شكاااوي على المراقبين

[دلوعتك حبيبي]

السلام عليكم
كيفكم :love080:

كل طالب/ـه تقول مشكلتها مع المراقب/ ــه



ببدأ انا بالاول
في مركز اختبار القطيف 2
المراقبه رقم 04
في اختبار المحاسبة
لما انتهى الوقت كانت تبغى تسحب الاوراق مننا بالغصب وكل شوي لا قالت يلا بسحب الاوراااق
ولما ماعطيناها وياه قالت يلا مع السلامه وخلو الاوراق معاكم :mad:
والله ع اخر الاسئله يبغى لها الة حاسبة وتعويض ماااسويت فيها شي
حقره بقره قلي عمي عد من الواحد لين العشرره :16.jpg:


ولما طلعت اللجان لسه فيهاا مراقبات والطالبات يحلون بكل هدوء :sm1:


ليييييش ؟؟؟ :sm1::sm1::sm1:
حسبي الله ونعم الوكيييل

[رعبوب هالكون]

اللي لاحظته انا ومستغرب منه
جايبين اكياس لحم اللي نحفظ فيها اللحم
لجل نحط جوالاتنا فيها

[رنووووده]

ههههههه من جد والمراكز سيئة جدا
لايجيني واحد يقول ماقصروا ومدري ايش
الا مقصرين حنا دارسين بفلوس والمفروض تكون الخدمات جيده
شوفوا جامعة عبدالعزيز مراكز اختبارهم بفنادق صديقتي بموفنبيك وحنا مدارس حكومية سيئة بجميع النواحي والمراقبين المفروض يعطونهم تنبيه على حسن التعامل حنا مو صغار

[noufff]

بالنسبه لي كله كوم وكلام المراقبات بين اللحظه والثانيه اللي تسال عن اسمائنا وتراجع حضورنا واللي تسولف مع خويتها والله كل ما اوصل لنتيجه يشتتونها من كثر مايتكلمون يعني احنا باختبار يحتاج تركيز تام ليش ماتسكتون وتوفرون لنا الهدوء ...هذا اقل شي .

[كيكـه]

وربي اغلب المراقبات مافيهن خير ابدااا
بعضهن نفوسهن بخشمهن
وبعضهن بس قاعدات ويكركرن مع بعض
يعني مافي حل وسط :icon9:

المفروض المراقبه تكون متعاونه مع الطالبات
موبس جايبينها تصيد الي تغش

والمفروض يكون تعاملها بذوق واحترام
احنا كبار موصغار يتعاملون مع الطالبات بصراخ ونفسيات

والي بس عينها على ساعتها تحسب الوقت من ندخل القاعه لين نطلع
من جد تعاملهن يسبب توتر للطالبات
باقي ساعه باقي نص ساعه باقي ربع ساعه
هاتو الورق يلاا والي تسحب:017:
وش هالنفسيات الخايسه :mad:

[shhs]

كلامكم كله صـــــــــــــــــــــــح

خصوصا الاوراق الي نكتب ونوقع والاهم لما نبصم

عادي كذا نمسك وجهنا يطبع ازرق ونمسك الورق مافي نظافه ياهو

يضيع وقتي بتشتيت حبل افكاري انظف ولا اكتب واوقع ولا ارجع لحبل افكار الاختبار ههههه


اما موفنبيك <<< اصيح طيب؟ ياربيه:sm1:

[وميض الرياض]

بخصوص المراقبين انا فى احد اللجان بالرياض كنا فى احد المدارس "اهلية طبعا"

كانو فاتحين المراقبة على البحرى وتمر الايام فى هدة السنة ونفس المراقيبن سبحان مغير الاحوال كنا فى
ثكنات عسكرية

حصل لى موقف فى احد اللجان العسكرية هو

واقف على الباب حضرة اللواء طبعا متجهم الوجه قالى اثباتك عطيتة بطاقة العمل موجود فيها جميع البيانات

ومن وزارة مهمة جدا قالى لا اعترف بها

طيب البطاقة اللى انت واضعها على صدرك قلتلة انا لا اعترف بها لانها ورقة اى كلام عكس البطاقة اللى احملها مهمة جدا جدا ادخل بها اى مكان اريدة ؟


خدمات اى كلام
تحس انهم جاييين الى معركة

رسالة الى ادارة الجامعة لقد طفح الكيل؟؟؟؟؟؟؟

كثير من الطلبة تسربو الى جامعات اخرى


والسلام

[دلوعتك حبيبي]

