عرفنا ليش معدلات درجات طلاب جامعة الإمام إنتساب +a !

[الباراتون]

السلام عليكم و رحمة الله و بركاته
بصراحة الإنتساب في جامعة الإمام أسهل
حيث نتائج الطلاب نجاح دائماً و بدرجات ممتازة
و السر :
أن نظام الأسئلة في الإختبارات النهائية
إختيار الإجابة الصحيحة من أصل 3 إجابات
و نحن ما شاالله 4 إجابات
يعني نسبة دقة الإختيار عندهم : 33 ٪
و نحن : 25 ٪
و هذا أسهل لطلبتهم من ناحية نسبة النجاح العالية و المعدلات
المرتفعة
و شكراً

[أسير بلآ قيود]

وعليكم والسلام ورحمة الله وبركاته


يالغالي انا اشوف جامعتنا افضل

الي اعرفه ان الاختبار في جامعة الامام يتكون من 25 سوال لكل سوال 4 درجات

يعني تغلط في سوالين تروح عليك درجة ممتاز

ماتفرق الخيارات 4 او 3 اهم شي درجة السوال

[الباراتون]

غير صحيح ، جامعة الإمام عندهم برنامج الإنتساب المطور و لهم درجات مشاكة و عليه يكون مستحيل ٢٥ سؤال بـ ٤ درجات لكل سؤال
راجع معلوماتك و تأكد يا رعاك الله

[العضيد1]

شكراً لك. معلومة جديدة وهامة. هل نستطيع النقل إلى هناك؟ نبدأ من حيث انتهينا هناك؟

[احمد-علي]

على كذا كل الناس بيخلون جامعة الملك فيصل

[أسير بلآ قيود]

غير صحيح ، جامعة الإمام عندهم برنامج الإنتساب المطور و لهم درجات مشاكة و عليه يكون مستحيل 25 سؤال بـ 4 درجات لكل سؤال
راجع معلوماتك و تأكد يا رعاك الله

والله يالغالي انا اثنين من اخوالي بجامعة الامام وكلهم انتساب وفي الاختبار 25 سوال كل سوال بـ4 درجات

متأكد ميتين بالميه:16:

[Saudi man]

جامعة الامام الدراسة فيها اي كلام
الملخصات يسوونها الطلاب والطالبات ويوافق عليها الدكتور وصفحاتها قليلة
والاسئلة النهائية سهله والدكتور اللي يصعبها يشتكون عليه الطلاب يطيرونه على طول

الزبده كل اللي اعرفهم تخرجوا بمعدلات عالية (وانا ادري ان مافي روسهم دراسة)

[الماسي نجد]

بالفعل

كلام

اسير بلآ قيود


صحيح ميه بالميه


خويي بجامعه الامام

25 سؤال
ولكل سؤال 4 درجات

وهم كثيررر اعترضواا ع هالشي ..!!!

[رشوف123]

صحيح جامعه الامام اسهل تخيلو انا جالسه ادرس مع اختي وبنت اختي انا اجلس بالايام اذاكر واسهر وهم ماشاء الله مافيه مقارنه بين الملازم وبعدين ماعندهم مشاركه مستغربه كيف تقسيم الدرجات

[majdini]

انا اعرف كثير في جامعة الامام
نظامهم 25 سؤال
كل سؤال 4 درجات


حنا محسودين على المشاركات يارجل
وربي 30 درجة تضمنها وتحب يدك وش وقفى

[رشوف123]

ملاحظه صحيح 25 سوال بس تعال شوف ملخصاتهم 10 صفحات وماده من مواد الصيفي كان منهجهم صفحتين

[شموخ,,]

من جدك تقارن جامعة الملك فيصل بجامعة الامام؟؟؟؟

انا قبل ما ادرس انتساب بحثت كثير في هالموضوع
وعلى اساسه اخترت اني ادرس بجامعة الملك فيصل
مع احترامي لمنسوبي جامعة الامام
لكن جامعتنا أفضل بكثيررر

[الباراتون]

يعني الإنتساب في جامعة الإمام
مثل إللي يدرس ثالث متوسط ليلي !

[أبو تركي الرياض]

نظام التعليم الإلكتروني والتعليم عن بعد في جامعة الملك فيصل

يقارن بالإنتظام .. من حيث وجود محاضرات مباشرة ومشاركات وواجبات
وهذا النظام معتمد دولياً

[العابرر]

صحيح عندنا مشاركة في جامعتنا .....لكن عندي معلومة اكيدة من طلبة في جامعه الامام ....جامعتهم موووويه ..............اسئلة بسيطة والي مايذاكر ناجح ناجح.

[احمد-علي]

ياناس وش هالدراسة دخلت منتداهم ملخصاتهم من 30 صفحه وتحت بصراحة هاذا شي غير منطقي هاذا لعب في لعب والمسئول مابرا ذمته وخرب على الجامعات الي عندهم ذمه وخان وطنه

والضحيه نحن

[احمد-علي]

نظام التعليم الإلكتروني والتعليم عن بعد في جامعة الملك فيصل

يقارن بالإنتظام .. من حيث وجود محاضرات مباشرة ومشاركات وواجبات
وهذا النظام معتمد دولياً


دوليا عند الناس الفاهمه

رح ادخل منتداهم ترا هم تعليم عن بعد وشف ملخصاتهم

[حنين وشوق]

صحيح كلام أخوي أسير بلا قيود جامعتنا أفضل ...

