سؤال يحتاج له تفسير من الدكتور قبل الاجابه

[ابو تالاا]

السلام عليكم

كيفكم حبايبي

والله فيه سؤال امرضني من امس افكر فيه قلت امرضكم معايه :biggrin:

السؤال : تقسم الجروح الي ؟

الاجابه الصحيحه مغلقه ومفتوحه

الخيارات مغلقه - جافه - غير جافه - لاشي من ما ذكر

لو اخترنا مغلقه تكون الاجابه ناقصه خصوصا ان سؤاله ما قال فيه من انواع الجروح قال تقسم

ولو اخترنا لاشيء يجيك واحد يقول لا مغلقه لانها من اقسام الجروح

اغلب الاسئله يحتاج لها مفسر والا الدكتور يكتب قبل السؤال اقصد كذا وكذا :smile:

[Hano1990]

والله عني أنا حطيت مغلقه شئ بديهي تقسم الى وذكر وحده من الأقسام ف ناس تقول لي غلط لاشي مما ذكر والاهم عندي أني اللي قريته ف المحتوى وشفت جزئيه منه ف الجواب حتى لو كانت ناقصه أحطه لان هما أصلا ناقصين عقل ف وضعهم للأسئلة ماكانهم دكاترة صيغتهم زي وجهم م أقول إلا الله يجيب العواقب سليمه ونفتك منها بقدرة قادر بإذن الله

[ياسر الشاقي]

هههههههههههههههههه واضح لاشي من ماذكر

[ام علوولي]

انا حطيت مغلقه هههههه
ولو فكرنا فيها بالعقل الجرح لانجرح مستحيل ينغلق بيصر مفتوح والجواب لاشي مما ذكر
بس الدكتور الجديد الله يصلحه هو واسئلته ذي حقت السعف وفوق هذا الخنزير في المحاضره لايصاب بهذا المرض ولكن لا يمنع اصابتهم ههههه في الماده نوع من الحشيش

[scario]

انا حطيت مغلقة والسؤال كان واضح جدا خيار مغلقة جافة وغير جافة ولاشيء مما ذكر بطريقتة هذي ترك لك خيارين يامغلقة يا لاشيء مما ذكر ليش!! لان لو قلت جافة ماينفع لان في خيار عكسة غير جافة ههههههههه يعني يامغلقة يالاشيء وانا اخترت مغلقة ;)

[Hano1990]

في المحتوى مكتوب تنقسم جروح الى مفتوحة ومغلقة
بس هما م ادري كيف يصيغون أسالتهم
أشبه هالسؤال بسؤال المضادات الحيوية لا تعالج وخياراته توهق لكن الأهم ف محتوى مكتوب مضادات تعالج الميكروبات ولا تعالج الفيروسات
بصراحه ياليت كمان اختبار قدرات ينزلون جديد الدكاترة عشان يعرفون أن الله حق

[امنية طالبة]

وعليكم السلام ورحمةالله وبركاته
والله مدري بس انا حطيت المغلقة
وسوست اسئلة الصحه بنا
ماندري وش الصح وش الغلط

[قسآني تغليك]

..


اخترت مغلقه
مو ﻻزم يكتب كل الخيارات الصح
هو حط ﻻ شيء يبي يتوهنا ونحوس


انا احس انه مطر كاتب اﻻسئله
وﻻ الدكتور الجديد فيسه كان يجيب الراحه

[عبدالمجيدالحربي]

واعيباه عاد ومكتوب قدام اسمائهم الاستاذ الدكتور ��

[دفء الورد]

غردت فيها ع تويتر وجهتها للفريان

[kfustar]

اختبرت الصحه واللياقه عند مطر السنه اللي فاتت
وجلسنا نحل في اسئلته الى بعد ماطلعت النتايج :rolleyes:

المهم انه يستهبل يبغى يسوي نفسه دكتور معقد

[ابو تالاا]

غردت فيها ع تويتر وجهتها للفريان

الله يعطيك العافيه متى غردت وهل جاك رد


اذا رد عليك عطنا العلم الله يوفقك

[منصور العبدالله]

انا حطيتها مغلقه
لكن
اتوقع انها خطأ
لأنها نوعين ( مغلقة - مفتوحة )
وليست نوع واحد !!!!!
و هذا سؤال مخادع للأسف !!!:007:

