مكان لبيع الكتب الدراسية المستعملة (اقتراحاتكم ورائكم - مهمه جدا لنا)

[super]

هلا فيكم

كيفكم ؟ ان شاء الله طيبين ..

اول شي ..

كل عام وانتم بألف خير ونعمه مقدماً ..

وينعاد علينا وعليكم بالخير والمسرات ..

ثاني شي ..

عندي اقتراح تبلور من أحد المواضيع ..

الا وهو موضوع كاتبته إحدى الطالبات ..

ان عندها بعض الكتب الدراسية وتبي تبيعها ..

ومالقت مكان تبيع فيه كتبها ..

وحطيت هالفكره في بالي ..

خاصه اني دخلت موضوع (الكتب المستعملة)

اللي كاتبته الاخت (اميرة الورد)

ولقيت تجاوب من الطالبات ..

فكرتي .. ومقترحي ..

اللي ان شاء الله راح ارفعه للمسؤولين في الكليات ..

انهم يحطون مكان معين .. لبيع الكتب المستعملة ..

او تبادلها .. سواء بمبالغ رمزيه .. او مجاناً ..

يعني يحطون داخل الكليات مثل المكتبه لبيع الكتب المستعمله ..

اعقد من وجهة نظري الخاصه .. وبردود الطالبات ..

ان الطالبات محتاجات لهذه الفكرة ..

وبإذن الله راح تنجح .. وبتستفيد منها الطالبة بشكل كبير ..

لكن قبل كذا ..

ابي منكم اقتراحات .. وأراء .. تدعم هالأمر ..

اي شي يدور في بالك .. عن بيع الكتب ..

ياليت تحطينه هنا ..

عشان ابلور الفكره .. واكتبها بصيغه معينه ..

واعرضها بمشيئة الله على المسؤولين ..

يعني وش رايكم كمثال ..

هل يكون المكان الذي يوضع داخل الكلية مخصص لمكتبه مثلاً ..

يعني تستأجر المكان من الكلية .. وتنفذ هالفكره ..

او تبونها من الكلية نفسها ..

واي اقتراحات عن كيفية ايصال الكتب .. واخذها .. ودفع المال ..

وكيفية التواصل بين الطالبات ..

يعني اي فكره مهما كانت بسيطه .. ياليت تذكرونها ..

واكون لكم من الشاكرين ..

مع تمنياتي للجميع بالتوفيق

[بناس]

سوبر

كل سنه وانت بخير

موضوع مميز ربي يجزاك الف خير عنه

بجد راح تفك ازمات .,.,


تقبلني

[الصبا]

:g8:

فكره رائعة

ومفيدة بنفس الوقت


go ahead

[super]

هلا فيكم

اختي بناس

تمنيت اشوف اقتراحات منك

لكن يالله .. يكفينا هالدعم المعنوي المميز ..

تسلمين على مرورك وتعقيبك ..

دمتي بخير


اختي الصبا

نفس الكلام

ودي اقتراحات واراء

بس مو مشكلة .. قدمتوا على الاقل دعم معنوي

تسلمين

دمتي بخير

[حـنـيـن]

هلا super
كل عام وانت بـ الف خير
..
صراحه حبيت الفكره كثير
الكتب ثقيله دم :t1: ..
واحياناً ما نحتاج الكتاب كلهيعني يحطون داخل الكليات مثل المكتبه لبيع الكتب المستعمله ..

مو للبيع
لو استئجار احسن
يعني مثل اللوكرات
مخي خارج الخدمه مؤقتاُ :D
لكن .. لو طلع معي شي ما بتردد :rolleyes:

عوآآآآآآآآآآآفي .. :021:

[nice^-^girl]

مرحبا

الصرااحه الفكره رووووعه وأتمنى انها تكون بالكليه نفسهااا اسرع وأسهل

وياليييت تتنفذ بأسرع وقت لانه الكتب وحوستهااا متعبه مره


وموفقييين

[super]

هلا وغلا حنين

كلام جميل .. ورد مميز ..

الله يعطيك العافيه ..

وتسلمين على تواجدك الرائع

دمتي بخير


هلا اختي نايس قيرل

مرحبتين

ان شاء الله بتكون داخل الكلية ..

