الله ييسر ويوفقك اللي بترد (المتخصصات)

[mosh88]

السلام عليكم ورحمةالله وبركاته

بنات انا تحضيري وعندي كم سؤال اتمنى تطمنوني وتجاوبوني من جد اعيش بقلق نفسي واغلب بنات التحضيري زيي

بالبدايه انا قد قريت ان اللي معدلها 2 ونص تدخل اجباري فيزيا هل هذا صحيح ؟؟

كم المعدلات المطلوبه للاقسام حتى لو كانت قديمه وتتغير كل دفعه اللي تعرف بليز لا تبخل بالجواب

اللي اغلب درجاتها تتراوح بين d وC كم المتوقع يكون معدلها :(



يارب يارب يارب ييسر ويوفق ويفتح على اللي ترد فتوح العارفين

[رفيف الروح]

وعليكم السلام

هلا اختي اولا احنا حاليا فترة امتحانات فشيلي من راسك التفكير والقلق وركزي في المذاكره عشان تجيبي معدل عالي

ثانيا بالنسبه للمعدلات اللي معدلها 2 ماتتخصص اللي معدلها فوق اثنين ع حسب معدلات اللي معها وعلى حسب رغباتها بس مافي سالفة اجباري للفيزياء لان ع دفعتي اذكر الكيممياء كانت اعلى شيء اظن واخذت من فوق اثنين ونص بشوي اذا ما كنت ناسية هي تعتمد مثل ما قلتلك كم العدد اللي ياخذونه بالقسم والرغبات فلا تخافي ابدا واغلب البنات يدخلوا التخصص اللي يبونه

ثالثا بالنسبه للي معدلها بين c.d ما اعرف كم يكون معدلها بس في برنامج اسمه GPA تحطي تقديراتك المتوقعه لكل ماده وعدد ساعتها ويحسب لك المعدل


بالتوفيق حبيبتي وان شاء الله تدخلي التخصص اللي تتمنيه

[AMOOO-OON]

انا عن نفسي كانت كل درجاته دي وحامله المأث وكان معدلي 2.1 وتخصصت بالرغبة الأولى اللي هي أحياء
الكيم أعلى شيء ينطلب وبعده الأحياء الرياضيات والفيز اقل شيء يقصدون أن لو معدلة ٢ حاف دخلك فيزيا أو ماث بكل ثقه بس الأحيا والكيم يبكون اكثر زحمه عشان كذا فيه تنافس ......... بالتوفيق

[الانتظاار]

صح انا دخلـوني فيزيا وانا مابيه حسبي الله عليهم مدري ليه نرتب رغباتنا !!!
اذا اقل من 2 ماتتخصصين
طبعا الاحياء مطلـوب اكثر شي فمعدله من 3 وطالع اتـوقع وبعده يجي الكيميا
بس طبعا يعتمد ع حظك وعالـواسطة اذا كانت مـوجـودة تمشي الامـور :cool:
انظمة فاشلة وانا اختك والله يعيننا ويارب مايصير لك مثلي

[تيفاني]

الاحيااء والكيميااء يطلبوا معدلات عالية
بس هي على حسب معدلات دفعتك والرغبات اللي حاطينها
وانا كان معدلي 2:5 واتخصصت احياااء والحمد الله
والله يوفقك وتدخلي التخصص اللي تبغينه

[رفيف الروح]

[QUOTE=الانتظاار;10295366]صح انا دخلـوني فيزيا وانا مابيه حسبي الله عليهم مدري ليه نرتب رغباتنا !!!
اذا اقل من 2 ماتتخصصين
طبعا الاحياء مطلـوب اكثر شي فمعدله من 3 وطالع اتـوقع وبعده يجي الكيميا
بس طبعا يعتمد ع حظك وعالـواسطة اذا كانت مـوجـودة تمشي الامـور :cool:
انظمة فاشلة وانا اختك والله يعيننا ويارب مايصير لك مثلي


معليش اختي بس رد ع كلامك غالبا ماسمعنا ان الواسطه لها اي علاقة بالموضوع يعتمد ع العدد المطلوب بكل تخصص ونسبتك ورغباتك كل اللي اعرفهم دخلوا التخصص اللي يبونه الا اللي معدلهم مره نازل وتقريبا قليلين مره لكن مالها دخل لا واسطه ولا غيره

[رفيف الروح]

صح انا دخلـوني فيزيا وانا مابيه حسبي الله عليهم مدري ليه نرتب رغباتنا !!!
اذا اقل من 2 ماتتخصصين
طبعا الاحياء مطلـوب اكثر شي فمعدله من 3 وطالع اتـوقع وبعده يجي الكيميا
بس طبعا يعتمد ع حظك وعالـواسطة اذا كانت مـوجـودة تمشي الامـور :cool:
انظمة فاشلة وانا اختك والله يعيننا ويارب مايصير لك مثلي




معليش اختي بس رد ع كلامك غالبا ماسمعنا ان الواسطه لها اي علاقة بالموضوع يعتمد ع العدد المطلوب بكل تخصص ونسبتك ورغباتك كل اللي اعرفهم دخلوا التخصص اللي يبونه الا اللي معدلهم مره نازل وتقريبا قليلين مره لكن مالها دخل لا واسطه ولا غيره

[الانتظاار]

