مساعده

[kmj1988a]

سلام عليكم

كيفكم ..!

أطلب منكم مساعدة ....

حابة أتعلم English ...

أنا أعرف كلمات ومحادثة بسيطة و أشوف مسلسلات وافلام بس بعض محادثة ماهي واضحه عندي .

و المشكلة عندي ضعف سمع بسيط مو قادرة اركز زين

بس حابة أبي أتعلم أكثر و أستفيد أكثر و أتكلم بطلاقه

بس كيف ابداء ...! هل أركز القواعد ولا كلمات ولا محاداثات علشان تكون واضحه و مفهومه...؟

ياليت تعطوني كتب أستفيد منها أو برامج و مسلسلات و أفلام يكون واضح ومفهوم ....؟

وش أحسن معاهد تكون فيه تشجيع للتعليم ؟

وش أحسن القاموس ياليت بالكمبيوتر إذا مافيه وش أحسن كتاب يكون سهل ومعانيه مفهومه واضحة ..؟

وشكراً :004::004:

[αℓαα αłкнαłαf]

وعليكم السلام ورحمة الله وبركاته ..~
والله يَ أختي العزيزة , طرق تعلم اللغة ليس لها حدود ^^
وما فيه شي سهل وسريع .. كله يحتاج جهد ووقت والأهم منه الإصرار والعزيمة ,
واللغة الانجليزية من أسهل لغات العالم ، يعني مع التعلم وشوية صبر راح تجي =)
ما عندي طريقة معينة لتعلم اللغة .. بس بقول لك طرق تعلمي للغة ثانية
قبل كل شي بديت بالكلمات ، أول شي تعلمت الكلامات اللي تعتبر أساسية في اللغة
وتستخدم أكثر من غيرها .. بعدين رحت للقاعدات , بدون القاعدات ما راح أعرف أسوي محادثة ~
بعدها جمعت الكلمات والقاعدات وبديت أتعلم كيف أكتب نص مرتب ومنظم ^^
بعد كتابة النص حسيت عندي ثقة أكبر بنفسي لبدء المحادثات ..
وطبعاً حفظ الكلمات مشيت به من أول خطوة ليومك ذا .. وعندي لك نصيحة بالنسبة للكلمات ,
استخدمي أوراق الـ Index Cards اللي تجي ملونة ، ولو يكون لونها أصفر أفضل لك =)
لأن اللون الأصفر معروف يحفز الدماغ ويفتحه وتحفظي أسرع من الأوراق العادية البيضاء ~
وهالكلام أقوله لك عن تجربة ومو من فراغ ^^ .. وبالنسبة للقاموس للي يبغى يتعلم أي لغة ,
أنصحه يستخدم قاموس نفس اللغة .. يعني انتي اعتمدي على قاموي انجليزي - انجليزي
أفضل من انجليزي عربي .. واشتريه من السوق لأنه ما أتوقع يتوفر ع النت قاموس كويس كذه
وبعد لا تنسي القراءة .. أي شي تشوفيه باللغة الانجليزية اقريه , حتى لو مطوية مالها داعي ,
لا تستثني شي .. وشاهدي الأخبار لأنها مرة مفيدة ، شاهديها واكتبي لك ملاحظات
وبعد ما تخلص قفليها وابدأي اكتبي ملخص من اللي فهمتيه منها , الملخص اكتبيه بعد المرة
الأولى من المشاهدة وشوي شوي بيصير عليك الموضوع سهل .. إذا مشت معاك الاخبار بتسهل
عليك الأفلام والمسلسلات شوي ^^ .. ذا اللي عندي حالياً وإن شاء الله تكوني استفدتي منه
لو الشيء البسيط ، الله يوفقك يارب وتتعلمي اللغة وتصيري بلبل فيها ^.^

[conscious]

الله يحقق مبتغاك