تغيير مركز الاختبارات

[alnayef1]

السلام عليكم و رحمة الله و بركاته
اخواني الاعزاء اكتشفت ان فيه مركز اختبارات جنب البيت اروح له على رجلي و ابغى انقل له..
.وش السواة يازملائي الاعزاء؟
دلوني الله يوفقكم

[هنادي خالد]

وعليكم السلام ورحمة الله وبركاته

كلم المشرف يلي موجود رقمه ب الخدمات او يلي على الكروكي واذا قدر ممتازز واذا مايقدر صعب تغير مركزك

[ليثاوي الرياض]

مثل ما قالت اختي و مشرفتنا هنادي خالد كلم المركز القريب

[alnayef1]

شكرا لكم

[shekah2004]

كان مركزي جنب البيت وقلعوني بقلعة وادرين ياليت اذا صار شي معك تبلغنااااااااا:mad:

[عاشقه الزهور]

من جد حتى انا اكتشفت مدرسة قريبة من بيتي
اذا نفع معك قلنا

[شهرزاد الرياض]

قريبتي عانت نفس المعانات
ساكنه بالبديعه وقلعوها لـ عرقه
ف راحت لمركز قريب من بيتهم بعد ماكلمت المشرفه ووافقت وباشرت بالبديعه
مع العلم ان مشرفه عرقه زودها وقالت بينحسب عليك غياب لانك ماحظرتي للمركز
واللي بمركز البديعه جزاها الله خير صارت متفهمه وقالت ماعليك باشري وربك بيسرها


ف انتو كلمو المشرفين وان شا الله بتتيسر لنا ولكم يارب
بالتوفيق للجميع

[alnayef1]

كلمت المشرف على المركز القريب و كان رجل جدا محترم و متفهم وقال لي انا ماعندي مانع تختبر عندنا لكن نصيحتي لك اختبر في مركزك لأنك قد تسجل غياب عند الجامعه في مركزك الاساسي والدكتور يسقطك ولا فيه نظام بهذا الشأن يحميك و الجامعه عندها نوع من الفوضى فحرام تضيع تعب شهور عشان قرب البيت ...هذا ماحصل والقرار لكم اما انا فصرفت النظر نهائيا عن الموضوووووووووع

[شهرزاد الرياض]

كلمت المشرف على المركز القريب و كان رجل جدا محترم و متفهم وقال لي انا ماعندي مانع تختبر عندنا لكن نصيحتي لك اختبر في مركزك لأنك قد تسجل غياب عند الجامعه في مركزك الاساسي والدكتور يسقطك ولا فيه نظام بهذا الشأن يحميك و الجامعه عندها نوع من الفوضى فحرام تضيع تعب شهور عشان قرب البيت ...هذا ماحصل والقرار لكم اما انا فصرفت النظر نهائيا عن الموضوووووووووع

خلاص توكل على الله وروح للمركز الاساسي افضل لك وربي يسهلها على الجميع

ويوفقنا :icon1:

[عاشقه الزهور]

اجل ماينفع نرضى باللي نحن فيه والترم الجاي نختار صح