اللي ما طلعت له المنحة هل يمكنه الاعتراض؟؟

[عبادي88]

شباب اولا مرحبا فيكم كلكم

ثانيا طال عمركم ابارك اللي طلعت لهم المنحة،،
و اعزي اللي مثلي ما توفقوا فيها ..

شباب سالفتي و ما فيها اني قدمت على المنحة و الشروط كلها
تنطبق علي، لكن اتفاجأ ان حالة الطلب مرفوووض :000:


ما ادري ليش مرفوووض مع ان كل الشروط تنطبق علي :s12:

سؤالي يالربع هل اقدر اقدم اعتراض؟؟ هل اقدر اراجع احد ؟؟
منهو يقدر يفيدني ؟؟ من هو المسؤول عشان اراجعه ؟؟


تكفون يالربع اللي عنده العلم لا يبخل علينا
و الله متورط هذي السنة الثانية اللي انظلم فيها

تكفون تكفون تكفون لا تبخلوا علي بنصايحكم ترى النفسية تعبانه مررة :Cry111:

[mi6_k]

والله ما اقدر أأكد لك شي لان انا اتوقع انه فيه عدد معين للي ياخذون المنحة

يعني مثلا 200

ونقول انك جبت 2.75

هم راح ياخذون الي درجاتهم عالية الى درجة 2.75

يمكن اكتمل العدد قبل لا يوصلون لدرجتك

انا اتوقع النظام كذا

اما بالنسبة لتقديم أعتراض والله ما ادري اذا كان تقدر ولا لا

انشالله الأخوان والأخوات يفيدونك تراهم مايقصرون

[زهــــق]

أول شئ في شويه أسأله أبغى أسألها ..

هل انت أول مره تقدم على المنحه .. ؟ والا قد أخذتها ؟

ثاني شئ هل انت شابف درجاتك تأهلك انك تأخذ المنحه ؟ يعني حتى لو تنطبق عليك الشروط برضو الدرجه لازم تكون عاليه مو بس مقبوله .. لأن احنا قاعدين نتكلم عن آلاف من الطلاب مقدمين على المنحه ..

عموما ما أتوقع انك تقدر تعترض لأن قبولك في المنحه أو رفضك هذا قرار من الوزاره ،والجامعه أبدا ما لها دخل ..

انت كمان اسأل أكثر . و تأكــــد ..

يلا بالتوفيق ..

[عبادي88]

اولا اشكركم جزيل الشكر على ردودكم القيمة

انا قدمت العام الماضي على المنحة و نفس الشي ما طلعت، و معدلي 3.1

انا قصدي هل اقدر اقدم اعتراض هناك في الوزارة عشان يراجعون يمكن بالخطأ ؟؟؟

او منهو في الوزارة المسؤول عن المنحة و كيف نوصل لهم ؟؟؟؟

انا ضايع و متحبط حدي لان ما ادري شلون با اكمل في هالجامعة :000:


انــــصـــــــــــحـــــــــــــــــــــونــــــــ ــــــــــــــــــــــــي

[غريبة]

احسن شيء تروح قسم المنح اللي عندكم بالجامعة وتتكلم معاهم

[Nice Shine]

معليش اخواني انا داخله غلط بس عندي سؤال المنحه اللي تقصدوها متى تاخذوها؟؟ بعد الثنوية ولا بعد البكالوريوس ولا بعد السنه الاولى ولا كيف ؟؟؟


يعني اقدر اخذ منحة في هالجامعه من بعد الثنويه ولا بس للجامعيين ؟؟؟

وطيب لو صار اقدر اقدم على منحه يقبلوني ؟؟!!! ولا يصير لي مثل اللي صار لك اخوي ؟!

مع ان نسبتي الثنوية 95.99 والقدرات 76 والتحصيلي 73 يعني اذا سجلت اعتمد انهم يقبلوني ولا ؟؟

وهل لازم اختبار انجليزي ؟؟ طيب لو ماجبت فيه اوكيه معناته ماراح يقبلونييي


الله يخليكم ساعدوني ملييييت من قعدة البيت

[أمل5]

اهلين اختي فروح ،
هو في نوعين من المنحات
حق إلي توهم متخرجين من الثنوي ، وحق الي دارسين في الجامعة من أول
في حالتج انتي متخرجه من الثنوي
فتكون القبول على حسب علامتك الثنوي والقدرات ، ويمكن التخصيلي مو متأكده
بس لازم تسجلين في الجامعة وتداومين يمكن شهرين وتكونين قبلها طبعا مقدمه للمنحه ويا تنقبلين او لا
اذا انقبلتي مدام معدلج اكثر من 2.7 على ما اظن او 2.5 تظلين على البعثة ( يعني تتجدد سنويا ) بس لو نزل معدلج تنقص مقدار البعثة
اذا ما انقبلتي تقدرين تقدمين عليها السنه الي بعدها
::
وتقدرين من موقع الوزارة تشوفين الشروط
::
والله الولي الموفق
:)

[زهــــق]

معليش اخواني انا داخله غلط بس عندي سؤال المنحه اللي تقصدوها متى تاخذوها؟؟ بعد الثنوية ولا بعد البكالوريوس ولا بعد السنه الاولى ولا كيف ؟؟؟

ج/ في ممكن بعد الثنوي ، أو وانتي بالجامعه على حسب حالتك .. مثل ا قالت أختي (أمل5) هي تعتمد على نسبتك ودرجاتك في الثنوي .. أو على معدلك اذا كنتي بالجامعه ..

يعني اقدر اخذ منحة في هالجامعه من بعد الثنويه ولا بس للجامعيين ؟؟؟

ج/ ممكن في الحالتين ..

وطيب لو صار اقدر اقدم على منحه يقبلوني ؟؟!!! ولا يصير لي مثل اللي صار لك اخوي ؟!

ج/ في وقت محدد عشان تسجلين بالمنح يعني الوقت مو مفتوح يعني من تاريخ كذا لتاريخ كذا ..

مع ان نسبتي الثنوية 95.99 والقدرات 76 والتحصيلي 73 يعني اذا سجلت اعتمد انهم يقبلوني ولا ؟؟

ج/ ايه تقدرين تسجلين من الشروط انه نسبة الثنوي تكون فوق 80 والقدرات فوق 65 .. أما التحصيلي ما يهمهم أبدا ..

وهل لازم اختبار انجليزي ؟؟ طيب لو ماجبت فيه اوكيه معناته ماراح يقبلونييي

ما في اختبار أساسا في الانجلش واتسجيل كله بالنت من الموقع حقهم ..
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــ

أي أسأله ثانيه .. أنا في الخدمه ..

أتمنى أكون أفدتك ..

:119: