هاشتاق الاعتراض على تغيير تخصص إدارة اﻷعمال

[أبو فهد1]

السلام عليكم .. اخباركم أخواني واخواتي طلاب التعليم عن بعد /إدارة اﻷعمال
ماأبي أطول عليكم هذا هاشتاق للإعتراض على تغيير التخصص
#جامعة_فيصل_تغير_تخصص_طلاب_إدارة_اﻷعمال
آمل منكم المشاركة والتفاعل في هذا الهاشتاق ولن نقف عند هذا الحد بل سيصعد الموضوع ﻷعلى المستويات .. وتقبلوا تحياتي..

[قـورجـس ♛]

جزاك الفردوس الاعلى

[أبو فهد1]

جزاك الفردوس الاعلى

وياك اختي . ومانتمناه هو تفعيل الهاشتاق . من الجميع . . ﻷن المصلحة للجميع .

[أبو فهد1]

ننتظر تفاعلكم على تويتر وعلى الهاشتاق اللي فوق .

[رينيه ديكارت]

اخي الكريم

شكرا لك لتفاعلك الطيب

وامل منك المشاركة بنفس الموضوع حتى لانشتت الاعضاء ويكون كل مايخص الموضوع في مكان واحد

http://www.ckfu.org/vb/t543930.html

[أبو فهد1]

اوكي اتفقنا . بس حاليا واﻷهم هو المشاركة بالهاشتاق بكل فاعلية وارسال رسائل للفريدان . ﻹرجاعه عن هالقرار النكبة . ترى في المنتدى محد درى عنكم . تعالوا نشوف تويتر اﻵن . ومعليش ازعجتكم بس من القهر اللي فيني من تغيير هالتخصص :(282):

[نايف السعد]

الله يعطيك العافية يابوفهد راح تعبنا على الفاضي اول مرة اسمع تخصص إدارة سادة كذا
شيكت كل الجامعات ماعندهم التخصص ذا

[أبو فهد1]

ويعافيك اخوي نايف . ماراح يكون تعبنا كذا إذا أجتمعنا كانت كلمتنا وحده . وتو الدكتور الفريدان رد ويقول ان مجلس الكلية هو من يحدد ويش يكتبون فيها وموعد تسليمها . ولو نتفق نجتمع كلنا ونروح لهم . تعب يوم ولا ضياع مستقبل .

[وداع الروح]

طيب وش السالفه فهمونا

[أبو فهد1]

اي سالفة اخوي وداع الروح .
السالفة ومافيها اننا كنا بكالريوس ادارة اعمال تخصص ادارة اعمال
والحين صرنا تخصص ادارة فقط . وهذا مشكلة من عدة جوانب لعل اهمها :
ان المقررات اللي درسناها مقررات لتخصص ادارة اعمال وليست ﻹدارة فقط
وثانيا اننا يوم قدمنا عليهم كان التخصص ادارة اعمال ويوم قرب التخرج يصير إدارة فقط حنا مانبي هالتخصص .
ثالثا والنكبة انه غير مصنف في تصنيف الوظائف في الخدمة المدنية لدرجة البكالريوس ﻹدارة اﻷعمال .
فعشان كذا ياليت نجتمع ونحدد يوم ونروح نراجعهم كلنا بدون ماحد يتكل على احد . الجميع لازم يحضر عشان تنتهي هالسالفة الناكبة للمستقبل . أتمنى فهمت وش السالفة :019::biggrin:

[ميلاد دمعي]

جزاكم الله خير

[يوما ما]

شباب ..


اعتقد نحتاج نبحث بالموضوع اكثر ونتعمق لتكون الحجه قويه ..

مثلا الاتصال على الخدمه المدنيه والاستفسار منهم مباشره ..
التواصل مع مدراء الشركات الخاصه والحكوميه ..
ومعرفه مددى قابليه تخصص اداره (حاف ) عندهم ..

وهل نحن الجامعه الوحيده اللتي تخرج هذا المسمى من التخصص ..

ومدى ضرر القرار على الطلاب الموظفين الساعين للترقيه .. والتي تتطلب تخصص اداره اعمال ..

وايش هدف الجامعه من التغيير مع العلم ان المواد اللي درسناها هي نفس المواد وان اختلفت بالمسمى .. فهي تتشابه بالمضمون مع المواد التي درسوها تخصصات اداره اعمال في جامعات اخرى ...

ابي اعرف ادق التفاصيل حتى لا تسكتني المبررات الدفاعيه الواهيه واميز الواقعيه منها ..

والله يكتب لنا الخيره ..

