دفعتنا وش جاكم !!!!!!

[أبو نايـف 55]

بسم الله الرحمن الرحيم

والصلاة والسلام على نبينا محمد وعلى آله وصحبة وسلم

دفعتي العزيزة ..

استفزني اللي قاعد يصير بالمنتدى اليومين هذي ...

ما اتكلم عن اغلاق المنتدى واللي هو خارج عن ارادتنا ...

اللي اقصده ..

الروح .. روح الدفعة اللي كانت مضرب المثل في الاترام اللي مضت ..

وانشاءالله انها بترجع .. وانا متفائل ... لأن كوكبة النجوم اللي ذاع صيت الدفعة بسببها ما زالوا موجودين ..

لكن !!!

اللي يصير اليومين هذي شي غريب ...

سب وتجريح ... واستهزاء .. وتعليقات تخجل انك تقراها قدام عيالك !!!

بدون ذكر اسماء .. وبدون تلميح .. اعتقد انكم قريتوها ..

واتلاها اليوم ...

انقسام محبط .. بين مؤيد لسهولة الاسئلة .. ومعارض ..

الكلام هذا صار في الاترام السابقة .. و لا شفنا ردة فعل مثل اللي شفناها اليوم ..

مع أن المفروض بحكم أننا صرنا عائلة وحدة .. واخوان .. يكون العكس

يعني اللي يحس ان الأسئلة سهلة .. والدكتور ما قصر ... نحترم رأيه ..

واللي يشوف العكس وأن الأسئلة صعبة .. يقول رأيه بدون سب وتجريح لا في الدكتور ولا في الأخوان

اللي يشوفنها سهلة .

كلامي هذا والله من محبة وغيرة على هالدفعة ...

حتى المشاركة في المواضيع .. صارت بالقطارة ..

في الاترام السابقة كنت ما تقدر تلحق على الردود من كثرها ..

هذا اللي جاء على بالي وحبيت اشاركم فيه ...

وكلي ثقة بالله ... انا هالدفعة .. بترجع :21:

[JO0OD_SA]

:d5:

[AL RABIE]

معاك حق ابو نايف

اتمنى من الاخوة والاخوات تقدير ماكتبت وماعنيت ..

[AL-JOKER]

صحيح أنا لاحظت هالسمستر مافي مشاركات فعاله


الاترام اللي فاتت كانوا الشباب والبنات ماشاء الله عليهم

متفاعلين مع المواد والمشاركات لكن مدري وشفيهم

هالترمن


لكن خلونا نركز على ادارة العمليات واللي فات مات


شدوا حليكم

[ابوسعد1]

(( ما يلفظ من قول إلا لديه رقيب عتيد

[حفيد الملوك]

بارك الله فيك اخوي ابو نايف

لاحظت هذا الامر

وادعوا لنفسي ولهم بالهدايه ان شاء الله

كم هو مؤلم ان ترى التجريح في الاعضاء او في الكادر التعليمي باسلوب وعبارات غير لائقة
بغض النظر عن نوعية الاختبار ومدى صعوبة الاسئلة

يمكنك طرح رأيك باسلوب عقلاني لا يحمل التجريح لاي طرف ولن تكسب منه اي اثم

و باسلوب طرحك سوف تكسب الاراء وتجمعهم حولك وتستطيع اتخاذ اي اجراء تطمحون له


شكرا لك

[سعيدان و عليان]

الله يعطيك العافيه يابو نايف ,



بيسهلها الله الله يجلمنا ويجمل من يقرأ بالأخلاق ...

متحدين نقف متفرقين .......................!
https://encrypted-tbn3.gstatic.com/images?q=tbn:ANd9GcQVxIt3EBYHPmKeLXjfxFd9yKo3BH9HN NRJ4Sw__ihNP7t7f50C

[طارق-الشرقية]

لا فض فوك يا ابا نايف كلمات من القلب الى القلب

[بوـ حسن]

جزاك الله خير وان شاء الله الجميع ياخذ كﻻمك بجد

تحياتي لك وللجميع

[ghaliah]

جتهم عين


ههههههههههههههههههههههه


يعطيك العافية و كلام جميل

[قمـــر الكون]

