تقييمك لــ إختبار مبادئ الإدارة العامة ..

[أبو تركي الرياض]

بسم الله الرحمن الرحيم


أرجوا منكم تقييم إختبار مبادئ الإدارة العامة ..

بأحد هذة الخيارات الأربعة :

1- معقــد
2- صعـب
3- متوسط
4- سهل


مع أمنياتي لكم النجاح والتوفيق

[آبيات]

بالنسبة لي متوسط + مشكور ع الطرح

[AრooََL]

فيه لف ودوران يبي له كمية تركيز وفهم للماده شامل



بالنسبه لي يعتبر تعقيد .

[أَبُو يـَزَنْ]

صـراحة الاختبار كان متوسط الى معقد

يعني في مسألة عدد المراحل صراحة ابدا ماتوقعت مثل هالاسئلة وللحين مادري وش اجابتي اصلا


عموما الله يسهل الاختبارات الباقية وشاكر لك على الطرح

[زيدان9]

مفيش اختيار اسمه مصيبة او كارثة


الاختبار كان فوق درجة التعقيد بعدة مراحل وسنوات ضوئية بعد

[نُـوْوتْ]

فيه إجابات مالقيت لها جواب .. ياليت أحد يحله ونشووف

[AრooََL]

مفيش اختيار اسمه مصيبة او كارثة


الاختبار كان فوق درجة التعقيد بعدة مراحل وسنوات ضوئية بعد



ههههههههههههههههههههه انت كل ما اشوف صورتك الرمزيه والا كلامك على طول اضحك :biggrin:

[Mr NaiF]

مافيه معقد جدا

[يوما ما]

كوكتيل متوسط .. و معقد ..

كان ماله داعي سالفه ارقام المراحل .. الشي الثاني مركز على االميزانيه ومهمل مواضيع كثيره مهمه ..

[ahdkheel]

ياليت ادارة الانتساب بالجامعة تشوف وضعنا بالمادة
لاني اول مره اواجه اختبار معقد زي كذا
والحركة واضحة و مقصودة الله يصلح الدكتور

[بنت مكة]

الحمد لله الذي يسر لنا هذا .. الامتحان كان متوسط ..
وجزاكم الله خير على كل ما عملتوه من جهد مشكور في هذه المادة من تلخيص الله يسعدها ليمونه حامضة ..وأخونا انور جنبي .. والجميع بلا استثناء ..

[maram_k]

تم التصويت الاختبار معقد

[B A N D R]

ليس معقد

بل متعقد

حسبي الله ونعم الوكيل

[мάђяά ♥]

..

معقد وسيئ جداا حركه بايخة تعداد الراحل
وبعدين الماده مافيها الا عن الموازنه بس ليه اجل متعبه نفسي ومذاكره
حسبي الله ونعم الوكيل ثاني ماده اتحطم منها "(

[@ابو فيصل@]

الاختبار كان معقد
والدكتور للأسف ماصدق في اللي قاله
ان الاختبار سهل ومباشر وفيه بعض الاسئله الصعبه
وللاسف مامر على كل المحاضرات وكمثال المحاضرتين 13 و 14 ماجاب منها اي سؤال
مادامها ماهي مطلوبه ليه نتعب ونذاكرها وهي في الاساس خارج حساباته
مشكلة الدكاتره يقول شي وفي الواقع عكس ماقال
الله لايوفق كل من يسعى لتعطيلنا

[ريما محمد]

اكثر من معقد

[ريما محمد]

الاسئلة لازم ترجع ٧٠ سؤال مو معقول نزلوها ل٥٠
ارجووووووووووووكم لازم نسوي شي الجامعه تصدر قوانين والدكاتره كأنهم ينتقمون مننا
مو طبيعيه اسئلة اليوم

[اهازيج]

الواضح من السمستر هذا بيكون إستعراض ع

[يوم حلو]

صعب

[فارس740]

في اسئلة معقدة وهو متوسط

[موجي ازرق]

ايه والله طلعت وانا لايعه كبدي ومالي نفس للماده الجايه حسبي الله عليهم فعلا مثل ما قال اهازيج استعراض

[moghtrb]

والله يا اخوان ماندري نلوم الدكاتره والا نلوم نفوسنا والا وش نسوي بالضبط


مرات اقول كل ماكان الحصول على الشهاده صعب كلما كانت العين على الخريجين وحاجة السوق لهم بسبب معرفة اصحاب الاعمال ان الطالب اجتهد للحصول على الشهاده

ومرات اقول مجرد تعقيد عشان نحمل مواد ونواصل بدفع الفلوس فقط

[خوي العز]

اعتقد فيه مسابقه بين الدكاتره في فن التعقيد

[عالى الشموخ2011]