ونتمنى تنفيذها باسرع وقت

يعطيك العافيه على التواجد

دمتي بخير

[رحلة عمر]

:d5:
الله يوفقك يآسوبر ..
بصرآآحة فكرهـ روعه..~

[رغووده]

انا انا جيت
فكره حلوه للي محتاجه
بس عن نفسي اذا الكتاب فيه شخطه قلم ماراح اقدر اركز
تجيني حاله نفسيه :000:
خخخخخخخخخ
بالتوفيق
انا انا رحت

[القصواء]

صراحه فكره رائعه يا سوبر

الكتب شي يحاتجونه البنات ويستخدمونه احيانا سمستر واحد ويرمونه

يعني مثلا حنا الانقلش فيه كتاب طلبوه مننا قيمته 200 ريال وحجمه كبير جدا وبالاخير استخدمناه ترم واحد وطلبو مننا ثاني ايش استفدنا :000:

فأشوف ان الفكره جدا مفيده

واقترح انها تكون داخل الكليه مثلا جنب مكتبة التصوير

وتكون من الكليه نفسها افضل لان لو بنقعد ع البنات ماراح نسوي شي :t1:

اشكرك سوبر على حرصك على الفائده لنا جميعا

وربي يكتب لك الاجر بكل شي تسويه يارب :love080:

[رسـلآن]

مرحبـآ .,


انو مثلاً نبيع الكتب للكليه بنص القيمه .. والكليه بدورها تبيعها بعد بنص القيمه

تجنباً للآحراج للطالبة اللي راح تبيع كتبها ..وعدم النصب عالطالبه اللي بتشتري =(


.,


انا شخيصاً مستعده اشارك ببيع كتبي لو بنص القيمه ..

عالأقل افضل من انها مكدسه بالبيت ..,


ولكم الحريه :)

[super]

هلا فيكم اجمعين

مداخلات رائعه وجميله ..

وان شاء الله ربكم يكتب اللي فيه الخير ..

واي طالبه عندها مقترح .. تكتبه ..

عندنا اسبوع وزياده الى بداية الدراسة

بالتوفيق للجميع

[كفآيه يازمــــــن ..]

يعطيك العافية اخ super

انا عندي اقتراح وهو :

والله ياليت تحطون غرفة بالكلية عند التصوير وتكون فيه وحد مسؤوله ..

يجون البنات ويعطونها الكتب ..

من غير بيع يعني البنت تتبرع بكتابها لوجه الله ..

والله في بنات محتاجات لكل ريال من المكافأة .. فيه بنت يعرفونها بنات عمتي والله انها هي اللي

تصرف على بيتهم من مكافأتها لأن ماعندهم اي مدخول غيرها ..

وفيه بنات كثيييير ماراح يحتاجون انهم يبيعون كتبهم ومااظن ان الفلوس اللي بتجيها من بيع الكتاب

هي اللي راح تخليها غنية ..

انا هذه وجهة نظري .. ياما بنات محتاجات للهلله ومحد حاس فيهم لانهم عزيزات نفس

........ اتمنى اقتراحي يلاقي القبول لدى الجميع ..........

[أميرهـ الـورد~]

:119: أهلاً وسهــلاً ..

صحيح كان دخولكـ للموضوع صـآمت
لكنكـ أجديت نتيـجـة ؛

إلتفـآته مهمهـ بالنسبه لنـآ ..
وفكرة الكتب المستعملة مثل ماطرحتهـآ فعلاً احتاجوهـآ ناس كثير ..

::

واحياناً الكتب ماتتوفر في بعض المكتبات بسبب الطلب المتزايد عليهـآ
اول ماتوصل دفعه الكل رايح عليها ؛ وتخلص .. والي تأخرت في روحتها للمكتبه بعد اسبوعين
الله يعين ماتلاقي ..

الفكره جداً ممتازه ومكان مخصص للكتب هذي ..
أنـآ أفكـر ..! :cheese:
اني الي وحده تقيم كتابهـآ وكم يستاهل ؛ "أي" هي شخبطت فيه ولا مزعت منه اشياء
ومدى النظافة وحسن التعامل معه :cheese: وتعطية كم ريال للبيع ؛ ايضاً تقول لهم كم بالمئه من السعر
للمكان .. ( هذا إذا تبي تبيعه وتخلص منه ) وتحط رقمهـآ واي جديد عن الكتاب يخبروهـآ وهي تجي عشان يسلموها المبلغ.. ؛ " لأن يمكن احتماليه الكتاب ماينباع او تغير الكتاب المطلوب عند الدكتور أو شي مثل كذا "؛

::

وإذا صار الكتاب موجود وله فتره مااحد جاب طاريه ؛ تشتريه الجامعه بشي اقل من المحدد وتستفيد منه في مكانات اعادة تصنيع الوقت .. :cheese: هذي فكرة ..!
ولا يعـآد للطالبة " إن كانت حية " بعيد الشر