المفروض الوقت اللي نظلل فيه كل يوووم الاسم والسجل والرقم الجامعي ماينحسب من ضمن الوقت المخصص للاختبار
نص الوقت رااااح
اكتبي اسمك ودوري حرررفه وظلليه جهاااال قسم بالله
كل يووووم ويحسبونه من الوقت بعد لاحووووول ولا قوة الا بالله
شي يقهررر صراحه

[بعثرة جرح]

ههههههههههه
لا تعليق بصراحه بس شي يوجع موفنبيك
المهم ماعلينا
بالنسبه لي لم يحصل لي أي موقفمع المراقبات
أي اشوف ناس نفسسيه بس شعلي منهم
اهم شي نفسيتي ماتغير ولا اكتسب الطاقة السلبيه منها
واركز بااختباري
بالعكس اختبار المحاسسبه راقبت علينا وحده قسم شوي تشيلنا من ع الارض فديتها
ومهتمه كثير علينا

الى ودي اقوله للكل هون
كل انسان يعمل باصله واخلاقه وتربيته

بس موفنبيك < قسسسم قهر ياجامعتنا الموقره

<< تنتف حواجبها :biggrin:

[ام حلوتي]

من جد التعامل سي جدا كانها جامعه حكوميه مااحس اني ادرس علئ حسابي

[العريني]

يا كثر شكاويكم خلكم نظامين والامور تمشي وكل شوي بفلوسي وبقروشي ... بس فالحين برا لا رحتوا صرتوا زي االالف ما شي بنظام .:007:

[غصن الوقت]

حسبي الله حنا مرة من المرات ايام الاختبارات قالو لنا يابنات حطو شنطكم اخر القاعه ومساكين مااعترضنا ورميناها اخر القاعه وحنا طبعا كبار الوحده بشنطتها كنوز يعني فلوس جوالات اخر شي وكذا محنا طالبات ثانوي المهم ذاك اليوم وانا حطيت شنطتي مع اللي حطو المهم اللي تخلص قبل تروح تاخذ شنطتها ولو اخذت معاها كل الشنط محد درا عنها يعني مكان مهيأ للسرقه وقتها انا توني ماخذه جهاز جالكسي تاب توووني ماخذته اول ماطلع ب2500 ماتهنيت فيه وانسرق اتمني من البنت اللي سرقته تمر علي هالموضوع وتشوف قد ايش انا ادعي عليها ليل نهار عسي ربي يفتت عظم ايدها اللي اتمدت وفتحت شنطتي واخذته الله لا يوفقها بدراستها وبحياتها
الحمد لله شريت بعده اطلق جهاز بس انقهرت وقتها قالي ولدي عمرة4سنين (ليس يامامي ماحليتي الزوال ليا ماكان صرقوة الحراميه ) ليش ياماما ماخليتي الجوال ليا ماكان صرقوة الحراميه حسبي الله عليها ونعم الوكيل
فضفت لكم

[ghayda]

انا لهلأ ماا اجاني الحمد لله حدا نفسية

كلهم عسل بزات بالمحاسبة عسولة و بتجنن و بتجنن و مافي احلى منها

[غلا Aروحي]

السلاك عليكم ...بالنسبه للمراقيبات صراحه يعطيهم العافية كفايه يمرون على طالبه طالبه يتأكدون من بياناتها قسم بالله كذا مره افهي وانقص بعض البيانات او انسى التضليل وتجي تتأكد لي صراحه يعطيهم العااافيه...اما بالنسبه للشنطه صج حركه مو حلوه مومشكله إذا حطينها جنبنا ياليت يخلونا نحطها جنبنا لانه زحمه مايصير كذا
وبالتوفيق للجميع ياارب...دعواتكم:icon1:

[faten222]

فعلا اغلب المراقبات جدا سيئات .... ما ادري ليش الجامعه ماتفهمهم ان شغلهم مجرد مراقبه مو اكثر
الوحده تتصرف كانك طالبه عندها او كانها دكتورة الماده
غير ان الوحده من اول ماتدخل القاعه لازم تسال البنات سهله الماده او صعبه عشان تعرف بتطلع بدري ولا بتتاخر .. مالك خلق على المراقبه ارتاحي يابنت الحلال في بيتكم
اخر اختبار نشبت لي وحده انه ما احل ولا سؤال الا بعد تضليل البيانات وانا بصراحه كنت خايفه تطير المعلومات المهم قلت ماني مضلله بحل اول وقلت لها اتركيني توكلي على الله لاتشتتيني فعصبت ويوم خلصت وسلمتلها الورقه كانت تطالعين بنظرات حاده ... بصراحه خفت تسوي في ورقتي شي او تغير الاجابات لان شكلها حاقده

