طول الفئه و مركز الفئه متى نستخدمهم وفي أي حالات؟

[Plender]

السلام عليكم ورحمة الله

اخواني واخواتي , في محاضره رقم 7 و 8 و 9 عدة مسائل وفي الجداول
الخاصه فيها نحتاج نطلّع مركز الفئه وهي الحد الأعلى + الأدنى / 2

وبعضها نحتاج نطلّع طول الفئه
وهي الحد الأعلى للفئه - الحد الأدنى

متى نستخدم مركز الفئه ومتى نستخدم طول الفئه ؟؟

أفيدوني الله يجزاكم خير ويوفقنا معكم وياااارب نعدي الماده على خير

[Plender]

ممكن أحد يجاوب سؤالي ويكون متأكد لو سمحتوا ..

[Plender]

مــعـقــوله مافيه رد !!

[قمر البر]

انا مثلك ادور الاجابة

[فيافي 28]

اذا تبغى الحل اليدوي فما اعرف
لكن لو تبغى الحل بالالة ففي شوية تفصيل

اولا طول الفئة تحتاجه في البيانات المبوبة فقط ( اللي تكون في جدول )
وبالتحديد لما تطلع الوسيط عشان تطلع الوسيط تحتاج 5 معطيات (تكرارين وحد ادنى للفئة الوسيطية وطول الفئة وترتيب الوسيط اللي هو K واللي اصلا يعبر عن تكرار ))
بقية القوانين الربيع الاول والربيع الثالث والمئين والعشير ... مطابقة تماااااااما للوسيط عدا في طريقة استخرا الرتبة

الوسيط والربيع جابه بالاختبار وماينحل الا يدويا .. المهم تعيد ترتيب الجدول المعطى الى جدول تكراري صاعد قبل الحل والحساب


اما عن مركز الفئة فنطلعه اذا طلب متوسط حسابي و انحراف معياري ... بشرط تكون البيانات مبوبة
ولما نجي نستخدم الالة ندخل مراكز الفئات في خانة X والتكرارات في خانة y
ونطلع الناتج المطلوب في السؤال

استخراج الانحراف يفيد في مسائل كثيرة .. مثلا يطلب منك التباين وبس وكانت البيانات مبوبة فهنا اجباري تطلع الانحراف اولا ثم تربعه وبيطلع التباين

وكمان اذ طلب معامل الاختلاف فلازم تطلع المتوسط والانحراف بهذه الطريقة

اما في البيانات الغير مبوبة المتوسط نطلعة يدويا (( مجموع القيم على عددها ))
والانحراف نطلعه باله بطريقة مختلفة عن المبوبة ...ومربعه يعطيك التباين


بالتوفيق

[فيافي 28]

اذا تبغى تعرف طريقة استخدام الالة ارجع لملخص شيئ آخر في المواضيع المثبتة
وتنبيه وخطوة مهههههمة لما تستخدم الالة في استخراج المتوسط والانحراف للبيانات المبوبة
لازم تكون الالة في وضع stat قبل تطبيق خطوات شيئ آخر
(( تلاقي مكتوب stat في اعلى الشاشة ))

[Plender]

الله يجزاكم خير و يفرج همنا وهمكم ياااارب

[Crazy M]

عطونا مثال وحلو عليه :(

[ifofah]

ركز عالمطلوب في السؤال


و ركز عالبيانات

البيانات مبوبة مثلا

و طلب منك في السؤال التباين

التباين يحتاج منك مركز الفئة

مثلا طلب منك المنوال أو الوسيط

يحتاج منك إنك تطلع طول الفئة

و هكذا


يعني إنت لما تشوف المطلوب

رز القانون ع طول قدامك
و شوف وش مطلوب منك عشان توجده


طبعا هذا بالنسبة للبيانات المبوبة


البيانات الغير مبوبة ما فيها مركز فئة و لا طول فئة

البديل عن قيمة المركز في البيانات الغير مبوبة هي القيمة نفسها

[عريبღღ]

ركز معاي طول الفئه نحتاجه في المنوال في حالة كانت أطوال الفئات غير منتظمه يعني في التكرار المعدل
أما مركز الفئه نحتاجه في الوسط الحسابي والتباين والانحراف المعياري والانحراف المتوسط في البيانات المبوبه
وملاحظه في المنوال إذا كانت الفئات منتظمه اي أطوالها نفس بعض مانحتاج طول الفئه نحل على طول

[عريبღღ]

إذا كان عندك ملخص جاكلي ص76 يبين لك متى نحتاج طول الفئه

[عريبღღ]

لاحظ عندنا أطوال الفئات كالتالي -6 -10 -12 -14 -18 لاحظ بين طول الفئات مختلف مثلا"
10-6=4
12-10=2
14-12=2
18-14=4
لاحظ الاطوال تختلف هنا نحتاج طول الفئه

بطرقه هذي الحد الاعلى -الحد الادنى = طول الفئه
الخطوه الثانيه نقسم تكرار الفئه على طول الفئه يطلع لنا التكرار المعدل الجديد ونفس الطريقه لجميع التكرارت ويطلع عندنا تكررات جديده معدل ونطلع المنوال من التكررات الجديده ونتجاهل التكررات القديمه ترى الطريقه هذي فقط في المنوال إذا كانت الفئات غير منتظمه

[Plender]

وضحت لي المعلومه

جزاكم الله خير وفرج همنا وهمكم ووفقنا وإياكم ..