بعد اذنكم انطباعاتكم عن المواد نستفيد من تجربتكم وارائكم

[khuraisi]

نحن مستوى ثالث نريد تسجيل المواد لمستوى رابع ان شاء الله ونريد انطباعكم ونصائحكم وارائكم لنا عن هذا المستوى وماهي المواد اللي تريد مجهود اكثر وماهي المواد التي تحتاج جهد منذ البدايه
راجيا لكم بالتوفيق وفالكم a+

[abufawaz]

ياهلا فيك

بالنسبة لي ارى ان القواعد و المنظومة النحوية و مدخل الي اللغويات اصعب مادتين ومعلوماتها كثير جدا وتحتاج الي مذاكرة من بداية المستوى
وبالنسبة لباقي المواد متوسطة الصعوبة .

تحياتي :106:

[khuraisi]

الله يسعدك ويوفقك يأخ فواز اعتز برائيك والظاهر باقي الشباب مشغولين بالاختبارات وانا حبيت استعجل بالموضوع قبل ينسون المواد ههههههههه

[foto111]

اهنيك موضوعك هو سؤال يدور في بالنا الحين وفي محله واتمنى مستوى رابع يتفاعلون معه ويفيدونا

[دمعة شرـآري]

أن بصراحه أشوف المادة الغثيثة هي القواعد و المنظومة النحوية
والباقي سهل

[شاكر عبدالله]

اغلب المواد حلوة

لكن القواعد و اللغويات يبغى لها جهد و إهتمام أكثر

[شدو الربيع]

التزم بالخطه نصيحه انا ماشيه عليها ومرتاحه والمواد مع المذاكره لها قبل الاختبارات بشهر وشوي

تضمن الامتياز جدا واترك عنك التأجيل وحوسة جدولك طبعا هذي وجهة نظري

[khuraisi]

بيض الله وجيهكم جميعا نقدر لكم مروركم ولطف ردودكم ومحاولة مساعدتنا

[اطراقة فكر]

الخطة جيده ولكن اعتقد أن مادة اللغويات و المنظومة تحتاج الى جهد كبير
الأفضل إذا كنت مرتبط بالوظيفة أن تختار احدهما
والافضل اللغويات لن الدكتور رائع في الشرح ومتعاون في الاسئلة

[H.S.B]

كلهم حلويين ماعدا المنظومه الزبده اهم حاجه تابعو اللغويات والادب عقر النهضه عشان فيهم معلومات ثقيله نوعا ما بس انهم ممتعيين طبعا انا من النوع اللي يذاكر وقت الاختبارات مو اول باول لذا اللي بيتابع اول باول راح يرتاح واللي بيعمل مثلي هايتعب

التقييم بالنسبه للمذاكره بوقت الاختبارات

اللغويات يحتاج يومين لحفظ المنهج من غير تلاعب يعني حمله الرجل الواحد
عصر النهضه كمان يومين
النثر يوم واحد كافي
الانشاء كمان يوم واحد ويكفي
الاستماع انتو جربتوه نفس الفكره بس غير المواضيع يعني انتو عارفينها ماتحتاج لوصف
المنظومه من اغث المواد اللي مرت علي والاسباب فيها تعقيد بالقواعد هذه ماده فهميه بحته تحتاج لمتابعه مع دكتور الماده عشان تلموا بالمعلومات - انا عن نفسي ذاكرتها قبل بليله واتعبتني ولكن الحمدالله عديتها ب c+

طبعا انا اتكلم عن المواد بتجربتي وقد كل شخص له مفهومه الخاص بتقييم المواد ِ اتمنى اني افدتكم ولو بالقليل

[H.S.B]

شباااب وبنات لاتخطروا مواد خلوووكم ع الخطه سيبوكم من الهرج وامشو ع الخطه

[المستقبل المشرق]

نصحيتي لمستوى ثالث لا تأجلون مواد التخصص لترم القادم لان صحيح صعبه بس في اصعب منها الاترام الجايه. اخلصو من مواد التخصص ترم بترم نصيحه لوجهه الله.

بالنسبه لمواد رابع في ثلاث حلوين وثلا صعبين. نبدى بالصعبين اللي هم ادب عصر النهضه واللغويات والمنظومه. ادب عصر النهضه غثيث وقت الدراسه لكن اسئله الاستاذ مافيها لف ودوران وواضحه ورؤووس اقلام ابد مايتعمق بالمنهج. اللغويات صراحه اصعب ماده وانا اللي ساعدني بكل امانه ان الاستاذ ماغير كثير بصغيه اسئله العام. المنظومه هي اسوء ماده عندي هالترم ومع كذا إن شاء الله مابنزل عن b. اما الثلاث الحلويين اللي بإذن الله راح يرفعون معدلكم هم الانشاء والتعبير 2 - تحدث واستماع - نثر انجليزي.

