تخصص اللغه الانجليزي

[emad atti]

سلام عليكم وانا عارف ان الوقت مو مناسب بس بعد ما شفت اختبارات علم الاجتماع ضاق صدري وحبيت اسال عن تخصص اللغه الانجليزي هل تنصحون فيه لان بجد ناوي اغير التخصص اتمني ان احد يعطيني مشورة ولكم ولنا التوفيق من عند الله

[نهرالعطا]

استخيرو الله قبل كل شيئ
والانجليزي نفس علم الاجتماع بختلاف اللغه
كل مستوى نتعمق فيه ويزداد العبئ
لابد الالمام باللغه الانجليزيه من جميع النواحي
ولا مع الدكتور عمار سوف تحولون الى التاريخ!! او الجغرافيا
الله المستعان
لا اريد احباط احد
ولكن هذا يعووود الى نفس شخص هل هو ملم باللغه الانجليزيه ام لا
ومستواه فيه

والتوفيق من الله

[emad atti]

الله يكتب اجرك والف شكر

[الماس البشري]

صدقتي يانهر كلامك سليم ميه ميه بعد اختبار المعاني وربي قررت اني اغير القسم ...احبطني الله حسيبه لكن باستمر وان شاء الله انه عقبه واتعداها

[نهرالعطا]

صدقتي يانهر كلامك سليم ميه ميه بعد اختبار المعاني وربي قررت اني اغير القسم ...احبطني الله حسيبه لكن باستمر وان شاء الله انه عقبه واتعداها

وانا كذلك ولكن انا دخلت لكي اتعلم وليس لكي يقيمني الدكتور
احبطني نعم مثلك وقد صغرني في نظر نفسي ولمتها كثيرا
ولكن ارجع اقول لعله خير
الضربه الي ما تموتك تعلمك
واخذناها درس قاسي وعقبه على قولك وسوف نتعداها بإذنه تعالى

[ALDOSSARYDA]

تخصص حلو اذا ترغب فيه حتى لو مستواك مو قوي بيقوى لان المواد حلوه تعلم
بنسبه لدكتور عمار المعاني هو مسبب ازمه حبتين بس الله يسهل :(
واستخير وترى كل تخصص يتعب مافي شي يجي بسهوله

[لولي احمد]

انا انصح بالتخصص
لمواد حلوه تستفيد منها كثير لو كانت اللغه عندك كويسه
بس ترا في الامتحانات حنا مو احسن منكم بشي
دكتور عمار المعاني كسر كل المجاديف .. بس ان شاء الله تكون نتايجنا احسن من توقعاتنا
والله يعوضنا بالمواد الباقي

بالتوفيق

[شرواك]

بصراحه

كل شخص ومقدرته وهوايته

مثلا انا واعوذ بالله من كلمة انا


علماء ونظريات وارقام وتواريخ وحسابات ابد ماهي لي ولا انا لها نقطة ضعفي الوحيده

من دراستي حبيت اللغه ولي الرغبه والهوايه اتعلمها لذا اتقبل اي شي فيها واحب احفظ كلماتها

لدرجة ان معي مترحم بالجوال اي شي اشوفه ويشدني اترجمه وبالعكس متقبل تعقيدها او صعوبتها لاني هاوي اتعلمها

لذا نصحيتي لك

لن يقيمك احد انت تقيم نفسك وتعرف مقدرتها وتعرف ميولك وهوايتك ورغبتك واخذت الان مادة انجليزي
والترم الجاي عندي انقليزي لان حسب علمي ماتحول الا بعد ترمين
لذا قيم نفسك وتقبلها من خلال هالترمين ناظر اقرب مادة حبيتها او تحس انك قادر تمشي فيها وبعدها استخير وقرر

وجهة نظري ورأيي
اشوف الادارة والاجتماع اصعب شي
الاجتماع للان من الخوف من اللي سمعته عن العلماء ماخذتها
اما الادارة.. مبادئ بس .. شيبت براسي نظريات وخرابيط ماصدقت اعديها

اسف ع الاطاله لكن حبيت اتكلم عن اللي بخاطري

الله يوفقك

[emad atti]

الله يجزيكم بالخير وكلامكم علي العين والراس والله يكتب اجركم بس وش سالفه الدكتور عمار وش المادة الي يدرسها

[حنان098890]

والله تخصصنا صعب اذا انت من النوع اللي تحب تحفظ وتقرا الكتاب كقصه نفسي طبعا انصحك تكمل بتخصصك
اذا عندك لغه وتستوعب كل البلاوي اللي جالسسه اشوفها بتمارين التركيب اللغوي اليوم ...حول عليناااا ههههههه وبالتوفيق ...

[Khaled.SU]

لحد يحبط احد مو اختبار او دكتور يخليك تغير تخصص يجب ان تتحداه و تتجاوزه

تخصص اللغه الانجليزيه لا ارى نفسي في غيره

وانت حسب معرفتك في اللغه اذا كانت تشوف نفسك جيد فيها توكل على الله و حول

اما لو كنت 0 في اللغه انصحك تبعد عنها او تدخل معهد يجهزك و تغير بعدها

لحد الحين التخصص ماشفت فيه مواد صعبه فعلياً بستثناء صعوبة مدخل اللغويات و مقدور عليها ان شاءلله

[إحساس روحين]

يا بعدي خلكـ ع قردكـ :41jg:

لا بديت تغير بتخصصات اعرف انكـ ضعت وكل شويه بتغير التخصص لو ما جاز لكـ :064:

يمكـ ـن تـشقر على تخصصات الجامعه كلها :(314):

تقبل مروري :(3):

[Black Coffee]

أنا بالنسبة لي أشوف تخصص اللغة الإنجليزية أسهل من آلإدارة وعلم الاجتماع
ولأني دآخلة الجامعة وناوية الإنجلش وحابته
كل انسان وله ميول وقدارت
اذا ماتحب الانجلش ما راح تمشي فيه
قيم نفسك وآنت أعرف الناس بنفسك وقدراتها
وتأكد ان مافي طريق مفروش بالورد
إلا ما تلاقي صعوبات
وعلى آلله التيسير
والله يوفقك يآرب

[حسين العبدلي]

أعزائي الكرام أتمنى لا عمار ولغيره يخليكم تيأسوا من المواد ابدا
اجعلوا هذا تحدي ولازم تتخطونه لأن الانجليزيه صارت مهمه بالزمن هذا ناس كثيرة استفادت من هذا التخصص
ويعطيكم العافيه

[أجواان]

يبالو متابعة اول بأول وفهم المحاضرات وفي النهاية هو قسم مثل باقي الاقسام في الصعب وفي السهل