[فهد الدلبحي]

ههههههههههههههه جبتوها ع الجرح انا المدرسه الي اختبر فبها كني داخل سجن لاترفع راسك لاتتحرك قسم بالله يطيرون المعلمومات من راسك

[ابو عبدالطيف]

الحمدالله المقر الي اختبر فيه مراقبينه زي العسل نفسهم الي في المستوى الاول لا وبعد فيه شاهي وكفي ومويه ومجانا ونتقهوا ونحل الاختبار وحنا رايقين

اللهم احفظ لنا مراقبين ولا يتغيرون

[حصه الحربي]

انا اختبر بالجامعه والحمدلله المراقبات مافيه احسن منهم
كفايه انهم مممره مهتمين بالطالبات .. بصراحه اببد ماقصرو ربي يعطيهم العافيه

[سويهر]

بما اني اختبرت في اكثر من منطقة

بعض المناطق مراقبين القاعات وايضاً بعض الطلاب يسببون نوع من التشتيت الذهني

سواء بالكلام او بالحركه الكثيرة

اما مقري الرئيسي هو جدة (جامعة الملك عبدالعزيز) الشهاده لله انه من افضل الاماكن والمراقبين هادئين ومسيطرين على هدوء القاعه

[MTN7A~]

من جججد اناا الي مأزمني قلق المراقبات وكلامهم الزايد
واحس الوقت يروح بالتظليل بالذااات بالمحاسبه احس يبيلنا وقت اطول
واحنا ليش نقعد نتشكى خلونا نشكتي عشان نكون يد وحده عل وعسى يتعدل الوضع

[moon-face1]

ااااااااااااااااه كنكم حاسين فيني وربي ناس استغفر الله شئ سئ والله العظيم في اختبار المحاسبه تدرون متى كانت تبي تسحب الاوراق قبل ساعه الا ربع تبيني الون الاجابه تقول بسرعه شتتني قلت لها باقي ساعه الا ربع وتجي مره ثانيه ويتكلمون بصوت عالي يالله يالله ازعاج ومافي نظافه ابداا بالبصمه تقول مافي مناديل :007::(33):

[رائد100]

احمدو ربكم :rolleyes: :mad: انا تم طردي ومنعي من الاختبار وهذا موضوعي من مشرف اللجنه عليه من الله مايستحق

http://www.ckfu.org/vb/t534013.html

يقطع رزقي ويحطمني بس ماقول الا الايام القادمة تثبت وراح اخذ حقي واخليك عبره لمن اعتبر

[vip-1]

ههههههه من جد والمراكز سيئة جدا
لايجيني واحد يقول ماقصروا ومدري ايش
الا مقصرين حنا دارسين بفلوس والمفروض تكون الخدمات جيده
شوفوا جامعة عبدالعزيز مراكز اختبارهم بفنادق صديقتي بموفنبيك وحنا مدارس حكومية سيئة بجميع النواحي والمراقبين المفروض يعطونهم تنبيه على حسن التعامل حنا مو صغار


اولا: طلاب جامعة الملك عبدالعزيز ياخذون منهم 1000 ريال تقريبا رسوم للي يبي يختبر خارج مدينه جده
ثانيا: مراكز الامتحانات محدوده يعني مثل الرياض يمكن يكون فيه مقرين او ثلاث بالكثير وكل مقر فيه 800 يختبرون في وقت واحد والدليل انهم يحتاجون قاعات كبيره مثل الي في الفنادق
اما المرقابين : اصابع يديك مو وحده فيه الزين وفيه الشين

[كتب جامعية]

الاعلان كل شوي بانتهاء الوقت


باقي نص ساعه

باقي 20 دقيقه


باقي 10

باقي 5

باقي دقيقتين

باقي دقيقه واسحب الورقه

انا بطلع واخلي الورقه


هذي توتر الاعصاب وتشتت الانتباه

[أسماء 95]

ههههههه من جد والمراكز سيئة جدا
لايجيني واحد يقول ماقصروا ومدري ايش
الا مقصرين حنا دارسين بفلوس والمفروض تكون الخدمات جيده
شوفوا جامعة عبدالعزيز مراكز اختبارهم بفنادق صديقتي بموفنبيك وحنا مدارس حكومية سيئة بجميع النواحي والمراقبين المفروض يعطونهم تنبيه على حسن التعامل حنا مو صغار








مين قآل ؟!
الطالبات المنتسبات ف جآمعة عزوز يختبرو فيهآ
واحنا طالبات جامعة الملك فيصل نختبر في جامعة الملك عبدالعزيز
وهو المقر الوحيد في جدة ~