بالنسبه لي معقد والله يستر

[أسيل المدينه]

الاختبار كان متوسط وماحسيت ابدا فيه لف ودوران يمكن لان الدكتور درسني قبل وعارفه طريقة اسئلته لانه يحب شي اسمه مراحل وعددها

ان شاء الله كلنــا نعدي

[النظرة الخجولة]

اليوم كان عندي مادتين
الادارة العامه والدولية
الادارة العامة صراحة فيها جداً معقدة يعني بعض الاسئلة جاوبتها بفهمي والبعض حظ
الادارة العامه الدكتور دليم القحطاني لبى قلبة تهبل أسئلته مع انو الدكتور جديد يعني اول سمستر له معنا
بس انا قايلة السعووديين غيــر يفهونــــــــــآآآ
أنشاءلله اعدي المادة يآآآآآآآآآآآآآآآىرب

[سلطان الصقر]

كلها كووووم
وتكرار الأجوبه لأكثر من سؤال كوم
يعني لآزم يشككني بالأجابات:no::sm5:

[Saudi man]

انا ما اخذتها

لكن انا ودي افهم ليه دكاترة جامعة الملك فيصل اغلبهم معقدين ؟
قسم بالله تحس مناهم وهناهم ان الواحد يعيد المادة او على الاقل يجيب معدل اي كلام فيها

حنا ما نقول كرروا الاسئلة ولا نقول هاتو شي سهل لكن نقول خلوها معقوله وواضحة على الاقل الواحد يطلع من الاختبار لو ما حل يلوم نفسه لانه ما ذاكر ولا يجيب طاري الدكتور ابد


الله يعين بس

[اطلع من راسي]

وسط

[M I R A]

الاسئله معقده واكثر من التعقيد نفسه !!

مدري بكره النظم المتكامله تصف مع خواتها الاستراتيجيه و اداره العامه

او تصير احسن منهن :(91):

[بيــــان]

افا ي جيزاوي

هذا و اغلب الطلاب مأمل خير فيك ،، الله يستر من ادارة المعرفة نفس الدكتور

الله يوفقكم

[هاني أبوجود]

اسئلة الإختبار اليوم كانت متوسطة الصعوبة
و بعض الأسئلة ما توقعت تجي مثل عدد المراحل
لكن بالمجمل الإختبار رائع

و إن شاء الله نجيب علامات ممتازة

[اميرةالذوق]

صبرا جميلا والله المستعان

[ღ الليدي ساره ღ]

وصلني المايك وكلمة اخيرة ..

.
.
.


الله لايوفقك .

انتهى .

هههههههههههه

[اريج!!]

معقد وصعب و غبي و يدوخ ويجيب الصداع

[الرقمي]

الاختبار كان معقد وبصراحة أنا ضد تعداد المراحل لأنه مو سؤال احترافي وللأسف ضيع علينا درجات هذا غير الأسئلة الأخرى اللي مالها داعي!

[د.مسك السحاب]

وش الفايده من معرفة عدد الخطوات او عدد المرتحل او عدد المبادئ

والمشكله اكثر من سؤال

في مادة الاستراتيجه تكرر نفس السؤال الغبي

دكتور يضع سؤال عشان نحفظ عدد كم صحفحه بالمحنوي

هذا اللي ناقص

الله ياخذ من عطاك شهادة دكتور

[*hala*]

حسبي ربي عليه حساب يلقاه فدنياه قبل اخرته

اجل جايب لنا ثلث الاسئلة من محاضرة الموازنة
وثلث كم عدد مراحل وكم عدد مبادئ وكم عدد عناصر

عدوه في غياهب الجب

الله يستر منه في ادارة المعرفة

[تشتيت جامعي]

الاختبار معقد

اشعر ان الجامعه بدأت تضيق الخناق علينا لأننا اقتربنا من التخرج , ربما انه ظن سوء لكن هذا واضح و جلي امامي على الاقل

طوال السنوات الثلاثه السابقه احوالنا بالاختبارات جيده جدا , و نادرا " نادرا " ما نشتكي من صعوبة اختبار


ويحكم :d

[المصباح]

وش الفايده من معرفة عدد الخطوات او عدد المرتحل او عدد المبادئ

والمشكله اكثر من سؤال

في مادة الاستراتيجه تكرر نفس السؤال الغبي

دكتور يضع سؤال عشان نحفظ عدد كم صحفحه بالمحنوي

هذا اللي ناقص

الله ياخذ من عطاك شهادة دكتور

مجرد اسئلة استفزازية ليس لها من العمل بشيء

[طالبه جامعية]

اسوآ من التعقيد نفسه ..
كنا مترجين فيه خير لكن الحمد لله على كل حال ..