[فوفو العلي]

ايوه وغردو بالسؤال الي إجاباته كلها صح خله يشوف وش وضع ها الدكتورين ،،،،، المشكله لو اخترنا بتكون غلط ولو تركناه بعد بتكون غلط يعني في كلا الحالتين راحت الدرجة:007:

[علي مسملي]

الاجابه الصحيحه مغلقه

[منآآر]

والله حتى انا مرضت من هالسؤال وامرضت اسرتي معي كل مادخل علي واحد اعيد السؤال له :o

[لوولو]

انا جاوبتها مغلقه
بس الحين انتبه انه قال جروح ماقال كسور
الاجابه والله اعلم لاشي مما ذكر
حسبي الله عليه ثاني سؤال اغلط فيه بسبب صيغته
كيف عاد الباقيه :017:

[ام جنى1]

للاسف ما ادري كيف مسوي الاسئلة
صعبة للغاية


اغلبها خارج مذكرة هتان

[العامري1]

ياناس هو قصد الجروح ماقصد الكسور الكسور اللي نوعين مفتوحه ومغلقه سؤالة ذا فيه حيله كبيرررره اقول حسبي الله وكفى

[leen-29]

لا شيء مما ذكر لانه ما جاب الجواب كامل !

[فهدانا]

مغلقه النزيف من الجروح المغلقه نزيف معده مثلا

[العامري1]

هههههههههههههههههههههههههههههههه الدكتور ذا المفروض مايدرس صحه يدرس مهارات عشان مخادع وحيال

[noon1990]

ناسية إجابتي

بس يمكن أخترت لاشئ مما ذكر

[Areejo]

..


اخترت مغلقه
مو ﻻزم يكتب كل الخيارات الصح
هو حط ﻻ شيء يبي يتوهنا ونحوس


انا احس انه مطر كاتب اﻻسئله
وﻻ الدكتور الجديد فيسه كان يجيب الراحه

لا مستحيل مطر أنا شايفه أسئلته الاعوام السابقه وش حليلها ،
لكن الجديد ذا من شفت شرحه وانا غاسله يدي ماغير يقرأ وش هالشرح !
اما المطر يشرح بذمه يفهم من قلب ، صراحه ماقصر بالشرح الله يجزاه الف خير :004:

و بعد بالمحاضرة المباشرة حمدان قالها بصريح العبارة بتطلع على قسم المطر عشان احط لكم الاسئلة ،
الله يسامحه بس مانبي ندعي عليه علشان مايجي احد يدعي علينا يوما ما ماندري وش يصير بالدنيا !


===


بالنسبة للسؤال كنت محتارة جدا لدرجة تأخرت بالقاعة بس رسيت بالنهاية على > المغلقة

[tahani.m.t]

حسبي الله على من درسنا هالماده ماخلوني اتهنى في نوم كله حلوووم جالسه احل الماده وبس امسح الاجابات واحل. عقدوني الله يعقدهم
وبنسبه لسؤال. انا اخترت مغلقه وبعد فكره. وشغلت مخي لان هو قال اقسام الجروح وهو جامع ماقالها مفرد. واختر لا شي. وبصراحه مادخل مخي. ان فيه جرح مغلق وبعمر الدنيا ماقد سمينا الضربه الغير مفتوحه جرح نسميه رضه. واديماً الجرح يكون مفتووووووح

[scario]

لقيت الحل اجابتي صح الحمدلله انواع الجروح نوعين ملقة ومفتوحةالمغلقةهي اللتي تسمح بتسرب الدم خارج الدورة الدموية ولكن داخل الجسم وقد تشاهد بشكل كدمات اوتجمع دموي تحت الجلدالمفتوحةوهي اللتي تسمح للدم بالتسرب من الجسم وهي انواع متعددة

[fattomi]

ايييه مغلقه


طيب جواب الحروق وش حطيتوا

[دفء الورد]

ايييه مغلقه


طيب جواب الحروق وش حطيتوا




احمرار والم في الجسم

[دفء الورد]

غردت فيها ع تويتر وجهتها للفريان




اوما الفريان


خطا مطبعي

الفريدان لا تضحك انت وياه


هههههههههههههههههههههههههههههههههههه

[Emoo-20]

