التخصص تغير...!

[صَمْتّ مُؤْلِمْ]

قبل


إدارة أعمال

http://im39.gulfup.com/0JXjK.png (http://www.gulfup.com/?CLuhvp)


الآن


إدارة


http://im39.gulfup.com/WnRAT.png (http://www.gulfup.com/?9qdnP0)

طبعاً مو بس التعريف تغير حتى السجل الأكاديمي وكل هالأمور

أحس أن كذا أحسن

بس ما أعرف وش سبب تغييرهم :(107):

[H N O O]

وشلون آحسن كذآآ ؟؟؟؟

[zahra's]

أنا بعد أسأل ليش أحسن!
لأنها إدارة لكل شيء يعني وليس الأعمال فقط !

[zahra's]

مع أن موادنا كلها في تخصص إدارة الأعمال تحديدا
ما عدا مادة مبادئ إدارة عامة "واللي هي حكومية يعني "

[ناوي الماستر]

شكلها نكبة من جد ،،، من وجهة نظري تخصص ادارة الاعمال أفضل بكثير من الأدارة ،،،

لان أدارة الاعمال تخصص دقيق وجديد في سوق العمل ،،،

بعكس تخصص الادارة يعتبر تخصص عام و متاح للجميع ولا يرغب له كثيرا في التوظيف.

[الباراتون]

هذا شي غريب و خصوصاً الذي نعرفه أن بداية الدراسة كان الواضح
كلية العلوم الإدارية و التخطيط
تخصص إدارة الأعمال و لم يوضح تخصص المسار صراحةً
ألآن ليش التخصص : إدارة ؟!!!!!
بدون إضافة أو توضيح
لأنه من مسارات إدارة الأعمال هي :
إدارة الأعمال الدولية
إدارة العمليات و الجودة
إدارة الموارد البشرية

[lio45]

اتوقع خطا مطبعي
لان مافي تخصص في العالم اسمه "ادارة"
لاتستعجلون بيعدلونها قريب باذن الله

[روان انتساب]

صدق غريبة وهل هو في مصلحتنا او العكس

وبالفعل مافي تخصص ادارة فقط ...!!!!!

[noufa_london]

مافي تخصص اسمه اداره لحاله :d

[KFU STUDENT]

اللي اعرفه يا اداره عامه اوادارة اعمال

ان شاءالله انه غلطه

[دلـــو]

مغيرينها بكل شي التعريف وافاده بانهاء وبالسجل الاكاديمي

السجل الاكاديمي اول ترم بس حاطين لي ادارة اعمال والباقي كله اداره

ان شالله انها غلطه مطبعيه

ياخوفي ان الدفعه اللي قبل ماستلمت الوثائق عشان اسم التخصص !!!!

[jar7y]

ليه تغير في هذا الوقت بالتحديد !!!!!

وعلى أي أساس تغير من غير مايكون عندنا خبر مسبق!!!

دخلنا الجامعه بتخصص إدارة أعمال نتخرج منها بتخصص إدارة !!!

[جنونـ الوقتـ]

للأسف كلنا تخصص ادارة فقط :017:


http://del.kfu.edu.sa/entisab_app/identification/ver_ar.asp

http://del.kfu.edu.sa/entisab_app/courses_exam_date/id_entsab.asp

[NOW OR NEVER]

التعريف بالانجليزي ادارة اعمال

وسعوا صدوركم

[alali]

مساء الخير
إدارة اعمال افضل من تخصص إدارة

اذا استمر الموضوع كذا وما صار عليه تعديل ضروري نتقدم بطلب جماعي بإعادة مسمى التخصص المسجل عليه مسبقاً

[وردة الحجاز]

غريب ...

انا طبعت قبل الاختبار بيوم ومكتوب تخصص ادارة اعمال ..
ورحت اشوف ثاني لقيته اداره ..

يمكن خطأ منهم ..
نستفسر ونتاكد منهم افضل ..

[carlo]

والله غريبه

[غدوو}]

الغريب أكثر إنهم نزلوا وصف للمقررات في صفحة الخطط الدراسية و كاتبين القسم إدارة فقط

هذه صفحة الخطط الدراسية (http://www.kfu.edu.sa/ar/Deans/e-learning/Pages/services-2.aspx)


و هذا رابط وصف المقررات (http://www.kfu.edu.sa/ar/Deans/E-Learning/Documents/الخطط-الدراسية/management/وصف%20المقرر.pdf)

و طبعا الخطة للحين الحمدلله و الشكر

[وهـج مطير]

الحركات هاذي مايخلونها لآخر يوم لنا :)

لاتسعجلون ي جماعه وخلونا ننطر نفس الاخطاء اللي صارت قبل

وانا اشوف يمكن عشان ماعندنا تطبيق ميداني عشان جذي حطوا بس اداره

بس ننطر وان شالله خير

[صَمْتّ مُؤْلِمْ]

ننتظر ونشوف



بس من عنده خبر بخصوص الموضوع يعلمنا

[zahra's]

انا أقول ماننتظر .. أحد يرسل للفريدان في تويتر حتى يجي الرد سريع ويلفت نظره

مش معقول ندخل ندرس إدارة أعمال ونتخرج إدارة فقط !!!