[MOHAMMED.M.A]

جزآكم آلله كل خير ،، و سدد خُطآكم

[FaHoOoDe]

تم الدعم
وتوجيه الهاشتاق للعميد ومدير مكتبه

[أبو فهد1]

اختي يوما ما . الله يعطيك العافية ولكن في الخدمة المدنية غير مصنف بالوظائف تخصص الادارة لدرجة بكالريوس ادارة الاعمال . اما الجامعات الثانية مالنا علاقة فيهم . طلابها مقدمين على تخصص ادارة فقط . اما حنا مقدمين على تخصص ادارة اعمال مو ادارة . ومو من حقكم تغير تخصصي اللي انا قدمت عليه ووافقت لي انت وترى مقرراتنا اللي ندرسها مقررات لتخصص إدارة الاعمال مو إدارة . لا تتنازلون عن حقكم ياطلاب ادارة الاعمال . حتى لو نضطر نرفع قضية .

[أبو فهد1]

تسلم اخوي فهودي على دعمك ومانستغني عنك طال عمرك:d5:

[أبو فهد1]

الله يعطيكم العافية جميعا ولا يضيع لكم تعب يارب ياكريم ..
غرد قبل شوي الدكتور عبدالله الفريدان

[مسك الخيال]

احس. الموضوع. مو. واضح. لنا. جميعا. حبايبي. ديوان. الخدمة. اذا. كان. مو موجود. تصنيف. الاادارة. لديها. فقط مجرد. رفع. بسيط. من. الجامعة. ويضيفون. الاادارة من. ضمن. التصنيفات. فماالمانع. ان. يكون. لنا. تخصص في. هناك في كلية. الاعمال والادارة. تخصص. حاسب. تخصص. محاسبة. وموارد. بشرية. كنا. نحن الاانتساب. من. غير. تخصص. الان. وضع. لنا. تخصص. هاذي. كل. السالفة.

[أابو ميس]

احس. الموضوع. مو. واضح. لنا. جميعا. حبايبي. ديوان. الخدمة. اذا. كان. مو موجود. تصنيف. الاادارة. لديها. فقط مجرد. رفع. بسيط. من. الجامعة. ويضيفون. الاادارة من. ضمن. التصنيفات. فماالمانع. ان. يكون. لنا. تخصص في. هناك في كلية. الاعمال والادارة. تخصص. حاسب. تخصص. محاسبة. وموارد. بشرية. كنا. نحن الاانتساب. من. غير. تخصص. الان. وضع. لنا. تخصص. هاذي. كل. السالفة.

اختي مسك الخيال

السالفة مو سالفة وضع تخصص وانتهينا ...

السالفة إن دفعتي فلوس وراح تدفعين فلوس وتدرسين مواد شاملة في إدارة الأعمال منها :
إدارة ومحاسبة وتسويق واساليب كمية ونظم معلومات واقتصاد.

واضافة إلى دفعك فلوس على هذي المواد راح يتم تقييم درجاتك ومعدلك التحصيلي بناء عليها .

وبالاخير يكتب في وثيقة تخرجك ( إدارة ) , يعني جزء بسيط جدااااا من المواد اللي درستيها ودفعتي فلوسك عليها .

يعني لو رحتي محل ودفعتي فلوس قيمة عشر قطع
ما اظن انك راح تقبلي باستلام قطعة واحدة وانتي دافعة فلوس عشرة .

[أبو فهد1]

يعطيك العافية اخوي ابوميس على هالشرح الممتع والله يوفقكم جميعا

[محمد1001]

الله يعطيك العافيه يا ابو فهــد .. وبيض الله وجهك

[أبو فهد1]

ووجهك اخوي محمد ويعطيكم العافية على التفاعل اللي ان شاء الله راح يجيب نتيجة

[أابو ميس]

يعطيك العافية اخوي ابوميس على هالشرح الممتع والله يوفقكم جميعا

الله يعافيك اخوي ابو فهد1

تم التفاعل ,, وايضا نشر الهاشتاق في المنتديات الاخرى وعبر رسائل الواتس أب والبلاك بيري :(204):

[أبو فهد1]

تسلم اخوي ابو ميس والله يبض وجيهكم جميعا . ننتظرهم لبكرا ونشوف وش بسوون . والله ييسر اﻷمور

[نواسي]

بغض النظر عن صلاحية هالتخصص وقبوليته في السوق
احنا مقدمين على إدارة أعمال ..
وليس على إدارة

معاكم بعون الله
الله يقويكم ..

[أبو فهد1]

كلامك صحيح اخوي نواسي . مانبي الا تخصصنا اللي قدمنا عليه

[أبو فهد1]

بتغريدة الدكتور ملفي الرشيدي اﻷخيرة تلميح إلى أن.كل شئ راح يرجع الى ماكان عليه . نتمنى ذلك ياااارب

[أبو فهد1]

الف مبرووووك على ارجاع التخصص . واشكر كل من شارك واتصل وماهي غريبه عليكم ..

الحمد لله هم وإنزااااااح:(204):