شوفوا المحتوى اساسا فيه كمية حشيش
في درس الخنازير
مكتوب لا يعرف كيف ينتقل الفيروس
لكن ينتقل مثل الانفلونزا العاديه عن طريق السعال ووو
على اي اساس تقول لا يعرف وبعدها تقول ينتقل

ثانيا
هل فيروس انفلونزا الطيور ينتقل للبشر
مكتوب لا وبعدها ينتقل لكن بصعوبه
يعني المفروض يكتب نعم تنتقل لكن بصعوبه

مو يكتب لا وبعدها ايه

اذا الماده محششه فأكيد الاسئله بتطلع فيها اثار الحشيش

[الشاكيه لربها]

انا كنت متاكده انها مغلقه ومفتوحه وحطيت لاشي مما ذكر

[sosochan]

هذا مو سؤال الي اشوفه لغز ..

[wasam]

انواع الجروح/
الجروح المغلقة:تسمح بتسرب الدم خارج الدورة الدموية وتشاهد على شكل كدمات او تجمع دموي تحت الجلد اوبقع زرقاء.
الجروح المفتوحة: تسمح للدم بالتسرب من الجسم الى الخارج.
هذا الصح

[بنت راشد]

اسلوب اﻻسئله غبي نفس هالدكتورين حسبي الله عليهم ..حتى باﻻجازه موقادرين نرتاح منها ومنهم

[ghanimrh]

علشان تعرفوا الدكتور اذهبوا الى محاضرات الادمان ... سوف تكتشفون طريقة الاسئله

في سؤال سهل جدا بس من كثر ماحاسني الله يحوسهم اثنينهم ضيعت ووقف عقلي

لابارك الله بالضيق

[ابو وفا]

الدكتور عنده مشكلة في اللغة العربية ههههههه من جد ....هو كان قصده يمزح معنا بس ، وتطور المزح الى استهبال ثم الى .................

[ليااااال]

احمرار والم في الجسم

هذا الخيار غير موجود بالخيارات

[قادم]

بسم الله ولجنا

وش فيكم
:16.jpg::16.jpg:

السؤال واضح أعزائي الطلبة
السؤال يقول تنقسم الجروح ... و الجواب كما هو معروف
مغلقة و مفتوحة
وعلى حسب الاختيارات
لا شيء مما ذكر
لو كان السؤال
من أقسام الجروح .... أكيد نختار المغلقة
مسئلة فهم سؤال بس

[reaching higher]

هذا الخيار غير موجود بالخيارات



موجود بالخيارات ... بس هذا تبع الدرجة الثالثة (يقول الم بالجسم) ...

المشكلة صياغة الاسئلة فيها اخطاء لغوية و صار كل واحد يفسرها شكل من عندة ...... اغلبنا جاي حافظ بس اختار حل مختلف بناء على ترجمتة للسؤال .....

الاسئلة يبيلها ترجمة ثم حل ... اللة يسلمكم

[البوعينين1]

لا شي واضحه الجواب لا شي مما ذكر لان لو قال من انواع الجروح يمكن تكون مغلقه :d

[فيرزاتشي]

بسم الله ولجنا


وش فيكم
:16.jpg::16.jpg:

السؤال واضح أعزائي الطلبة
السؤال يقول تنقسم الجروح ... و الجواب كما هو معروف
مغلقة و مفتوحة
وعلى حسب الاختيارات
لا شيء مما ذكر
لو كان السؤال
من أقسام الجروح .... أكيد نختار المغلقة

مسئلة فهم سؤال بس

ياسلام انا كمان اخترت لاشي مما ذكر :(204):

والله سوال يلخم :icon120:

[الريمي Q8]

ههههههههه ياحليله هالدكتور بيستذكي ولا يدري وشلون ياذاك اني جايب سوال شاطح بيقلد المطر
من شاف شرحه عاف الماده بكبرها

[منصور11]

تبغون الصراحه انا نسيت ايش اخترت هل كتبت مغلقه او لاشي مماذكر هههههههه لان السؤال واضح يقصد درجة السؤال هذي ماراح تاخذوها :41jg:

[X2XO]

اتوقع يقصد النزيف الداخلي بحاله الجروح المنغلقة
وبهذا يكون المنغلق صحيح والله اعلم

[البروفسورة]

اساسا السؤال مو القصد منه (الجروح )

القصد منه (الكسور )ولكن حط الجروح عشان يسوي فيها السؤال الغامض المباغت يشوف من اللي مركز

ولان اسألة الدكتور بعضها غامض وماهي مباشرة

وللأسف القصد من بعضها مو علمي وفي افضل الحالات ممكن نسمي الهدف مهارات تفكير

لو كان حطوا الاختبار مهارات تفكير يناسب لان فيها وتحليل ونقد وتصنيف ..