[zahra's]

السالفة شكلها مو غلطة لأن في مكان وكل الانظمة مكتوب إدارة فقط :007:

[كنت نايم]

الدوغان لمح في احد المحاضرات بأن الجامعة تعمل على وضع مسارات دقيقة من ضمنها " إدارة موارد بشرية"
احتمال يصير فيه خيارات لبعض الدفعات تحدد المسمى اللي تبي مع تغير بسيط في المقررات

بكالوريوس إدارة اعمال
بكالوريوس إدارة موارد بشرية
بكالوريوس إدارة تسويق
بكالوريوس إدارة عمليات
بكالوريوس إدارة مالية
بكالوريوس إدارة ........

مجرد استنتاج مبني على تلميحات الدوغان في محاضرات الموارد البشرية.

[الباراتون]

شي محبط إذا صارت الشهادة من : إدارة الأعمال إلى : إدارة عامة
تخصص غير مرغوب لأنه حشو عام
و اسم التخصصات المطلوبة :
إدارة الأعمال
إدارة الأعمال الدولية
إدارة العمليات و الجودة
إدارة الموارد البشرية

و الغير مرغوب :
إدارة عامة
نظم المعلومات الإدارية
علوم إدارية

[carlo]

الله يعين

[carlo]

شباب احد كلم الفريدان على التويتر او لا

[zahra's]

رسلت له على تويتر

يعني لما نتخرج يفتحوا تخصصات

طيب يخلونا على إدارة أعمال ..
المفترض ماحد يسكت على السالفة

كان ودي موارد بشرية بس مافيه تخصصات

[الباراتون]

إدارة أعمال ok
بس التغيير إلى : إدارة عامة
بعد إنهاء عدد الساعات المعتمدة
هذا شي خطير
و إحباط

[شــامخة الآفـق]

سلامااااااات
ليه ننتظر ونسكت !!!
الكل يرسل للفريدان ع تويتر يستفسر منه
ماهو ع كيفهم حنا ندفع كل ترم لهم ع اساس نتخرج بتخصص ادارة اعمال
وش فايدة الخساير الي تخسرناها واخرتها ادارة بس
كان قالوا من البدايه ان هذة اخرتها عشان نشوف لنا جامعه غيرها تناسب رغباتنا
والله مااستبعد عنهم مثل هالتصرفات
اتمنى من الكل يرسل للفريدان ويستفسر عن الموضوع والله مايصير نسكت السكوت ماهو من صالحنا ابد
ويد وحدة ماتصفق

[رمضان]

عطونا حسابه في تويتر وش هو

[شــامخة الآفـق]

هذا حسابه
alfraidan@

[رمضان]

هذا حسابه
alfraidan@

مشكوره

[شاب مجتهد]

الكلام طبعاً غير مقبول ولا يمكن السكوت عنه حتى لو اطرينا نرفع شكوه على الجامعة الموضوع مؤ لعبه

[أداري عن بعد]

اللي أعرفه أنه تم تغيير مسمى كلية العلوم الأدارية إلى كلية أدارة الأعمال طبعا في أغلب الجامعات
هل الأدارة تخصص لوحدة يندرج تحت هذة الكلية؟
مثل المحاسبة والتسويق و النظم ؟
هذا اللي نحتاج له توضيح...

[ناوي الماستر]

الان السؤال الأهم /

المجموعة اللي تخرجت في الصيفي ،،،

ممكن يفيدونا لو أستلموا وثيقة التخرج وايش التخصص اللي كتب لهم ؟؟

[عيون ALmaha]

آهم شي لا يتغير الى لغة عربية 😭

[نُـوْوتْ]

ناقصنا بس يتغير التخصص .. إذا صحيح لازم نسوي اعتراض من كافة الأقسام ومانسكت عن الموضوع

ونسوي أكبر تجمع ويااحنا ياهم ..

[a_radwan]

يا جماعة ترى التخصص بالإنجليزي زي ماهو ما تغير
يمكن في تغير لصالح الشهادة
http://im31.gulfup.com/k5s7n.png (http://www.gulfup.com/?aGfHJ4)

[tµ£!p]

بصراحه هالوضع يحير .. وماينسكت عليه

وياليت لو في احد من الطلاب يروح للجامعه يكلم الفريدان وجه لوجه هذا افضل حل ..

