هام جدا يجب تعاون الجميع

[أكون او لا أكون]

السلام عليكم ورحمة الله وبركاته

اخواني اخواتي

فيه امر خطير ماشية عليه الجامعة للاسف الفترات الاخيره وواضح وضوح الشمس وهو تغيير دكتور المادة الاصلي الي فاهم المقرر ووضع واحد اخر واعتقادي الجازم انه لا يعلم عن المقرر شي وهذا كان واضح

في مدرس الادارة العامه في المستوى السادس والان القحطاني في الاعمال الصغيرة واتمنى انكم لاحظتم هالشي من خلال الشرح والاختبارات والطامه الكبرى انه هو الي يعمل الاختبار والجامعه الظاهر انها مستخفه بعقولنا وتعتقد اننا لانكشف هالامر

اتمنى من الجميع رفع طلب للجامعه بخصوص الاعمال الصغيره او لفريدان بالتويتر بالمراقبه والمراجعه على

الاختبار او وضع اختبار من قبل دكتور المادة الاصلي ارجو من الجميع التكاتف ووضع عنوان الفريدان هنا

الله يستر راح يكون اخطاء بصيغة الاسئله و بالاختيارات لانه يحاول يسوي انه فاهم مثل الدوغان ونروح وطي

[ابو منار]

كلامك صحيح

بس ماجربنا الدكتور القحطاني
الى الان

ان شاء الله خير

[بنت الخضير]

ما بعد اختبرنا اعمال صغيره !!!!!
كيف حكمت ؟؟؟

[Abu Jood]

الله يعيننا على ابو دليم والله يا هو جاب فينا العيد قبل كم يوم في اختبار إدارة الاعمال الدولية

[KFU STUDENT]

تفائلو خير

ان شاءالله سهل وواضح الاختبار

[Iaila]

حنا جربناه بالدوليه قبل يومين
لعب فينا بالاسئله كلها اخطاء والاختيارات نفس الشي
حتى وانت مذاكر تحتاس
مااحب الاسئله النذله
عطني سؤال صعب مباشر ولا تسوي فيها فيلسوف

[الد11هيه]

هذا وانتم مابعد تختبرون وتبون تشتكون :d

جهز الشكوى لان ابو قحط بيجيب فينا العيد :d

[أكون او لا أكون]

انتبهو المحاضره الاولى عند مفهوم الرياده اخر السطر فيه خطأ عند شرائح الدكتور بالمحاضره المسجله

وفيها اما التعرض للخسائر المادية والمعنويه مكرره مرتين بس المصيبه الكبرى قال بالحرف الواحد انو فيه خطأ والصحيح اما التعرض للخسائر المادية او المعنويه . وهي معروفه اما مكاسب او خسائر لكن عشان تعرفون ان المقرر بصوب وهو بصوب

يعني ياجاب بكره هالسؤال في الاختبار امشو على تفكيره واختارو خسائر ماديه ومعنويه

[mutlaq646]

انا ها المادة مادخلت مزززززاجي

ادارة مخاطر
ادارة تموين
ادارة شراء
اعلانات - ادارة اسعااار

عندي كم من فيووووز,,,,, ضاربات ,,, ماني فاهم شي
الله كريم يكون مثل دكتورنا العسل الحمــــــــــــــــــــــــــــــاد ويسهل الاسئلة

[ام فجورة]

مايكون الا خير باذن الله تعالى

[منصور التميمي]

تصدقون اني اقرأ واقرأ واقسم بالله ماني فاهم شي ابدا وش السالفه مادري يعني لاحظت انه الماده ذي اول اربع محاضرات حشو مايعلم فيه الا رب العالمين وكلام مكرر من المحاضره الاولى الي الرابعه واعتقادي الشخصي بيصير فلم بكره ماهوب صاحي

[بن مهران]

شوفو محاضرات الجيزاوي وراح تسهل عليكم ان شالله فيه موضوع مثبت فية المحاضرات للجيزاوي شوفها وراح تستفيدون

[al_atta]

يارجال بيده برجله يحط الاسئله ناجحين ومتفوقين باذن الله

[نجم الجامعة]

ووالله ياجماعه ماودي اخوفكم لكن انا اقول الحذر من هذا الدكتور لاني عاشرته من قبل وعارف اسلوبه وهو من النوع يحب يتفلسف ويتسلط ومايرحم لكن الله يستر

[ام موده]

يااارب يستر منه انا حملت الدوليه السمستر الماضي بسبب اسلوب اسئلته الي مدري وش يبغي في الحياه:000::000:

[فيصل828]

لكل مجتهد نصيب ان شاءالله بيكون الاختبار حلو