[طالبه_جامعية]

معقددددددددددد

حسبي الله ونعم الوكييييل وكفى

[*hala*]

كلها كووووم
وتكرار الأجوبه لأكثر من سؤال كوم
يعني لآزم يشككني بالأجابات:no::sm5:


من جد ولا يحط الاجابات اللي نفس بعض اسئلتها ورى بعضها
الله يورينا فيه ويوقعه في شر اعماله

الله يذكر الدوغان بالخير

[عَزْفُ مٌنْفَرِدْ]

حرمنا درجات التفوق حسبنا الله ونعم الوكيل

هذا ثاني اختبار مذاكر صح واتفاجاأ بااسئله خورافيه






****** فيه دكاترة أفضل من هالمستوى.

[الطالبة المعذبة]

صعب مرة

مي حاله هذة وش ها التعقيد

[zenk]

وش الهدف من ذكر عدد الخطوات .. يعني اذا بيختبر معلوماتنا كان يذكر الفقره وحنا الي مذاكر مننا راح يختار الجواب الصح .. لكن انه يسال عن عدد الخطوات فهذا يدل عن شيئين ..
اما الدكتور غشيم وما يعرف يحط اساله ... او انه مستقصد يصعب الاختبار وهذا الشي لا مبرر له

[AL.HARIQI]

معقدة جدا جدا
قاهرني بالاسئلة عدد المراحل
وتركيزه على محاضرات ومهمل بباقي
حبيت شرحة كثير بس كرة اسلوبة بطرح الاسئلة
خايفة اجيب العيد بالمادة
والله يستر من بكرة

[الكابتن هيما]

جيد نوعا ما يميل للمتوسط

[املي الدراسه]

معقد مممممممممممممممممممممممممممممممممممممممممممممممممم ممممممره جبت العيد فيه الله يستر

[كلاشنكوف الجنوب]

:Cry111:

[كلاشنكوف الجنوب]

احد ينزل نموذج اختبار الادارة العامة الله لا يهينكم

[s.alman]

الله يستر بستره ،، انا مانزلت المادة بس عندي إدارة المعرفة نفس الدكتور

تتوقعون يصعب مادة ويسهل مادة عشان ندعي له بالاخير هههههه

الله يستر .. نبي نستعد له استعداد تام وعسى الله يخلف تعبنا

[hanooda program]

بالنسبه لي كان سهل ممتنع الى متوسط صعب ..

كل الحالات كانت موجوده ..

واساله الموازنه هوا ركز عليها بشرحه جدا وقال مهمه

بس الاساله تجيب صداع ودوران


غير المكيفات المركزيه اللي فوق راسنا ..تجمدنا بالكلاس من البرد ولا عرفنا نحل :(

[faisal38]

السلام عليكم

اليوم اختبار كان بصراحه عد المراحل والموازنااااات

ياجماعه المنطق يقول ان 50 سؤال يفترض تقسم على 14 محاضره

يعني عدد 3 او اربع اسأله من كل محاضره

لكن بطريقت دكتورنا الله يهديه ركز على كم محاضره

وعدد المراااااااااااااااااااااااااااااااااااااااااااااا ااااااااااحل اللي ماله اي داعي

بسسس الله يسامحه

عموما الله يعين ويكتب النجاح للجميييييييع

[ابو نوني]

الصراحه صعب ومعقد نص اللي ذاكرناه ما جاء منه اسئله

[داورد2010]

معقد جدا

[AZIZ999]

اشوف انه متقارب بالاجوبه

تعقيييد

[امواج القلوب]

الله يخلف علينا في مصيبتنا

موب صعب ولا معقد كان ملعنه

اولا ولا سؤال بينا وبينه ميانه لا واجب ولا مراجعه ولا اختبار العام !!

ثانينا فيه اشياء كثيره تفرض نفسها وتقول ذاكروني ورا ماجاب منها ؟؟

ثالثا عدد المراحل وش يبي انا فاهمه موب حافظه وحتى لو كان نظامه الخايس المعتاد يركز ع العدد الماده كلها تعداد شلون احفظها ؟؟

رابعا يوم سحب على المحاضرات وركز ع الموازنه اللي عرضت عليها معراض حي على ميت وش علته ؟؟

خامسا الله لايبيحه ولا يسامحه كأني طلعت من الأختبار مدري وش سويت

[الجوكر2000]

المادة حلوة بس دكتور المادة يجيب الهم والمرض عقدها
ياالله يارب يا سميع الدعاء انك تعديها ....