[3looosh]

ياحبني لكم بس انا مختبر انقلش خمس خيارات مو اربع

ههههههههههههههههههههههههههه

[أبو تركي الرياض]

دوليا عند الناس الفاهمه

رح ادخل منتداهم ترا هم تعليم عن بعد وشف ملخصاتهم


أنا أقصد النظام المعمول به في جامعتنا (فيصل)

نظام ممتاز ومعتمد ويوازي الإنتظام وبسبب كما ذكرت (وجود محاضرات مباشره .. ومشاركات وواجبات)

[طالبـه جامعيه]

:)

بتوفيق

[zdaal5]

25 سؤال او 50 سؤال ما تفرق ، إذا كل الطلاب يجيب a + معناها لازم يكون واحد من اثنين يا الطلاب عباقرة او ان الجامعة سكة .... والمحك عند التقديم للوظيفة ، أنا ما أبغى شهادة جامعية بمعدل ممتاز ويكون راسي فاضي من المعلومات ، هذا كله يظهر ويبان بعدين .....وسلامتكم

[أبو عبدالهادي]

اقول عسى البرد ما يثر عليكم

كل جامعه لها سياستها وطريقتها

والله يزيد عبادة من فضلة

حتى جامعة الامام ماخليتوها في حالها تبون تنكبونهم مثل العالم اللى هنا مشتكية من سهولة الاسئلة وتكرار اسئلة المستويات السابقة واللى يعرف احد في العمادة يتاكد من هذا الموضوع

ياعالم خلوا العالم تمشي وبلاشي اسلوب الحسد


http://www.photoget.net/wp-content/uploads/2013/09/%D8%A7%D9%84%D8%AD%D8%B3%D8%AF-300x240.jpg

[كوثر عسيري]

يا جماعة جامعتنا احسن الواحد على الاقل يتخرج مستفيد من العلوم الي درسها تحسون كذا انكم دارسين زين مو كذاب الشي الثاني لا تطالعون فوق تمعص رقابكم وماتدرون يمكن طلاب الجامعة حاسدينا على الاسئلة والدرجات والاعمال الفصلية وووو وينكم من الله

[Garib]

وجهة نظري ترتيب جامعاتنا في جودة التعليم عن بعد:

جامعة الملك عبدالعزيز أفضل جامعة في الترتيب وقوة المقررات التعليمية بعدها جامعة الملك فيصل وأخيراً جامعة الامام.

[TheDream]

غير صحيح يا غالي

عندنا موظفين ملتحقين بالتعليم كثير ولله الحمد وسأقيس لك بعدد من الموظفين وليس حال أو اثنتين

نسبة الرسوب لديهم يأتون بعد الملك عبدالعزيز ثم بعض الجامعات الأخرى

وأيضا يوجد لدي الملك فيصل رسوب ولكني الاحظه بكثرة في الملتحقين بإدارة الأعمال وخصوصا ان كثير منهم مدرعمين وهم ادبي وتوهقوا بهالتخصص

بصراحة الملك فيصل إلى الآن رغم بعض العيوب تضل الأفضل في التعليم عن بعد وهذا من تجربتي العملية ومتابعتي في عملي لنتائج الطلاب


فلا تاخذك هالسوالف وخذ العلم الي يجمد على الشارب



وفاكم التوفيق

[بداية التخرج]

اشوف 4 اختيارات مناسبة جداً

[أطلق فتاة]

طيب جامعة الامام وش التخصصات عندهم !!

[سلطان الصقر]

إرضاء الناس غاية ً

لآتدرك:hhheeeart4:

[balqeesgh]

الحين انت تبي تتخرج وانت فارغ من الداخل بدرجه كامله والا تستفيد فعلا ....اقل شي تقول في نفسك انا دافع وابغى شهادتي تكون مقبوله ونتيجتك ترفعك والا احسن تاخذ فل مارك ويرمون الشهاده حقتك بالادراج ترى احنا الوحيدين اللي نطبق في التعليم عن بعد ونتوظف وظائف تعليميه زي الانتظام وبدون دبلوم تربوي والوزاره مو غافله عن افضلية الشهادات خلك من الاختيارات وركز في الماده وبعدين انت تذاكر الماده والا تحفظ عدد اوراق الملخص ....حرام ياخي انت دافع فلوووووس كمل دربك وانت متفاءل وخل عيونك قداااام ولا تلتفت جنبك ابد

[roro2013]

أنا أشووف أنا أفضل شي جامعة الملك فيصل منهاجهم للتعليم عن بعد صج فيها الصعووبة وكيذا طريقة ووضع أسئلتهم تخليك ماتنسى معلومة حتى لوتتخرجت شالفايد تتخرجون وانتم أنتم جايبن معدل +a ووانت كل شي نسيتو مافي فايدة وشكررآ ع أطالة

