استفسار عام الجداول بالمحاسبه [الأرشيف] - ملتقى طلاب وطالبات جامعة الملك فيصل,جامعة الدمام

مشاهدة النسخة كاملة : استفسار عام الجداول بالمحاسبه

نـــوآيـا..~

2013- 12- 23, 02:13 AM

مرحبا يسعد ايامكم ربي ويوفقكم

ابي استفسر عن الجداول بالمحاسبه
ودفتر اليوميه والاستاذ

كيف تجي طريقة الاسئلة ؟؟؟
ماني قادره اتخيلها اختياري

افيدونا الله يجزاكم خير

نـــوآيـا..~

2013- 12- 23, 02:33 AM

نـــوآيـا..~

2013- 12- 23, 03:00 AM

uppppp

xxpxx

2013- 12- 23, 05:54 AM

بخصوص المسأله حسب فهمي المتواضع...ويمكن الاخوه يصحون لي.........ان تكتبينه بالجدول اليوميه مثل ماهو....واذا مرت عليك بالمسأله انه سدد في خلال فتره الخصم تبدين تكتبين الرقم بعد الخصم ويعتمد واذا ما استوفئ الشروط يبقئ السعر كما هوو....30/10/5. يعني الخصم 5%........خلال 10 ايام من تاريخ الشرا....... بعد 10 ايام ينتهي الخصم.. 30 يوم اتوقع الاسترجاع

بالقيس

2013- 12- 23, 06:41 AM

اشلون اذاكر الماده اذا مافهمتها من اساس :139:

❀⊰ ريشة العلم ⊱❀

2013- 12- 23, 07:32 AM

وابسالكم عن شغله
باعت بضاعة ال محلات الفلاح قيمتها 120000 ريالا حسب قوائم الاسعار المعلنه بخصم تجاري 10% وبشروط 30/10/5

هذي شلون اسجلها بدفتر اليوميه

اكتب المبلغ مثل ماهو والا المبلغ بعد الخصم ؟؟؟

تحسبي أولا قيمة الخصم عشان تستنتجي قيمة البضاعه بعد الخصم
وبعد كدا تسجليها في الدفتر بالقيمه اللي أستنتجتيها في النهايه

:106::106: :004: :106::106:

☺وهج ابتسامة☺

2013- 12- 23, 08:07 AM

بسم الله
بالنسبة للجداول شوفي النماذج السابقة فيها الطريقة وحاولي تحليها عشان تتعودي على الطريقة وان شاء الله انها سهلة
طبعا كل بند اما يكون مدين او دائن
ممكن تشوفيه بالجدول الاثنين مع بعض والبيان فيه حاجتين سوا بس تراها سهلة وما تخوف
مثلا : مردودات مبيعات ومردودات مشتريات
ويجي السؤال من الجدول السابق كم يبلغ مردودات المشتريات ؟
انتي هنا تشوفي وين المفروض هالبند يصير مدين ولا دائن
المشتريات مدين ومتعلقاتها دائن
المبيعات دائن ومتعلقاتها مدين
اذا نشوف الرقم اللي في الجانب الدائن هو صاحبنا
عادة هالسؤال يجي عليه خيارات على القائمة اللي يظهر فيها البند
وهي اما قائمة الدخل او المركز المالي
الاجابة النهائية : الجانب الدائن من قائمة الدخل

أرفقت لك صورة لتوضيح شكل الجدول :106:

☺وهج ابتسامة☺

2013- 12- 23, 09:03 AM

Quote=النوايا سليمة;10051230]وابسالكم عن شغله
باعت بضاعة ال محلات الفلاح قيمتها 120000 ريالا حسب قوائم الاسعار المعلنه بخصم تجاري 10% وبشروط 30/10/5

هذي شلون اسجلها بدفتر اليوميه

اكتب المبلغ مثل ماهو والا المبلغ بعد الخصم ؟؟؟[/quote]
هذي حلها ينقسم الى مرحلتين
لان فيها نوعين من الخصم
الاول هو الخصم التجاري وهذا ما يظهر في الوثائق لان قوائم الاسعار اللي ممكن يسميها احيانا سعر الكتلوج هذي بس كلام عشان نجذب الزباين
.. السعر الحقيقي اللي راح نبيعه فيه هو اللي بعد الخصم وهو اللي نكتبه
نحسب قيمته 120000 × 10% = 12000
قيمة البضاعة المباعة = 120000-12000 = 108000

القيد راح يكون
108000 من ح/ المدينين
108000 الى ح/ المبيعات

الجزء الثاني من الخصم هذا اسمه خصم مسموح به وفي حالة المشتريات يكون اسمه خصم مكتسب

الحين احنا خلينا في مبيعاتنا ..
5/10/30 كيف نفسرها
اول رقم هو نسبة الخصم= 5 %
الثاني عدد الايام اللي يسري فيها هالخصم= 10 أيام
الثالث عدد الايام لتاريخ الاستحقاق النهائي
يعني زبدة هالعبارة
خصم 5% في حالة الدفع خلال 10 أيام ، أو يدفع الم بلغ كامل خلال 30 يوم كحد أقصى

الحين وش بيصير
لما يدفع الزبون المبلغ خلال مدة استحقاق الخصم ولو في آخر يوم منه ( وهالشي نشوفه لما نمشي مع العمليات وحدة وحدة ونقارن التواريخ )
أول شي نحسب قيمة الخصم المسموح به بس هنا ننتبه انو الخصم راح يكون على المبلغ بعد الخصم التجاري
108000×5%=5400

المبلغ المطلوب بعد الخصم
108000-5400=102600
القيد في هالحالة بيكون
من مذكورين
102600 ح/ البنك >> اذا دفعو بشيك مثلا
5400 ح/ الخصم المسموح به

108000 الى ح/ المدينون

اما في حالة تأخروا في الدفع الى بعد فترة استحقاق الخصم راح يكونوا ريحونا من هالحوسة والحسابات الزايدة
ويروح عليهم الخصم لانه معلق بفترة محددة
وبيصير القيد
108000 من ح/ البنك
108000 الى ح/ المدينون