وبس سلامتكم.

[KBJ911]

كم ساعه اقدر اسجل في رابع؟؟؟؟


يعطيكم العافية

[KBJ911]

up up

someone replay me ?????

[Amy!]

المواد اللي أحس إنها تحتاج جهد

القواعد والمنظومة النحوية
اللغويات
قواعد البيانات

وبدرجة أقل أدب عصر النهضة

(طبعا بغض النظر عن سهولة الإمتحان أو صعوبته)



بالتوفيق للجميع...

[Amy!]

كم ساعه اقدر اسجل في رابع؟؟؟؟


يعطيكم العافية


نفس المستوى الثالث (نسيت كم بالضبط)

[KBJ911]

ثالث 18


بعضهم كاتبين رابع 20 !!!!!!!!!



من يبشرني عساه يبشششر بالنجاح

[Amy!]

ثالث 18


بعضهم كاتبين رابع 20 !!!!!!!!!



من يبشرني عساه يبشششر بالنجاح


لا مو 20.. هذي اتوقع للمستوى السابع والثامن

[مزاجكـ]

القواعد و المنظومة النحوية و مدخل الي اللغويات و الادب الانجليزي عصر النهضه

[احمد الدمام]

انا اشوف كلها سهله ماعدا المنظومة النحوية

ترررفع الضغط

والانشاء والتعبير فيها صعوبة شوي

[احمد الدمام]

اللي يكمل 88 ساعه يحق له يسجل 22 ساعة

باذن الله اكملها بعد الصيفي

[majdini]

في الخطة التدريبية
مقرر الرابع 20 ساعه !!
لازم نحذف
بس اي وحدة اللي مفروض نحذف؟

[Hajrlens]

ثالث 18
أنا سجلت 20 في الثالث ما ضافوا لي إلا 18
صحيح أن الخطة 20
بس ما يعتمدون إلا 18
20 هذي في المستوايات العليا .

[loloback]

8
طيب ايش المواد الي سجلتوها
لازم في ماده من الخطه الغوها ؟؟
لان مسجله 20 ساعه بالخطه

[شعنونة]

هذي ارائي بالنسبه للمواد:
هي معرفة ماذا يريد الدكتور
ابدا :
مادة النثر الانجليزي :
تعتمد على القراءة والترجمه للقطع حفظ المصطلحات والتعاريف وجاب لنا نفس اختبار الترم مع اختلافات كثيره بس نفس طريقة الاسئلة

مادة الادب الانجليزي نصيحه لاتتابع الدكتور لانه كل كلامه انجليزي وكلمات صعبه \
تروك نزل محتوى كافي جدا جدا
ويوجد ملزمة مترجمة ترجمه احترافيه
وايضا اسئلة عن المحتوى كافيه جدا اقروا الاسئلة وترجموها ثم ادخلوا على المحاضره عشان تتشجعون
المحاضرات 11-12-13-14 كافي الجدول جدا جدا جدا

مادة المنظومة:
رائعة قرامرز والدكتور كثر تمارين تدربوا عالتمارين وماخرج من المحتوى نهائي

مادة اللغويات رائعة جدا
مع ملزمة خوخ وزهر وشرح ترانيم رائع جدا
ومذاكرة اسئلة الترم السابق والواجب والمراجعة

وركز عالمحاضرات الاولى جدا جدا

مادة انشاء وتعبير :
سهله جدا كلمات ومعناها اغلب الاختبار ومذاكرة القطع من بدري

مادة استماع وتحدث :
ايضا رائعة ومافي زي دكتور الن الله يهديه للاسلام

نصيحة اقروا انجليزي كثير ولاتضيعوا الوقت لان الترم هذا تخصص وانا ندمت اني ماقويت لغتي الانجليزيه فوجئت بكم هائل من الكلمات

[Hana-ALahmadi]

سبحان الله وبحمده سبحان الله العظيم ..

الحمدلله حمدا كثير اخذت من مستوى رابع مادتين ( حاضر العالم الاسلامي - ومدخل الى اللغويات ) وان شاء الله معديتها وبجداره ..