[moghtrb]

لاتدعون عليه ياجماعة الخير


قولوا الحمدلله قدر الله ومشاء فعل

بالنسبه للتعقيد لم يكن الاول ولن يكون الاخير فنحن في الثلث الاخير من مرحلة البكالوريوس لذلك يجب عليهم التعقيد لكي تنخفض معدلات اغلب الطلبه حتى لانطالب بالماجستير لأن المقاعد محدده ولاتستوعب العدد الكبير جداً من الطلاب والطالبات


هذا تحليل شخصي والله اعلم

[SaMio]

اغلب الاسئلة للميزانية حسيت اني بختبر محاسبة

المحاضر مادري وش قصده بهاذي الطريقة

لاحول ولا قوة الا بالله

[إشراقة]

متوسط.... لكن ماتوقعته

سالفة تعداد المراحل الي مالها داعي... ومكثر بعد منها

ومركز على مواضيع دون مواضيع

[mona-a]

الاختبار متوسط يميل للصعوبة و السبب طريقة وضع الاسءلة

شرح الدكتور كان حلو و كنت متفاءلة بالمادة

اغلبها تعداد فيقوم يسالني عن عدد مراحل ؟؟!!!!!

سوال غير احترافي و ما يسوى تعب المذاكرة

الله يستر من ادارة المعرفة قدها المادة ما انبلعت لي اساسا

[FO0OFO]

ركز على اشياء غريبة و ترك زبدة المادة و كأنه يقول انا ابي اجننكم للأسف يقول كلام و يفعل غيرة ...... لغبو فينا هالاجانب

[فورشنر]

قدمو شكوى ع صعوبة المادة في الخدمات الطلابية كان ينظرو في امرنا

[iNada_A]

انا ما اخذت هاالماده انا عندي ادارة المعرفه نفس الدكتور تتوقعون يحوسنا زي ماحاسكم ؟؟:mh12::mh12::mh12:

[الماَسه]

اتمنى الكل يكتب عن الماده بالخدمات

انها معقده وصعبه ومركز عن موضوع



الاختبار صعب ولف ودوران بالاسئله

والاسئله متتليه عن موضوع واحد



سؤال 18 الجواب فيه غلط ... في المذكره رئيس واحد للمرؤوس ... بغض النظر عن عدد المرؤسين.

اللي في الاختبار رئيس واحد لكل مرؤوس ...

الدكتور يجب منه الغاء السوال ...




سؤال 25 لم تشرح هالنقطه
تلجا الحكومه لتوسيع نطاق الاشراف في حاله
-توفير الخدمات الاستشاريه التي يتم تامينها الرؤساء
-عدم توفير الخدمات الاستشاريه في الهيكل التنظيمي
-استثناء الخدمات الاستشاريه من الهيكل التنظيمي
-استثناء الخدمات الاستشاريه من الهيكل التنظبمي


-
سؤال 34 غلط كل الاجوبه صح يجب يلغى السؤال
للموزانه العامه 4قواعد اساسيه وجميعها بها استثناءات ماعدا
-السنويه
-الوحده
-الشمول
-التخصيص

[فهد المشعل]

الدكتور لم يوفق في وضع الأسئلة

[أبو تركي الرياض]

http://im36.gulfup.com/9sfnf.png

يرجى عند تضرر أي طالب بخصوص الإختبارات أو مراكز الإختبار أو على الدكاتره
كتابة ذلك في الخدمات الطلابية إيقونة تلقي الملاحظات ، وبإذن الله يتم إنصافك .

[smart15]

انا اشوف اسئلة الاعداد كم وكم ويعطيك ثلاث او اربع او خمس ...
مالها داعي وضاعت الدرجات علينا في الفاضي

[charisma123]

مركز على محاضرتين ثلاث من الأخير
وتارك باقي المحاضرات

[ابوحاتم000]

يارب تشمله حملة التصحيح القادمة ونفتك منه
اختبار لا يبحث مدى فهم الطالب للمادة او الفائدة المرجوة من الاختبار للمادة
وانما هي محاولة لإثبات الذات من خلال كثرة المتعثرين .. اعاقة نفسية لا أكثر .

[أبو تركي الرياض]

يعطيكم العافية ...

[hkomh]

من جد الاختبار كان معقد بشكل خيالي

[sara400]

منو دكتوركم ؟؟؟؟

[أبو تركي الرياض]

سبحان الله وبحمده

[najwa]

صعب جدا جدا وكنت ومازلت خايفه احمل الماده

[Tmoo7_12]

وش أسم دكتور المادة؟؟

[أبو تركي الرياض]

وش أسم دكتور المادة؟؟

الدكتور محمد الجيزاوي .. إدارة عامة + إدارة المعرفة

في الحقيقة من أسوء الدكاترة

[أبو تركي الرياض]

درجتي سيئة في هذه المادة .. كله من الدكتور الجيزاوي أسئلتة معقده

لاحول ولاقوة إلا بالله