جزاك الله خير جزاء

والله انك ماقصرت بكلماتك الرائعه والموثرة

وكلامك صحيح وان شاء الله دفعتنا الي الامام وراح ترجع احسن

واكيد بتعاون الجميع

[almahmoud1982]

جزاك الله خير اخوي ابو نايف
كلمات من القلب للقلب
شكراً لك

[ابو رياض]

كلمات معبره ومفيده

أسال الله العلي العظيم أن يكتب أجرك

واتمنى التوفيق والنجاح للجميع

[Typhoon]

جزاك الله خير وان شاء الله الجميع يكونون يد وحده

وانا متاكد مهما حصل ان الجميع متكاتفين

والله يوفق الجميع

[مساهر]

الله يجزاك خير عالكلام الطيب

بالعكس حنا لبعض مهما صارت الامور

ترى القلوب على بعضها حتى لو سار ماسار

بس لازم التعبير عن الشعور خصوصا بعد الاختبار !! << تنفيس !!

اليوم تشوف رد ما اعجبك من شخص بكره تشوفه معطيك لايك على مشاركتك .. عادي عادي !!



بالتوفيق للجميع !!

[shahran]

مع التقدم في المستويات وصعوبة المواد

الناس بدت تضيق نفسياتها والتوتر صار أعلى

أعتقد هذا أمر طبيعي

والله يصلح الشان ويديم المحبة

[هلاترك]

جزيت خيرا واطعمت طيرا وزوجت حورا

تقبل مروري

[ليــــان*]

كلامك صحيح ابو نايف
لكن قلوبنا دااايم مع بعض
وانا من ناحيتي السبب في قصور تواجدي
والله انو البرررررررررررد

قرررربع علوم الاختبارات والمشاركات والحماس كلها >>> صرت زرقاءههههههههههه

[ابوخالد المطيري]

والله يابو نايف انك قلت اللي في خاطرنا

من الترم الماضي ودفعتنا مدري وش صاير لها ..

الاترام الثلاثه الاولى كان حماس ملفت ..

لدرجة اني اذكر فيه اعضاء من مستويات ثانيه ودهم يعرفون وش صاير عندنا ..

الله يعديها على خير يابو نايف ..

والله يكتب اجرك على الكلام العقلاني المفيد

[Elham72]

ماشاءالله عليك أحسنت والله
لخصت مايدور في خاطري

الاخلاق العاليه سمة طالبين العلم


موفقين يارب :106::106::106::106:

[abdullah232]

ضغوط نفسيه
وقت ضيق

مالومهم
بس بدون تجريح وكلام ماله داعي

والدفعه بترجع زي اول واقوى باذن الله

[Az~OoO~Zz]

نصف اناقتك في كلماتك..ونصفها الآخر في أخلاقك

[أبو فهد1]

كلامك صحيح .

[Assir]

في ذمتي انه صدق ضرسك

الله يصلح الحال

عندنا مثل في الديرة يقول

( طرد في الفايت نقص في العقل )

يعني اللي راح راح ولو سبيتوا ليلكم كله

فديتكم يا احلئ دفعة خلووكم كما عهدناكم

تحياتي لكم جميعا

[ع بث]

فعلا كلام من القلب. ..دفعتنا نارية وتبقى نارية حتى التخرج

[salohy]

جزاك الله خير ويعطيك العافية
الله يهديهم ويوفق الجميع ان شاءالله

[ام فاادي]

لاهنت

[وادي زاعم]

يعطيك العافيه ابو نايف وكلامك عين العقل , انا حصل لي موقف مع الاخوه في المستوى السابع لاني كنت ماخذ مادة الاستراتيجيه , فكتبت موضوع اشكر فيه الحميع على التعاون , ومع الاسف الشديد احدهم من كان الاختبار مزعله ومعصب تجرىء شوي بالكلام ولكن ما كان من ادارة المنتدى الا الاعتذار لي و ((باند)) لصاحب المشكله , ولكن الحقيقه كانو كل الزملاء بالسابع في قمة الادب والاحترام ...

الحليم من يمسك نفسه عند الغضب ...