طبعا مراح اتلقف واخذ من المستويات الثانيه :no:
راح اعتمد الخطه الدراسيه
ويكون معاي دولا الحلوين :53:


Listeningspeaking ستماع وتحدث
Non-fictional Prose النثر الإنجليزي
Composition2 إنشاء وتعبير
Grammatical Rules and systems القواعد والمنظومة النحوية
En. Literature of the Renaissance الأدب الإنجليزي: عصر النهضة
وقواعد البيانات


في ماده من مستوى ثاني ما اخذتها افكر اخذها او اسيبها للمستويات التانيه :019:

:106:
شكرا لصاحب- الموضوع
وجزاكم الله خير على الاجابات :icon1:


اللهم اغفر وارحم لمن اشتاقت عيني لرؤيتها
اللهم ارحم واغفر لاموات المسلمين

[صباالظهران]

الحمدالله اني ماتسرعت واخذت مادة مدخل الى اللغوبات
اناماشية عالخطة تمام وسحبت مادة من مستوى رابع حاضر العالم الاسلامي صارعندي 18 ساعة
مستوى خامس فيه 20 ساعه ان شاءالله ربي يسهلها واخذ صيفي وسلامتكم
متحمسة وخاااااااايفه من زخم الكلمات we have to work harder

[مفاآهيم الخجل]

انا الحمدالله خلصت اللغويات وناجحه باذن الله واكون ماخذه المواد كلها للترم الثاني واكون ماشيه ع الخططه تممام وادرس ماده من خامس صيفي ويكون ماعندي اي شي زاايد الحممدالله

[مفاآهيم الخجل]

اخذت لغويات بحكم اللي سممعته انه اللغويات والمنظمة النحويه صععبه جدا مع بعض خاصة بالاختبار ع ماعتقد تكون وورى ببعض ففضلت التخفيف


الله يييسر لنا ويكون لنا نصيب من توفيق خالق الكون

[ريم العمادي]

أنا بمستوى ثالث ورايحه رابع
بعد كلامكم أقول الحمدلله إني خذيت اللغويات
بثالث وافتكيت منها

اللي ناوي ياخذ اللغويات الترم الجاي
أقوله ترى هالماده محتاجة مذاكرة أول بأول
وأهم شي بهالمادة إنكم تلخصون التعاريف كلها بملزمة وحدة
وهذا يساعد كثير وبجانب كل تعريف اكتبوا مثال عشان
يسهل عليكم إنكم تتذكرون
ودكتور المادة جداً متعاون، يعني إذا عندك أي سؤال
ارسله إيميل وراح يجاوبك على طول

الله يسهل علينا الترم الجاي يا رب

[ابونايف//]

السلام عليكم
اسعد الله مساءكم جميعا
نبي اراءكم وهل كان اعتمادكم على الملخصات وياليت تنزلونها لنا نستفيد منها

[roqa]

http://www.ckfu.org/vb/t542301.html

[TAG~alghla]

المقررات كلهاا كلها يبي لها اجتهاد
بس صراحه كل الاختبارات كانت حلوه واحلى للي مذاكر صح
بس المذاكره كانت جدا متعبه
وصراحه كسبنا كميه كبيره من المعلومات باللغه
يعني الادب الانجليزي كانت جدا دسمه وصعبه بس الاسئله كانت سهله ومطابقه لاسئلة العام
وانصحكم انكم تدرسوا ملخص تركي وبس ترى ماطلع منه والفرق بين ملخص تركي ومس هيفاء انه ملخص تركي مختصر وعدد صفحاته نص ملخص مس هيفاء
ثاني مقرر
قواعد البيانات اصعب اختبار بالنسبه لي لايغركم انه عربي يبيله تركيز والدكتور كان دقيق باسئلته بشكل فضيع صدمني جد
ثالث مقرر انشاء وتعبير 2
كان جدا سهل
جاب قطعه عن التواصل بين المراه والرجل وقطعه عن التاتو نصيحتي بهالماده احفظوا اول 3 برقرافات بس لكل قطعه وحط فراغات فيهم وكان يقول اكمل وجاب 8 فوكاب والباقي كله عن القطع
جدا سهل للي ركز على القطع
.....
رابع مقرر الاستماع والتحدث جاب لي قطعة العادات جدا سهل بس نصيحه لاحطيتم اجابه لاتغيرونها ابد لاني غيرت اجابتين الله المستعان
......
خامس مقرر النثر
كان الاختبار يجنن يجنن يجنن
جاب نفس العام وسهله سفكس برفكس و3 قطع
.......
سادس مقرر المنظومه النحويه
اغث مقرر سهل بسس دشش مو طبيعي
الاختبار كان لذيذ نوعا ما وحبيته
بس يبي له تركيز
.......
سابع مقرر كان مدخل اللغوبات
مرررررره صعب بدراسته جدا معلومات كثيره بس نصيحتي الفقرات اللي يركز عليها الدكتور بالمباشره ركزوا عليها لانه جاب نفس اللي تكلم عنه
جاب نفس اسئلة المستوى اللي طاف وقلب السؤال مكان الجواب
وكان فيه 3 اسئله بالنسبه لي كان لهم اكثر من اجابه صح
.......
الله يوفقكم

