إقتراح : اعادة اختبار مادة نظرية المنظمات

[SSuper CClever]

من أخلاقيات المهنة و آداب التعليم هو توفير فرص تعليم متساوية للطلاب بغض النظر عن دين او لون او جنس او عرق ... الخ الطالب ، و حيث ان الجامعة آليوم خرقت هذا المبدأ فهي ملزمة بإعادة اختبار المادة نفسها لجميع الطلاب و توحيد الأسئلة . يشهد الله علي بأني لست متضررا من الاختبار و لكن الحق احق ان يتبع ، و هي شهادة اقف بها امام ضميري و عدالة المنطق ، كل الحلول الاخرى التي يمكن ان تقترحها الجامعة حلول غير عادلة كمساعدة الطلاب بثلاث او اربع درجات او تدبيل الإجابات الصحيحة .
عزيزي عميد التعلم عن بعد ،
انت ملزم مهنيا و أخلاقيا بإعادة الاختبار . افعلها فلا مفر من ذلك .
أعزائي الطلاب الغير متضررين من الاختبار ،
رفضكم لإعادة الاختبار مع تضرر زملائكم منه موقف انتهازي و غير رجولي .






والله يحكم بيننا و هو خير الحاكمين

[su7]

الله يعين الجميع

[احلى جوريه]

اما عاد

[غموض بلا حدود]

موافقة بشدة
مع ااني لست من المتضررين
نموذج a

[الرقمي]

هههههه كثرلي منها أنا تخرجت ولا أبي أعيد!

[jamal797]

كلامك سليم مليون في الميه

انا نموذجي e

ولمن شفت النماذج الاخرى فعلا فيه فرق كبيررررر في الاسئله

ماهو منطقي اللي جالس يحصل

المفروض الاسئله موحده للجميع

فالسهل عندي ممكن يكون صعب عند غيري

والعكس صحيح

[الد11هيه]

من جدك اعيد الاختبار !!

لو يعطوني وزني ذهب مستحيل اعيده

قدموا شكوى وطالبوا بحقكم اما اعادة الاختبار للكل معليش مو معكم

[أنثى غير]

كلامك عين الصواب

[نبراس11]

ليس اعادة الاختبار لنو ممكن يحط اسئلة مره صعبه لطن نشوف حل غير كذا

[بنت السعوديةksa]

هي صارت موضه عند الدكاتره بتغير الناذج مدري اصلا الجامعه ليش

ساكته على هذي المهزله

اما عن الاعاده لا والله ما صدقنا نخلص مو اول مره تواجهنا هذي المشكله

جتنا بالسلوك اللي كانت عباره ن لغه عربيه فصحى وادارة العمليات يعني هالترم نقول الحمد الله انه انقضى

على خير وعسى الله يكتب لنا النجاح

[hanooda program]

الاراء متفاوته لو انعاد الاختبار كثير طلاب حينظلموا ومنهم انا
عشام في ناس ذاكرت كويس وحلت والحمد لله
ماشوف الاساله بهذه الصعوبه
اللي ذاكر المحتوا وفهمه مستحيل مايجاوب ...

[خالد حمد]

هههههههههههههه سجل عندك واحد انتهازي

[البطله xp]

ماصدقنا خلصنا 0_0"

[طالب رضى ربي]

يتحمل هذا الامر الدكتور .. أقترح أن يعاد للي مخفق .. والناجح حظه ويستاهل

[amg_55]

اذا على هذا المبدأ ، لازم يعيدون اختبار السنة اللي فاتت لانه كان اصعب والفرص ما تساوت بين الدفعات .

انا اتفق معك 100٪ لو كان النموذج الثاني فيه اسئلة خارج المنهج .

[ابتسامة]

الاختبار مو سهل ، بالنسبة لجميع النماذج وان اختلفت الاسئلة .

انا نموذجي e ، و فعلا كان صعب

لكن بعد مقارنته مع باقي النماذج أراه نفس المستوى ويمكن أفضل ..

