نموذج شكوى ضد الدوغان + الاسئلة الخاطئة

[نادر الروقي]

السـلام عليكم

كالعادة لازم نشتكي على الدوغان واسئلته الخطأ

هذا نموذج الشكوى

السـلام عليكم
النموذج a
للأسف الدكتور ارتكب اخطاء في وضع الاسئلة منها على سبيل المثال:
السؤال 8 (النظرية الشرطية)
هذه النظرية لم تدرس لنا في المنهج (المحتوى) او المحاضرات .. فمن أين أتى بها ؟

السؤال 27 (تحليل الوظائف)
الفقرة الأولى والثانية صحيحة .. فأيهم سيعتمد الدكتور ؟

أتمنى انصافنا.

وقد وضعتها في ايقونة تلقي ملاحظات الطلبة حول الاختبار


أتمنى لكم التوفيق

[el7lm]

حسبي الله ونعم الوكيل فيه
كلما قلت حليت سؤال وطلع صح يطلع الي بعده اصعب
ابي افهم ليه يلف ويدور ..!!
مايبي احد يدعي له ..!!
-
حسبي الله عليك يالدوغان , مايراعي ان في ناس موظفه ووقتها ظيق ..؟؟

[وهــم !!]

وعليكم السلام ,,

اتفق معك وبقوة
حنا راح نتبع النظام المطلوب منا
اتمنى محد يتوجه لتويتر ويتكلم مع الفريدان او الشعيبي
لإن ردهم راح يكون ( التوجه للخدمات الطلابية > ملاحظات الطلبة حول الاختبار ) ,,

الحمدلله على كل حال
دمتم بود

[رفيق الحكمة]

هذا الكلام السليم حتى لا يضيع مجهود الشباب ارجو من الجميع رفع شكوى

[aljawal]

كل سنه نشتكيه

هذا ماينفع معه الأ ...

[فهد2]

الشكوى لغير الله مذلة. بس شد حيلك

[فيصل 9]

,والله ماتطلعون بنتيجه مشووووههها ياشباب
ماراح تستفيدون شي

[ابو اياد 2006]

لا لالالالالا لالالالا
مو صحيح نمشيها ونسكت

ياشباب يابنات الله يجزاكم خير .. اذا الجامعة رأت ان الطلاب كلهم اشتكوا .. غصب الجامعة راح تسمع وتعوضنا عن الاسئلة الخاطئة..
بلاش سلبية وخلونا نروح جميعا نقدم الشكوى وسترون كلامي صحيح..

وترى مو بس الاسئلة المذكورة فيه اسئله غيرها غير صحيحة انا فاهم المنهج كامل ومتأكد من كلامي فيه حول الثمان اسئلة اجاباتها غير صحيحة..

قدموا الشكوى واسألوا بعدها الله العون وسنحصل على حقنا باذن الله..

[نادر الروقي]

يا شباب اشتكوا وخلوكم ايجابيين

حنا ما نبي اسئلة سهلة .. بس دامه بيحط الاسئلة صعبة ومن بين السطور .. على الاقل يكتبها صح

اسئلة صعبة .. وومكتوبة خطأ بعد .. ما يصير !!

اضيفوا لما سبق السؤال 34 و 38
خاصة السؤال 38 .. لم اجد له حل ولم يتم التطرق نهائيا لطرق الاعلان عن الوظائف الداخلية
انا حطيت الاجابة هي (الاحلال) لانها من مصادر البحث عن العرض الداخلي عن الوظائف
لكن السؤال كان عن (الاعلان) وليس (البحث)

لذا مرجح ان السؤال 38 ايضا خطأ

[Luck]

يد الله مع الجماعه نرفع شكوى ويا تصيب يا تخيب وشكرا لك اخوي نادر
بس خلونه نكتب اكبر قدر من الاسئلة المشكوك فيها

سوال 8
غير موجودة في محتوى المقرر ولم يتطرق اليها الدكتور النظرية الشرطية لبافلوف


سوال 18
لا توجد أي إجابة صحيحة من الإجابات او تدل عليها


سؤال 24
يوجد اجابتين صحيحتين


السؤال 27
جميع الإجابات صحيحة

السوال 21
الإجابة الصحيحة غير موجوده
المفروض ضمن إدارة علاقات الموظفين

السوال 34
غير موجوده الإجابة في المحتوى

السؤال 38
الإجابات كلها خطاء


ونقوم بتنقيح الموجود صراحة في المحتوى وننسى الموجود ضمنيا

[karaz*_^]

