اداره العمليات ونماذج مختلفه

[كبد فزيع]

كالعاده انا تطيح بوجهي النماذج المضروبه
اولا بمرور المحاسبه في المستوى الثاني وكان نموذجي :(269):A الي تسرب وبمستوى ثالث كان نموذجي C :000: في نظم المعلومات الي كانت فيه الاسئله محلوله وانسحب النموذج واضطريت للحل مره ثانيه بنموذج ثاتي
واخيرا نموذج E :sm12:في اداره العمليات الي ماقصر فيه الدكتور خبص في امه تخبيص وكان لايشبه بقيه النماذج بتاتا
كنت اشوف الي قدامي عندهم مسائل وحاسدتهم جدا ع الاسئله الخفيفه واستغربت من الاسئله حقتي مافيها مسائل وعلمت الاداره اختبصو بثواني وكلمو الدكتور وعممو الموضوع
اما اسئلتنا فكانت تقسم الظهر
عموما هذا شي موجديد ع الجامعه انها تلعب بااعصبانا بوقت الاختبار غير مباليه لمشاعرنا
ولنا وقفه عند رب العبااد يوم القيامه اما الفريدان من لمن استلم العماده والدنيا فوق تحت ماادري وش المبتغى من هالشي :hhheeeart4:

[RaseeL-1]

انا نموذجي D وفيه مسائل حلوة وانتي لا :(284):

الله يسعدك أختي ويرزقك بالخير والتوفيق في دراستك وحياتك

على شرحك للمسائل اللي ساعدتنا كثير :rose:

[j_google_j]

وانا نفس الشئ في نموذج الاسئلة والتخبيص
وعلى ذلك الساعة 4 لسى ما توزعت علينا نموذج الاجابة ... بسبب عدد التنظيم في القاعات الى اي حد وصلت هذه المهزله

[ابو عـزام]

حسبي الله عليهم الي متى بس ملينا

[AL RABIE]

شكرا اختي يسرا على طريقة الحل بالاله .. جاوبت بطريقتك والمسائل طيبه

وعسى الله يسهل لك انشا الله ويوفقك وتعدين الماده

[w3oodi]

الحمدلله حصلت احد زي نموذجي e والتخبيص اللي سواه الدكتور
وربي اني تمنيت لو بنموذجي مسائل اصرف من النظري اللي كانه يقول اتحداك تعرف الجواب الصح

[كبد فزيع]

ربي يسعدكم على الكلام الحلو

لكن جد نموذجي اسمه النموذذج الذي يقهر ههههههههه

[Eman-888]

اذا انتي نموذجك اللي يقهر
انا نموذجي c اللي يلحس المخ هههههههههه

[%كل الغلا%]

الله يجزاك خير ياكبد ويسخر لك قعدت ادعيلك بالاختبار حليت بطريقتك بالالة 3مسائل سمبلكس
بالاضافة لمسألتين سهلات متوسط بسيط ومرجح
كانت اسهل من الاسئلة النظرية انا نموذجي c
وكانت الاسئلة النظرية كثير منها يتوه و3 اسئلة كم مرحلة
يالله الحمدلله بالنسبة لي اهون من الدولية

[وادي زاعم]

السؤال المهم , هل يحق للدكتور ان يغير الاسئله في كل نموذج ؟ من هنا لازم نبدى علشان حقنا لا يضيع , نموذجي e

[mayadh]

انا نموذجيd
مكان صعب مسائل خفيفه
ليه يعمل كذا ماهم متساوين في نماذج❕❕❕

[الـغـامـض]

اختبار صعب والأسئلة كلها ملتوية

والله عيب وحرام اللي جالس يصير في الجامعة

والله طلعت مصدع وعساني اجيب درجة النجاح

في احد صور نموذج e ????

[أبو راكان.]