شكرا ابو نايف على التذكير لنا لنعود الى جادة الطريق

[momb]

الله يجمع بينكم على خير ويبعد الشيطان عن دربك وفالكم التخرج ان شاء الله
بالعمل والمثابرة والشكر لله ثم للجميع بدون استثناء

[القحطاني999]

:d5::d5:

[New LiFe]

والله انك صادق وانا اخوك

ان جيت تقول سهله جوك كم واحد وشنعوا فيك وانك مطبل او دبشه تحسب نفسك مجاوب
وانت ماجاوبت ,, مافيه قبول أبد أبد للرأي الآخر

انا اشوفها سهله وحلي الحمد لله راجعته وكان طيب ومع ذلك اشوف بعض الشباب بيقدمون
شكوى لملاحظاتهم على بعض الاسئلة وانا رغم ماني مقتنع فيها 100% لكن دامه في صالح
الجميع انا معهم ,,

بهالامور لازم الاتزان شوي ,, اللي يشوفها صعبه نوقف معه وان كان بيقدم شكوى نوقف معه4
مو نقلبها هواش وتعصب

[نوني 3000]

كلام جميل

اسم الله علينا وعلى دفعتنا صابتنا عين

بس بنعقل ان شاء الله ونرجع مثل اول واحسن

يعطيك العافيه اخوي كلامك رائع

[im Diamond]

مفروض كل يعبر عن رئيه بس انا مو مع الاساءه يعني لو كانت صعبه فيه غيري راح تسهل عليهم والعكس

شكرا لك الله يصلح الحال

[أبان]

جزاك الله خيراً يا أبو نايف

اليوم جربت شعور أنك تجيب العيد بالامتحان و تطلع تلقى أحد يمدح فيه و يقول أنه سهل :Looking_anim:

نفس المشكلة تكرر معي يوم اختبار الصحة كان بعد 24 ساعة من اختبار ثاني ، عشان كذا جبت فيه العيد :bawling:


تابعت الزملاء اللي قالو أن الاختبار سهل (من اللي أعرفهم) لقيتهم معدين مقرر فقه السيرة ، يعني كان عنده وقت كافي للمذاكرة .



أتوقع أن الجامعة أعطتنا درس عملي في الإدارة و التخطيط ، فهي تضعنا في بيئة ديناميكية متحركة يصعب فيها التخطيط و مطلوب منك أن تنجح في إعداد خطة .


و هذا حنا مخططين أن يكون يوم الجمعة فاصل بين اختبار فقه السيرة و اختبار إدارة الأعمال الدولية ، و نسينا أننا في بيئة متغيرة ، و أكتشفو بآخر الترم أن اختبارات التعلم العام تتعارض مع اختباراتنا !! فقدمو الاختبارات و صار اختبارين ورا بعض من نصيبنا ..... و يا قلب لا تحزن.


و الموضوع ليس تبريراً لمن لم يقدم هذا اليوم ، فمن جد وجد و من زرع انبسط :biggrin:



آخر موضوع أكتبه بإذن الله عن هذا المقرر :mh12:




إلى العملياااااااااااااات
لا رجووووووووووووووع

:(110):

[المحترمه]

اللهم صلِ وسلمّ عليك يا رسول الله عدد ما تعاقب الليل والنهار


حياك الله يا أبو نايف ... وكلامك أصاب كبد الحقيقه
مسألة الإختلاف بالآراء لا تفسد للود قضيه وبالنهايه
هي حرية رأي ومتفاوته بين الطلبه .. التجريح والقذف
والسب للأسف صال وجال وتعدّى حتى وصل للكادر
التعليمي .. ومتناسين أنها حقوق للعباد ربما يهلكون
بعدها

الهبوط عند البعض من بداية السمستر ومؤكد أنه أي
مقرر ماراح تعطيه حقه ماراح يظهر لك بالشكل اللي
أنت تبيه .. قامت الأخت بوسي الله يجزاها خير بـ
فعاليه حتى جميعنا نلتزم بالمذاكره الفعليه وهذا
خدم الكثير ولله الحمد ..


شكرآ لك يا أبو نايف .. وفق الله الجميع لكل خير

[l a v e n d e r]

لله دركـ ي بو نايف ..

نسأل الله صلاح الحال ..





