اذا كان تخصصك إدارة مكتبية وحاب تعادل مواد ... تفضل

[alamir07]

بسم الله الرحمن الرحيم
السلام عليكم ورحمة الله وبركاته


نظراً لكثرة المواضيع بخصوص معادلة المواد وكثرة التخصصات والجامعات
والواحد مو عارف وش الطريقة
فحبيت اسوي هذا التجمع الخاص لخريجي الكلية التقنية
تخصص إدارة مكتبية
لنستفيد من تجارب بعض وخبراتنا

وعشان كذا اي واحد يقدر يفيدنا في المواد اللي تمت معادلتها له من قبل
او طريقة اختيار المواد او بمعنى اصح المواد اللي فرصة معادلتها اكثر من غيرها

وأنا عن نفسي حاولت اشوف المواد المتشابهة وعجزت ..
فيا ليت تفيدونا لأن الموضوع كله على بعضه يومين وتنتهي مدة المعادلة .


بإنتظاركم !

[M-R]

مشكور على هذا الموضوع،،، بس انا عندي دبلوم إدارة اعمال من كلية المجتمع؟
تقدر تفيدني،، وشاكره لك

[Ahmad1988]

هم فتحوا معادلة المواد بس كاتبين للفصل الدراسي الاول من العام الجامعي 1435/1436
شقصدهم ؟ انا توني مخلص المستوى الاول هل يمديني اعادل للمستوى الثاني او راح يعادلون لي في المستوى الثالث لان انا ما قدمت على المعادلة وقت اللي فتحوها في المستوى الاول ؟

احترت صراحه

[د.عبدالرحمن]

طيب والي شبكات

[ريمان حسن]

مرحبا
عندي سوال بخصوص المعادلة هل الى جميع الجامعات اللي عن بعد مثل الجامعة العربية المفتوحة هل يوجد معادلة لها؟

[بو باسل]

يعطيك العافية على هالموضوع

أنا خريج كلية تقنية تخصص أداره مكتبية واللي سمعته ان لابد تجيب السجل الأكاديمي مختوم
وتجيب وصف للمقررات بعد مختوم .

وياليت اذا فيه احد عادل يفيدنا ويكسب أجرنا

[ǺĽ ẕeeห]

اذا كانت موادكم نفس المواد ب جامعه الملك فيصل و نفس عدد الساعات :

تقدرون تعادلونها ان شاء الله "

ومواد الدبلوم اذا كان المعهد معترف فيه فـ بإمكانك المعادله "

كلام مهم "



1/ أن تكون المادة من المواد الموجودة في الخطة الدراسية لتخصصك:



معنى ذلك أنك لاتستطيع معادلة مادة ليست موجودة في الخطة الدراسية لتخصصك ، حتى وإن كانت هذه المادة موجودة في تخصص آخر في الجامعة .



2 / تماثل عدد الساعات :



يجب أن تتساوى عدد ساعات المادة التي نجحت فيها في جامعتك أو كليّتك السابقة مع عدد ساعات المادة التي تريد أن تعادلها في جامعة الملك فيصل أو أن يكون عدد ساعاتها أكبر من عدد ساعات المادة المماثلة لها في جامعة الملك فيصل .



3 / التقديم في الموعد المحدد لمعادلة المقررات :


التقديم على معادلة المواد يوجد له تاريخ بداية ونهاية ، وهذا الموعد تستطيع معرفته من خلال دخولك على التقويم الدراسي .



4 / أن تكون المواد التي تطلب معادلتها في تخصصك موجودة في المستوى الثاني فأعلى :



المواد التي تدرسها في ترم القبول (الفصل الدراسي الذي تم قبولك فيه) هي مواد إجبارية يجب أن تدرسها حتى وإن كنت ناجح فيها في جهة دراسية أخرى بدرجات عالية .



حين تقدمك لطلب المعادلة يجب أن تنظر إلى الخطة الدراسية لتخصصك ، وتبدأ في إختيار المواد الموجودة في المستوى الثاني في الخطة الدراسية وتتقدم بمعادلة ما نجحت فيه سابقاً منها .



بعبارة أخرى : مواد ترم القبول هذي انساها ماراح تتعادل لك حتى لو كنت ناجح فيها من قبل ، لازم تدرسها .



5/ أن لايقل معدل المواد التي تريد التقدم بمعادلتها عن c



المواد التي نجحت فيها بتقدير أقل من c لاتتم معادلتها .


6/ المعادلة تكون كحد أقصى لـ 15 ساعة فقط وليس أكثر من ذلك .

[تركي الجهني]

يا شباب انا خريج

كلية ينبع الصناعية وعديت الترم الاول من ادارة اعمال

الان يمديني اعادل المواد

وايش المطلوب وياليت تفيدوني بالرابط

ومتى اخر موعد للمعادلة

[alamir07]

lعذروني على التأخر في الرد

هذا موضوع يجيب على كثير من اسئلتكم حبايبي

http://www.ckfu.org/vb/t542157.html

[alamir07]

نكرر ...

اللي يقدر ي شباب يفيدنا اكثر يا ليت ما يبخل

لما سويت مقارنة ما طلع معي غير مادة وحدة بس وهي
(إدارة الجودة)

اذا في مواد ثانية يا ليت تفيدونا

[abushahd2001]

شباب ممكن يعادلون دبلوم موارد بشرية من الغرفة التجارية

[britney L]

طيب انا دارسه سكرتاريه من معهد الاداره العامه

ومافي مجال اعرف توصيف المقررات لمواد لجامعه فيصل

عشان اعرف اذا المواد نفسها او لا