انا كان نموذجي c لحسة مخ صراحه


لكن انتي

كبد فزيع

الله يوفقك الله يوفقك الله يوفقك و ينجحك وبإذن الله تنجحين بتقدير ممتاز لأنك فعلا تستاهلين الدعوات الصادقه والمدح والثناء

يكفي اجتهادك لنا و شرحك حتى لو ما كان في النماذج لكن انتي رائعه و تسوين الجامعه و ستين جامعه غيرها الله يوفقك و يسعدك و لا يضيع لك تعب

[ay$heno]

عاد ان اول ما دخلت القاعه الاختبار اقول للمراقبه ابي النوذج e ابي e مالي دخل ابي E
قالت اجلسي هنا كلهم زي بعض عند B اثر السالفه ان امي داعيتن لي
والله ياخيه شكلهم مستهدفينا حسبي الله عليهم غصب يبونا نحمل

قصه كاليغولا تجنن :004:

[مبسوط من نفسه]

النماذج نفس بعضها واتحدا احد يثبت غير ذلك

[عبدالله خميس]

سلام عليكم
وش فيكم على نموذج e
نموذج جدا حلو

يكفي ان فيه اكثر من ٢٥ سؤال مكرر من الاعوام الماضية

[عبدالله خميس]

مبسوط من نفسه
لا تتحدى تراك خسران

اقل شئ نموذج e مختلف عن باقي النماذج

[Rihana]

صحيح ان نموذج e لايوجد به مسائل ولا جداول ,, ولكنه صعب صعوبة ان كل من معه هذا النموذج تمنى لو عنده مسائل لتحصيل على بعض العلامات ....

الحمد لله على كل حال

[w3oodi]

^ قصدك 25 سؤال اجاباته تتشابهه

[New LiFe]

والله تعبنا وحنا نقولها

انه يكون نموذجي e مو معناه انه اسهل بالعكس الا جبنا العيد وخبصنا تخبيص
كنت اتمنى يصير فيه مسئلة وحده لان حلولها سهله ,, لكن نظري في نظري
وخيارات تجيب لك الحول !!

[الناطق الرسمي]

نموذج a من اول سؤال عرفت انه فيه نذاله بوضع الخيارات
الاجابة ..
حتى لو كنت عارف الجواب يخليك تشك بالاجابة الصحيحة
عملية ومرحلة .!! او مرحلة وعملية
جاني اكتئاب ..

[ay$heno]

النماذج نفس بعضها واتحدا احد يثبت غير ذلك

وش يقول خوينا؟؟؟
يابوي بكيف امك اهو مبزره احنا اتحدى واتحدى!
فارق محد يبي يثبت لك شئ

[im Diamond]

والله كبد نموذجنا كان يقهرررر بعد الي هو c تكرير الاسئله بطرق ملتويه وكأننا نفك شفرات

الله المستعان انا مو ضد تنويع النماذج بس ليش الف والدوران والتخبيص

[ولد الشرقيه2]

انا نموذجي a واللي بجنبي نموذج c وكان عنده نفس المسائل اللي عندي بس مغيرين ترتيبها ونفس الاسئله لاني ماشلت عيوني عن ورقته وهو ماشاءالله عليه يحل

[الــجــوري]

والله الاسئله كانت حلوووووه اتقووو الله في انفسكم سوا العملي اووو النظري
والي ماعرف يحل اكيد ماذاكر من قلب

[MEDO598]

فيه ناس راح تحمل الماده اقولكم كيف
فيه نموذج a يوجد فيه مسائل و يختلف تماما عن نموذج a الذي لا يحتوي على اي مسائل
كيف يتم التصحيح على نموذجين بنفس الاسم و بختلاف المحتوى
يعني اللي ما جاته مسائل راح يحمل الماده

[عبدالله خميس]

اللي ذاكر من موضوع فهد
وكويزات نسيم الصبا

وجاه نموذج e بيجيب درجة حلوه

[الجزيره]

كبد يكفيك الدعاء صراحه كل الطلاب و طالبات يدعون لك و بعدين والله كنت متوقع اصعب من كذا علشان الماده دسمه مره .......الشغله الثانيه شوفي كيف القدر الله ما ارد يكون عندك مسائل و أنتي قاعده تشرحينها ارجع اكرررر دعاء الطلاب احسن لك .