[jar7y]

شوفوا شنو كاتب الفريدان في رده على الاخ اللي سأله عن التخصص

[الباراتون]

من خلال متابعتي لبعض تخصصات إدارة الأعمال
في جامعة الملك فيصل و جامعة الملك سعود و الجامعات الأخرى
يتضح هناك فرق واضح بين تخصص : الإدارة و الإدارة العامة
يعني من ضمن الأقسام و التخصصات الفرعية لـ : كلية إدارة الأعمال :
المحاسبة
الاقتصاد
الإدارة العامة
نظم المعلومات الإدارية
التسويق
المالية
الإدارة
التحليل الكمي
الإدارة الصحية
إدارة الموارد البشرية
إدارة العمليات و التوريد
الإدارة الدولية

[وهـج مطير]

من الواضح عندي الى الآن بالسجل الاكاديمي
مكتوب كليه اداره الأعمال
تخصص إداره

والدكتور عبدالله الفريدان كان رده
كمانزلته الاخت جرحي
كليه اداره الاعمال
تخصص اداره

كما هو بالمرفق

[zahra's]

أنا ما أدخل تويتر بس من هالسالفة دخلت وكتبت للفريدان
وشفت رده على وحدة أن أول وثيقة ماطبعت حتى الأن فإحتمال حتى خريجين الصيفي -أن وجد-لسه ما أستلموا الوثيقة
والرد الأخر أن إحنا بكالريوس إدارة أعمال تخصص إدارة
ولا أدري ليش كان في السابق مكتوب تخصص إدارة أعمال وعندي مطبوعات تثبت هالشيء من الخدمة الطلابية
فهل يعني إنه كان غلط وتم تعديله !!! ومافي تخصص بهذا الأسم وفقط أن كليتنا هي إدارة أعمال وإلا شلون؟

[دلـــو]

شمعنى كلامه يعني !!

من يوم ماسجلنا والتعريف والسجل مكتوب كلية ادارة اعمال تخصص ادارة اعمال

ليه توهم يغيرونه ويخلونه اداره

[روان انتساب]

والله شي يرفع الضغط ندرس 4 سنوات تخصص ادارة اعمال

والحين يغيرون التخصص بكيفهم شي ماينسكت عليه صراحة !!!!!!

[صَمْتّ مُؤْلِمْ]

أحب أضيف رد وأتمنى من الجميع ملاحظة ذلك



أنا لم أروج الى إي إشاعة قط


كل مافي الأمر وضعت صورتين للمقارنة وأخر موضوعي كان بشكل آستفسار


وحتى من خارج الموضوع لو لاحظتم مكتوب أستفسار



كانت ملاحظة مني فقط بشكل استفسار


وليست إشاعة وما الى ذلك من كتابات البعض وهم يستفسروا لدكتور الفريدان بتويتر



فلا مصلحة لي من ذلك ولا سبب يدفعني أيضاً

[صَمْتّ مُؤْلِمْ]

يرجى إغلاق الموضوع



انتهى ........

[H N O O]

الله يعين

[sword]

للاسف هي ما تغيرت الا من اقل من سبوعين لاني طابع تعريف بالجدول قبل الاختبارات وكان مكتوب فيه

كليه ادارة الاعمال تخصص ادارة الاعمال

[عبر الاثير]

بالله وش الفرق بين ادارة وادارة اعمال
يعني بالادارة تنقبل في شركة مثلا
وادارة الاعمال ماتنقبل ؟

انا اشتغل في مجال الموارد البشرية وكلها نفس الشيء
دام التخصص والجامعة معترف فيها ليه الخوف ؟!

[lio45]

انا بقول شهاده بحاسب فيها امام الله
الدكتور الفريدان اتذكر قريت له تعليق من سنتين تقريبا ذكر فيه ان المسار للتخصص هو ادارة عامه والله على مااقول شهيد
وهو الان في تويتر يقول بكالوريوس ادارة اعمال تخصص ادارة
هذا نصا ماشهدت من الكلام
وان كنت اعتقد ان ادارة عامه اهون من ادارة كذا مبهمه
وطبعا اتمنى واطمع ان يكون المسار ادارة اعمال علشان ماحد يفهم كلامي خطا
لاكن هذي شهادتي بالموضوع ومتاكد منها
والله يسر الامور للجميع

[ابوكريع]

والله ظلم تخصصنا كان إداره اعمال لماذا غيروه اداره

[Mruqai]

بالله وش الفرق بين ادارة وادارة اعمال
يعني بالادارة تنقبل في شركة مثلا
وادارة الاعمال ماتنقبل ؟

انا اشتغل في مجال الموارد البشرية وكلها نفس الشيء
دام التخصص والجامعة معترف فيها ليه الخوف ؟!

عين العقل
هذا الكلام العاقل
شكرا