::

ويحطون نظام عند مدخل المكتبه يدخل المؤلف او يدخل اسم الكتاب وتقدر تطلعه ببساطه ..
مثلاً في اي ركن يمين ولا يسـآر ،،


رح تجــآرينـي افكـآر مستقبلـية ،
بس حـآل نزولهـآ رح اجي لكــم :cheese: أستحمـلـو

شكراً أخي سوبر ؛ ماقــصرت ..
جليل دعوآنـآ لكــمْ ،، :119:

[أحلى حلا]

hلسلام عليكم ورحمة الله


فكره ممتازه جدا .. ولكن نتمنى تكون فيه مكتبه خاصه بالكتب المستعمله مثلا يكون مبناها بالمساحات الخلفيه الواسعه بالكليه الزرقاء

ويكون الكتب مسعره بكل أمانه يعني الكتاب اللي فيه شخبطه كثير يكون سعره رخيص
والكتاب النظيف أغلى شوي

بالنهايه لا بد يكون نصف سعره لو كان جديد...

ولا بد اني انوه على مسألة استغلال بعض الدكاتره للطالبات وانا بوضح لك كيف

يعني عندنا بقسم اللغه العربيه يطلبون عمل بحوث تقريبا لثلاثة ارباع المواد

والبعض منهم عشان ما اظلم البعض يحدد المرجع اللي نبحث منه ( هل هذا يعقل)

وأتفاجأ أن الكتاب اللي طالبه دكتورنا العزيز عباره عن تلخيص ودراسه لأحد الكتب وبأسمه

والمثال الثاني او التاجر الثاني أقصد :
تلقاه مقرر كتابين واحد من تأليفه والآخر من تأليف والده والله على ما أقول شهيد والمشكله ياليته يشرحه كله
أو حتى يجيب منه ولو سؤال واحد .:t1:

غيض من فيض .. الله يخلصنا على خير

اللي ستر على مامضى يستر ما بقا ... الحمدلله على كل حال ..

اشكرك فيك روح الأخوه والتفاعل ... دعواتنا لك ولوالديك.

[أحلى حلا]

ونسيت اشكر الاخت اللي اقترحت اننا نقدم الكتب مجانا والله يجزاها خير

ولكن فيه إضافه .. ممكن يكون فيه بنود معينه ومقرره يعني
اللي تبي تهدي كتابها او تتبرع فيه مجانا يحق لها ذلك ولأنه شي راجع لها وبأختيارها

أما اللي تبي تبيعه .. يكون له اجراءات معينه
يعني تقرر صاحبة المكتبه الأمينه سعره وتكون عارفه سعر الكتاب لانها محدده (( يحدد قبل اذا كان مخطط بألوان واشكال وفيه رسومات يكون بالسعر الفلاني , واذا كان شبه نظيف يكون بالسعر الفلاني ))

والله الموفق

[سعودية ذوق]

فكره روعه وانا اقول يحطون غرفه للكتب المستعمله اللي تبي تبيع كتابها تبيع واللي تبي لوجه الله لوجه الله كل وحده واختيارها وشكرا ع الفكره الحلوه

[ام سوني]

:119:

انت رائع بافكارك وبهمتك ..

اتمنى لك التوفيق

[emeee]

فكرة رائعة بارك الله فيك اخي الفاضل .. وبارك الله فيكن أخواتي على الأفكار الرائعة ...

لكن بيني وبينكم اللي بتبيع الكتب كم تبي نسبة .. ؟؟:hahahahahah: وأنتم أدرى بالغش الحاصل يابنات

اقترح وضع آلة للكتب مثل آلة البيبسي ... :o3: <<< ياليت ...

الغريب في المنطقة الشرقية ماتلقون مكتبة تبيع لكم الكتب المستعملة ... في الرياض فيه مكتبات بالهبل

تبيعهم ...

[الغالية]

السلام عليكم
يكون الكتاب سعره رمزي عشانه مستعمل كذا الطالبة تفيد وتستفيد

[كيناز]

فكره انشاءالله ناجحه

تسلم سوبر ع اهتمامك

افضل طريقه اتوقع

تعطي البنت الكتاب للمسؤله عن بيعه

وياان طريقة تكون مثل طريقة مكاتب العقار ترجع تاخذ قيمته لو بغت ويكون فيه مبلغ للي ياجرون.

اوعلى طول يسعرونه ويعطونها قيمتة.

ولازم يختم عليه كم مره انباع ويشترط مايبيعون اي كتاب مكتوب عليه بالحبر.