المساعد الشخصي الرقمي

مشاهدة النسخة كاملة : شعر ياملتقى الطلاب روحي من العام

ابو عزام
2013- 12- 25, 10:55 AM
اسعد الله صباحكم ....

اقدم لكم ابيات ارتجاليه لإجلكم ....جو الاختبارات ماهو جوو شعر :verycute:





بعد غياب ٍطـــال بشهور وايام *** غياب فوق الارض ماهو تحتها

اتابع العـــالم وافكــر بالاحــــلام *** وروحي تنادم بالغلا مملكتها

ياعين بدموعك هواجيس واوهام *** تنافرت منها العيون وبكتها

للروح همساتٍ وللقلب مرسام *** وللعين لفتات ٍ تلد بركتها

انا على الفطره على نهج الاسلام *** لو ان نفسي بالخطاوي عصتها

ياملتقى الطلاب روحي من العام *** تيارها يرسم لها مصلحتها

لقيت بالقـــرآن ماهو بالانـــغام *** طب القلوب اللي تزيد عوجتها

علاج روح وتزكية قلب وإكــــــرام *** وتطوير عقل وتنتهي مشكلتها

وترا المشاكل كلها افكار وافـــلام *** في داخل الارواح هذي سمتها

نصنع قضيانا ونـمـــرض ونـنــــلام *** ونقول نبغى حلها من بكتها

ونبغى الثقافه والتميز بالاعلام *** بتغريـــــدةٍ تضــــــرها رتوتتها

اللي يضر الروح له حظر وسبام *** مالي ومال الناس في شربكتها

وانا اعتذر يالملتقى قبل لاانام *** اخاف بالنومه تزيد نعستها


اعتذر ... عن قل التواصل ... وارجو من كل من اخطئت بحقه ان يسامحني


اخوكم ومحبكم ابو عزام = شاعر رايق سابقاً
السراااب
2013- 12- 25, 06:01 PM
لقيت بالقـــرآن ماهو بالانـــغام *** طب القلوب اللي تزيد عوجتها

علاج روح وتزكية قلب وإكــــــرام *** وتطوير عقل وتنتهي مشكلتها


صح لسانك يابوعزام

منور وانا اختك

ويعطيك العافيه على هالكلمات الجميله
ابو عزام
2013- 12- 26, 03:06 AM
صح بدنك والنور بوجودكم جميعاً

اشكرك على مرورك تقبلي فائق ودي وتحيتي
wintr song
2013- 12- 26, 03:31 AM
لقيت بالقـــرآن ماهو بالانـــغام *** طب القلوب اللي تزيد عوجتها


صح لسانك ,, وتسلم يمينك
Dr ʀeнαв
2013- 12- 26, 10:16 AM
_


الله الله يابو عزآم
بريكَ جميل بين ضغط الاختبارات
بالفعل آبيات رائعه وهيك جآزت لي بالحيل
صح لسآنك وطال مقآمَك يآرب
وياجعلها اخر الغيبآت
ولككم بآك ,
نتريا جديدك بشوق
rana.a
2013- 12- 26, 01:27 PM
يعطيك العافية
ابو عزام
2013- 12- 26, 08:18 PM
صحت ابدانكم واشكركم جميعاً علئ المرور .شرفتوني بمروركم وتعليقاتكم.
واشكر اللي قيموني .ولاخلا ولاعدم .
ابو عزام
2014- 1- 5, 10:50 PM
��مافيه احد
ابـو نواف
2014- 1- 6, 05:03 PM
صح الله لسانك يابو عزام
عدد بلآ مدد ي الآمير
حياك الله وحييا قافك

كيبورديه وعساها تجملنا معك واعذرنا ع القصور


سلآم ي الرايق على دين الآسلآم *** جبت الثمين وسعد عينن قرتها

ي مرحبـا باللـي فـقـدته من العـآم *** اللي دروب المجد رجـله مشتها

شآعر ويكتب من هواجيس واوهآم *** وروحـه تنـادم بالغـلآآآ ممـلكـتها

لآآ تشتـكي الدنيا ولـو كنت منضآم *** هذي هي الدنيا وهذي سمتها

يومن سعـاده والـنكـد عشـرة ايآآم *** والله يكـفـيـنا العـنـآآ و شـربكتها

بـكـره يـزيـن الـوقـت والـوعـد قـدآم *** وتسعد نفوس حظوظها غربلتها

اما الثـقـافه .. والتـمـيـز .. بالآعـلآم *** خـليـتـهـا للـي يحـووف بـركـتها

انـا الـتـثـقـف بالـدفـاتـر .. والاقـلآم *** واكتب اذا نفسي نوت ما نـوتها

واللي نكـر فضـل الكـتـآبه والآحـلآم *** عـزي لحـاله مـاعـرف مصلحـتها

ونوم العـواآفي والهنى ي ابو عـزآم *** من قبل لا النومه تطير نعستها


وسلآآمتك ..
ابو عزام
2014- 1- 7, 01:04 PM
يامرحبا مليون يانسل الاكرام.... ترحيبة ٍ همس الحروف سبقتها

صح لسانك يابو نواف وجزل كعادتك .
واشكرك علئ مجاراتك وتشريفك متصفحي
" ملاك الورد"
2014- 1- 7, 09:24 PM
صح لسااانك ابو عزام
ذكرياتي تحتويني
2014- 1- 9, 04:03 AM
عجبني رائع
شعر ممتاز
شكرا اخوي ابو عزام
غرآم
2014- 1- 12, 05:11 PM
مبدع كعادك ي بو عزام .... موهبه فذه وترتيب رائع لحروف شعريه لها طابع فني شخصي عجييب

استمتعت جدا بقرائتي لابياتك وابارتجال بو نواف لقصيدتك .... يعطيه العافيه

اتمنى اشوف ابداع جديد لشخصك الكــــــــريم

تحياتي لك
دﻵل ~
2014- 1- 12, 05:20 PM
وصباحك صح السانك اخوي يعطيك العافيه
ابو عزام
2014- 1- 15, 06:44 PM
ملاك.الورد
ذكرياتي تحتويني
غرام.
دلال

صحت ابدانكم واشكركم علئ مروركم واطرائك .
لبى روحكـ
2014- 1- 18, 11:40 PM
ابو عزام & ابـو نواف


صح لسانكم
ابو عزام
2014- 1- 19, 10:16 PM
صح بدنك لبئ رووحك ... ومبروووك النجاح