[ملاك ذوقي]

يا اعضاء يا حلوين ايش الكتب الي نحتاج اننا نشتريها

وايش الي نقدر نستغني عنها بالمحلخصات

[وحيدالجزيرة]

اصعب مواد المستوى الرابع الادب الانجليزي عصر النهضه ومدخل للغويات

[Lamar2]

الكتب كانت مهمه بهدا المستوى عكس اللي قبلو كنت أشتريها وأركنها
دي المره ماأشتريتها واتورطت

أنا أخدت بس 5 مواد عشان أبغا أرفع المعدل كان أصعبها ((اللغـويـــات )) يبغالها متابعة المحاضرات وأول بأول
ودكتورها (( غسان)) يحب يختبر الطالب بأسئلتو يعني مايبسطها وتجاوب بسهوله !
جبلنا أسئلة العام بس برضو بلف ودوران , المهم إنها تحتاج تركيز و وقت جداً !

((الأدب)) لـ د . (( فوزي)) ماتحتاج المحاضره ولا الكتاب بس المحتوى ,
هو ملياااان كلمات جديده تحتاج ترجمه ف مره ياخد وقت لا تتركو لنهاية الترم أبداً
لو عالأقل تترجم كل محاضره اول بأول

((النثر)) لــ ((الفريدان)) حلوه الماده تحتاج الكتاب ومتابعة المحاضرات هيا مو مهمه لكنو يقول فيها معلومات مهمه يركز عليها بالإختبار ! ومحاضراتو خفيفه 20 دقيقه وكدا

((إنشاء وتعبير)) حلوه برضو وتحتاج الكتاب لــ ((للمحبوب)) وللأسف دكتورها غير جيد
بس اللي قلنا ركزو عليه هوا اللي جابو باإختبار + إختبارو ماكان شامل

((إستماع وتحدث)) دكتور ((ألن)) رهيب ومادتو حلوه وشرحو ممتازوإختبارو كمان
بس نصيييحه إسمع كل محاضره له اول بأول عشان آخر الترم تكونو تستوعبو النطق !
لأنو الماده وإختبارها يعتمد عالإستماع وفهم النطق
بالإختبار قطعة الإستماع كان سريع فيها نوعا ما ويدغم الكلام بحكم تطور المستوى
وسماع كل محاضرات الدكاتره عموما حتفيدك من ناحية إستيعاب النطق


وإنتو داخلين عشان تطورو لغتكم مو بس درجة نجاح ف أدرسو وحاولو تحضرو وتلحقو مع الدكاتره
وتحلو مناقشات بنفسكم عشان تكونو جيدين وتطورو فعليا
ولا جا الإختبار دورو المحذوف والتلخيصات بس لا يكون همك هو الدرجه وتلقى نفسك تخرجت بدون حصيله

وهده نصيحه مني انا المهمله "لظروفي الخاصه" لأني متمنيه أكون أفضل ومتفرغه أكتر
أتمنالكم التوفيق

[ثلجة حمرا]