[Eman89]

مستحيل نعيده الي يبي يعيد يعيده لحاله ماصدقنا نخلص معليييييش

[مشعل 20]

انا مدري عنكم بس نموذج bو d نفس الشي مافي اختلاف....

[برستيج اكاديمي]

السلام عليكم ورحمة الله وبركاته

اولا : ابي اوضح حاجه انا لست في صف الدكتور ولا الجامعه .
ثانيا : اللي يقول اختلاف النماذج مهزله من الجامعه او الدكتور كلام غير منطقي والاختبارات متعددة الاختيار من يوم عرفناها هم ويقولون النماذج مختلفه وهذا الصح ولكن الذي درج عندنا في المدارس والجامعات هو تغيير الترتيب بالاسئلة وانا اشوف انه مساعده منهم ولا ليس كم يفهمه البعض.
ثالثا : الدكتور غير ملزم او الجامعه غير ملزمين باعادة الاختبار لانه الشخص المذاكر راح يحل الاسئلة كامله بجميع نماذجها.
رابعا واخيرا : الحجه الوحيده لاعادة الاختبار اذا كان عندكم اسئله خارج المنهج او غير ماذكره الدكتور بمحاضراته لك الاحقية بالاعتراض .

وشكرا....:060:

[الشاهين الحر]

وأنا معكم في ذلك .... لابد أن تلتزم الجامعة بالقوانين ...

وبكل صراحة أصبحت جامعة الملك فيصل من أسوء الجامعات على الاطلاق ... نظام سئ .. خارطة فاشلة ... أساتذة متعجرفين أصبح همهم تعقيد وتعطيل الطلبة ... هل تحولت الجامعة الى الاسغلال المادي !!!!


ولابد التواصل مع الدكتور الفريدان وبالذات على تويتر alfraidan@ وكذلك احمد الشعيبي rrr898@


أرجو من الاغلبية ان ينصروا الاقلية والعكس صحيح

والله الموفق

[رشوف123]

الله يعينكم على فكره من كم يوم كان فيه ماده بس مادري ايش قسم ثاني معطينهم نماذج مختلفه احتمال يكون شي جديد بالنسبه للجامعه والله اعلم

[يوفي]

من اظن صعب يعيدونه.

[noufa_london]

على اي اساس اعاده اختبار ؟؟ كل النماذج موحده بأستثناء نموذج e

تذكرو الترم الي راح بماده نظم متكامله للمؤسسات لما صار تكرار 25 سؤال والنموذج الاخر سليم .... الجامعه ماعادت شي ولكن بالمقابل زودت الجميع بالدرجات


ممكن الجامعه تزودهم درجات اصحاب النموذج e

[NOW OR NEVER]

http://www.ckfu.org/vb/t540486-4.html


انا نموذج c

ورفعت تظلم

اما إعادة الاختبار في المادة هذي بالذات بالنسبة لي ما راح اعيده (هم وانزاح بذن الله )

اخطاء الجامعة تتحملها الجامعة وليس اغلبية الطلاب من باقي النماذج

اتمنى ان الجامعة تنظر لمشاكل الاختبارات بجدية اكثر

في كل فصل دراسي نطلع بفلم جديد او افلام

ونقول يا عساها خيرة


يعطيك العافية

[ابوحاتم000]

مالي علاقة بالموضوع ولكن لمعرفتي بدهاليز الجامعة و (كباريهم) أتمنى أن توحدون صوتكم بمطلب منطقي
السؤال الأهم قبل تروح لعميد الكلية ...
هل اختلاف النماذج أمر قانوني متوافق مع أنظمة الجامعة ؟
هل تفاوت المستويات في وضع اسئلة النماذج يتوافق مع سياسة الجامعة ؟
هل يحق للمتضرر إعادة الاختبار في سياسة الجامعة ؟

نصيحتي ناقشوا هالأسئلة مع الفريان على تويتر الرجل متجاوب جداً و سلس ..