[البطله xp]

مابغيت انكبك انا هههه

انا نموذجي d الحمد لله كان فيه مسائل عمليه جمعت منها كم درجه ولا كان علووم . النموذج كان صعب و خياراته مثله وجه الدكتور

لكن الاهم اناا نعديه ع خير بس !

قلت لك من اليوم قلبي ناغزني :"(

[غزاله الدوسري]

ربي يسعدك اختي الغاليه ... كنت اتمنى اني لو حضرت شروحاتك الجميله بس الحمد لله على كل حال

نموذجي a وكان الدكتور متحلف في شيئ اسمه [ الشبكه ] جايب 6 إلى 7 اسئله تحت بعض كلها نفس المعنى وعليك فك اللغز تخيلي اني غلطت في تصنيف المرحله والعمليه << اجاباتي كلها خطأ للاني لخبطت بالتمييز بين المرحله والعمليه والاسئله ضروري تعرفين تميزين بينهم عشان تجاوبين صح

ابدا ماكانت اسئلته شاملة للمنهج وهذا شيئ يغبن .. ساعات طويله من الدراسه والمذاكره والتعب والارهاق

وبالنهايه طقطقة بالاسئلة وياعسانا بس نفلح .. طيب السؤال هنا << ليش كل هذا ....؟

الله يسامحهم .. السمستر هذا مرررره متفننين الدكاتره في تصعيب وتعقيد الأسئله

والاغرب انو بأكثر من مادة تكون الاسئله بالنماذج مختلفه .. الله المستعان

[أبو رفعه]

الله يوفقكم يارب
ان شاء الله نعوضها بالدوليه

[حلـ....ـم]

كبد الله يسعدك ويكتب لك التوفيق والخير من عنده
دخلت موضوعك البارح ولقيت لك شرح على الداله واخذته عالسريع وجاب نتيجته اليوم
سبحان الله كان نموذجي e للاجوبه بس مالقيو ورقة اسئله وغيروها بـ a ساعتها قالت المشرفه خيره ماتدرين وش الله كاتب لك ..
المهم مادخلت المنتدى الا علشان اتشكرك واتشكر كل من ساعدنا بالكويزات صبا وبوسي والاخوان مااذكر اسمائهم بسلامتهم جميع والله يذكرهم بالخير وكل من أدلى بأي معلومه واجتهد ومد العون لاخوانه واخواته
ونقول يارب مايعيدون الاختبار ماعاد بنا حيل للمذاكره من جد وجديد:verycute:

[New LiFe]

فيه ناس راح تحمل الماده اقولكم كيف
فيه نموذج a يوجد فيه مسائل و يختلف تماما عن نموذج a الذي لا يحتوي على اي مسائل
كيف يتم التصحيح على نموذجين بنفس الاسم و بختلاف المحتوى
يعني اللي ما جاته مسائل راح يحمل الماده

يرحم امك لعاد تفكر مره ثانيه

[ع بث]

نموذجي eومن بين السطور
حتى السطر الاول بالمحاضرة الاولى جابه

اتطلعت علي نموذج d سهل جدا ومباشر وواضحه المسائل فيه

انا استغرب من اللي زعلانين
طيب هو قال بجيب مسائل وقال الاسماء معانا ..تجي تزعلون ليه
مو مشكلته اذا ماذكرتو المسائل ومعتمدين علي نماذج العام
بتاخذون بكالوريس وشهادة معتمدة ...تستحق متابعه ومذاكرة واجتهاد مو قاعدين تشترونها

وشكرا