مهم جداً ، أتمنى افادتي

[فهد السويلمي]

السلام عليكم ورحمة الله وبركاته

أخواني أخواتي بالبدايه أتمنى للجميع التوفيق وأن شاء الله تكون الأختبارات سهله عليكم

أنا وللأسف الترم هذا مادرست للظروف الصحيـه للوالده الله يطول بعمرها ولأني خليت وقتي كله لها الله يعافيها ويطول بعمرها

انا أول الترم سجلت المواد وكنت بأسدد عشان ادرس ، لكن بـ نص الترم صارت بعض الأمور الي أجبرتني اني أبتعد عن الدراسه والجامعه

لكن أبي ابيه منكم الحين وش وضعي انا ، سجلت المواد لكن اني ما سددت ومدري يعتبر الترم محذوف بالنسبه لي وأكمل الترم الجاي ، أو يعتبروني غياب بكل المواد لأني سجلتهم !!

أرجوا من أخواني الأعزاء توضيح الوضع بالنسبه لي وشلون ، ووش المطلوب مني عشان اسويه لأني والله متوهق مدري وش وضعي بالجامعه الحين

ياليت تفيدوني أخواني ، وتراني سجلت المواد بالموقع ونزلتهم لكن اني ماسددت

ياليت تفيدوني ، ودعواتكم لوالدتي

[فهد السويلمي]

تكفـون يـ أخوان افيدوني

[أحساس ~]

أتوقع تعتبر غايب لأن الجامعه
عادي تختبر وتسدد بعدين ماتطلع لك النتيجة إلا لما تسدد

[Marah Alhunidi]

الف سلامه على الوالده والله يطول بعمرها

[maryam same]

سلامتها ما تشوف شر
ان شاء الله غيري يفيدك برفع موضوعك

[Marah Alhunidi]

اتصل علي الجامعه واسالهم
بس اتوقع يعتبروك غياب
زي ماقال الجامعه تختبرك وكل شي وبعدين تدفع عادي


بس اذا كان المواد مو نازلين عندك في البلاك بورد الافتراضيه يتعتبر مو غياب وتكمل عادي

[حوريه البندر]

راسل الفريدان افضل او الشعيبي لجل تاخد العلم الصحيح وتبعد عن مدري ويمكن وسمعت

[فهد السويلمي]

تكفون يا اخوان احد يفيدني وش اسوي

والفريدان اراسله ع تويتر وللاسف مافي رد ، ارجو الافاده ضروري

[تُفاحه]

.

وعليكم السلام ورحمة الله وبركاته
الحمدلله على سلامة الوالده ربي يمدها بالصحه والعافيه ويطمن قلبها على عيالها امين


اعتذر مااعرف والا كان ساعدتك

تفضل هذا حساب في التويتر يخدم المنتسبين
اختي تمدحه وانا ماجربت اتواصل معه

https://twitter.com/_kfu



او هذا الحساب

https://twitter.com/rrr898

[فهد السويلمي]

للاسف رحت لتويتر وحاولت اراسل الفريدان والشعيبي لكن للاسف صارلهم اكثر من ٣ ايام ماغردوا بتويتر

معقوله مافي احد يقدر يفيدني عن وضعي الحين او يدلني على شي اسويه !!

[الغالي النفيس]

أخوي فهد جعل أنشالله برك بوالدتك في ميزان حسناتك ويطول لك بعمرها يارب
اذا كنت من أهل الشرقيه فا نصيحة أخ مالك الا ترووح للأحساء ودمت يالغالي

[أنفاس الخجل]

الله ييسر لك امرك ..
راجع التقييم وضحت لك شغله فيه يمكن تفيدك بإذن الله ..

[فهد السويلمي]

اختي انفاس الخجل ، كيف اراجع التقييم !!

ياليت توضحين اكثر ، وكيف اروح للتقيم ؟

[أنفاس الخجل]

ادخل على لوحة التحكم تبعك وراح تلاقي التقييمات موجوده عندك ..

[فهد السويلمي]

مشكوره اختي انفاس ماقصرتي وربي يوفقك بالاختبارات ، سويت مثل ماقلتي ولقيت رسالتك وان شاء الله ربي يسهلها علي

[لذا]

الله العالم انك تعتبر غياب وبتدفع قيمة الساعات اللي سجلتها وما حضرتها ولا راح يعوضونك الترم الجاي وبينزل لك غياب بالمعدل التراكمي

بحالة انك دبرت عذر وقبلوه بهذي الحاله
بيشيلون الغياب من المعدل التراكمي, وبتنزل لك نفس المقررات اللي سجلتها هذا الترم<< بالترم الجاي بلوشي << بس تدفع قيمتها هذا الترم

اذا تقدر تجيب عذر رسمي من مستشفى انك مرافق للوالدتك الله يطول بعمرها ويبعد الشر عنها بوقت الاختبارات بيقبلونه