مساعده

[لذة غـــــرام]

السلام عليكمم


كيف النحو معاكم ان شاء الله تمام


ياليت أحد يشرح لي أخر درس لآني مافهمته :Cry111:

[عـلـي]

وعليكم السلام

اي درس؟

[لذة غـــــرام]

مايلزمم الاضافه

[عـلـي]

كلها والا فيه نقاط معينة؟

[لذة غـــــرام]

تبي الصراحه كلها والله

[عـلـي]

طيب .. بحاول ابسطها .. دقايق

[لذة غـــــرام]

أوكك ، مشكور ويعطيك الف عافييه والله يوفقكك يارب بالأختبارات ويوفق الجمييع ان شاء الله

[عـلـي]

بشرح لك شرح عامي بحت بعيد عما جاء بالكتاب أو محاضرات البلاك بورد فانسي كل شي درستيه بالاضافة وبعدين ارجعي اقري الدرس وانا متأكد انك بتفهمينها .. فبقول

الاضافة هي إضافة شيء لشيء


فمثلا بنقول هذه ساعة .. وشي ماركتها .. ساعة مين .. ماندري!

بس لما نقول ساعة شيخه .. فعرّفناها فبتكون ساعه مضاف وشيخه مضاف إليه ..

،،

فيه حاجات لازم يظهر فيها المضاف والمضاف اليه عشان يستقيم المعنى

وفيه حاجات مو ضروري يظهر فيها المضاف اليه وبنفهمها

من الحاجات اللي لازم الاضافة عشان نفهمها .. عند .. مثل

لما أحد يسألك وين الكتاب؟ وتجاوبين عند (وتوقفين) محد بيفهم شي

بس لما تقولين عندي أو عند سارة فبنفهم الجملة وبتكون عند مضاف وسارة مضاف اليه


الشق الثاني .. فيه حاجات نفهمها بدون ذكر المضاف اليه ومنها فوق .. تحت .. الخ

لما احد يسألك من اهلك وهو مثلا يدور شاحن جوال في أحد أدراج الدولاب وتجاوبين ( فوق ) وتسكتين .. بيفهم اللي يدور الشاحن انك تقصدين الدرج اللي فوق .. ونفس الشي نقوله في قوله تعالى (لله الأمر من قبل ومن بعد)

هذا الشرح اللي اقدر ابسطه لك والا لو أشرح بلغة الكتاب فبيكون صعب عليك

الحين تقدرين ترجعين للمحاضرة وإن شاء الله تكون سهلة عليك

[ريمنقو]

الله يعطيك العافيه علي , شرح وافي ومبسط ..
شيخه ان شاء الله فهمتي ع علي اسمعي المحاضره + شرح يتيوب
بإذن الله راح ترسخ المعلومه

/

علي
تقييم على جهودك المميزه في تواجدي وفي غيآبي

[عـلـي]

شكراً لك ريمنقو .. يعطيك العافية على كلماتك

وفقك الله

[تلاهيف]

،



الله يسعدك يَ علي بسطت لي المعلومه ماره
الله يوفقكم كلكم اللي جاوب واللي سأل



:)

[بيوشه]

شكرا علي ع الشرح ..

[ابـومازن]

ماشاء الله تبارك الله والله يحفظك ويكتب لك الآجر ويكفيك شر اولاد الحرام وأهنئك فى اسلوبك الجميل فى توصيل المعلومه وبشكل مبسط ومفهوم وفى مساعدة اخوانك وزملائك ونعتز ونفتخر فيك ولو كتبت لك مهما كتبت فلن اوفيك حقك وفقك الله وهداك .

[لذة غـــــرام]

مشكور علي ويعطيكك العافيه الحين وضحت لي المعلومه الله يوفقنا ياربب ويسلمو على التبسيط