[simple person]

صراحه ما فيه شي معين بالعكس انا اختبر في شرق الرياض والوضع تمام هناك بس ورقة الاجابه تبع البيانات وودك تجي جاهزة باسم كل طالب ويفكونا من التلوين :d

[ابونوره2004]

د. عبدالله الفريدان ‏@alfraidan 5 س
ركزوا في القادم واتكلوا عليه سبحانه وسيرزقكم من فضله ودوما الجامعة تستمع لجميع مايردها من طلابها بكل عقلانية
فتح رَد إعادة تغريد تفضيل المزيد
د. عبدالله الفريدان ‏@alfraidan 5 س
صباح الخيراحبتي لاارضى ان ارى اي مخالفةتضركم متى ماثبتت صحتها وجميع ملاحظاتكم على طاولتي واتابعها شخصيا
ضعوا اي ملاحظةبايقونة تلقي الملاحظات


اللي فوق تغريدات للدكتور عبدالله الفريدان

يعني الرجال مهتم واي وملاحظة من حقكم ترسلونه للايقونة المقصودة

مع تمنياتي للجميع باعلى الدرجات في الدنيا والاخرة

[sarayoon]

ياكثر شكاويكم .. اذا تعديتوا وقت الامتحان اللي هو ساعتين يحق للمراقبين انهم يسحبون منكم الأوراق لانه يعتبر من وقتهم وان عطوكم وقت اكثر فيعتبر تكرما من المراقبين انفسهم ..

وبعدين المبالغ اللي تدفعونها للجامعه تعتبر رمزية وزهيدة مقارنة بالجامعات الثانيه
احمدوا ربكم انه اتيحت لكم هالفرصة

[sandersawa88]

صراحة نفس مادة المحاسبة 2 يوم الثلاثاء الماضي ،، كان المراقب يريد يطلع بدري ،،

طبعا الفترة ساعتين من حق الطالب ،، من الساعة 3:30 - 5:30 لما جات الساعة 5:10 قال خلاص ترى باسحب الأوراق ،، قلت له مو من حقك الا بعد انتهاء الوقت المحدد يا كابتن

ومشت الأمور الحمد لله ،،

[sandersawa88]

الله يهديهم بعض المراقبين يتقمصون شخصية سلبيه :017:(على باله يعكس شخصيته)

[رنووووده]

مين قآل ؟!
الطالبات المنتسبات ف جآمعة عزوز يختبرو فيهآ
واحنا طالبات جامعة الملك فيصل نختبر في جامعة الملك عبدالعزيز
وهو المقر الوحيد في جدة ~


شنو اللي من قال انا اقول صديقتي والحين تختبر بالرياض تبع عبدالعزيز وجالسة تضحك على مقرنا يوم صورته وارسلت لها الصوره

[رنووووده]

ياكثر شكاويكم .. اذا تعديتوا وقت الامتحان اللي هو ساعتين يحق للمراقبين انهم يسحبون منكم الأوراق لانه يعتبر من وقتهم وان عطوكم وقت اكثر فيعتبر تكرما من المراقبين انفسهم ..

وبعدين المبالغ اللي تدفعونها للجامعه تعتبر رمزية وزهيدة مقارنة بالجامعات الثانيه
احمدوا ربكم انه اتيحت لكم هالفرصة

ايه حنا ماقلنا بناخذ اوراقنا للبيت نحل ونرجعها لكم , عارفين ان بعد الساعتين تسحب ولا هذا اعتراضنا اقري زين , ومن قالك انه مبلغ زهيد على فكره الامام ياخذون 2500 فقط لو سجلتي عشرين ساعة وحنا 18 ساعة 3000 ,, يعتبر عندك رمزي مو هامك , حنا يهمنا وفيه ناس تتسلفه , رجاء لايجي واحد يتفلسف ملينا من هضم الحقوق بسبب ذا التطبيل

[مستوي سابع]

تعامل المراقبات ممتاز لان المراقب الناجح هو الي يتعمل با اللوائح بكل حزم

[الشيماء @]

اولا جامعةالملك عبدالعزيز ياخذون
مبلغ 1000 ريال عشان تختبربمدينتك

غير الرسوم طبعا

واذا غيرت رايك وبتختبر في جده انسى يرجعون لك فلوس

اخوي اخذ ماده وحده بس الترم هذا

ودافع 3000

[رضا ربي غايتي]

الله يسامحس ياجامعتنا العرب موفينبك
موب شغلي حطونا بالهوليدي ان