جزاك الله خيراً يا أبو نايف

اليوم جربت شعور أنك تجيب العيد بالامتحان و تطلع تلقى أحد يمدح فيه و يقول أنه سهل :Looking_anim:

نفس المشكلة تكرر معي يوم اختبار الصحة كان بعد 24 ساعة من اختبار ثاني ، عشان كذا جبت فيه العيد :bawling:


تابعت الزملاء اللي قالو أن الاختبار سهل (من اللي أعرفهم) لقيتهم معدين مقرر فقه السيرة ، يعني كان عنده وقت كافي للمذاكرة .



أتوقع أن الجامعة أعطتنا درس عملي في الإدارة و التخطيط ، فهي تضعنا في بيئة ديناميكية متحركة يصعب فيها التخطيط و مطلوب منك أن تنجح في إعداد خطة .


و هذا حنا مخططين أن يكون يوم الجمعة فاصل بين اختبار فقه السيرة و اختبار إدارة الأعمال الدولية ، و نسينا أننا في بيئة متغيرة ، و أكتشفو بآخر الترم أن اختبارات التعلم العام تتعارض مع اختباراتنا !! فقدمو الاختبارات و صار اختبارين ورا بعض من نصيبنا ..... و يا قلب لا تحزن.


و الموضوع ليس تبريراً لمن لم يقدم هذا اليوم ، فمن جد وجد و من زرع انبسط :biggrin:



آخر موضوع أكتبه بإذن الله عن هذا المقرر :mh12:




إلى العملياااااااااااااات
لا رجووووووووووووووع

:(110):


ههههههههههههههههـ
مهمــا كانت سهولة الفقه
( الا ما بتعطيها حقها
وقسم من الصبح لحد الاختبار وانا احوس فيها :cheese:
+
بتضيع عليكـ فرصة اعطاء مادة دسمـــــــــة جدا كالدوليه حقها )

مادة تتسم بالألغام المعلوماتيه ويجب التصرف معاها بما يليق بحجم معلوماتها ..



ودي اعرف الي رتب الجدول وش كان يفكر فيه بوضع ماده قبل الدوليه بالذات .. :16.jpg:

سبحان الله قدر الله وما شاء فعل ..

كان كل شي تمام وفي بينهم يوم .. :sm12:

وبعدها رجعنــا لطير يلي وكنكـ ي بو زيد ما غزيت .. :019:

* للعلم : للي يقول الفقه سهل ..
لو جاب الدكتور اسئله ادق كان رحنا فيها ..
ربي رحم حالنـــا بأنه دكتور مراعي جدا وما تفلسف ودقق بالمعلومات ..
الماده فيها فوق الـ ٢٠ اسم وكل اسم له حدث + فيها تواريخ واعداد مقاتلين وسالفه ..
غير الكم معلومة المشكوكـ في امرها
مرة يقول مكث الرسول عليه الصلاة والسلام بمكة ... سنه ومرة يقول ..... << طبعا نسيت :16.jpg:

بإمكانه يجيب فينا العيد ويدقق بالخيارات امثال الي يصير معانا الان مع الدكاترة الثانيين ..

لكن الحمد الله عدت ..
وربي ييسر امورنا بالمواد الجايه بعد اللهم امين ..


بالتوفيق يارب للكل .. :004::rose:

[وردة الحجاز]

والله الاختبارات ماهي الا توافيق من الله ..
السلوك عطيته حقه والموارد راجعته بيوم فقط وذاكرته بيوم فقط -الاحد -
وقدمت للموارد افضل من السلوك ..

ولكن شدة الانفعال ضد الرائ الاخر جدا استغربه واستنكره ..
اللي حل الله يوفقه واللي ما حل الله يعوضه بمواد متبقية ..
ولافي داعي ابد كل طرف يستفز الاخر ..
كلن يراعي مشاعر من معه ..
واذا اصيب القلب بشئ من امراض القلوب تذكر قول النبي صلى الله عليه وسلم
(لا يؤمن أحدكم حتى يحب لأخيه ما يحب لنفسه)

اسال الله ان يرزقنا الحرص على درجات باقية لا درجات فانية ..

شكرا لك ..

