داخل الجامعه

لان زميلي بالعمل حول من انقلش الى ادارة اعمال وهو كان مستوى ثالث

ولا عادلو له الا اربع مواد فقط

عمومآ انت فكر فيها كويس ولا تتخذ قرار الا وانت دارسه من جميع النواحي

لانك راح تبدآ من المستوى الاول

اعتذر عن الاطاله

[nnaa]

صحيح حنا الي يتاخر بالمذاكره ...... بس نقول .... اللهم اجعل الضايعه صائبه ..

[حلمك المستحيل]

تبغى الصرحه درعم وربك يفرجها

[ع ـبادي]

انا مثلك قاعد ادرس موضوع تغيير التخصص وباقي لي استخير وخلاص

مو خوف من الانقليزي او انه صعب .. بالعكس مقدور عليه وسهل

وتخصص نادر عندنا وله مستقبل


ولكن لأني اشوف ان ادارة الاعمال مجالاتها اوسع بالتوظيف ..

واهم شي لان الانقليزي مايخدمني مع تخصصي بالعمل

قررت اغير لـ ادارة اعمال

وماعندي مشكله لو زادت علي مادتين ثلاثه وتأخرت ترم او سنه

اهم شي اطلع بشهاده تخدمني بشغلي .. وبمعدل زين

والحياه كلها صعوبات

انا بغير مع اني ماطيق الرياضيات والانجليزي اسهل لي منه

لكن يامدور الهين ترا الكايد احلى

[عبادي الطائف]

والله الانجليزي صعب ما عرفنا نطلع الموضوع الاساسي والفكرة باللغه العربيه الحين يبونا نطلعه انجليزي.
الله المستعان . وع فكره الي يقول الانجليزي ع اي اساس تحكم انه بسيط وهذا اول ترم لك بالتخصص؟؟؟؟؟

[عبادي الطائف]

تخصصي وعملي مع بريطان وامريكان وكل يوم اتكلم معهم لمدة 10 سنوات . ولا افقه شي في كثير من المواد صعبه ومصطلحات اصعب
مثال بسيط مدخل اللغويات . .. الخ
والاستماع لمن يتكلم وتسمعت كلمه ما تعرفها بيطير عليك السؤال .
وخويي مستوي 7 ودرس 4 سنوات معهد دراسات ودوره ببريطانيا اليوم يحلف ويقل جداً صعبه الدرااااسه.
فلا تتهاونون بالمادة ،، لان الانجليزي مادة يبيلها عشق وهوايه للتعلم .

[احمد-علي]

تخصصي وعملي مع بريطان وامريكان وكل يوم اتكلم معهم لمدة 10 سنوات . ولا افقه شي في كثير من المواد صعبه ومصطلحات اصعب
مثال بسيط مدخل اللغويات . .. الخ
والاستماع لمن يتكلم وتسمعت كلمه ما تعرفها بيطير عليك السؤال .
وخويي مستوي 7 ودرس 4 سنوات معهد دراسات ودوره ببريطانيا اليوم يحلف ويقل جداً صعبه الدرااااسه.
فلا تتهاونون بالمادة ،، لان الانجليزي مادة يبيلها عشق وهوايه للتعلم .



كلامك مايدخل المخ ولااحد يصدقه

الحسد شين

[عبادي الطائف]

اختبار القراءة والمطالعة اليوم كان اقرب دليل لكلامي بان الانجليزي مادة صعبه ولا يستهان بها

شكرا اخي احمد الرد الجميل

[211555145]

ياشباب عادي انا ثاني مره احمل الماده مع الشيخ عمر المعاني

[almohab]

ياشباب شي طبيعي الي تحسون فيه نوع من الاحباط لانكم جدد والله انا كم مره ابي اغير تخصصي او اترك الجامعه بس الحين الحمد لله الامور طيبه وافكر اكمل ماستر بعد الجامعه ياشباب الانجليزي اقسم بالله اسهل من العربي وانا صرت اكره المواد العربي وان شاء الله الترم الجاي ناوي اخذ كل موادي انجليزي بس حاول تطور نفسك وتدرس لنفسك اول باول مو للختبار والانقليزي ممارسه انا اشبهه بالسباحه اذا كنت تخاف ماراح تتعلم وبعد فتره راح تحسن انك تحسنت بس لاتستعجلون وبالتوفيق

[المهاوو]

وعليكم السلام تقدر تغير القسم وانصحك تدخل علم اجتماع مره يجننننن وسهل وانا غيرت اول انجلش الله يوفق الجميع

[الماس البشري]

يااخوي لاتياس من البدايه تونا بدينا بالتخصص واذا فيه ماده فالاغلب سهل ...توكل على الله وكمل شهادتنا ممتازه والقسم مطلوب لاتاخذ الاختبارين اللي فاتو مقياس لصعوبة القسم ....يمكن القادم افضل ان شاء الله

[ملاك ذوقي]

ياشباب شي طبيعي الي تحسون فيه نوع من الاحباط لانكم جدد والله انا كم مره ابي اغير تخصصي او اترك الجامعه بس الحين الحمد لله الامور طيبه وافكر اكمل ماستر بعد الجامعه ياشباب الانجليزي اقسم بالله اسهل من العربي وانا صرت اكره المواد العربي وان شاء الله الترم الجاي ناوي اخذ كل موادي انجليزي بس حاول تطور نفسك وتدرس لنفسك اول باول مو للختبار والانقليزي ممارسه انا اشبهه بالسباحه اذا كنت تخاف ماراح تتعلم وبعد فتره راح تحسن انك تحسنت بس لاتستعجلون وبالتوفيق

هو صح ما في شي سهل وكل شي بهالحياة يبي له تعب انجليزي ولا غيره
ع فكرة لو اجي اختبركم بالنحو وربي قليل الي راح ينجح لان كمان لغتنا صعبه بس تعرفنا عليها لانها لغتنا الاصليه
وانا بديت من الصفر بالانجليزي واستصعبته بالبداية بس مع التكرار والعزيمة والاصرار ع النجاح تعتبر اموري الحين تمام وع فكرة حمل المواد ما يدل ع الفشل لان احيانا الواحد يتخذ من الفشل النجاح وكل غلطة بتعليمة صح ولا انا غلطانه ..

عموما اخوي انت استخر وبالتوفيق وفكر بكلام المحفزين وراجع نفسك الانجليزي صار لغة المجتمع للاسف ولازم انك تدرسه وتتعلمه ...

انا اتفق معك اني بالمستوى الجاي راح الغي المواد العربيه .. واركز ع الانجلش ..

وحابة اقول للجميع الانجليزي ممتع :(269):

[أول الصف]

انصحك بمقابلة مدرس خصوصي وإفهامه بنقاط ضعفك في اللغة الانجليزية
واستمر معاه بشكل دوري حتى تتحسن أمورك في اللغة

الكلام هذا للجميع لكل من اختار تخصص اللغة الانجليزية يسأل نفسه

هل سأستمر (وأطور) من مستوى اللغة وأتحدث واكتب بأريحية
أم سأعتمد على ملازم وملخصات قبل الامتحانات فقط للنجاح؟