وجواب السؤال ( لا شيء مما ذكر _ لان المغلق والمفتوح تنطبق على الكسور وليس على الجروح )

[البروفسورة]

وتعقيبا على الجروح

الجرح في نزيف داخل وخارجي

لكن الجرح موجود لكن نوع الجرح اما داخلي او خارجي

انا بروح اسجل طب ( :

فهي اساسا مهارات تفكير وتحليل وتركيب وتسذا

[يسر يارب]

حسبي الله عليهم وبس:41jg: الحين مطر غزير ويارب استجيب دعائي في الدكتور المحتال فيهم:sm1::139:

[fatifatooma]

اتوقع الاجابه واضحه ... الجواب مغلقه.... لانه هي من اقسام الجروح وهو ماكتب المغلقه فقط

[sweet_rawan]

سؤال واضح منةاقسام الجروح وذاكر خيارات مهما كانت الخيارات مايصير تختا نوع واحد
فالاجابه لاشيء
لووتراجعون قبل لاتسلمون الورقه بتشوفون الهباال وتصححونه
هههههههههههه

[مررووه]

الجواب

مغلقه لا تزعجونا


اللي حاط لاشيء مما ذكر ايش يحس فيه


ماذكر قدام عينك مغلقه

[مجتهد 2014]

من المعلوم ان أسئلة اي اختبار تكون مقياس لمحصلة الطالب ومدى مذاكرته للماده ولاكن مع هذا الدكتور وجدنا العكس انها اسئلة خداع وتحريف في العبارات فهذا يعكس نفسية الدكتور الا وهو لماذا ينجح الطالب لا يعلم انه بهذه الطريقة لن يجني منها الا دعوات في جوف الليل تشوش حياته كما شوش على طلاب لا يريدون سوى الترقية للموظف والتوظيف لمن ليس لديه وظيفة والشهاده لمجرد الشهاده

[مجتهد 2014]

من المعلوم ان أسئلة اي اختبار تكون مقياس لمحصلة الطالب ومدى مذاكرته للماده ولكن مع هذا الدكتور وجدنا العكس انها اسئلة خداع وتحريف في العبارات فهذا يعكس نفسية الدكتور الا وهو لماذا ينجح الطالب لا يعلم انه بهذه الطريقة لن يجني منها الا دعوات في جوف الليل تشوش حياته كما شوش على طلاب لا يريدون سوى الترقية للموظف والتوظيف لمن ليس لديه وظيفة والشهاده لمجرد الشهاده

[روز نجد]

تفاجأت توني كتبت رد فيه موضوع أقول ماحد تطرق للسؤال

طلع فيه موضوع كامل فيه وأنا نايمة

من جد غريب هالسؤال وأنا حليت مغلقة وعلى رب العالمين

[زهرة البيلسان 2]

الاجابه الصحيحه
1- الجروح المغلقه
2- الجروح الجافه
3- الجروح الغير جافه
4- لاشي مما ذكر

الاجابه الصحيحه :
الجروح المغلقه

لو تركزون بالخيار الثاني والثالث
كاتبين الجروح الجافه والغير جافه >>>>>> قصدهم التشويش عالطالب
هذي موب جروح
الصح هي الحروق الجافه والغير جافه >>>>> يعني ليست من الجروح

[ريمووونا]

انا جاوبت لاشي مما ذكر

صياغة السؤال كانت تقسم الجروح الى قسمين ركزو قال قسميييين

ماقال قسم واحد

والاجابه الصحيه لو وضعها لاخترتها اللي هي المغلقه والمفتوحه =( << الزبد راسي صدع من كثر الضغط اللي جاني وقتها