[سعود رويال]

الا راح مات خلونا على الاختبار الجاء ادارة العمليات
الله ينجح الجميع
ازمة وتعدي ان شاء الله

[مـ ع ـاند جروحه]

/


الله يجزااك خير يابونايف



الكلام اللي فيه نغزات والدق بالحكي
كل هذا مرفوض .. ومحد يقبله
وارجو اللي حصل امس انه ما يتكرر من الاعضاء
وتكون نقطة تحوول للأفضل


>
المشكلة لا جاك الكلام موجه للشخصيات
خدمة الملتقى وكرست جُهدها ووقتها في خدمة الطالب والعلم
ويجي تجريح لهم والتشيك في مصداقيتهم !
أهكذا يُجزى المعروف بعشرة كفوف ؟؟
: (





حفيد الملوك , نسيم , المحترمه
اعتذر بالنيابة عن الكل واتمنى منكم التماس العذر لإخوانكم



( هذي المشاركة ليست لجلب الانظار أو مثالية )
سائني جدا ماحصل البارح وكأن الكلام موجه لي تحديداً
فحبيت اعتذر للأعضاء لما لهم مكانه عندي

شكرا ابو نايف للمبادرة الطيبه :rose:

[aboody_sy]

الضغط يلعب دور .. التوتر يلي صار من المعدل خاصه بعد اجتياز تقريباً نصف الرحلة ..

[BayanFJ]

وكلي ثقة بالله ... انا هالدفعة .. بترجع :21:
أتقلّب على جمر الغضااا *قلب مكسور*

[sloof]

انت كذا :21:

جزاك الله الف الف خير


:(126)::(126):

[naif14044]

جزاك الله خير والله يرفع قدرك وشكرا لك على النصيحة الاخوايه

[ألماس2]

الله يوفقك وكلامك جدا جميييييل

فعلا افتقدنا الحماس

[waloOo]

جيبوا شيخ يقرا عليهم

[أبو نايـف 55]

الأخوان والأخوات اللي ردوا ..

الله يرفع قدركم ويجزاكم خير ...

تراي جبت معي ماء مقرين فيه .. وزيت .. وحطيته عند مدخل المنتدى ...

اللي يبي يشرب .. واللي يبي يتدهن ..

بس واحدن على بالي .. لا يشرب ولا يتدهن .. اخاف ينحاس مع الاختبارات :(284):

دوكم ذي :rose:

[المالك الحزين]

جميل جداً

[parliament]

كذا دائما تصير في مراحل الانتاج لازم مايجي يوم يصير في هبوط في المستوى الانتاجي << متأثر بالمذاكره

وبعدين لاتنسى كل ماتقدمت لمستوى يقل عدد الطلاب << اذا هنا العلاقه عكسيه

وبعض الطلاب وانا منهم توجهت لمواقع التواصل الاجتماعي وسيلة اسرع واسهل مع ان الملتقى ليس لنا غنى عنه مطلقا

وبالنسبة للتجريح والكلام الغير لائق كل واحد يمثل نفسه ويمثل بيئته الداخليه احنا كطلااب يهمنا البيئه الخاجيه وهي عوامل الفرص والتهدديات


اعجبني كلمة في موضوعك ياابو ناايف وكان ودي اتطرق لها وهي كلمة ( اتلاها ) بحثت عنها في المعاجم العربيه ولم اجد لها تفسير ياليت توضحها ..


تحيااتي للجميع وتمنيااتي لي ولكم بالتوفيق والسداد

[AbuDana]

ابو نايف
طريقة المنتدى في متابعة المواضيع قديمة وتحتاج تحديث
وين اطرد موضوع فيه اكثر من مليون رد واغلبها لاهنت فديتك تسلم شكرا

بالنسبة لي اتمنى من الاخوة الاعتماد على وضع المرفقات مع الموضوع لانه يهمنا المرفق ولا الردود وودك يكون فيه مراقبة شديدة
ودك تفعيل خدمة التوتير او واتزاب اقل شي يجيك تنبيه وتعرف وش صاير
المنتدى صار قديم لازم نطور مشاركاتنا في المنتدى وغيره

[parliament]