أنا مستوى ثالث بس أخذت من مستوى رابع 3 مواد
أول مادة أخذت حاضر العالم الإسلامي >> حلوة و لكن معلوماتها كثيرة و دسمة شويا بس الاختبار كان يجنن الحمدلله نفس الاسئلةرالسابقة بالضبططط
ثاني مادة قواعد البيانات هذا المادة تعتمد على الفهم أكثررر شي في أشياء مارح تفهموها إلا مع متابعة الدكتور و هو شرحه رائع للإمانة و يخليك تفهم غصبن عنك بس أنا ما تابعت كل المحاضرات بصراحة تابعت المحاضرة اللي فيها تحويل البينات لمخطط و المخطط لجدوال و كمان كم محاضرة اخيرة اللي يشرح فيها برنامج الاكسل >> الزبدة أي شي ما تفهمهوه بالمحاضرة افتحو على شرح الدكتور و هتفهمو كل شي و كمان كان في شرح رااااائع للعضوة حواء المدينة و هيا جمعت شروحاتها بملف بصراحة جددددداً فادني الحمدلله .. بس اسئلة الدكتور كانت وسط مثلا جاب أشياء غير متوقعة زي الايقونات و يطلب ايش عملها ):
المادة الثالثة مدخل اللغويات >> بصراحة كنت شايلة همها كثيييير بس الحمدلله ياربي اكتشفت انها مادة ممتعة و الدكتور متعاون جددددداً الله يسعده و اسئلته سهلة و مكررة و ان غير شويا بالإسلوب و كان فيه بعض الاخطاء بأسئلته بس ان شاءالله خير
و نصيحة اخيرة يفضل المذاكرة من بدري على الأقل قبل الامتحانات بشهر و ربي يسهل للجميع ..

[جوليانا القصيم]

بالنسبه لي
اصعب المواد بالمذاكره ... ببداء من الاصعب الا الاسهل

اللغويات: الماده جديده علينا وكلمات ومطلحاته عميقه شوي يبيله مذاكر من بدري عشان يفكك الواحد الماده والتعاريف كثيره لازم تركيز عليها وحفظها .. لاجاء وقت الاختبار الا بس ماعليك الاتعيد اللي مذاكره

والادب نفس الشي كلمات جديده والملزمه مره دسمه وفيه ملزمه ترجمه احترافيه مره فادتني الصراحه وملخص trook8 بعد ماتذكرون الملزمه كامله ترجعون لها للاختبار يعطيك المختصر المفيد ... و الحمد لله الدكتور ماتعمق باسئلته جاب المهم بس ..


القواعد والمنظومه النحويه مره متعمقين بالقواعد ... و طبعا معروف القواعد حفظ القاعده مع مثاله .. لازم تركيز ومذاكره صح .. لان الاسئله دقيقه


اما الباقي سهل ان شاء الله

النثر القطع طبعا تذاكر قبل عشان لاجاء وقت الاختبار تصيرين فهمتها تمرين عليه مرور وتراجعين الاسئله والكلمات ومعانيها تحفظ لانه كثير فيه كلمات جديده ...والسفيكس والبرفيكس ركزوا عليهن يجيب بالاختبار كثير منها ...

الانشاء والتعبير 2

القطع تذاكر من بدري يفهم المعنى وتفهم القطعه واذا تحفظينه احسن لانه يجيب بالاختبار فراغات بالقطعه ويبي تكمله الجمله وتكون بعضها حرف in , on ,of ... وركز على القطع فقط والكلمات بالاختبار

الاستماع والتحدث : متابعة المحاضرات مع الدكتور وحل الاسئله معه .. بكذا تركز الماده بذهنك وتسهل عليك مع التركيز على القطع اللي باخر الكتاب ست قطع يجيب منها بالاختبار


وحاضر العالم الاسلامي مره سهله طبعا تعتمد على الحفظ .. والدكتور ماقصر جاب كثير من الاسئله اللي قبل


ولازم المذاكره قبل بوقت عشان لاجاء الاختبار يصير كل شي سهل عليك باذن الله


وبس الله يوفقنا واياكم يارب ..:icon19:

[S0ma]

Thanks a lot a lot

[roqa]

بالمناسبة ما شريت ولا كتاب هالتيرم ولا اللي قبله ...

الأدب =مس هيفا
قواعد البيانات =المعتقل
الانشاء والتعبير =Hot choclate
لغويات =خوخ وزهرة
استماع وتحدث =المعتقل أبو 7 ورقات واستماع بعض القطع المسجلة بصوته ..
المنظومة النحوية = المعتقل ..لكن أتعبني لأنه غير مترجم وكثيير كلمات صعبة وطويلة أخذت مني وقت بترجمتها ..بس بشكل عام حبيته وعجبني ...

[Sitah.Alotaibi]

طيب ايش النصيحه لنا اهل مستوى رابع الجديد ......... الكتب ضروريه او لا

المذاكرة متى نذاكر قبل الاختبار بكم ؟

[roqa]

ذاكر قبل الاختبار بشهر اقل شي ..

رتب جدول معين امشي عليه وختم المواد ...

[S0ma]

اب بمناسبة تسجيل المواد

[ممموني]

الله يجزاكم خير جميعععععععععا