[moly]

ماعجبك النظام روح ترى محد حلف عليك ولا ربطك بهالجامعه

[ṂṦtЯe7h ĂlβĂŁ]

:16.jpg:

[خلدون-2010]

شوفو انا أشوف .....والله مدري بس انتم تكلمتو خلاص ماعندي شئ

[كابتن200]

كلن يشتكي الامام يتشكون وعبدالعزيز نفس الشي وجامعتنى الرشيده نفس الحكايه مدري مين يرضى ومدري مين الصح

[المصباح]

السلام ،،،

بكل المقاييس جامعة الامام اسهل من فيصل وحتى لو فيصل عطوك 30 درجة لكن يطلعون روحك في اسئلة بين السطور والتي تعتمدها الجمامعة كما ان جامعة الملك فيصل تتعمد تصعيب الاسئلة على الطلاب ،

إلا ان التدريس في جامعة الملك فيصل ا هو الافضل حتى الان واعتقد انه هو الافضل في المملكة من ناحية الانتساب .

لكم فائق احترامي

[عادل بن عبدالله]

بشكل عام الاقبال على جامعة الملك فيصل أضعاف الامام وهذا دليل ان جامعتنا لها صيت أوسع وأفضل

ولا تنسون ان الامام يفرضون عليك حفظ جزء كامل من القرآن في كل ترم

[دلع فوشيه]

طيب هذا انا متخرجه من جامعة فيصل ومعدلي ممتاز الحمدلله

واحمد رررررربك ع ال30 درجه مافي اسهل من انك تضمنها بطريقة سهله ومريحه

الباراتون ريح دماغك وركز بمذاكرتك ازين لك لو ركزت ع مواد ال3 ساعات رح يرفع معدلك بسهولةة



ولو حاب تنقل لجامعهة الامام الله يوفقك ويسهل لك


*

[العابرر]

يارب تحقق املي..انتي كذا..

[O C E A N]

يقولون الي يتخرج من جامعة الامام مستقبله اما في قناة بدايه ولا تويتر مطبلاتي >> أكثر من مره علمتكم ما اعرف اواسي


الا وش الاخبار ؟

[ابن طي]

من وجه نظر ارى جامعه الامام افضل من ناحيه السمعه واللي يتخرج يصبح تربوي مو مثل جامعتنا يبيلك سنه جديده علشان ترم تربووي
جامعتنا مثل الطلاب الليلي مشهورين لان بكل حاره مركز وفضايحنا منتشره حتى ان المراقب يستغرب انهم حاطينهم مراقبين والاسئله موحده كل سنه نفس الاسئله
اما جامعه الامام الاختبار بنفس الجامعه تحس انك طالب جامعي مو مثلنا طالب ليلي ولا احد يدري عن فضايحهم

[طموح لاينتهي123]

اعتقد ان جامعتنا افضل مقارنة بالجامعات الاخرى

[ندى 1990]

من وجه نظر ارى جامعه الامام افضل من ناحيه السمعه واللي يتخرج يصبح تربوي مو مثل جامعتنا يبيلك سنه جديده علشان ترم تربووي
جامعتنا مثل الطلاب الليلي مشهورين لان بكل حاره مركز وفضايحنا منتشره حتى ان المراقب يستغرب انهم حاطينهم مراقبين والاسئله موحده كل سنه نفس الاسئله
اما جامعه الامام الاختبار بنفس الجامعه تحس انك طالب جامعي مو مثلنا طالب ليلي ولا احد يدري عن فضايحهم

ضحكني هالتعليق والله معاك حق

[الله المستعان]

الدراسة اسمها فيها دراسة مو لعب واخر السنة نجاح هذا غش ويترتب عليه كوارث بالنسبة للمجتمع والوطن ؟

قبل لا نفكر في الشهادة خلونا نفكر في ايش استفدنا من دراستنا وكيف راح انفيد فيها المجتمع والوطن

لا نصير امة متعلمة متخلفة :d

[ღ وَاَثٍقُ اْلخُطْوًهـ ღ]

يارجال حنا افضل


هم 4 سنوات ونصف

حنا 4 سنوات

[aa2aa]

حسب علمي جامعة الامام الاختبار من 100

[ESBLONZ]

بالله عليكم اسكتوو ،.

الله لايفشلنا ،. فشلتونا،

بالله هذا تفكير طلبة جامعه ترا احنا جامعيين ،صحصحو شوي ،ط.
تدرون ذكرتوني بأخويه اللي بأول ابتدائي اذا جا يشتكي لأمي ويقولها ، امي شفتي صف اولى /ب مدرسهم الرياضه وزعلهم هدايا ومدرسنا لا ،.

بلاش هالاسلوب بلييز يعني ،. واللي مو عاجبه اعتقد فيه ايقونة الانسحاب من الجامعه قدامك على طول في البوابه ،..

استغفر الله بس واتوب اليه ، عيب والله

[i7DAYS]

ي ملح جامعتنا وبس =)
يكفي اعمال السنة نضمن بعد ربنا ال30
وكلام اللي قبلي في جامعة اﻻمام صحيح
اخوي يدرس فيها =)