[طالب قديم]

انا نموذج C
وشفت نموذج B في الموضوع الي وضع أحد الأخوة وهذا رابطه
http://www.ckfu.org/vb/t540587.html

ونفس الأسئلة ولا فيها فرق ...

تأكدوا ..

[ابغى اتعلم]

انا نموذجي e وعلى قولتكم اصعب نموذج لكن اعاده مستحيل نعيد ماده ما صدقنا نخلص منها وحتى لو اختلف النموذج لم يخرج من المقرر واذا انت متضرر فبعضنا لم يتضرر بل ممكن جاب درجة النجاح بل تعتبر (انت انتهازي) وتبغى الجميع يعيدون علشان انت لم تجاوب

[KFU STUDENT]

يحق لكم ترفعون تظلم لان اشوف نموذجكم صعب مقارنه بنماذج الاخرى وشكلها غلطه من الجامعه ولو ان الحركه مستقصده تغيير الاسئله كان كل النماذج مختلفه عن بعض

اما مسأله اعاده الاختبار فيها ظلم وبعدين هذا خطاء من الجامعه ليه يتحمله الطالب

المفروض الجامعه تعوضكم بدرجات وتنجحكم بالماده بدون اعاده اختبار

ترا النظم صار فينا كذا ولا طلبنا اعاده اشتكينا وعوضونا بالدرجات الحمدالله

والله يوفقنا واياكم

[M!ss Messo]

يا أختي او اخوي إذا انت متضرر طالب بحقك الين تتعب مالك شغل في اللي اختبروا
ووجهة نظر شخصيه دام أسئلة النوذج e من نفس الملخص مايحقلكم الاعتراض حتى لو انه نموذج مختلف
يعني في اللي اختبرو نموذج a , b,c,d وبالنسبه لهم كان الاختبار صعب !!
يعني انت ومذاكرتك
إذا مذاكر المنهج عدل بتجاوب في أي نموذج
:
كنت بحاول ما ارد على اي موضوع من مواضيع الشكاوي على نظرية المنظمات لاني حاسه فيكم لكن توصل لدرجة مطالبه بإعادة الاختبار لا مو من حقكم مع اني مو جايبه الدرجه الكامله فيها لكن مانبغى نعيد :)


بالتوفيق للجميع

[Keepcalm]

الله يستر عليك روح اختبر لحالك الناس مشغولة بالدوامات وانتوا فاضين للاعاده

[SSuper CClever]

اعادة الاختبار واجب على الجامعة لاعادة فرصة التساوي بين الطلاب و كل من يرفض هذا الاقتراح شخص انتهازي و قليل ****** . نقطة على اخر السطر .

[alqadi2002]

الله يخارجنا منها على خير ..
وصلنا الى المستويات النهائية ولا يزال التخبط ديدن الجامعة وبعض المحاضرين ولا أعلم هل نحن حقول لتجارب النجاح والفشل أم ماذا ..!!!
هناك الكثير من التخبطات والتي دفعنا ثمنها أفلا يكفى يا جامعتنا ما مضى ..!!!
أصبح لدينا تبلد في الاحساس ، نطالب الجامعة برد إعتبار طلابها وعدم السماح للأساتذة الكرام بجعنا جقول تجاربهم العلمية فلا نتحمل أخطائهم ...
هناك إدارة ترعى الطلاب وتسعى لمصالحم وهناك إدارة تمشي عكس التيار وأتمنى أن لا تكون إدارة الجامعة من النوع الأخير ...

حسبنا الله ونعم الوكيل على كل ما حصل ولا يزال يحصل ..!!

نسأل الله لنا ولكم التوفيق والنجاح وأتمنى من الجميع أن يضعوا نصب أعينهم مخافة الله أولاً والحرص على الإستفادة من تجاربنا المريرة بالجامعة لكي لا يقع فيها فيها قريبٌ لنا أو عزيز ..

دمتم في حفظ الرحمن ,,