ابو نايف
طريقة المنتدى في متابعة المواضيع قديمة وتحتاج تحديث
وين اطرد موضوع فيه اكثر من مليون رد واغلبها لاهنت فديتك تسلم شكرا

بالنسبة لي اتمنى من الاخوة الاعتماد على وضع المرفقات مع الموضوع لانه يهمنا المرفق ولا الردود وودك يكون فيه مراقبة شديدة
ودك تفعيل خدمة التوتير او واتزاب اقل شي يجيك تنبيه وتعرف وش صاير
المنتدى صار قديم لازم نطور مشاركاتنا في المنتدى وغيره


هل تعلم ياابو دانا ان كلمات ( فديتك . لاهنت . تسلم ) هي اللي تخليني احفر المنتدى وتخليني اخدمهم وهي المحرك الرئيس لي . :16.jpg:

[أبو نايـف 55]

اعجبني كلمة في موضوعك ياابو ناايف وكان ودي اتطرق لها وهي كلمة ( اتلاها ) بحثت عنها في المعاجم العربيه ولم اجد لها تفسير ياليت توضحها ..



هذي مشكلة اللي ما يعرف فلبيني .. شفت فايدة هرفي :16.jpg:


اخوي ابو دانا ..

كلمات الشكر دافع .. ومن لا يشكر الناس لا يشكر الله ..

دوكم ذي :rose:

[parliament]

هذي مشكلة اللي ما يعرف فلبيني .. شفت فايدة هرفي :16.jpg:


دوكم ذي :rose:


هههههههههههههههههه

[fajor]

اي والله صاج الي كانو متفاعلين كل ترم مو موجودين الظاهر خذو هالترم وخلصو :mad:

[pop400]

السلام عليكم

أبد برد يقص المسمار
وإختبارات ورا بعض
وغياب بعض النجوم في الدفعة

والحقيقة الحقيقة الكثير ما بدا يذاكر الا هالحزة

احم

[صالح اليوسف]

هلا وغلا والله معذورين من الي شفناه

من الاداره الدوليه وغيره حطمونا

[Daniah..~]

..



ينصر دينك يابو نآيف


الله يكتب لك بكل حرف حسنة قل آمين
والله يحزنني اللي يدخل بعظم الوآحد ، بس وش تقول !!
يآخي أعطينآ رأيك ، مآقلنا تكلم عن فلان وَ علان !!

وَ بالنسبة للتجريح حكت فيه بوسي ، بس لاسمع وَ لا بصر
كل وآحد يعكس أخلاقه ، سواء بتويتر ولا هنآ


ألف شكر لك / :rose:



أبو نآيف / إن شاء الله وليست انشاء :004:

[أبو نايـف 55]

للرفع

[نسيم الصبا]

الله يجزاك خير ياابو نايف...موضوع جا في وقته.
من جد شي يضيق الصدر اللي قاعد يصير،سواء بين الطلاب أو من حيث تماديهم لشخص الدكتور..
شيء طبيعي بعد كل اختبار ان الانطباعات بتختلف لأن الجهد المبذول والقدرات تختلف،المفروض الكل يراعي هالشي..
ومن حق الدكتور يكتب الأسئلة اللي يبيها،اللي علينا نجتهد ونذاكر،ولكل مجتهد نصيب..
استغرب من ردود الأفعال بعد الاختبارات،سواء اختبار صعب أو متوسط أو سهل،نفس الشي..
شكاوي وتذمر وعصبية ....
اتمنى ان الدكاتره مايتابعوا المنتدى ولايشوفوا هالمواضيع والردود لأنها مخجله..

[Ťђĕ ξйḓ]

.'


جزاك الله كل خير

[Adel F]

شكراً أبو نايف ..

صحيح زادت المواضيع والانتقادات .. وفيه بعض الطلبة يزيدون ( التسيله ) شوي .. ويسب أو يدعي وهذا غلط ..
لكن ( الصدز ) حبيب الله .. هالترم الاختبارات غير طبيعيه .. والناس معها حق تفضفض .. بعيد عن أي تجريح طبعاً ..

..*

[لولوه الدوسري]

صادق والله

كثير صار سب وقلة احترام

يعطيك العافيه على الموضوع المهم والي المفروض يتثبت عشان الكل يقرأ الموضوع