يد واحده ماتصفق لازم الكل يرفع شكوى ولا حملناها واكلنا هوى

[zizo89]

وقسم بالله انا اقووووول وش ذي الاسئله مامرت علي ابدا اثاريه جايب من برا كيف طريقة الشكوى ياجماعة

[طمووحه جدا]

في بعد سؤال غلط
من الاساليب الكميه المستخدمه في تقدير الطلب من الموارد البشريه
الخيارات كانت
1-طريقة التقدير على اساس مراكز العمل
2-طريقة المعادلات الكميه
3-طريقة تحليل النسب
4-طريقة دلفي

يعني بالله عليكم وش نختار؟؟
لانه من الاساليب الكميه
1- طريقة تحليل المعدلات.
2- طريقةتحليل الاتجاه
3- طريقة تحليل معامل الارتباط

انا احترت اختار طريقة تحليل النسب ولاطريقة المعادلات الكميه؟؟
لانه المفروض الاجابه الصحيحه تكون طريقة تحليل المعدلات شال كلمة تحليل وحط المعادلات الكميه ؟؟
احد يوضح هالخطأ الي صار

[أستثنائي]

الله يقويكم حبايبي
بس ما اظن الشكوى راح تفيد .
الجامعه اخر همها الشكاوي
:019:

[نادر الروقي]

في بعد سؤال غلط
من الاساليب الكميه المستخدمه في تقدير الطلب من الموارد البشريه
الخيارات كانت
1-طريقة التقدير على اساس مراكز العمل
2-طريقة المعادلات الكميه
3-طريقة تحليل النسب
4-طريقة دلفي

يعني بالله عليكم وش نختار؟؟
لانه من الاساليب الكميه
1- طريقة تحليل المعدلات.
2- طريقةتحليل الاتجاه
3- طريقة تحليل معامل الارتباط

انا احترت اختار طريقة تحليل النسب ولاطريقة المعادلات الكميه؟؟
لانه المفروض الاجابه الصحيحه تكون طريقة تحليل المعدلات شال كلمة تحليل وحط المعادلات الكميه ؟؟
احد يوضح هالخطأ الي صار

الاجابة هي المعادلات الكمية 2

[كنت نايم]

اشتكوووو عليه لا تسكتوووووون
اذا كثر العدد راح يحتسبون لنا درجات الاسئلة الخطاء

طريقة الشكوى:
من الخدمات الطلابية> ايقونة ملاحظات حول الاختبار>
حدد المادة ومركز الاختبار واكتب ملاحظتك والاسئلة الخاطئة

[صدى المحبه]

الله لايوفقه حسبي الله ونعم الوكيل .. لف ودوران ليه ابي اعرف ؟؟ مستخسر على نفسة دعوه في ظهر الغيب وش استفاد ليش مايسهل على المسلمين ....



النظريه الشرطيه اول ماشفتها رجعت اشوف اسم الماده قلت يمكن ملخبطين معطيني اختبار لماده غير الموارد خاصه انه السؤال الاول

[safa.a]

صح لازم كلنا نشتكي

[السامرB22]

اشتكيتوووهـ :)

[طمووحه جدا]

الاجابة هي المعادلات الكمية 2


حرام عليه ماكتب الاجابه زي الي مكتوب ودرسناه

[قطه صغيره]

انا مثلكم اكتشفت اخطاء في نموذجي c وجلست اكلم نفسي في اختبار ههههههههههههه والله يعدي ذا اختبار على خير

[هيفاء 3]

اخر همه نشتكي ولا نجلس هو يحببب يتفننن هو مو همه نحمل همه مايبي احد ياخذ aيقول اللي يستحقها ياخذها حسبي الله عليها مايدري ان تفننه هذا خل الواحد يعدد كم حل عشان ينجح ولا اللي يقولون سهل بالله عليكم طيروا عقلي مع وين سهل ما شا الله عليكمم الله يعديها علئ خير

[غرشـوب]

أيضا ســؤل العجز يوجد اجابتين صحيحتين هما .. تمديد فترة التقاعد

وزيادة الرواتب

[عنود ال]