الواسطة فوق القانون ياحبيبتي والله انا شايفة الشي ذا بعيوني
يعني بلا ما نسوي اننا مثالين والمعدل النازل مرة شي عادي عندهم يعطونك 2 مثلا وانتي تستحقي اكثر
للعلم اني اتكلم باللي اشوفه وعن تجربة :)

[رفيف الروح]

الواسطة فوق القانون ياحبيبتي والله انا شايفة الشي ذا بعيوني
يعني بلا ما نسوي اننا مثالين والمعدل النازل مرة شي عادي عندهم يعطونك 2 مثلا وانتي تستحقي اكثر
للعلم اني اتكلم باللي اشوفه وعن تجربة :)


وجهة نظرك احترمها رغم اختلافي معها
لكن هناك فرق بين انهم يعطوونك معدل اقل مما تستحقي وبين انهم يدخلونك تخصص ما تبينه بسبب معدلك يعني اللي يحط الدرجات غير اللي يخصص
ولا أعني ان القوانين والتعامل مثالي بالعكس انا من ضمن اللي مو مقتنعين باشياء كثير وشايفه ان فيها ظلم

موفقه حبيبتي

[waadkhalid]

مافي شي اسمه يخصصونك غصب , انتي ترتبين تخصصاتك ويخصصونك ع اللي يناسب نسبتك
ولو مثلا ماتبين تتخصصين ماده لاتحطينها ضمن التخصصات وبس

[الانتظاار]

ولو مثلا ماتبين تتخصصين ماده لاتحطينها ضمن التخصصات وبس

هنا المشكلة ماقالوا لنا الشي ذا بعدين نتفاجا بالتخصص !!!
الله المستعان

[waadkhalid]

ايه والله مشكله واغلب البنات مو عارفين , وحتى لما تروحين تسالينهم مايبردون قلبك مره تحسين يصرفون , المفروض قبل لا يتخصصون يشرحون للبنات ويوعونهم ..

[وجدآآن]

بالنسبه للي يخصصونها تخصص هي ماتبغاه لان معدلها مايسمح تاخذ مواد عامه وتشد حيلها وتجيب فيها كلها aعشان ترم ثاني تقدر تحول وبالنسبه للحياء والكيمياء يتم قبول من 2.5

[الانتظاار]

وجدان انا ظروفي ماتسمح اتاخر اكثر واضيع ترم زيادة !
وعد
من جد قمممة التخلف لما سالتها ليه هذا التخصص انا حاطته الرغبة الاخيرة تقوليي ليها كاتبته اجل !!!!
مدري ايش كانت بتخسر لو نبهتني للشي ذا في الكلية ذي مانعرف الانظمة الا لما ندفع الثمن :o
بس انتبهوا يابنات لهالنقطة لا يصير لكم مثلي

مــوفقين

[waadkhalid]

ايه والله كثير اسالهم يقولون خلونا نرتب الرغبات كلها وسجلونا بتخصص حنا مانبيه .. اسلوبهم يقهر يبون يفتكون منك باي طريقه وتقولي حنا حطينا لكم مكان حق اربع رغبات مع انه ماظنتي تعبونها كلها وتتخصصون وتضحك , كان ودي اكفخها بس تعوذت من ابليس ..

[رفيف الروح]

طيب بس نفس الشيء اذا انتي تقولين ماعندي استعداد اضيع ترم زيادة
هي نفسها لو ماحطيتي الفيزياء من ضمن الخيارات معدلك مابيجيب شيء من الباقي ماراح يخصصونك اصلا وبتاخذي مواد عامه وتتخصصي الترم اللي بعده يعني نفسها الترم بيضيع

[الانتظاار]

رفيف اصلا هذا هم ما يتغيرون يخلونا ناخذ مواد عامة ساعتها قليلة وما يرتفع المعدل
بعدين يصير نازل مررة وطبعا تصحيحهم روووعة ما شاء الله بعدين يخصصونا تخصص مش راغبين فيه !!
وجد الحال صعب معاهم ! الله يعيننا

[رفيف الروح]

ايوه صادقه في هاذي عدد الساعات لما تكون قليلة ماترفع المعدل والتصحيح مو دايم عادل
الله يعين وييسر للجميع يارب واهم نصيحه للي ماتخصصوا استخيروا قبل عشان ربي يخارلكم اللي فيه خير لكم

وانتي ي الانتظار استخيري حبيبتي لو في خيره تكملي بقسمك او يتغير دامك مو مرتاحه فيه واللي تلقيه تيسر لك هو الخير ومين يدري يمكن يكون القسم اللي مو حابته خيره لك وتبدعي فيه لكل شيء حكمة من ربي نقول الحمد لله

[الانتظاار]

ايوة انا الحمد لله بكمل خلاص ممكن يكون خير لي ( وعسى ان تكرهوا شيئا وهو خير لكم )
دعواتكم لي بالتوفيق :)

[كتماآآن]

ابي اسالكم وش المواد العامه الاي ترفع المعدل اقدر اخذها مع الاحياء والرياضيات الترم الثاني مع العلم معدلي 1.810

[الانتظاار]

عندك العقيدة والكتابة والتعبير سجليهم مع دكاترة كويسين وان شاء الله تتخصصين مع بداية السنة ^__^