كل واحد يطلع من هناء يروح للخدمات ويكتب خلونا يد وحدة حرام يروح تعبنا انا من الناس الي بعد مبادئ الادراة ذاكرتها وراجعتها المادة اكثر من خمس مرات واليوم ماقدرت احل بعض الاسئلة واسئلة فيها خطاء واسئلة من برا المحتوى والكتاب خير يضيع درجاتنا يعني معقولة اجيب بااغلب المواد ومنها المحاسبة ممتاز والادارة والموارد اجيب فيها جيد تستهبل ذا ؟؟؟؟

[أم ريهام]

المعلومات المقرر متشابه كتير ومختلطه
والماده دسمه شوي بس اللي نبيه من الدكتور

يجيب التعريف او الخصائص كما هي لا يلف ويدور

بالتعاريف يكتب كلمه ويجب كلمه من اسلوبه ماعندنا مانع نحفظ ونفهم الكتاب بس يخلي كل تعريف وكل خصائص وغيرها زي ماهي مانبي عليها شرحه او طريقته على كذا كل واحد يشرح بطريقته واللي يبي يفهم يفهم احنا جينا نتعلم ماجينا نشوف اللف والدوران او تشابه بالاجابات الا كلمه تختلف اقسم بالله لو احد يدرس اي دكتور قبل مايجي دكتور ويجيب له لف ودوران واسئله بطريقته ماينجح ويجلس طالب فلنا الحق في المطالبه فيما يكتبه الدكاتره با اسلوبهم خلاص منهج عندنا عطنا نفس المنهج مانبي طقطقه علينا بعدين احنا نتعليم عن بعد يعني ماجينا وتعنينا عشان تلفون فينا

أساأل الله لنا ولكم الهدايه
حب لأخيك المسلم ماتحبه لنفسك
الكلام لجميع الدكاتره

وفي الاخير سبحان الله
نختبر عن الاجانب نجيب درجات عاليه
طبعا ذا قبل والحين صار أسلوبهم نفس اسلوب الدكاتره السعوديين ولا قبل والله العظيم نفس المنهج مافيه لف ولا دوران

[بدر النجوم]

حسبي الله ونعم الوكيل
الله المستعان
كلنا لازم نقدم شكوى عليه

[سكيورتي طموح]

حسبي الله ونعم الوكيل

[بـــآآآذخـــھَہ]

تمت الشكوى ولااا تسكتووون شوووفوا اهم كل سنه يعقدونا حسبي الله عليهم واحنا نسكت على حقوقناااا

[ساره شايع]

تم الشكوى الله يسهل

[ميلاد دمعي]

انا من المجموعة a


اتمني اللي نفس مجموعتي يعطيني الاسئلة اللي عليها شكوي عشان نرفع شكوي ضد الدوغان وشكرا لكم

[ميلاد دمعي]

انا من مجموعة a وبصراحه الاسئلة ملخبطة وبعضها مو من المنهج مع اني ذاكرت المحتوي مرتين

وكذالك حفظت اسئلة الاختبارات والكويزات حليتها كلها بس للاسف الاسئلة كانت معقده وصعبه جدا ..


علي العموم انا قدمت شكوي وان شاء الله انهم ينظرون في شكونا

[سكيورتي طموح]

حاب اعرف رايكم في كلامي هذا الي كتبته في ايقونة ملاحظات حول مركز الاختبار
بسم الله الرحمن الرحيم
حبيت اوضح شي جاء في الاختبار
اولا :
ورود اسئلة غير موجودة في المقرر
ثانيا :
وجود اكثر من اجابة صحيحه لسؤال الواحد.

الاسئلة غامضه وباين فيها تعمد حصول الاخطاء من الطلاب لانها مكتوبه الاسئلة باسلوب الدكتور واسلوبه فيه لف ودوران

[mian1414]

تصويت
انا معكم

[ak-12]

لازم شكوى ياشباب جاين بفلوسنا ماحد له فضل علينا الخدمات الأكترونية سيئة المحاضرات دئما متاخره احياناً ثلاث محاضرات دفعه واحده سرفر الجامعه يعلق اخيراً(احمدو ربكم الي ماجاب نظرية داروين تحول القرد الى انسان)

[ودق]

والله انه قهرني البارح :(


حسبي الله عليه بسسس

[ضحية تخصص]

اضم صوتي لصوتكم

جاري الشكوى

خفس ام المعدل ...والله ابي النجاح بس

[AroOj]

انا كمان ارسلت ششكوى :@